الموضوع: الفزعه يا اخوان

يا اهل الكويت الفزعه ابغى احداثيات مطاعم ومنتزهات الكويت تكفون الفزعه انا مسافر يوم السبت 5-فبراير-2011

مواضيع عشوائيه ممكن تكون تعجبك اخترناها لك:

• الكويت معرض للعطور والاخر للساعات
• منتزه اللياح شمال الكويت
• ساعدوني يااهل الكويت
• عيد الكويت
• مجمعات الكويت
• جدول سياحي لقضاء أيام العيد في الكويت
• تقرير زيارتي الأخيرة لمنتجع كمبنسكي الجليعه بالصور
• فنادق الكويت دينار
• عاجل جداً فزعة يا أهل الكويت
• صديقتي جايتكم وتسألكم وين تحصل
• محافظة الفروانية في مجمع الشيخ سالم منطقة الضجيج
• فندق سويس بل
• استفسار ياهل الكويت
• مبروك للكويت وأهلها
• فرعتكم يا عيال جابر
• حقيبة العنق أو الخصر للمسافرين، من أين أشتريها؟
• أهلا و مرحبا بكم فى أكوا بارك أول مدينة مائــية فى الكويت
• رآيكم بهذه آلفنآدق
• ارجوكم سرعة الرد بخصوص اجراءات التأشيرة
• اجوبة عن الاماكن السياحية فى الكويت

يامرحبا فيك
والله العظيم سجلت في المنتدى علشان ارد عليك
حياك الله اخوي الديره ديرتك وأمورك طيبه انشالله
بالنسبه للمطاعم :
المطاعم في الكويت اكثر من بيوتها ادخل اي شارع تجاري فيه حركت محلات تلاقي 1000 مطعم
اذا تقصد فخمه حيل (على فكره اسعارها مناسبه حيل بالنسبه للمكان ونوع الاكل ) شوف شارع الخليج ابتداء من شارع البلاجات الى نهاية شارع الخليج ويبدا شارع البلاجات او الخليج من نهاية الدائري السادس وانت جاي من الغرب بتجاه الشرق وينتهي الدائري السادس ويبدأ الشارع الاكثر سياحه في الكويت
وفيه مطاعم حلوه حيل وراقيه وجديده وبعيد عن العاصمه حول 30 كم قريب من مجمعات وسوق الفحيحيل الشعبي
اسم الشارع هو شارع المهبوله الساحلي
(وعلى فكره المجمعات فيها مطاعم فخمه حيل )
والجلسات الرومانسيه والمناظر الحلوه شوف مجمع مارينا اللي على البحر في شارع الخليج
في حالة تبي رقم مطعم معين دق على 1808080 او رساله بس هم راح يردون خلال 10 ثواني بالنسبه للرساله
والمطعم الشعبي المميز في الكويت هو فريج صويلح ماكولات كويتيه

وبالنسبه للمنتزهات شوي في الكويت بس قولي شنو نوع المنتزه اللي تبي وياك اطفال مثلا او شنو نشاط المنتزه بالضبط

وسامحنا على القصور

اقسم برب البيت احرجتني بكرم اخلاقك وحسن ذاتك فان دلت دلت على كرم طباعك وحسن تربيتك وهذولا هم اهل الكويت طيبة واصل وكرم وحسن اخلاق الله يحفظ لكم ديرتكم امين يا رب
استاذي الكريم انا رايح معي طفلين وايضا ماخذ الوالد والوالده نمشيهم ونبسطهم وش تنصحني اروح يا الغالي ابروح في 5 فبراير وارجع ف 10 فبراير

اخوي هذا موضوع للاخت / احلى كيميائية ( رحمة الله عليها ) فيه الاحداثيات

http://www.arabtravelersforum.com/travel354824/

الوالد والوالدة راح يستانسون بالمباركيه بس خل يلبسون شتوي

بيض الله وجيهكم جميعا

اهلين اخوي
اذا معاك جارمن ماتحتاج احداثيات
انا الحين بالكويت
واستخدمه بدون احداثيات
ادخل على تسوق واختار المركز الي ابيه
ونفس الشي المطاعم وكل شي
ورحله سعيده ان شاء الله

المشاركة الأصلية كتبت بواسطة حبيب الشوق
http://www.arabtravelersforum.com/tr...8/#post4828920

اقسم برب البيت احرجتني بكرم اخلاقك وحسن ذاتك فان دلت دلت على كرم طباعك وحسن تربيتك وهذولا هم اهل الكويت طيبة واصل وكرم وحسن اخلاق الله يحفظ لكم ديرتكم امين يا رب
استاذي الكريم انا رايح معي طفلين وايضا ماخذ الوالد والوالده نمشيهم ونبسطهم وش تنصحني اروح يا الغالي ابروح في 5 فبراير وارجع ف 10 فبراير




ماعليك زود
وكل اهل الخليج طباعهم واحد طيب وكرم ومرجله
من غير اقصور في الباقين
والاخوان اللي ردو ماقصرو الله يجزاهم خير

اخي الكريم تلفوني بدزه لك على الخاص اذا قدرت او عطني اميلك ادزه لك( اخوك مو خبره بالمنتديات )
دق علي في حالت ضيعت او حصلتلك مشكله وانشاالله مافيه مشاكل لاقدر الله حاضر 24 ساعه ولا يسير خاطر اللى طيب ولا تستحي منى
واطلب من الله ان تكون رحلتكم سعاده