+ الرد على الموضوع
النتائج 1 إلى 17 من 17

الموضوع: طايره بعد ايام بس وللحين ما استقريت على جدول برامج ساعدوني

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    طايره بعد ايام بس وللحين ما استقريت على جدول برامج ساعدوني


    السلام عليكم

    شلوونكم


    بدخل دايريكت ,,

    الحين انا جمعت مليون شي من كل صووب و سويت بالوورد لكل منطقه بزورهاا حطيت كل برامجهاا
    من مطاعم و حدايق و شواطئ و جبال و كل شي ,,

    طبعا من تقارير الاعضاء و نصايح البعض ,,

    افتر مخي ,,

    ابي ارتب لي جدول بس مب عارفه شلون ارتبه
    يعني مادري شلوون بتكون المسارات
    اخاف اقول ابي اروح مكانين مثلا و يقولي السواق هذا بعيد عن هذا ,,

    مابي اتوهق و اللغه مو لي ذاك الزوود عندي
    هم مابي ينقص علييي و ياخذون علي مبلغ مبالغ فيه ~

    ابيكم تقولون لي مستوى الاسعار للسواقين

    بما اني بنزل جاكرتا و بطير على طول بالي

    اختار من بالي سواق خاص مثل ماقلتو هذا الافضل ,,
    انزين وين احصل سواقين زينين و جم اسعارهم لليوم الواحد
    وهل اقدر اتفق معاه ان ياخذني كل يوم للاماكن اللي ابيها لمده 7 ايام ,,
    لان اخر يومين بنروح نقعد في فيلا ,, و حبيت ان نستقر فيهاا ومابنطلع الا حق الشواطئ القريبه او العشاا ,,,

    عقب بالي 9 ايام بنرجع جاكرتاا و نبي نروح باندونق على طوول
    شلون ناخذ سياره تودينا لباندونق ؟ في المطار نقدر نحجزز سياره تاخذنا على باندونق ؟ بنقعد فيها يومين ,,
    واذا ان شاء الله حصلنا سياره من جاكرتا الى باندونق ,, هل نفسها هي بترجعناا بعد يومين لجاكرتاا ؟ ,, او نضطر ان ندور سياره ثانيه ؟؟ و بجم اسعارهم

    سواقين جاكرتا مثل ماقلتو افضلهم بلو بيرد صح ؟ و بكم اسعارهم عشان اعرف اللي يقص علي و اللي يتضرب
    لان اول مره برووح ,,


    يمكن اقدر الاقي اجوبه بالمنتدى على اسألتي ,,
    بس مايمديني ادوور كل شي خصوصا ان باقي على سفرتي 5 ايام بس ,,

    والله صادتني حووسه و خطيبي بـااااااااااااااااااااارد عى الاخر
    و يقولي انتي كل ذابحه روحج من كثر ما تحاتين

    ساعدوني ربي يعافيكم

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    بخصوص السائق في بالي هذا اقتباس من رد للاخ صقيع ويمدح فيه وتقدرين تتصلين عليه من الان وتنسقين معه








    المشاركة الأصلية كتبت بواسطة صقيع
    http://www.arabtravelersforum.com/tr...9/#post3901979

    هذي ياعزيزي صوره السواق ورقمه








    بالنسبه للعوده من بالي بما انكم بتروحون على طول من مطار جاكرتا لباندونق ليه ما تخلون العوده من بالي لمطار باندونق وبعد ما تنتهون من باندونق تروحون بالسياره لجاكرتا افضل لكم

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    خلاص نخليها من بالي الى باندونق بالطياره ,,
    والرجعه من باندونق الى جاكرتا بالسياره ,,
    بس وين نقدر نحصل السياره ؟

    الحين انا كتبت لي برامج لباندونق هي كلها يومين عاد مادري تكفي نزور اماكن هذي
    طبعا هي اقتباس من موضوع اخونا العزيز المعري و غيره ,,

    لاهل الخبره ,, ياليت ترتبون لي شلون اروحهم هالاماكن ؟؟
    و هل تكفي يومين لهذي الاماكن او احذف اشياء منهاا ,, و اذا عندكم مكان اقدر اروحه يكون حلو و قريب من احد الاماكن اللي كتبتهاا ..

