الموضوع: رحلتي الى النمسا عام

بسم الله الرحمن الرحيم
تقريري هذا لرحلتي عام 2008 كتبت التقرير اول مارجعت من رحلتي ولكن للاسف مااكملته وانشغلت عنه ، ولما حبيت اكمله الآن ورجعت له لقيت الصور انحذفت فحبيت ارجع ارفعها من المنتدى نفسه عشان ماتنحذف واكتب موضوع جديد لان صعب تعديل الصور الن فارجو من المشرفين حذف تقريري السابق
------------------------
بداية احب ان اشكر كل من اضاف اي معلومه ولو كانت صغيره الى هذا المنتدى الرائع لاني استفدت كثيرا منه .. وفعلا لاتكتمل اي سفره الا بجمع كااامل المعلومات عن الاماكن السياحيه فيه .. ولهذا عاهدت نفسي انني اكتب موضوع افيد فيه الاخرين بما رأيته وكل خطأ واجهته ادونه عندي كي لايقع غيري فيه ..
اولا سأذكر لكم خط رحلتي ومن ثم الفنادق وبعدها سأدخل في التفاصيل..

خط رحلتي : على الخطوط السعوديه (الرياض - فينا - زيلامسي - سالزبورغ - يورب بارك - ميونخ - الرياض)
مدة الرحله : 18 يوم
الفيزا : من السفاره الايطاليه عن طريق مكتب الصرح واستغرقت اسبوعين ولكن تم استخراجها قبل الرحله ب شهر

كانت اول غلطه وقعت فيها كثرة التنقل ولكن الحمد لله لم يكن معي اطفال لصعوبة التنقل بهم..فهذا هون الامر علي ..

وانصح باتخاذ الحجوزات والترتيبات بفتره لاتقل عن 3 اشهر للحصول على افضل الاسعار وافضل الاماكن ..

الفنادق: فينا 4ايام ( nh atterhouse) يقع في شارع ماريا هلفر
زيلامسي 6 ايام ( لاتيني)
سالزبورغ 2 يوم ( رينسانس)
يورب بارك / المانيا 2 يوم (كوسيسو)
ميونخ4 ايام ( ميركيور ميونخ هوتيل)
----------------------------------------------------------------

كانت الرحله يوم السبت الموافق 5/7/2008 الساعه: 3 فجرا
----------------------------------------------------------------

انصح كل من اراد ان يستأجر سيارة ان يشتري من بلده (نفقيتر) ولايكتفي باستئجاره مع السياره ..

واود توضيح مسألة المرأه والعبايه هناك لاني انصدمت من الموضوع جدا ، العباءه هناك ليست مستغربه سواء سوداء او ملونه ولكن المستغرب والمرفوض عندهم هو النقاب او اللثام بشكل عام فنظرات الاستغراب والاستهزاء والضحك ازعجتنا كثيرا خصوصا في فينا وسالزبورغ ويورب بارك..
وهذا ماجعلني استغرب اين الكم الهائل من النساء الاتي كانوا معنا بالطائره ؟؟ ..

شنطة الظهر مهمه جدا لحمل بعض الضروريات ..

تدوين اسماء الاماكن باللغة الالمانيه مهم جدا وكل مااردت ان تخرج اكتب الوجهه في ورقه صغيره واحفظها معك..

-------------------------------------------------------------

وصلنا الى مطار فينا الساعه 8 صباحا بتوقيت النمسا وكان (مجدي) السواق المصري الذي دلنا عليه اخ وصديق عزيز على قلبي (جزاه الله الف خير) ..
استقبلنا (مجدي) بالمطار وركبنا معه في سيارته التاكسي واتجه بنا الى الفندق وفي الطريق اخذ يشرح لنا عن بطاقات الجوال ومكان شرائها وكيفية استخدامها ووعدنا انه سيساعدنا بالامر ..
مرينا على محطة القطار وكان يوجد بها محل يبيع بطاقات الاندر قراوند اشتريناها وشرح لنا كيفية استخدامها .. اتجهنا للفندق ولكنهم اعتذروا بانه لايوجد الآن غرف فارغه فتسليم الغرف يبدأ الساعه 10 صباحا ..
وضعنا الشنط عندهم واتجه بنا مجدي الى محل يبيع بطاقات الجوال ولكن وجده مقفل .. فعزمنا على الفطور جزاه الله خير كريم :24:
بعدها اشترينا بطاقات الجوال ولكن الاتصالات هناك مكلفه جدا فنصيحه قللو الاتصلات واتركوا كثرة المصاريف عنكم :114:

