السلام عليكم ورحمة الله وبركاته
هذا اول موضوع لي اكتبه بالمنتدى هذا
&
&
&
&
جميع من يزور الكويت اقول له او نقول له او الكويت تقول له
يامرحبا فيكم الديره ديرتك
وهذي نصيحه للاخوان اللي راح يزور الكويت في الاعياد الوطنيه (علشان مانحب احد يتضايق من شي وهو بالكويت )
تدرون ان الاعياد الوطنيه بالكويت بتاريخ 25 و 26 فبراير الاغلبيه يدري ولا يحسب حسابه
تبدا المسيرات في الكويت بمناسبة الاعياد الوطنيه من تاريخ 23 فبراير الى 28 فبراير وتشدد اكثر من تاريخ 24 الى 27 وبالذات 25 و 26 مالك محط رجل
والاكثر ازدحام في شارع الخليح وبعض المناطق مثل المناطق القريبه من شارع الخليج والشوارع التي تؤدي الى شارع الخليح وايضا منطقه الاحمدي بالقرب من محافظه الاحمدي والشاليهات الجليعه الخيران يعني اغلب المنتزهات اللي على البحر والمزارع بس المزارع روح يمين يسار واطلع بر
هذي المسيرات لها سنين طويله وهي مسيرات فرحه للمسلمين وخاصه اهل الكويت وهي عباره عن تعبير الشعور بالفرحه ودائم يكونون قاعدين بالسياره وهرنات (بوري) وفوم(الرغوه) و رشاش الماي ( خل صدرك وسيع
تدرون ليش قلت لكم علشان اللي بزور الكويت وحاب مايدخل الزحمه يكون عنده خبر ويبعد من الاماكن هذي وعلشان يكمل السياحه واخر الليل يروح للمسيرات بعد الساعه 10 بالليل يتمتع شوي
علما ان تبدا تقريبا من الساعه 2 م الى 2 ص تقريبا اكثر زحمه ؟
قبلها او بعد الوقت خفيفه حيل ومسيرات مسالمه تقريبا(يعني يقل فيها الفوم )
وبالنسبه للي اول مره ويبي يشاركنا المسيرات في ذروتها او متعني علشان المسيرات من ديرته راح انقوله بعد العيد عيدك ولك حق تفرح مثلنا
هذي بعض النصائح لهم
1- لاتعصب اذا رشو عليك
2- خل الدريشه مسكره اذا ماتبي ترش
3 لك الحق ان تحط علم ديرتك على السياره (وبالعكس هذا يدل لهم انك جاي تشاركنا فرحتنا ) وتقدر تحط علمين اذا انت حاب
4 - نادر ماتحصل مشكله واذا حصلت لاتقرب منها او اذا حصلت لك مشكله تاكد كل 10 امتار دوريه وكل مكان حساس لفه تقاطع اشاره تحصل 50 دوريه
( لابد يا اخوان ان كل تجمع كبير تحصل مشكله بسيطه وترا المشكله اللي تحصل في المسيرات من شخص بالالف واحد يجيك جاهل وتنتهي بوقتها
وبالنهايه ترا مافيه مشاكل بس المسيرات لاطوفكم
و اي سؤال انا حاضر باللي الله يقدرني عليه
وتقبلو مني او منهم او من الكويت فائق الحترام والتقديرمواضيع عشوائيه ممكن تكون تعجبك اخترناها لك:
- صور من مجمع الكوت للتسوق ضمن منتجع الكوت في الفحيحل
- تدشين ثاني فنادق إيبيس في دولة الكويت
- طيران الجزيرة تبدأ تكثيف رحلاتها خلال موسم الشتاء
- اهم الاماكن في الكويت
- رحلتي الأولى لدولة الكويت نهاية عام
- عاجل للاهميه
- ارجوكم ابي رقم محل للملافع والحجابات بالجملة
- غداً سوف ازور دولة الكويت الحبيبه
- ابغي اعرف ياأهل الكويت شورايكم
- استفسار
- اخر صرعات عروض الطيران في الكويت
- ممكن توضحوا لي وين يصير شارع فرنسا او باريس
- سافرت الكويت وشبة اسبوعي اجي ابي حل
- لؤلؤة الخليج ذكريات جميلة وَ زيارة قادمة وَ تساؤلان
- الوشيعة
- سبنتااار الى الكووويت
- الصور الأولىلمشروع مدينة الحرير
- ياهل الكويت انا من جده وبنزوركم
- ياخبراء شيرو علي متى احسن وقت للسفر للكويت
- أبغى ازور الكويت خلال هذه الأيام
المفضلات