    بخصوص السواق هذا ياخذني لكل مكان في بالي ؟؟ ولا بس بمنطقه معينه ؟؟


    وهذا برنامجي لباندونق ليومين فقط من تاريخ 28 الى 30 ,,

    ___________________________________________


    باندونق


    الفندق
    جايا كارتا ,, شمال باندونق على ما اعتقد ,,


    الاسواق المراد زيارتهاا :

    kings shopping center
    في وسط البلد ويشبه أسواق البطحاء لدينا مع الفارق وهو لهواة الأسواق الشعبية وأسعاره جدا زهيدة ويبيع المنتجات الجلدية من شنط نسائية وأحذية والكثير الكثير ويقابله أسواق متهاري وترتبط معه بجسر علوي ويوجد عدد من المطاعم السريعة مثل كنتاكي ومكدونالدز ودنكن دونت وغيرها ويشتهر بشارع تشيمي بلاس لبيع الجينز ويوجد فيه مماشي لا تدخلها السيارة ..

    شارع الجينز (تشيمي بلاس )
    من أفضل أماكن التسوق في باندونق حيث تجد في هذا الشارع المنتجات من الجينز من بنطلونات وجاكتات والكثير من الملابس الرجالية والنسائية والأطفال وتعتبر خامات البضائع ممتازة وكذلك الأسعار جيدة وتمتاز المحلات التجارية بوجود المجسمات الجمالية على واجهة المحلات مما يعطي هذا الشارع ميزة عن الشوارع الأخرى وأنصح جميع من يزور باندوق المرور على شارع الجينز..

    سوق الجينز
    وهو بالمناسبة أرخص من شارع الجينز لكن البضاعة نفسها ..

    محلات الفاكتوري آوت لت..
    سوق بزار بارو .
    . سوق جميل ورخيص في وسط البلد ..

    الاماكن المراد زيارتهاا:

    () شلال سيماهي الجميل ()
    على بعد حوالي 45 دقيقة من باندونق توجد منطقة جميلة أسمها سيماهي ويوجد في هذي المنطقة شلال جميل
    curug cimahi

    ***البرنامج السياحي لمنطقة تشيبودي :

    1) مزارع الشاي

    2) بركان(كواه بوتيه)

    3) البحيرة الحالمة (سيتو باتنجن) _ بحيرة الضباب الكثيف (بحيرة بادنقان )
    ملاحظة عابرة .. درجة الحرارة عند البحيرة في عز الصيف 10 درجات مئوية لذا يرجى أخذ ذلك بعين الاعتبار لمن معه أطفال.

    نتجه الى تشيبودي في الجنوب الغربي على بعد حوالي الساعة والنصف وهي منطقة جبلية رائعة وباردة وفيها منتجع سندانق ررت مكان رائع وسعره مناسب جدا
    المنطقة فيها بركان وفي فوهته بحيرة بيضاء اللون وعند النزول لها احذر ان أحسست بالنعاس فجأة فغادر المكان فورا لأنها أول علامات التسمم بالغازات المنبعثة من البحيرة
    ويوجد بالقرب من المكان برك للمياه الحاره وبحيرة عذبة محاطة بالأشجار من كل جانب واحرص خذ لك جولة بالقارب داخالها فالمناظر خرافية ولا بالأحلام وستدعي لي ان شاء الله
    أيضا يوجد مزارع للشاي على طول الطريق والجو في منطقة تشيبودي فرش ورائع وبارد خصوصا في الليل فاحرص "دفي روحك"