اتجهنا الى الفندق واستلمنا الغرفه وكانت جدا رائعه كبيره شرحه وخصوصا انها كانت في الدور السابع وكان فيها بلكونه .. فباقي الغرف لا يوجد بها بلكونه .. وكانت تحتوي على غرفة نوم وصاله صغيره
وهذي بعض الصور للغرفه






اخذنا راحة وقيلولة الى الساعه 3 عصرا وبعدها انطلقنا الى برج الدانوب عن طريق الاندر قراوند وكان اسهل مما توقعت ، اهم شي يكون معك الخريطه وكل شي بعدها سهل ..
تمشينا في الحديقه وكان الجو رااائع وطلعنا البرج وكان منظر فينا عن بعد 650 متر له طابع اخر ..
والايسكريم في مطعم البرج له طعم خااص ..



فكانت رحله جميله بكل مافيها ولكن تركنا نهر الدانوب ليوم اخر لان الوقت تأخر..
وهذه بعض الصور للحديقه









ثم اتجهنا الى ساحةشارع الكارنتر الذي يتصل بساحة ستيفن وكانت تعج بالسياح الغرب والعرب وجميع انواع الاستعراض من رسم وموسيقى ..

تناولنا فيها وجبة العشاء في احد المطاعم التركية اخذنا الشاورما اللذيده الساخنه ..
ثم اتجهنا الى الفندق استعدادا لرحلة مشوقة في الغد الباكر ..
وهذه صوره لشارع الكرنتر

مواضيع عشوائيه ممكن تكون تعجبك اخترناها لك:

• عضضو جديد واتمنى تفيدوني لمن لديه الخبره
• خبراء النمسااا ارجو الدخول
• اوروبا لأول مره اتمنى المساعدة
• النمسا شهر اكتوبر
• رحلة صيف م سحر الطبيعة في النمسا
• مساعده في اجوبة لجدولي السياحي
• صور
• الكابرون في ابريل؟ وهل توجد مناطق ثلجية اقرب لفيينا؟
• هل قمه كابرون ماتصلح في سبتمبر؟تعالو شوفو الجو
• نصيحتكم يااخوان
• وبعـــــد الحماس
• جدول الى زيلامسي
• حصريا شهر العسل الى النمسا والمانيا
• أنا في حيرة بسبب الطيران أرجو المساعدة
• ` البحيرآت النمسآوية`
• محطة الوصول والمغادرة ميلان
• رأيكم ي حبايبي في الجدول هذا ؟
• رحلات أعضاء البوابة إلى سوريا الحبيبة
• بسافر للنمسا ومحتاجتكم
• انسبروك

ليوم الثاني في فينا :

استيقظنا في الصباح باكرا وكانت الساعه الثامنه بتوقيت النمسا .. تناولنا الافطار في الفندق وكان مطعم الفندق يشمل جلسات خارجيه في الهواء الطلق وجلسات داخليه .. وطبعا نحن بلاتردد جلسنا في الخارجيه وكان الجو رااائع صباحا وهذا لايمنع من سطوع الشمس احيانا فيميل الجو الى الحراره..

بعدها اتجهنا الى حديقة قصر الشونبرن وتجولنا فيها بالقطار .. فكان القطار يقف عند كل محطه وننزل فيها ويسير بعد عشر دقائق ولك الخيار في الجلوس او الصعود مرة اخرى لتكملة الرحله ..
اكملناها الى ان وقفنا عند نقطة البداية وكان هناك حديقة الحيوان التابعة للقصر .. كانت رائعه بمختلف اركانها لكن الجو لم يساعدنا ذلك اليوم فكار حار نوعا ما ولكن ايسكريم فينا ينسيك حرارة الشمس :surfing:
فاكتفينا ذلك اليوم بالحديقة والجوله السريعه بالقطار..

