الموضوع: أبغي ادرس في بريطانيا بس خايفة من الكــــــــلاب

السلام عليكم


انا مفكرة ان شاء الله اطلع بريطانيا في الصيف لمدة شهرين او ثلاثة عشان ادر س لغه

بس فيه اشياء خايفة منها وهي اللي مخليتني محتارة وبين ناارين

اول شي الكلالالالالالالالاب ادري ان الاجانب يموتون عليها وكبير وصغير مايتمشى الا ومعه كلب وانا اكرههم واخاف منهم .... وكل شوي اتخيل نفسي في الشارع ويجيني انجليزي نذل ويطلق كلبه علي وش اسوي ساعتها ؟ واذكر امي كانت تقول لي لما تشوفين كلب لا تخافين وامشي طبيعي لان لو خفتي او ركضتي بيركض وراك .. بس مدري عن كلاب بريطانيا المدللة شلون وضعها وكيف اتعامل معها لو انحطيت بموقف ؟


ثاني شي اخاف من السكاري هل بأي وقت يطلعون ولا بس في الليل ؟

وثالث شي اخاف من المتشردين شلون وضعهم ؟؟ هل يهجمون على البنات ولا مايتحرشون فيهم ؟

ابي تعطوني معلومات من خبرتكم في الغربة كيف تتصرفون مع هالثلاث فئات ( احس هم اصعب فئة واخطر فئة مدري لو فيه غيرهم بعد )


والدراسة في بريطانيا ضرورية جدا بالنسبة لي وخاصة عشان الماجستير يعني مافي امل اتطور في ديرتي بمعاهدهم التعبانه بس مثل ماقلت لكم كل الامور احسها اوكية في بريطانيا ماعدا هالفئات

مواضيع عشوائيه ممكن تكون تعجبك اخترناها لك:

• هل ممكن احصل على خطاب السفارة ؟؟
• أشيروا علي أخواني
• بخصوص الاجراء عند الوصول الى واشنطن
• عندي دبلوم عالي منكلية الجبيل الصناعية ؟ تعالوا ضروري
• ابشركم وصلت لي رسالة من الوزارة اليوم الجمعة
• أوووول طلب ارجوكم لاتخذلوني
• مساعده صغننه
• استفسار عن التخصصات اللي طالبتها الوزاره
• مواعيد المقابلات
• دراسة اللغة في بريطانيا ولكن اين ؟ وما المعهد المناسب ؟؟ يرجى مساعدتي باقتراحاتكم
• ارجو المساعده
• خبـــــــــــــــــــــــــــرعاجل
• دراستي وعائلتي معا
• جامعة الامير محمد بن فهد والمقابلة الشخصيه
• ابغى ادرس على حسابي في لوس انجلس
• أريد ان أصبح طيارا في أمريكا
• استفسار بالفيزا ضروري بكره موعدي
• معهد كابلان بورتلاند
• مساعدة بخصوص الفر الى امريكا
• الاخ ملبورن ماهذا عن جامعات بريطانيا في تخصص طب الاسنان

شوفي إختي أنا كانت لي نفس مشكلتك بالضبط وطلبت من المعهد إني أقعد بعايلة بدون كلب ووفرولي هالشي بس المرة إلي بعدها غيرت المعهد و قالولي ماكوعوايل بدون كلاب متوفرة فأضطريت إني أقعد معا كلب مع إني أخاف من إسمة عشت معاة تقريبا شهرين ..
الوضع بصراحة كان جداا عادي مع إني أكره الكلاب بشكل رهيييب بس الوضع طبيعي ما يكون مشكلة كبيرة وكلابهم ترا مو مثل إلي عندنا إلي عندهم أليفين وبالعكس قمت ألعب وياة أخر أسبوع لي ..
بس نبهي العايلة إنك تخافي من الكلب عشان ما يخلونة يقرب يمك مثل إلي صار معاي .. بس لا تقولين إنك ما تحبينهم لأنة وااحد من أهلهم تراا ..

السكاري ما تشوفينهم إلى بليل أما النهاار كلن في دواامة لاهي ويكثرون في الويكند ..

