الموضوع: محتار بين انترلاكن وبين جنيف وضواحيها انسي

السلام عليكم

مثل ما انا كاتب ف العنوان

سبب اختياري لـ انسي .. ان فيه اسواق عندهم اسعارها ممتازه
وغير كذا البحيرة

اما انترلاكن ما قريت عنها ولا ادري ان كان فيها اسواق وسعرها افضل من باريس

علما ان كلا الخيارين سوف يكون المكوث فيها فقط يومين

ارجوا ذكر وش افضل اوتيل في المدينه المرشحه
يكون سعره معقول وقريب من الخدمات ونظيف وفيه امان

ارجوا المساعده الله يجزاكم الخير

وشكرا

مواضيع عشوائيه ممكن تكون تعجبك اخترناها لك:

• اجمل المناطق السياحية في سويسرا
• هذا مخطط رحلتي عطوني رأيكم
• فزعتكم جنيف ولا ديفون
• اتمنى من الاعضاء مساعدتي غي تخطيط لرحلتي الى اوروبا
• برنامج ل انترلاكن ايام
• الله يخليكم ساااااااااااعدوني
• بخصوص حجز الطيران
• خبراء اوروربا وخصوصا سويسرا احتاجكم
• استشاره بخصوص مخطط رحله
• استفسار عن العمله الدولار و الفرانك في سويسرا
• من انترلاكن الى زيرمات ؟؟
• مو عارف وين أروح في سويسرا
• عاجل افضل جهاز نوفي ماهو ؟
• ارجو المساعده عاجلاً
• ياريت تردو ع استفساري باقرب وقت
• مواقف كريستوف في زيرمات
• مابقي غير مشورتكم عاجلا
• ماهي القرية التي سكنت بها بالقرب من إنترلاكن وبنظرك هي الأفضل
• مطلوب احداثيات مطار جنيف عسى الله يحفظكم
• زار سويسرا في م ألف سعودي ، ألف إماراتي ، الف كويتي و الف قطري

كلمه لو جبر خاطر

مدة الرحله كم ؟ وتاريخ الرحله في اي شهر ؟ محطة وصولك اي دوله واي مدينه وسيلة التنقل سيارة ام تاكسي او باص او قطار
فنادق انسي قليلة وليست ذو المستوي الجيد
انسي مدينه رائعه باسواقها ومنتزهاته وهي جدا رخيصه مقارنه في جنييف
وهي ليست بعيده من جنيف اقل من 50 كيلو اذا وسيلة تنقلك سيارة تستطيع السكن في ضواحي جنييف
انترلكن تبعد عن جنييف حوالي 260 كيلو

آنسي جميلة وفيها اسواق خصوصا في آنسي القديمة
اسعارهم معقولة
بامكانك زيارة تقريري عن آنسي الفرنسية وتاخذ فكرة عن الانشطة والاسواق هناك


ما ادري اذا بتروح لها قطار او سيارة خاصة حتى افيدك اكثر ببعض المعلومات الهامة

Modeemr9
^^^^
اهلن اهلن اخوي الكريم
وصولي حيكون في باريس بتاريخ 19 اوقست والعوده من مينونخ بتاريخ 31 اوغسطس يعني المجموع 12 يوم
ومخطط اجلس في باريس 5 ايام !!!
بعدها يومين ومحتار بين جنيف وضواحيها ويمكن اسكن في يفون ان كانت افضل من انسي وبين انترلاكن خصوصا( اني حزور زيلامسي)
بعدها زيلامسي 3 ايام
ميونخ يومين
ومادري بين هالمدن وش افضل وسيله تنقل هل قطار ام سيارة
واشكر تواجدك الجميل اخوي الكريم


Lord115
^^^^^
هلا هلا هلا اهلن اهلن
شرف كبير وجودك هنا يا عمدتنا
كيف ما اقرى تقريرك وانت اللي مخليني احتار فيها !
مازلت في حيره بينها وبين انترلاكن فـ شورك يالغلا
واتمنى تفيدني في السكن ان رشحت وحده منهم
واخيرا اتمنى ان اشوفك طلتك الغاليه مره ثانيه


تحيتي لكم

مخططك بيكون متعب مكلف
سويسرا والمانيا وفرنسا والنمسا؟؟

راجع تخطيطك مرة اخرى او اشطب النمسا زيلامسي
المسافه بينها وبين انترلاكن بعيده

اهلن اخوي اللورد

ليه مكلف او من اي ناحيه يالغلا !!
متعب قصدك في التنقلاب ,, بس انا عندي 12 يوم واتوقع بمل لو جلست في باريس بس او ميونخ.. وش رايك

لو فرضنا ان لغيت زيلامسي
بس عودتي لارض الوطن حتكون من ميونخ مثل ما خبرتك يالغلا
وحسب علمي ان زيلامسي قريبه من ميونخ ..

