السلام عليكم
شلوونكم
بدخل دايريكت ,,
الحين انا جمعت مليون شي من كل صووب و سويت بالوورد لكل منطقه بزورهاا حطيت كل برامجهاا
من مطاعم و حدايق و شواطئ و جبال و كل شي ,,
طبعا من تقارير الاعضاء و نصايح البعض ,,
افتر مخي ,,
ابي ارتب لي جدول بس مب عارفه شلون ارتبه
يعني مادري شلوون بتكون المسارات
اخاف اقول ابي اروح مكانين مثلا و يقولي السواق هذا بعيد عن هذا ,,
مابي اتوهق و اللغه مو لي ذاك الزوود عندي
هم مابي ينقص علييي و ياخذون علي مبلغ مبالغ فيه ~
ابيكم تقولون لي مستوى الاسعار للسواقين
بما اني بنزل جاكرتا و بطير على طول بالي
اختار من بالي سواق خاص مثل ماقلتو هذا الافضل ,,
انزين وين احصل سواقين زينين و جم اسعارهم لليوم الواحد
وهل اقدر اتفق معاه ان ياخذني كل يوم للاماكن اللي ابيها لمده 7 ايام ,,
لان اخر يومين بنروح نقعد في فيلا ,, و حبيت ان نستقر فيهاا ومابنطلع الا حق الشواطئ القريبه او العشاا ,,,
عقب بالي 9 ايام بنرجع جاكرتاا و نبي نروح باندونق على طوول
شلون ناخذ سياره تودينا لباندونق ؟ في المطار نقدر نحجزز سياره تاخذنا على باندونق ؟ بنقعد فيها يومين ,,
واذا ان شاء الله حصلنا سياره من جاكرتا الى باندونق ,, هل نفسها هي بترجعناا بعد يومين لجاكرتاا ؟ ,, او نضطر ان ندور سياره ثانيه ؟؟ و بجم اسعارهم
سواقين جاكرتا مثل ماقلتو افضلهم بلو بيرد صح ؟ و بكم اسعارهم عشان اعرف اللي يقص علي و اللي يتضرب
لان اول مره برووح ,,
يمكن اقدر الاقي اجوبه بالمنتدى على اسألتي ,,
بس مايمديني ادوور كل شي خصوصا ان باقي على سفرتي 5 ايام بس ,,
والله صادتني حووسه و خطيبي بـااااااااااااااااااااارد عى الاخر
و يقولي انتي كل ذابحه روحج من كثر ما تحاتين
ساعدوني ربي يعافيكم
مواضيع عشوائيه ممكن تكون تعجبك اخترناها لك:
- ما هو أفضل شاطيء للسباحة ببالي؟
- أحد جرب السكن في هذه الفيلا في بالي ؟؟
- بليز لو سمحتوا ابي احد يعدل ع برنامجي تكفون ياهل الخبره
- السلام عليكم تم حجز الرحله ۔ ولله الحمد ۔
- بالي للعائله
- مساعده في شهر عسل
- أسواق جاكرتا
- لاهنت عطني رايك بعض من الاستفسارات رحلة اندونيسيا عائلية
- الله يجمعكم بوالديكم في الجنه
- جدول رحلتي
- احتاج مساعدكم العائله اشخاص يا مصيييبه
- ارجو المساعدة
- يبي مساعدتكم
- ايهم افضل البونشاك والا تريتس
- احسن مكان للعوائل بالجبل ؟ وباندوق
- الصرف
- البلاك بيري باندنوسيا
- أفزعولي يا النشامى أبغى رأيكم في برنامجي لأني جديد على السفر الله يرضى عليكم
- كيف الجو شهر 2 هــ 12 ميلادي في اندونيسيا
- السلام عليكم مسافر جديد
المفضلات