الموضوع: ما رايكم في فندق Costa Del Sol Hotel في الكويت

المشاركة الأصلية كتبت بواسطة رميدان
http://www.arabtravelersforum.com/tr...6/#post4881804

السلام عليكم

انا طالع للكويت الاسبوع الجاي وحاب اسال عن كم شغله
رايكم في فندق Costa Del Sol Hotel واقرب طريق للفندق من المنفذ

وابي اعرف افضل المطاعم الكويتيه واللبنانيه والبحريه اللي تصلح عوايل
واحسن القهاوي والكافيهات اللي تصلح للعوايل

مشكورين ماتقصرون



الفندق يصير على الخليج العربي منطقه الشعب البحري يعني لو انت ياي من نويصيب وماخذ خط فحيحيل باتجاه الديره اتكمل لين توصل بين حولي وميدان حولي من بعدها تصير الشعب على ايدك اليمن تاخذ اول دخله يمين دخلت منطقه الشعب واتكمل سيده جنك بتطلع على الخليج قبل ماتطلع في دخله يمين اخذها تلقى الفندق يسارك ..
ان شاء الله قدرت اوصف عدل

المطاعم ( لبناني : ميس الغانم - الصنوبر - فيلا فيروز - عبدالوهاب - المياس / كويتي : فريج صويلح - الستينات - بيت ديكسون - عقاب- ماضينا / هندي : مغل محل - قيصر / سي فود : النوخذه - المرسى - فيش ماركت / ايطالي : نينو - جوني كارينوز - نابكت - ماريوز )

مطاعم امريكيه: B+f - fat burger - burger hub - slider station -

كوفي شوب : شوكلت بار - كاكاو - فونتشو - ماكرون - جافاديتور-

وشوف الجدول تحت في التوقيع يمكن يفيدك بعد

وحيااكم الله

اولا السلام عليكم

ثانيا الفندق روعة واختيار موفق على البحر

ثالثا المطاعم اللبنانية :

فيلا فيروز

ليلا من لبنان

عبدالوهاب

برج الحمام

ميس الغانم


الامريكية:

شيليز

فرايديز

بافلوز

هارد روك

جوني كارينوز

فدركرز

نينو

ابل بيز



مطاعم البحرية

فش مارك

النوخذة

الشرمبى

البوم


كوفيات:

ستار بوكس

كاريبو

انا انصحك جميع المطاعم العربية والامريكية وكوفيات موجودة بمجمع الافنيوز

اى سؤال اخر انا حاضر

من أي منفذ راح تدخل السالمي ولا النويصيب

منفذ الرقعي الله يسلمك

المشاركة الأصلية كتبت بواسطة رميدان
http://www.arabtravelersforum.com/tr...6/#post4890790

منفذ الرقعي الله يسلمك

حبيبنا الغالي

من واقع تجربة


نصيحة أخوية لك ركب برنامج الجارمن في جوالك و راح ترتاح


و تصل لكل الأماكن التي تريد زيارتها بكل يسر و سهولة

طبعا خط السالمي تقريبا 100 كيلو وما فيه استراحات الى ان تصل الى وصلة الجهراء وبعدين راح تاخذ اجباري يمين خط سريع كمل راح تلقى منطقة سعد العبدالله على ايدك الشمال (منطقة جنوب الجهراء )كمل على طول تقريبا 20 كيلو بعد 20 كيلو راح تجي لك لوحة مكتوب عليها الدائري السابع يمين والدائري السادس يسار خلك مع الدائرى السادس تقريبا امش 20 كيلو اخرى نهاية الدائري السادس اشارة مرور تحت جسر المسيلة وامامك شارع الخليج العربي يبدا من شاطئ انجفة بعد جسر المسيلة على ايدك اليمين ووراه كم اشارة مرور بعدين تصل لشاطئ البدع ووراه دوار البدع ووراه شاطئ البلاجات كمل على طول الى ان تصل قبل ابراج الكويت بمسافة 5 كيلو راح تحصل الفندق على ايدك الشمال بمنطقة الشعب البحري حاولت اختصر الطريق لك واوديك لاسهل الطرق واذا ما فهمت على وصفي انصحك تحط قارمن هههههههه تحياتي لك