فـ لو بلغي .. حـ الغي انترلاكن وش رايك؟
وانتقل من باريس لجنيف عن طريق قطار واستاجر سيارة واسكن في ديفون ومعي سيارة
ثمن ارجعها بعد يومين واركب طيران داخلي واطير لميونخ واخذ سيارة ثاني من المطار واتنقل بين زيلامسي وميونخ وارجع السيارة لارجعت المطار

وش رايك بالخطه

او

اخذ موتر من باريس واروح لجنيف فيها والفلف فيها وارجعها في مطار جنيف واقلع ع ميونخ من هناك واخذ موتر ثاني هناك واطلع فيها لزيلامسي وميونخ وارجعها لارجعت ارض الوطن

اتمنى نصايحك وتوجيهاتك يالغلا
تحيتي لك

Lord115
^^^^^
هلا هلا هلا اهلن اهلن
شرف كبير وجودك هنا يا عمدتنا
كيف ما اقرى تقريرك وانت اللي مخليني احتار فيها !
مازلت في حيره بينها وبين انترلاكن فـ شورك يالغلا
واتمنى تفيدني في السكن ان رشحت وحده منهم
واخيرا اتمنى ان اشوفك طلتك الغاليه مره ثانيه

توي انتبه لردك هذا
الشرف لي الله يرفع قدرك وبخدمتك انت والجميع
عطني مهلة الليلة وباذن الله اشوف اَستفسارك كاملا
واكتب الافضل لك باذن الله

اهلن اهلن بعمدتنا ,, ردك يسر الخاطر

والله مافي الا قرايه بهالنت .. شكلي بلبس نظرات طبيه قبل السفره

فـ انتظار ردك يالغلا
بس حبيت اقولك ان وصلت لمخطط اخير وان شاء الله مايكون عليه ملاحظه
مثل ما انت عارف وصولي لمطار باريس بتاريخ 19 اوقست
والرجعه من ميونخ بتاريخ 31 اوقست
الخطه كالاتي

5 ايام باريس- اخر يوم استاجر سيارة واطلع فيها لديفون
ديفون - انسي - جنيف يومين - واسلم السيارة في مطار جنيف واطلع بقطار سويسرا ع زيلامسي مده 8 ساعات
3 ايام زيلامسي-بدون سيارة !
يومين ميونخ
وسلامتك

الحين لو فرضنا قلت لي زين المخطط ف عندي استفسار يا طويل العمر
وش افضل اوتيل في ديفون
افضل اوتيل فـ زيلامسي او المدينه اللي جنبها
وافضل اوتيل بميونخ

ومن وين استاجر سيارة في باريس علما اني ساكن قريب من الشانز . هل اروح المطار ولا في مكان قريب مني ؟
ووش سالفه اني اسلم السيارة في القسم الفرنسي في جنيف عشان الضريبه ما فهمت او ماعرفت كيف راح افرق بين القسمين
وش اسم المحطه اللي اطلع منها ع زيلامسي .. هل هي من المطار .. سؤالي هذا بناء ع هل المطار اللي بالقسم الفرنسي له محطه او لا ووش اسمها !

الله يسعد هالوجه دنيا واخره
ولا يحرمنا طلتك الغاليه
تحيتي لك

5 ايام باريس- اخر يوم استاجر سيارة واطلع فيها لديفون
اشطب فكرة تستاجر سيارة من باريس لديفون
مسافة بعيده وباريس شوارعها ضيقة ،، ما انصحك اطلاقاَ

الخطا في مخططك هو
انك الغيت انترلاكن واضفت زيلامسي
والمفترض تحط انترلاكن لانها بمنتصف سويسرا

اقترح عليك
الوصول لباريس ومن باريس تسافر طيران اقتصادي ايزي جت الى جنيف ومن هناك
تستاجر سيارة وتسافر وتتنقل على راحتك لديفون وجنيف وانترلاكن وتسلمها في زيورخ
لكن في ضريبة تسليم راح تضاف عليك اذا سيارتك من المطار الجانب الفرنسي
اذا من الجانب السويسري ماعندك مشكلة ،، واذا ناسبك المخطط بشرح لك مسالة الجوانب بالمطار والفرق بينهم

اذا فيك جهد تواصل من انترلاكن لزيلامسي اوك مع انها مسافة 550 كيلو

بس احسك تبغي زيلامسي اكثر من انترلاكن
لكن لاتنسى انك تبغا تسافر من اقصى غرب سويسرا الى اقصى شرقها حتى تزور زيلامسي