الموضوع: عاجل جداً جداً

السلام عليكم ورحمة الله ,,مثل ماهو بالعنوان الامر عاجل جدا ,,
كنت حاجز بآنسي لمدة 5 ايام بعد اسبوعين من الآن ,, لكن بسبب أنه النقاب ممنوع قررت أكنسل السكن فيها .. ممكن ازورها يوم وارجع .
الآن أتمنى تفيدوني بأفضل مكان للسكن في الريف السويسري قريب من جنيف وقريب من انسي ..
سمعت عن لوزان لكن شفت انها مدينه كبيره بعد جنيف ,, وانا ابي مكان هادي وغير مزدحم .. باختصار اريد قريه ريفيه من حيث الطبيعه والبحيرات والهدوء ..
واتمنى تعطوني خيارات للفنادق او الشقق لشخصين فقط ..
رجاااااء حااار لا تطنشوني والله مابقي وقت ومتوتر لان ترتيباتي تلخبطت ...
الله يجزاكم الجنه ..

مواضيع عشوائيه ممكن تكون تعجبك اخترناها لك:

• من يقدر يساعدني
• سويسرا لمدة 12 يوم عشاق سويسرا اقلطوووا هنا
• استفسار عن فندق
• عورني راسي وانا افكر والحل ؟؟؟؟؟
• استفسار عاجل من المخضرمين
• المساعدة في ترتيب رحلة
• استفسار عن ميزانية السفر لسويسرا لزوجين لمدة أسبوعين
• الجنوب السويسري
• ابغى جدول يوم
• ساعدوني يااهل الخبره الله يجزاكم خير
• ضرووووووووووووووري مساعدتكم
• سؤالين من فضلكم عن الضرائب المسترده وتذاكر اوربا بارك
• سويسرا صيف
• سويسرا لأول مرة
• رحلــــــــــــــــــــــة هداوه السويسريـــــــــة لســـــــــ نــــــة
• اول موضوع لي بنسافر سويسرا و محتاجة مساعدتكم
• ملاحظاتكم الجدول النهائي رحلتي الى اوروبا
• مساعدتكم في استئجار سيارة من مطار جنيف
• استفساري عن امكانية الجمع بين سويسرا ولندن لمدة 15 يوم
• مساعدة في تعديل الجدول واعتماده

السلام عليكم .....ليه كنسلت الحجز اخوي الله يهديك ...اكثر الاعضاء اللي طلعو ما واجهو اي مشكلة .والا أنسي حلوة...لكن خيرة في اختاره الله.
اخوي ..عندك يا لوزان ...او مونترو...هذه تعتبر سياحية بالدرجة الاولى.
فيه قرية أوشي...قريبة جدا من لوزان .

هلا اخويا انا انصحك في انترلاكن واااايد روووعة

اذا تبي الراحة كلها والطبيعه الحقيقه اللي مااتصور بتلقى مثلها .. مالك الا انترلاكن
وهي تبعد عن جنيف ساعتين ونص تقريبا فقط .. هاديه جدا وكلها شلالات وبحيرات وشي ولافي الخيال
انستي عجبتني وايد الصراحه ... جنيف ابدا ماعجبتني وندمت اني قعدت فيها اسبوع في احد السنوات وربي ماتستاهل الا يوم واحد فقط

كل الشكر لكل من رد علي ،،
اختي medo77 كلامك عن تجربه ومتأكده انه مافي مشكله بالنقاب ولا لا ؟؟؟
بصراحه انا كثير متحسف على آنسي لكن أخاف يطلع فعلا في مشاكل بالنقاب وتنقلب السفره نكد ،،
اذا على نظرات الاستغراب ماهمني أهم شي مافي مشاكل ،،

بالنسبه لانترلاكن زرتها من قبل ،، جميله جدا استمتعت بالسكن فيها (( مع إني حاطها خيار أخير في حال ما لقيت غيرها لكن مكسل من المسافه أبي شي قريب ))،، لذلك حاب اشوف منطقه جديده ،،
لوزان ومونترو مازرتهم مالي خبره فيهم شو ترشحون لي فيهم ؟؟ وهل هم بجمال انسي وانترلاكن ولا عاديه ؟؟
اوشي كم تبعد عن جنيف وايش المميز فيها .. وهل السكن فيها خيار مناسب ام لا ؟

اذا ودك شي قريب من جنيف .. وقريب من انسي

اختار ديفون ( عن تجربه شخصية ) .. مدينة صغيره جدا .. وبها نفس طلبك .


من ديفون الى جنيف
http://maps.google.com.sa/maps?saddr...s&safe=on&z=11


من ديفون الى انسي
http://maps.google.com.sa/maps?saddr...s&safe=on&z=10

اخوي الله يعافيك ..medo معرف لشخصية ليست مؤنثة ..هههههه اضحكتني أضحك الله سنك.بالنسبة للنقاب ..عن تجربتي في تواريه مع الاهل..ما حولك احد ..وعن تجربة احد الزملاء الاعزاء يوم راح باريس ..مافي اي مشاكل..سوى زي ما تفضلت ..شي ملفت للانتباه فقط لا غير وان الاطفال الاجانب كانو يشردو منهم هههههههه مهم متعودين .وانا زرت مدينة ملهاوس ...وشفت جاليات عربية كثيرة وفي الاسواق نص نساؤهم منقبات..هذا وهم عايشين في فرنسا وعارفين الوضع هناك.
من رأيي الشخصي ..احجز يومين في أنسي ...واذا ناسبك الوضع ..كمل الثلاثة ايام الباقية...حتى لو تغير الفندق.
او اقولك...انا عندي فكرة ...راسل الفندق اللي راح تحجز فيه ..واشرح لهم ان عندهم مشكلة في النقاب ولا لأ...اذا مافي مشكلة توكل على الله واحجز ..واذا قالولك غير كذا ...امرك لله ..وشوف اي مدينة سويسرية.
وما دامك متمسك بدينك وعقيدتك ..باذن الله ما يضرك احد ..الله الحامي والله الساتر.

