الموضوع: هل سويسرا خيار مناسب لرحلة فيها اطفال

السلام عليكم ورحمة الله وبركاته

اثني على هذا المنتدى الرائع

وكل اعضاءة

انا سافرت ماليزيا وفرنسا وبريطانيا ومحد خدمني بعد الله طبعا
الا اعضاء المنتدى

اولا انا احب ترتيب وتخطيط الرحلة من بدري

بأذن الله ناويه اسافر على شهر الحج ادري بدري بس لازم ارتب الميزانيه من الان

وعندي كذا سؤال

*هل سويسرا مناسبة لعائلة مكونة من اب وام وطفلين 8سنوات و6سنوات

وعلى اساس اجاباتكم عندي كم نقطة وحابة اعرف منكم

اولا:مدة الرحلة 15يوم مقسمة بين سويسرا المانيا فرنسا
وعلى فكرة ماحجزت للان لان احتمال اخليها ع الصيف الجاي لو الميزانية ماساعدت

*هل احتاج لسيارة؟افكر بسيارة صغيرة بس داخل باريس مااحتاجها يعني باريس اتوقع ماتحتاج لسيارة

*وهل مبلغ 30الف ريال كافي لكل مصاريف الرحلة من طيران دولي وفنادق وسيارة واكل وشرب وتنزه
مع العلم اني حريصة واحسبها بالريال اذا سافرت

*احس اني ملخبطة واوراقي مو منظمة يعني ابغى ابدأ رحلتي من باريس وبعدها بالقطار على سويسرا وهنا اخذ سيارة واتنقل فيها بين سويسرا والمانيا بحيث ازور انترلاكن ولوزان وزيورخ وملاهي اليوربارك واتمنى اعطائي اسماء مناطق ثانية تستاهل الزيارة

*وهل صحيح ان سويسرا طبيعة وبسسس يعني مافيها تسوق ومقاهي وملاهي للاطفال

انا ابغى اجلس بباريس 4ايام بحكم اني زرتها قبل كذا بس عشان اطفالي والديزني لاند

وباقي الايام بقسمها بين سويسرا والمانيا

**اقبل اي تعديل بخط سير الرحلة او اضافة دول او مناطق ثانية بس المهم ماتتجاوز ال15يوم

**ملاحظة شيكت على اسعار التذاكر على السعودية حدود ال9الاف بشهر الحج

اتمنى الاقي ردود تفيدني وعن تجربه شخصية

موفقين

مواضيع عشوائيه ممكن تكون تعجبك اخترناها لك:

• قد سافرت سويسرا تعال يرحم والديك وخطط معاي لسفرتي
• اسافر شهر نوفمبر ولا نآجل السفر لشهر ابريل ؟؟ رايكم لو سمحتوا
• نحتاج دعمكم ياخبراء اوروبا
• مهم جداً تخطيط لشهر العسل بشهر
• ثلاث ايام في انتر لاكن مسااااعدة الله يخلييييكم
• مساعده بخصوص السويس هاف فير و تذكرة قطار باريس بيسل
• سفرتي في نوفمبر ان شاء الله واحتاج مشورتكم
• السيارة من مضمون؟؟
• فزعتكم يالنشامى رحلتي لاوربا بعد ايام وبدون جدول ولاحجوزات
• عدسة كاميرتي تعانق سحر إنترلاكن
• اختياري للفنادق في زيورخ و انترلاكن وجنيف أرائكم
• مخطط
• ساعدوني بالترتيب النهائي لرحلتي العائلية لسويسرا
• سؤال عن هايدي لاند
• استفسار بخصوص الماستركارد
• مسافر شهر عسل ممكن مساعدة
• استفسار ؟؟؟؟؟؟؟؟؟؟؟
• استشارة واستفسارات لا عدمناكم
• من باريس إلى انترلاكن أو من ميلان إلى إنترلاكن
• هل يوجد مطاعم عربية او تركية في انترلاكن

للاطفال موضوع مهم
http://www.arabtravelersforum.com/travel571386/

خلي الرحله بين سويسرا وفرنسا
باريس ما تحتاج سياره
تقدرين تاخذين السياره من القسم الفرنسي من مطار جنيف وتسليمن السياره في باريس

الميزانيه يبيلك اول شيء تشوفين التذاكر وبعدين نشوف البقيه
وصول جنيف وعوده باريس او العكس
9 الاف سعر التذاكر ديزني بتكون ميزانتيها عاليه شويه ترا
انترلاكن طبيعه بس

يبغالك تحددين قيمة الصرف اليومي والسكن وقيمة السياره

لان الاكل بيكلف شوي من وجبة اساسيه وكوفي وسناك

وانترلاكن جميله وتقدرين تطلعين للزحليقه والقمم الثلجيه وراح يستمتعون اطفالك
وفيه حدائق
والبحيره الزرقا فيها زحليقه بس انتهي لهم لانها عاليه شوي

والله حاولي تنسقين يومك وراح تنبسطين انتي وعائلتك


مثلا اذا نزلتو عالبحيره خذي معك اكلكم تشوين او ذره وانبسطو بالجو
وانتي بانترلاكن تقدرين تنزلين لكذا قريه حلوه تتقهون فيها وتجلسون عالبحيرات لفي عالتقارير وتلقين اللي يبسطك

واهم موسوعة ابو عزيز لان معاه اطفال وماشاء الله مبسطهم الله يخليه لهم 

شكرا جزيلا

اخي فيصل ممكن اعرف سبب الغاء المانيا هل الوقت ضيق ولا ميزانيتي ماتسمح ولا ماتصلح للي معاهم اطفال

شاكرة ومقدرة لك



The universal

انا محددة ميزانية لليوم الواحد اكل وشرب وتنزه حدود ال700ريال بأستثناء اليوم اللي راح نقضية بالديزني لاند يعني التوتل 11الف ريال

والسكن ممكن 7الاف ريال

السيارة الخاصة 5الاف ريال

الطيران الدولي 9الاف ريال

هذي بحدود ال32الف ريال

هل ميزانيتي معقولة ولا لك عليها

مع الاخذ بالاعتبار انها بدون الشوبنق لاني مكنسلة الفكرة

700 ريال !؟
وبسويسرا !!!
و4 اشخاص !!!