    مطعم كامبونق دون وبقوة حيث الشلالات والطبيعة الحالمة

    بعد مازرنا أغلب معالم باندونق وشر رأيكم نتوجه شمالا الى البركان مرورا بلمبانق وهي قرية صغيرة تبعد حوالي 20 كم عن وسط باندونق وكانت فيما مضى تستخدم كمنتجع ومصيف من قبل الهولنديين لصفاء هواءها وارتفاعها عن سطح البحر(1500 م)


    ستمر على مزارع للشاي مترامية الأطراف برأيي أفضل من الموجود في البنشاك قبل الوصول الى بركان تانكوبان براهو خلونا نستعرض بعض الصور من خلال طريقنا

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني


    بالتوفيق إن شاء الله ورحله سعيده

    باذن الله ذاهب شهر عسل بتاريخ 6 يوليو 25 / 7

    كلمت احد اصحاب الشركات السياحيه في اندنوسيا

    واعطاني اسعار السائقين وهيا كالتالي :

    سعر السيارة مع السائق شاملة للمصاريف لليوم الواحد
    1- جاكرتا 550 الف ربية

    2- باندونق : 600 الف ربية
    3- بالي 400 الف ربية
    4- الجبل : 500 الف ربية

    اتمنى تفيدك هذه الاسعار واعتقد مناسبه .

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    الله يكون بعونج أختي والله حاسة بشعورج وحوستج هذي حالتنا دايما احنا نحاتي ونفكر ونخطط و...الله المستعان


    بالنسبة لباندونق والله ماعتقد يومين يكفون كل هالاماكن هذي كلها..بس يعتمد عليكم انتوا شنو مودكم تبون سوق او

    منتزهات..بس طبعا اللي لا تفوتونه مارحت له بس متحمسة له مطعم كامبونق دون أجوائه حلوة ورومانسية والله اتمنى

    اساعدج باللي اقدر عليه ونصيحة ولو انها صعبة شوي ريحي بالج ولا تفكرين وتشيلين هم خليها على الله توكلي على

    الله واتمنى لج شهر عسل كله عسل والله يوفقكم ويهنيكم ويرزقكم الذرية الصالحة يارب ولا تنسينا بآخر الاخبار.


    تروحون وترجعون بالسلامة

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    تاكدي ان البرامج راح تكون كثيره سواء في باندونق او غيرها ولا تستطيعين زيارتها كلها في مده قصيره ويمكن تزورين موقع ما يعجبك لكنه اعجب غيرك فانتي اختاري اللي تشوفينه مناسب لك

    انصحك تطلعين على موضوع الاخت قلوب مسافره رحمها الله وغفر لها ولجميع المؤمنين زيارتها لباندونق اتوقع يناسبك والله يوفقكم

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    عزوز جده

    تسلم الشيخ ماقصرت والله
    خلاص بسيف الارقام و بعطي خطيبي يتصررف


    كويتيه رحاله
    فديتج والله ماقصرتي ,, ماشاء الله عليج مافي موضوع احد يطلب مساعده الا وانتي توقفين بالصفوف الاولى للجواب
    بميزان حسناتج ياربي ,,
    انا في بالي ان باخلي باندونق للتسوق بس ..
    لكن خاطري اجووف طبيعتهاا شووي
    ابي احد يرتب لي شي بسيط ,, لو شلال و مزرعه اناناس او فراوله بس ,,
    او بحيره ,, و الباقي سووق بس ماعرف ارتب شلون روحتهم ؟؟

    وعلى قولتج اريح بالي
    انا بحاول مع اني مب قادره ماباقي شي
    ويعطيج ربي الف عافيه


    الغامدي

    تسلم ماقصرت على النصيحه ,,
    ومثل ماقلت يمكن ماتعجبني كل البرامج ..
    بس ودي اروح شلال او بحيره و وحده من المزارع اما اناناس او فراوله
    خاطري اكلهم فريش هههههه ,,

    رايحه اطل على تقريرها
    ربي يرحمها و يغفر لها ان شاء الله

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    pinkeez

    الله يعينج اختي ويعيتج اكثر واكثر على ريلج
    انتي من النوع الحار وهو بااارد والدنيا بعدها بخير عنده لوول