على مااعتقد ديفون فرنسيه يعني نفس مشكلة آنسي من ناحية النقاب ،،
Medo77 كلامك هذا يمكن قبل تطبيق نظام منع النقاب لأني زرت باريس قبل النظام ومافي مشاكل سوى الاستغراب ،، لكن بعد تطبيق النظام ماأعرف !!
أنا براسل الفندق مثل مااقترحت وأشوف ،، مشكورين

انت حاب مكان هادئ وحالم وريفي .... قريب من انترلاكن ... وعندك 5 ايام ...

ليش ماتجرب زيرمات منطقة رائعة بالنسبة لاوشي او لوسان ومنترو كلهم عباره عن مدن عاديه مب ريفيه ...

جرب زيرمات مثلا 3 ايام و لوسان بس شرط على كورنيش اوشي تسكن يومين .. تغير جو وتستانس هاي رايي

كاتبتنا لا هنتي والله

شكرا فيصل بيك

ماقصرو الاخوان بالرد والمشورة

بالنسبة لي اتفق مع اخونا ابو عبدالرحمن
بانكم تسكنون في ديفون
صحيح انها تابعه لفرنسا
لكن هي اشبه بقرية صغيره هادئة واسعار السكن فيها للجميع
ولا بيدققون بشكل رئيسي بالنقاب

بعكس آنسي الي كلمتك عنها بموضوعك السابق
لانها مدينة وكبيرة وتعج بالسياح من جميع الجنسيات

بعض الاخوات ما واجهوا اي مشاكل في ديفون
لانها صغيره ولايوجد بها شرطة بكثرة
انما هي قرية بين الحدود الفرنسية السويسرية

الانسب لك ديفون بجوار البحيرة

مشكور أخي لورد .. لكن لاهنت عندي كم استفسار عن ديفون ,,1/ قريبه من جنيف وانسي ولالا ؟ يعني اقدر ازور انسي وجنيف منها يوم وارجع ؟؟
2/ اقترح علي بعض الفنادق في ديفون .. لشخصين ..
3/ هل يوجد بها انشطه وفعاليات سياحيه ام لا ؟
ولك جزيل الشكر ..لا حرمك الله الاجر ..

لاحظت وحدة لابسه نقاب وعباية في ديفون ( في سوق الاحد ) ولا واحد كلمه ..

من خلال فرفرتي بالمنتدى شفت الكثير يمدح بمونترو .. شو رايكم بالسكن فيها وهل هي أجمل أم ديفون ؟ وهل أستطيع أزور منها انسي ولوزان وشامونيه وايفيان وجبل مونت بلانك ,, (( مااعرف كم المسافات بينهم )) .مصنع الجبن وقطار الشوكلاه هل استطيع زيارته من مونترو ؟؟
اسف جدا ازعجتكم لكن أنا مشتت بين الخيارات ومالي خبره بهذه المنطقه ..

انغدى وارجع لك بالجواب الي يفيدك ان شاء الله

من خلال فرفرتي بالمنتدى شفت الكثير يمدح بمونترو .. شو رايكم بالسكن فيها وهل هي أجمل أم ديفون ؟ وهل أستطيع أزور منها انسي ولوزان وشامونيه وايفيان وجبل مونت بلانك ,, (( مااعرف كم المسافات بينهم )) .مصنع الجبن وقطار الشوكلاه هل استطيع زيارته من مونترو ؟؟

اسف جدا ازعجتكم لكن أنا مشتت بين الخيارات ومالي خبره بهذه المنطقه ..

بامكانك النزول والاقامة بمنترو يومين قابلة للتمديد

في حالة انها اعجبتك
ومن مونترو الانطلاق لمصنع الشوكلاته باكراَ او مصنع الجبن

منطقة ديفون تقع بمنتصف الطريق
يعني من ديفون بامكانك زيارة آنسي وتبعد 55 كيلو
من ديفون زيارة جنيف 17 كيلو
من ديفون زيارة مونترو 78 كليو
ديفون لوزان 77 كيلو
بامكانك اخذ قارب من جنيف والوصول الى لوزان
رحلة بتكون جميلة او بسيارتك الخاصة

ديفون شامونية 81 كيلو ( تابعه لاقليم فرنسا )
الباص والسيارة انسب حل للوصول لشامونيه

ديفون والمطار 17 كيلو تقريباَ

السكن الي انصحك بالنزول فيه في ديفون
بجوار البحيرة
http://www.booking.com/hotel/fr/vill...ml?aid=1329869

مشكووور جداً ماقصرت ,, الله لايهينك اذا امكن المسافات بين مونترو وانسي وغيرها .... وآخر كلام تنصحني فيه ديفون أو مونترو (( أنا شفت صور مونترو وعجبتني كثير هل ديفون بنفس المستوى من الطبيعه والخدمات )) لاحرمك الله الاجر ..