أما المتشردين ترا مالة شغل بأحد عاااايش حياتة ولا يدري عن أحد بالنسبة حق إلي كانوا بمدينتي .. ولا تلاحظين وجودة إلى من جنطتة وشكلة غريب بس وما قط تعرضلنا أبد ..!!

توكلي على الله
و عسى الله يوفقج بدراستج وترا ماكو شي ينخاف منة من هالثلاث أمور ..!!

الحمد لله تخافين من الكلاب
انا قلت تخافين من الغربه عادي جدا انا زيك اول ما جيت الحين ساكن عند عائلة وعندها كلبين
وبالعكس كلابهم مو مثل السعودية اول ما يشوفك ينبح بوجهك
بالنسبة للسكارى من على حسب التوقيت بالصيف تغاب الشمس 8 بالليل يعني يبدأ ليلهم من الساعه 10
يعني لما تغيب الشمس بساعتين ثلاث
لكن الناس تخلص شغلها بالنهار وتروح لبيتوتها يعني انتي ما راح تطلعين بالليل لأن كل المحلات مغلقه

لكن البنت المتحشمة بحجاربها ولا واحد يتكلم معاها
وانصحك بمهد جامعه لان المهاعد التجارية ما فيها فايده
ومعهد الجامعه يدرسك صح
والشباب راح يفيدونك

مشكورين ريحتوني

بس لو فرضا شفت كلب ينبح بوجهي شاسوي. اركض ولا اوقف؟

العايلة من حقك تصرين على عايلة بدون كلب وهذا شي طبيعي لأن حتى الاجانب بعضهم عندهم حساسية من وبر الحيوانات.. انا عايلتي ماكان عندها كلب وصاحبة البيت ماكانت تحب الحيوانات اصلا
ذكرتيني بقصة صارتلي.. انا ماخاف من الكلاب بس سبحان الله لما يقرب مني غصب يدق قلبي .. مرة كنت انتظر في محطة القطار وقاعدة على كرسي وفي واحد وزوجته يتناقشون بحدة شكل بينهم خلاف وكلبهم كبير وشوي قرب مني وقام يشمشم.... انا يوم قرب غمضت عيوني خخخ وناداه صاحبه وراح وشوي رجع مرة ثانية بس هالمرة ماوعيت الا وهو ناط بحظني.. غصبن عني شهقت بقوة ونقزت.. بس صاحب الكلب عصب وقام يهاوشني.. لأن اعتبر تصريفي غير لائق تجاه الكلب خاف على مشاعر كلبه.. مع انه غلطان مفروض يمسك الكلب حقه
عموماً افضل حل تتخلصي من مشكلتك بمواجهتها.. لأن كثير امشي ويصادف وراي كلب ويقرب عندي احيان احاول ابعد بس احيان ماقدر.. طبعاً انا علاقتي مع الكلاب سيئة لأن عندي ذكريات سيئة معهم في طفولتي

ملحوظة على رد الاخ مستر وليد.. بس تعليق انا ضد فكرة معهد الجامعة اذا كانت لغتك اقل من المطلوب.. لأن راح تدرسين لغة اكاديمية بحتة وهالشي ماراح ينفعك اذا ماكانت لغتك الانجليزية ممتازة من الاصل
ملاحظة ثانية.. تحرش السكارى ماله شغل بحجاب وغيره.. انا محجبة وقبل كم يوم كنت بالباص والعصر راجعة من الجامعة ووراي واحد سكران قام يتحرش فيني علشان حجابي وقام يسب الدين ويسب الحجاب ويسب لين قال بس..
هالاشياء مالها توقيت .. انا اقولك اهم شي وين ماتروحين وتجين دايم اقري ايات وحصني نفسك.. انا كثير تصيرلي مواقف مع السكارى بالنهار ومرة واحد سكران وقف عند معهدنا ايام اللغة وقام يهدد بسكين وجته الشرطة.. القصد من كلامي الدنيا امان لكن الاحتياط واجب.. والسكارى ماتتحرش الا نادر.. لكن اهم شي ماتحاولين تستفيزينهم بالرد دايم خلك هادية في تصرفاتك وربي يحفظك وين ماكنتي ان شاءالله