    بالنسبة لبالي ما ابي اعطيج رقم السواق اللي تعاملت معاه ذيج المره
    صج اهوه زين ويسولف ويعرفج على الديره بس حسيت اني ما شفت شي في بالي احسه من النوع الكسول
    عشان جذي دورت لي واحد ثاني على هذي السفره

    اذا حبيتي تتعاملين مع السواق اللي بتعامل معاه هالمره بعطيج رقمه
    لاني هالمره دورت وقريت وايد عنه
    وهو ياخذ بالمواعيد
    ويوميته 350 الف روبيه
    وهو بيقترح عليج برنامج واذا ما عيبج
    عطيه البرنامج اللي عندج
    بس اهم شي ما تسوين برنامج في الشرق والغرب في يوم واحد
    حاولي تنسقين

    تحياتي لج اختي

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    كيفي بحرينيه

    اففف انه بـاارد هههههه
    انا تره مب حااره بس هو خلاني استوي شرار ,,

    يالله هذاني قاعده احاول ارخي شووي ,,
    المشكله ان في بالي مليون مكاان و مب عارفه انسق بينهم ,,
    يعني هني الوهقه اخاف مكان يكون شرق و مكان غرب و السواق يقولي مايصير و اتوهق حزتهاا ~ !!

    احين شقلت باسوي
    باكتب كل الشواطئ مال بالي
    و الشلالات و الاماكن اللي تستحق الزياره
    ولين رحت هنااك بعطي السواق وهو يتصرف شلون يوديناا لهم بكل يوم ,,
    يعني هو اخبر بطريقه الروحه لكل مكان ,,

    عطيني رقم السوااق ,, يمكن يفيدني ,, لان بخذ ارقام كم واحد
    وبشووف في النهايه من بيعطينا ويه هنااك ,,
    تسلمين يالغاليه ماقصرتي ^^


    صقيع

    يا هلا و يا مسهلاا
    انت اصلا منقذي هههههه
    انا راجتك بالاسأله بتقريرك وهالمره انت لحقتني ,,
    تحمل اللي بيجيك عيل ’’

    لا لا اتغشمر ,,

    اخوي انا ماباروح الجبل ’’ كنت مكنسله روحته لان كل شباب و احسه مكان لوناسه الشباب مو شهر العسل ’’
    وبعد تقرير اختي قلوب مسافره ربي يرحمها و يغفر لهاا ان شاء الله ’’ حطيت × كبييير عليه بعد ~ !!

    احين رحلتنا بتكون بالي 9 ايام - باندونق يومين - جاكرتا 3 ايام ,,

    بالنسبه لبالي ,, البرامج مشحوونه عندي بس باقي انسقهاا و مو شايله همها لان هي اصلا بتكون اكثر مكان نقعد فيه ’’
    يعني ان شاء الله مابنفووت شي ,,

    اما باندونق ’ بعد التفكير استقريت ان يكون يومين للتسوق ,,
    مع زياره لبعض الاماكن ,,

    امـاا ,,

    * تشيبودي في الجنوب الغربي على بعد حوالي الساعة والنصف وهي منطقة جبلية رائعة وباردة وفيها منتجع سندانق ررت مكان رائع وسعره مناسب جدا
    المنطقة فيها بركان وفي فوهته بحيرة بيضاء اللون وعند النزول لها احذر ان أحسست بالنعاس فجأة فغادر المكان فورا لأنها أول علامات التسمم بالغازات المنبعثة من البحيرة
    ويوجد بالقرب من المكان برك للمياه الحاره وبحيرة عذبة محاطة بالأشجار من كل جانب واحرص خذ لك جولة بالقارب داخالها فالمناظر خرافية ولا بالأحلام وستدعي لي ان شاء الله
    أيضا يوجد مزارع للشاي على طول الطريق والجو في منطقة تشيبودي فرش ورائع وبارد خصوصا في الليل فاحرص "دفي روحك"

