الموضوع: محتاااجه مساعده من اهل الكويييت بليييز

مرحبااا..انا جارتكم من المنتدى السفريات لنيوزلند اللي تحتكم...ومحتااااجه مسااعدتكم عن بعض اشيااء عن الكويت...
صراحه لما اشتركت في هذا المنتدى الوحيد من نوعه حبيت بس افييد كل من يسأل عن نيوزلند ما توقعت انني بفتح موضوع في يووم عشاان اسأل عن شي بس الحيين وبعد ما انني نويت ان شاء الله اقضي اجازتي في الكويت احترت في اسئله واااايده واولهم الاسعااااار...ماني عارفه كم يكفيني وكم اجيب معي...عشان جذي فتحت هذا الموضوع لكل سؤال يخطر في بالي ...
اول سؤال : كم سعر الموبايلات هناك ؟.
وكم سعر الشريحه ؟ وكرت التعبئه ؟؟
سمعت ان الاكترونيات حييل رخيصه هناك ..هل هذا صحيح ؟؟ كم سعر الاب توب عندكم :114:
و 300 دينار كويتي لمدة شهر في الكويت..ايش بيسووون ؟؟ كافيين ؟؟

مواضيع عشوائيه ممكن تكون تعجبك اخترناها لك:

• افيدوووووووووووووووووووووني يآهل الخيرر
• فزعتكم يا اخوان ، استفسارات حول السكن
• للكويتيات او الي عندهم خبره فقط
• البلدية وافقت على مشروع تطوير الجزيرة الخضراء
• مجموعة أسأله عن الكويت بتاريخ
• اقرب فندق لسوق المباركية
• الفزعه يااهل الكويت الحبيبه
• طلبتكم يالغالين لاتردوني
• استفسار
• فنـادق الـريتـز للشقـق الفنـدقيـه
• استفسار عن قرية مارينا
• وين الاقي الجت سكي الدباب البحري في الكويت؟
• استفسار عن مجمممممع؟
• بسأل عن مدارس الكويت متى تعطل
• اريدة زيارة مجمع الكوت والفروانيه العربيد ومول 360 وسوق شرق والمركز العلمي
• حبايبي وأعزائي أعضاء بوابة الكويت الفزعة
• فزعتكم برنامج عائلي لثلاث ايام في الكويت
• استفسار عن مخالفه
• وين الآسوآق الجلابيآت الي تبيع بالجملة احلى كويتيات
• العيد بالكويت غير فزعتكم فديتكم

حياك الله أختي n.z

الموبايلات أسعاره عاديه مثلها مثل أي مكان في دول الخليج الثانيه ما فيه ذاك الفرق .

بالنسبه للشرائح هناك شرائح مسبقة الدفع لشركتين الأتصالات المتنقله ( ايزي ) و الوطنية للاتصالات ( اكسبرس ) و الاسعار مختلفه بس أنها تبدأ من خمس دنانير .

بالنسبه للتعبئه ( الايزي يبدأ من دينار و نص ) اما ( الاكسبرس من دينارين و نص )

سعر الألكترونيات مثلها مثل أي مكان في الخليج و من واقع تجربة أسعار اللاب توب في الكويت يمكن أغلى شوي من سعرها في الرياض .

أما بالنسبه لل 300 دينار ما تكفي حتى سكن لأن أسعار الفنادق و الشقق تبدأ من 25 دينار اليوم

باختصار ال 300 دينار يالله يكفونك أسبوع لا و بالغصب .

[glint]أي مساعدة أنا حاضر و بالخدمه [/glint]

ياهلا والله اختي الكريمة N.Z girl حياج الله في ديرتج الثانية الكويت
تنور الديرة بحضورك الكريم


بخصوص الكويت



فاعتقد انها تنفع لاجازه من 3 ايام الى اسبوع بالكثير

* الشريحة في شريحة الوطنية للاتصالات ب 5 دنانير مع رصيد مجاني بـ دينارين ونص

* وبخصوص اللاب توب فاسعاره تتراوح من 280 الى 750 دينار على حسب المواصفات والنوع


* مبلغ 300 دينار اتوقع انه نوعا ما قليل جدا وخصوصا للسكن لمده شهر



* اسعار الموبايلات هي نفسها اسعار الموبايلات في باقي دول الخليج


* و الصرف في الكويت تقريبا مقارب لبقية دول الخليج سواء مطاعم مواد غذائية استهلاكية كماليات الخ الخ


ارحب فيج مرة ثانية

مشكوورين على الردود السريييعه...

انا صحيح من الخليج بس صارلي 15 سنه في نيوزلند...:108: ..يعني مااعرف اسعار باقي دول الخليج مقارنة للكويت...


السكن والاكل والشرب راح يكووون عند خالتي في الكويت...يعني 300 بس مصرف جيب وتسوووق ...واهم شي تسوووووق . ...انا قالولي الكوييت حيييل رخيصه بس ابي اتأكد منكم عشان اعرف كم اجييب معي ..

اوكي الحين ضمننا الشريحه والكرت...بس ما عرفت اسعر الموبايلات ....

الاب تووب عندنا ارخص...:114:

اوكي شوي سؤال صعب..انا جوازي نيوزلندي.. ابدا ماسمعت ان في نيوزلندي دخل للكويت..فهل تعرفون اذا لازم فيزا للكويت ولا لا ؟؟ سألت مكتب الطيران قالوا انهم مو عارفين ..فهل في طريقه عشان الواحد يعرف مثل هذي القوانين ؟؟

وشلون شتا الكويت هذي السنه ...باااااارد بااارد ولا دافي ..يعني هل الواحد يحتاج يكثر من الملابس الشتويه الثقيله مثل الي عندنا ولا الشتويه الخفيفه ؟؟


مشكورين مقدما...!!