السلام عليكم و رحمة الله وبركاته

اختي هادية اول شي اتي بتروحين اي منطقة ؟؟

ثاني شي انا محجبة و امشي بحجابي بكل فخر و الحمدلله رب العالمين مافي اي احد تعرض لي او كلمني في بعض العنصريين لكن ناااااااااااادر ماتواجهينهم مثلا انا بس واجهت وحده و الحين بكمل 5 اشهر و داخلة ب6
و ابشرج بعد ترا انا بعباتي السودة هني صحيح ماالبسها دايما بس البسها و محد اكلمني
و اعرف بنات بنقابهم الاسود يعني اسود من فوق لي تحت و الحمدلله رب العالمين محد تعرض لنا ابد
و مثل ماقالو الاخوان اللي محتشمة و عارفة حدودها محد اكلمها ولا اقرب صوبها

و ترا معلومة الشرطة هني ماترضا بالعنصرية و اذا تعرضتي لموقف فيه عنصرية خبريهم و راح يتصرفون مع الشخص

و الكلاب و انتي بكرامة انا مو بس اخاف منهم انا اموت رعب و مرة اذكر كنت راكبة مع الوالد بالباص ركب كلب و قعد باول الباص و مايصير امر و انا طالعة و الا امر يمه و كنت خايفة كنت اشوي و ابكي
و الوالد ميت ضحك علي خليته يقعد بالباص لي نزل الكلب بعدها نزلت و مشينا حول الساعة او ساعة الا ربع بس عشان نوصل الفندق لاننا عديناه و انا مارضيت انزل

بس مع الوقت تعودت اشوي اني اتقبلهم اذا شفت كلب بطريقي حولته
احاول اتفاداهم و دايما اقري المعوذات
ماابين اني خايفة اكتم خوفي بقلبي لانه ان حس الكلب انك خايفة بيهجم و بينبح
و اذا شفتي كلب ينبح لا تركضين ابببببببببببببببببببد لانه اكبر غلط راح يلحقج
يحسب انك تلعبين معه

و بالعكس ترا بريطانيا الحين تعودت علينا احنا المسلمين و صارت تتقبلنا و تحترمنا
بس اهم شي انه حنا المسلمين نحترم دينا و نطبقه صح

و بالنسبة للسكارا تراهم بليل بس يطلعون ولا بعد تالي الليل ومااتوقع انتي بتطلين ذاك الوقت و لا الصبح نااااااااااااااااااااااادر ماتلقينهم

و قولي لا اله الا الله و سمي بالرحمن و توكلي على ربج

و من سلك تطريقا يلتمس فيه علما سهل الله له طريقا الى الجنة

و اي شي تامرين فيه من عيوني و ان شاء الله محنا بمقصرين معاج و بنجاوب على كل اسالتج

فديت عيونج اختي كويتية والله ماتقصرين

انا محتارة باختيار المنطقة بس لقيت منطقة يمدحونها بأنها امنة جداً

اسمها نورج Norwich
ومفكرة ادرس فيها

العرب فيها قليل والعوائل العربية قليلة بس المنطقة يقولون حلوة وامنة وهذا اهم شي ( رغم انها مدينة تاريخية وانا اكره المناطق التاريخيه )
افضل المناطق الريفية اللي كلها بساط اخضر ( قرى ) بس ماحصلت معاهد فيها

السلام عليكم و رحمة الله و بركاته

افا عليج حبيبتي ماسوينا شي
الناس للناس و الكل بالله

والله للاسف ان مااعرف شي عن هالمنطقة
و اذا انتي تحبين الطبيعة ترا بريطايا مليانة طبيعة و حلوة
اذا قدرتي و حبيتي روحي بالويك اند و شوفي المناطق الريفية اللي حولج اذا عادي عندج


و ربي اوفقج ان شاء الله و يجعلج بكل خطوة خير و بركة و سلامة يارب
مو تنسين صلاتج حافظي عليها و قران تراه هو ونيسج بالغربةو طبعا الاذكار و الادعية


تقبلي مروووري

((من توكل على الله فهو حسبه))

توكلي على الله وما عليك من احد
اجل كلاب ماتخليك تدرسين ليـــــــه

صراحة انا بعد اخاف من الكلاب بس مش لدرجة اربطها بدراستي
صار لي اكثر من موقف معاهم واكثر شي اكرهه فيهم نجاستهم