    يعني احس هاي ضامه عده اشيااء

    او ,,

    * () شلال سيماهي الجميل ()
    على بعد حوالي 45 دقيقة من باندونق توجد منطقة جميلة أسمها سيماهي ويوجد في هذي المنطقة شلال جميل
    curug cimahi

    وين ترشحون اروح له ؟؟ ,,

    جاكرتاا فيها وايد اشياء بعد ,, واهم شي عندي ازور منطقه انشول لان فيها كل شي تقريبا

    ,, والله حتى خطيبي امس يزفني يقولي مو نرووح هناك وتقعدين تحاتين لي و تفكرين ههههه ,,
    مشكله هذا طبع فيني و في البنات اغلبهم ,,
    بس بحاول ان شاء الله اخفف من هالسالفه

    لان يوم خطوبتي سويت حفله وحده ومن كثر ما كنت احاتي ان كل شي يكون حلو و مرتب و ماتصير اي مشكله
    ما احس اني فرحت من التعب كأني بس قعدت اصوور و اجابل الناس شوي و امشي ’’ واجب علي اسويه و انتهى ~ !!
    وبعدها تحسفت ,, يالله الحمدلله عدت على خيرر


    وماقصرتوا على النصايح يا اهل الخيرر ,,


    ملاحظه : السكن سيكون في فندق نوفوتيل في بالي و the villa Clup
    فندق جايا كارتا في باندونق ,, فندق نوفوتيل في جاكرتاا

    هل في احد له خلفيه عن هالفنادق ؟؟ للعلم تم الحجز من مكتب سفريات و قلنا لهم عرسان وكلهم 4 Star ..

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    الكل افاد الله ينور

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    ماتقصروون

    يعطيكم العافيهـ

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    اختي بينكيز اذا ملزمه علي باندونق لو وقتك قصير فخلي خط سيرك من بالي باندونق طياره بدل جاكرتا
    فيها مطار باندونق بس رحلاته محدوده تحجزين لها اول ما توصلين بالي افضل او يكون حجزك اساسا
    جاكرتا بالي باندونق
    ومن باندونق بالسياره تروحون جاكرتا
    مجرد راي بدون التدقيق في الايام والتفصيل لها

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    والله نوور موضوعي يا جاكااا
    عسااك بخيير بس ,,
    طمناا على حالك ..

    بخصوص باندونق اخووي بنقعد 15 يوم بدون روحه و رجعه يعني تكفي احس ,,
    بالي بروحها بنقعد فيها 9 ايام ,, و باندونق خصصتهاا لسووق بس قلت حرام نروح لها بس سووق
    اذا صار وقت بنمر كم مكان سواا بحيره او شلال او بركان ,, الخ
    واذا ماصار مالك الا فندق ^^

    ربي يشفييك ان شاء الله
    ماقصرت والله ,,

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    نوّرت المنتدى ياابو خالد بطلّتك البهيّه ربي يخليك لنا ما بعد كلامك الا بقايا عطره الله يسعدك حبيبي ماقصرت ولا هانوا الاخوان كفوا ووفوا يعطيهم الف عافيه ورحله سعيده وموفقه ياختي بينكيز في جنة الارض اندونيسيا وفي الجنه المجهوله بالي تحياتي لك اخوكم عاشق الشلالات ،،،،،

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    ياهلابك اخوي عاشق والمنتدي منوربوجود اعضائه الفاعلين والمثمرين مثلك وشرواك وبقيه الاخوان
    ا ختي بينكيز رحله موفقه يا غاليه انصحكم تمرين بفندق اسمه في اتش يونيفيرسال في باندونق واطلبي تشوفين اعلي نوع من الغرف عندهم الفندق مميز بشكله كانه قبه سوداء او قلعه سوداء اللون وهو علي طريق لمبانق وليس وسط المدينه وبقرب اسواقها
    ملاحظه رغم ان الذم كثر في وجهه وظهره بسبب كثره الشباب فيه وهو مقصدهم لقربه من جاكرتا يظل البونشاك رغم ابتعادي منذ سنوات الا عبورا به سريعا ليومين او اكثر بقليل اقول يظل من لم يزر البونشاك لم يعرف طبيعه اندونيسيا حقا كما ان من لم يزر بالي لم يعرف اندونيسيا حقا

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    اخووي جاكا

    تسلم الشيخ ماقصرت والله
    بس خلاص تم الحجزز ..