لا بد من مراجعة أقرب سفاره للكويت عندك و التأكد من أعطائك الفيزا أو بامكانك القدوم باستخدام كرت زياره عن طرق خالتك و بامكانها استخراجه من أدارة الهجره و الجوارات في الكويت .

الكويت شتاها جدا بارد بس على حسب الاتصال مع الأهل يقولوووون الى الان ما جاء الشتاء اللي هو . يعني ان الجو حرارته مناسبه الان . يدخل البرد تقريبا في شهر ديسمبر كالمعتاد .

و بالنسبه للملابس لا تكثريين لأنك بتحصليين ملابس كثيره و حلوه في الكويت و ما راح تلحق شناطك بعدين عليهم . أنصحك تجييبين شي معتدل و ما هو ثقيل مره .

و بالنسبه 300 دينار ما دام انتي عند خالتك راح يكفونك أذا ما راح تتسوق كثير و تا كلين و تشربين في بيت خالتك .

تحياتي و تنور الكويت بحضورك و تمنياتي لك با جازه سعيده .

انواع الخطوط المؤقتة...
+ايزي تابع لشركة الام تي سي...و سعره يبدأ من 5 دنانير و كرت التعبئة يبدأ من 3 دنانير...
و اغلب شي يكون الخط بالبداية معبأ...
+اكسبرس تابع لشركة الوطنية...نفس الشي يبدأ من 5 دنانير...و كرت التعبئة يبدأ من دينارين ونص...
------------------------------
بالنسبة للهواتف...فسعرها مثل الخارج...
و الهواتف الجديدة اللي نسمع فيها اغلبها تكون ما بين الـ100 و الـ200
----------------------------------------
بالنسبة للإلكترونيات...فسعرها مثل استراليا (اعتقد استراليا نفس اسعار نيوزلندا، صح؟)
يعني اللاب توب مثل ماقال اخوي...سعره مابين الـ200 و الـ750...
----------------------------------------
بالنسبة للجو...
اعتقد البرودة راح تعتمد على فترة زيارتك...
يعني اذا كانت زيارتك الى الكويت يعني ببداية شهر 12...او منتصفه...راح تكون البرودة نوعا ما قوية خاصة في الفترة المسائية...لكن اذا كانت زيارتك في شهر 1 او بداية 2...راح يكون الجو بارد جدا...
----------------------------------
التسوق...
اذا كان تسوقك خفيف...يعني راح تكفيك الـ300 و راح تزيد...
لكن اذا كان بخاطرك موبايل...و لاب توب...ماراح يكفيك...اللا اذا كان اللاب توب رخيص و الموبايل بحدود الـ150 دينار...راح تحتاجين اكثر من 400 دينار...
(حطيلك حساب فيزا او ماستر...و اذا صارت لك اي مشكلة خبري اي واحد من نيوزلاند يودع لك)
---------------------------------
شكرا لج و اتمنى اكون فدتج...

نيوزلندا من الدول ال34 التي رعاياها لا يحتجاون لمراجعة السفارة للحصول على الفيزا ، مجرد وصولك مطار الكويت تحصلين على تأشيرة دخول سياحية لمدة 3 أشهر بدون أي تعقيدات :101:

وبالنسبة للجو فدرجات الحرارة تتراوح بين 7-20 في ديسمبر و4 -16 في يناير (أحياناً توصل الصفر) ..


وما قصروا الأخوان في الرد على باقي الإستفسارات :113:


تحياتي

اهلا وسهلا بالجميع

Q8_78 مشكوووور على الرد ..

وللاسف مافي سفاره كويتيه في نيوزلند..اقرب وحده في استراليا ..!!
يعطييك الف عافيه ...

----------------------------------

مشكوووور Dhari ...

ايه صح اسعار استراليا مثل نيوزلند تقريبا ...

ومشكووور يا كويتي 17 و كويتي 2 ..الكل ماقصر صراحه اجوبه وافيه ..

يعطيكم الف عااافيه...

مايخالف سؤال ثاني ؟؟ :27:

اوكي سمعت يقولون في موقع على الانترنيت من خلاله تقدر تعبي اسمك ومعلوماتك واذا كان معاك اكل ولا لاا.. وتوديه للكويت او للمطار يمكن على الانترنيت ؟؟ تعرفون وين هذا الموقع ؟؟؟؟؟؟؟

في عندكم مواقع للمحلات المشهوره مثل الملابس والاكترونيات على الانترنيت مع سعر كللللل قطعه...مثل اللي عندنا تحت

http://www.dse.co.nz/cgi-bin/dse.fil...ogs/RTC0000001

http://www.farmers.co.nz/specials-ftc1193.aspx

:7:

اختي الكريمة كان في مواقع مثل كيوايت مول + اور جالف


http://www.q8mall.com


http://www.ourgulf.com/store/index1.asp?dept_id=1


بس للاسف مغلقة هذه المواقع من فترة

بخصوص الاكل وتوديه الكويت والمطار بصراحة ماعندي فكرة ...

لاااا ما يشتغلوون !! ؟؟

مشكوور يا نايس مان على كل حااال ...

حياج الله أختي n.z اعتقد ما تحتاجين فيزا للحضور الى الكويت فيزا سياحيه لمده شهر مجانيه تاخذينها من المطار وبالنسبه لاسعار الاب توب تقريبا من 200 دينار الي 800 دينار وفي مستعمل ارخص بكثير موجودين في حولي شارع بن خلدون