وهذه مقتطفات من حديقة الحيوان :113:


بعدها توجهنا الى الفندق لناخذ فترة الراحه وفي الساعه 5 عصرا تقريبا توجهنا الى حديقة شتاد بارك وكانت رائعه وزادها روعة الجو لانه بدأ يبرد ..




وفي الساعه 8 مساء اتجهنا الى الفندق وكان الجوع ذااابحنا .. ولحسن حظنا ان مطعم ماكدونالدز امام فندقنا .. اخذنا وجبة السمك وكانت وجبتين ب 70 ريال بينما في بلادنا الحبيبه ب 30 ريال (حبي لمملكتي):24:

ولكن مالاحظته انه بدأت تظهر علينا اشكال غريبه فاسرعنا بالتوجه للفندق والعشاء هناك .. فانا انصحكم بعدم التأخر ليلا من بعد الساعه 8 مساء...

وغدا يوم حافل باذن الله ...

اليوم الثالث في فينا

بعد مااستيقظنا الساعه 8 صباحا طبعا كالعاده ركككض على الشباك لنرى حالة الجو، فوجدناه غائم ،، بعد ماافطرنا في الجلسات الخارجيه لمطعم الفندق ،، قررنا الذهاب اليوم الى (( نهر الدانوب)) ،
ذهبنا بالاندر قراوند وتمشينا هناك على النهر وكان المنظر روووعه والجو ارووع ..





كنا نريد استئجار قارب في النهر ولكن الجو لم يساعدنا فلما اتجهنا الى محل التأجير وجدناه مقفل بسبب الغيم ..
ثم بدأ المطر يرش وخلال خمس دقائق زاد المطر كثييييرا ونحن نقاوم :11ight:

اخيرا لم نستطع الجلوس اكثر فتوجهنا الى الفندق قاصدين دلة القهوه في هالجو الخيالي .. وفي الطريق تذكرنا احد الاعضاء جزاه الله خير كاتب في تقريره عن محل فطيرة البندق اللذيذه اسم المحل ( انكير) امام فندقنا ومنتشر بشكل كبير في المدينه ..

ذهبنا للفندق وارتشفنا الذ فنجان قهوه مع الفطيره .. وصراحه القهوه لها طعم ثاني في هالجو :24:
شوفو كيف صارت البلكونه في هالجو


وبالمناسبه بذكر لكم طريقة سهله لعمل القهوه في السفر اكيد في كثير يعرفونها لكن البعض لا يعرفها(يوضع في بريق فواح المويه الكهرب قهوه ونصها او ثلاث ارباعها مويه بس مايملى الابريق ويشبك في الكهرب وكل مافاحت القهوه يطفئ ثم يشغل مره ثانيه وبعد ماتفوح يطفئ الى 3 او 4 مرات نفس الطريقه ويضاف اليه الهيل والزعفران ويطفئ لما تهدى القهوه شوي وتزل في ترمس ):113:

توقف المطر فخرجنا الى ساحة ستيفن لكن هناك ضايقونا جدا كثرة السواح الغرب المندهشين جدا من مسألة النقاب وانواع الضحك والتعليق والاستغراب ..