    يعني حجزناا 7 ايام بفندق نوفوتيل ببـالي و يومين بفيلا كلاب ,, هذيلا 9 صارواا
    بعدهاا باندوق فندق جايا كارتاا
    و بعدها جاكرتا فندق نوفوتيل ’’

    هذاا لان من مكتب سفريات ولان دار راسي من جمال الفنادق
    فأحترت و قلت لخطيبي شوف اللي يناسبك بس قبل لا تحجز خبرني عن اسامي الفنادق
    على الاقل اشوووفهم بالنت ,,

    و كل شي كان حلوو حسب نظرتي لهم ,, بس الله يستر من الحقيقه ’’
    و مثل ماقال اخوي نجم الكويت كثره التنقل تتعبناا و كلها 15 يوم اذا بنروح 4 مناطق ,, بتطيررر
    وشهر عسل يعني مانبيهاا دواره و فراراه كثيره ,,

    وتسلم على النصيحه ^^

    انا طبعت كل البرامج لبالي
    و لجزيره انشول بجاكرتاا ’’ بجميع برامجهاا
    و لكم مكان بباندوق و هذا اذا صار وقت بنزورهم ^^ ,,

    ان شاء الله نستانس و مايعكرناا شي ,,
    و اكيد الفنادق عندهم برامج للعرسان ,, بنشوف اللي عندهم بعد ’’

    اهم شي عندي اروح بالي و باقي المناطق زيارات خفيفه , ,

    يعطيك العافيه
    و ربي يشفيك ان شاء الله

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: طايره بعد ايام بس وللحين ما استقريت على جدول برامج ساعدوني

    من المطار الى بندونق اخدي سياره عند شركه سبيخنتي اول ما تطلعين من الصاله على اليمين 850000ربيه للسياره الخاصه وادا رغبتو للدهاب مع اشخاص اخرين تدفعين 135000ربيه ويوصلكم الى الفندق في باندونق اما العوده يكلفك 600000 من نفس الشركه طبعا لان الاول سعر مطار والاخر من وسط البلد وارجح السكن وبقوه في فندق استون تروبيكانا ولا تتردي

    فنادق عطلات


+ الرد على الموضوع

المواضيع المتشابهه

  1. ساعدوني ـ زيارتي قربت وللحين ما خططت لشيء ـ الله يوفقكم
    بواسطة Robot في المنتدى بوابة السفر إلى الإمارات U.A.E
    مشاركات: 3
    آخر مشاركة: 02-03-2015, 01:06 PM
  2. ساعدوني في جدول ثلاثه ايام لندن
    بواسطة Robot في المنتدى بوابة السفر إلى بريطانيا UK وإيرلندا Ireland
    مشاركات: 19
    آخر مشاركة: 01-22-2015, 01:11 AM
  3. هل لازم برامج اوفيس اصلية عند دخول الصين
    بواسطة Robot في المنتدى الصين هونج كونج المسافرون العرب دليلك السياحه و التجاره
    مشاركات: 2
    آخر مشاركة: 01-16-2015, 03:25 PM
  4. رحلة تايلند بعد شهر وللحين ما حجزنا الفنادق ساعدوني بليز
    بواسطة Robot في المنتدى بوابة السفر إلى تايلاند Thailand
    مشاركات: 3
    آخر مشاركة: 01-16-2015, 12:06 PM
  5. ساعدوني في تنظيم جدول لـ ايام في أمستردام
    بواسطة Robot في المنتدى بوابة السفر الى دول أوروبا الأخرى
    مشاركات: 2
    آخر مشاركة: 01-16-2015, 01:27 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X