والله يابعدي شوي مصروفك اليومي وانتي خابره العيال الله يخليهم لك ويخلي لنا يبغون كل شيء
والسكن على حسب المتواجد
ولاتنسين التنقل في باريس ودزني يعني يبغالها

انتي اقري التقارير وموسوعة ابو عزيز وان شاء الله تنحصر لك الميزانيه لاني ما اعرف وش نظامكم اليومي وطريقه وجباتكم

ان شاء الله ربي يسرها لكم بس حاولي تزيدين الميزانيه حبتين

والا انك تطبخين هناك وجباتكم فطور وعشاء والسناك من برا 

ميزانيتك قليله فاذا اضفنا تنقلات الي المانيا بعد
صراحه سويسرا اغلي من المانيا وفرنسا

اختي العزيزه اسمحيلي اشارك بخبرتي المتواضعه والبسيطه جدا

طبعا انا من المشجعين ع السفر في كل الحالات بشرررط ان الشي يكون مقنن وله حدود وبتمشي امورك تمام بإذن الله ولتحقيق التقنين والحدود عندي لك كم خطوه بسيطه مو من اختراعي ولكنها من نصايح اخواننا الاعضاء في هذا المنتدى المحترم ومما يدعو له المنطق :

اولا : الحجز المبكر ( وهذا اللي انتي جالسه تسوينه ) حطي حدود للتذاكر قولي مثلا بنروح على الطيران اللي ياخذنا كلنا بمبلغ لا يتجاوز ال 9000 مثلا

ثانيا : السكن ابحثي عن الشقق مع انها تندر في بعض الاماكن ولكنها خياركم الاول ومن بعدها الغرف العائليه في الفنادق Family room
انتي مخططه على 15 يوم يعني 14 ليله لو نقول الميزانيه 7000 يعني 500 بالليله الواحده ابحثي على هالاساس الحد الاعلى = 500 ريال

ثالثا المواصلات : انا لاحظت انك حسبتي السياره الخاصه وماحسبتي تنقلكم من باريس لسويسرا بالقطار ضمن ميزانية المواصلات لاتغفلين عن هالنقطه اجمعي كل مصاريف التنقل تحت باب المواصلات حتى مصروف بنزين السياره ورسوم الطريق عند التنقل بين الدول

رابعا : المصروف اليومي وهو اللي يضيع حسبة ميزانية السفر اشياء صغيره تافهه ماتنحسب لكنها اذا تجمعت تأخذ جزء لا بأس به من الميزانيه وقلييييل جدا اللي يقدر يضبط الصرف اليومي الا في حاله وحده لو تم التقسيم المنطقي من قبل الوصول وتم الالتزام به يعني التقسيم ممكن يكون سهل وكل شي بالكلام والحسبه ع الورق سهله لكن مين الشاطر اللي يلتزم ؟؟؟ هنا الصعوبه

اساس المصروف اليومي ايش في السفر ؟ اكل ( 3 وجبات رئيسيه او وجبتين ع الاقل + سناك ) و سياحه بشكل عام ( العاب ، دخول متاحف ، مزارات سياحيه ... الخ )

عادة الفطور مايكون وجبه رئيسيه وهذا غلط مو صح بس انا اتكلم عن واقع نعيشه حتى لو كانت الغرفه مع الفطور احيانا يترك الفطور ويتم اكل منتجات السوبرماركت

الغداء و العشاء تقريبا نفس الخيارات بنفس القيمه ... توجد العديد من الخيارات في اوروبا بشكل عام تمكنك من الحصول على وجبه كامله مشبعه مع المشروب لا تتجاوز ال 10 يورو للشخص الواحد بس يبيلها ناس ماتدور مطاعم للقعدات وتضييع الوقت ع الطلبات والضرب بالخمس هههه يعني شغل ساندويشات ( ماكدونالدز ، شاورما ، فلافل ، صب واي ، كرواسون بالجبن ، سندويشات بارده ... الخ )
يعني ممكن تصرفون مابين 60 الى 100 يورو يوميا على الاكل ل 4 اشخاص اذا ابتعدتوا عن المطاعم الراقيه والمطاعم العربيه اللي مادري ليش اشهروها ربعنا اكل الله يكرم النعمه ما يوصل ربع نكهة اكلنا في بلدنا وقيمه مرتفعه تصل الى 10 اضعاف اسعار نفس الطبق في الخليج وبعدين احنا شبعانيين من اكلنا ليش اذا رحنا بزا ندور عليه وندفع اضعاف سعره في ديرتنا ؟؟؟

زبدة الموضوع ان الواحد يحط حدود (ليمت) لكل شي ولو زاد شي من يوم يرحل لميزانية اليوم اللي بعده ولو نقص شي من يوم يؤخذ من اللي بعده وهكذا
مع وضع في الحسبان مبلغ احتياط للطوارئ
وان شاء الله اللي حاسب اموره صح ومتوكل على ربه ومتخذ بالاسباب ما راح يضيع بس اشدد على دراسة جميع التفاصيل وفوق كل هذا وضع مبلغ احتياطي من المال

والله يسهل عليكم وعلى كل من يريد السفر ويسعدكم ان شاء الله