ياهلا وسهلا
لمبانق كل شي فيها ينتهي قبل المغرب ، يعني لمبانق تقضي فيها النهار وباندونق تخليها للمساء.
على فكرة شارع الجينز لا تتخيلينه شئ راقي ، ترى شارع بسيط جداً وشعبي ، محلاته مصفوفة بجانب بعض على إمتداد شارع طويل، ممكن تنزلين له من فندق سينسا على رجولك وتتمشين فيه لحد ما تتعبي وترجعين للفندق ، لأنه صعب التنقل فيه بالسيارة للزحمة وعدم توفر المواقف ولأن المحلات فيه متلاصقة.
فندق سينسا في شارع الجينز ، ولكن في مدخل مربع متفرع من شارع الجينز لا تدخله السيارات يقال له سي وولك
هذا المكان على شكل حرف U فيه مطاعم ومحلات تجارية وترفيهية وأيضاً فيه سوق صغير من دورين أو ثلاثة لا أتذكر.
زبدة الكلام ، أيامك في باندونق قليلة ، في ناس تقول تكفيها يومين ! وأنا أقول قليل فيها إسبوع
مش لكثرة أماكنها ، ولكن للراحة النفسية والأجواء المنعشة فيها .. فعلشان كذا مثل ماقلت لك خلي لمبانق من الصبح لبعد العصر ، وباندونق بقية المساء .. حتى تستفيدي من الأيام كلها.
إنتي اسكني أول يومين في سينسا ، وأثناء جولتكم في باندونق مساءً أول يوم أو ثاني يوم صباحاً ممكن تمروا شيراتون وتقارنوا .. أنا أشوف سينسا في منطقة حيوية وممتعة ..
الرغبات تختلف من شخص لآخر في إختيار الأماكن، لو قلت لك على قد ما رحت وزوجتي لباندونق، إلا إننا مارحنا ولا مرة لمزارع فراولة أو أناناس ، فنحن نشوف إن زيارتها استنزاف لوقت وجهد.
الان إنتوا كم عددكم ؟ لأن لو عندك أكثر من طفل قد أنصحك بشقق فندقية مو غرف فندقية ..
مرفق تصوير خاص عشوائي مني للغرفة الديلوكس في سينسا .. أتمنى أكون أفدتك
المفضلات