وجدنا الكنيسه الضخمه ودخلنا فيها لنستكشف وشكلهم ربطوا النقاب بالكنيسه زين ماراحو كلهم يتنقبون :109:



التقطنا بعض الصور من الداخل



خرجنا من الكنيسه وصرنا نمشي ونلتقط صور لتماثيل في الساحة



وصرنا نمشي الى ان وصلنا شارع الرنق وبدأت عصافير البطن توصوص :101:
ووجدنا امامنا المطعم المشهور والمنتشر هناك بكثرة (نورد سي) وهو عبارة عن بوفيه اسماك وجمبري ورز وايدام وبوفيه ثاني ساندوتشات تاخذ ماتريد من هنا ومن هنا وتحاسب على الكميه الي اخذتها
وبعد ماامتلئت البطون قلنا نهظم شوي ونمشي وجدنا امامنا عربات الخيول وكان شكلها روعه لكن سعرها مروع كانت لفة بسيطه في الساحة ب 600 ريال تقريبا





طبعا تركناها بعد ماعصبت راعيتها لاننا سألناها وجلسنا نتشاور وفي الاخير مشينا وتركناها..:109:

مشينا ومشينا الى ان اصبحنا لانعرف اين وصلنا وبعد ماشفنا الافتات التي تدل على شارع ماريا هلفر وارقام المحلات عرفنا اننا في الطريق الصحيح وقررنا الرجوع للفندق مشيا على الاقدام وبعد حوالي ساعه الا ربع وصلنا الى الفندق بعد ماميلنا على محل ايسكريم بعد هذا التعب وتفاجأنا بشيء لايصدق ،،،،،،،،،،،،،،،،،،،،،،،،،،،، طعم خياااااااااااااالي كأن الفراوله اكلها طازجه والمنجا كذلك يممممممم :110:

وصلنا الفندق الساعه الثامنه تقريبا وبدأ المطر ينهمر بقوووه مرة اخرى :surfing:

وغدا يوم حافل باذن الله في اخر يوم لنا في فينا

اليوم الرابع في فينا (الاخير)


بعد مااستيقظنا صباحا وافطرنا فطور الفندق في الجلسة الخارجية .. انطلقنا الى قصر الشونبرن بالاندر قراوند،،
ولما وصلنا هناك قابلتنا حديقه كبيره مليانه بالسياح وجلسنا نبحث عن القصر ولم نتوقع انه امامنا لان شكله لايوحي بالقصر كأنه مدرسه 



وهذي الحديقة الخارجيه للقصر ،،



انتهينا من استكشافها وذهبنا لقص تذاكر القصر وكانت 3 انواع و 3 تسعيرات وكل تذكره بحسب ماتشمله من اماكن .. اخترت النوع الاوسط ويشمل نزهه في القصر والحديقة الداخلية للقصر ومخبز القصر .. بدأنا بالقصر وكان مليييييئ بالتحف والاثاث والمنظر رااائع جدا واحسن مما توقعت وكل شخص يعطونه هاتف صغير يشرح كل مكان في القصر من مجلس وصالون وغرفة النوم وصالة انتظار الزوار للملك وصالة الطعام والغرفة التي مات فيها وسريره الخاص وصور زوجته والتصوير ممنوع في القصر .. بعدها توجهنا الى الحديقه الداخلية للقصر اللي تتمنى ان معك ترمس قهوه وتقعد تتفنجل فيها والتقطت لكم بعض الصور منها ..





بعدها ذهبنا الى اخر شي وهو المخبز للقصر اول مادخلنا كانوا يوزعون قطعه من الفطيره المخبوزه لكن عرفوا اننا مسلمين ونبهونا بوجود كحول فيها لكن ريحتها للحين في خشمي :109: تفرجنا عليهم وهم يخبزون الفطيره الى ماانتهو منها ولم نذقها لوجود الكحول فيها كما ذكرت ..

شوفوا الطباخة وهي تخبزها





وهذي بعد ماانتهت منها وبتضعها في الفرن




بعدها خرجنا وجلسنا ندور في الحديقة الخارجيه للقصر وكان منظرها روعه لكن الجو لم يساعدنا اليوم حااار جدا ..

خرجنا من القصر الساعه الرابعة عصر وتوجهنا الى شارع فرفنتين كان مليييئ بالمطاعم التركيه وبالشعب التركي ومكتوب على المطاعم (حلال)

جلسا في احد المطاعم وتغدينا فيه وكان اكلهم لذيذ جدا وجلستهم خارجيه ،، بعد ماانتهينا تمشينا في هالشارع وكان مليان محلات مخفضه وطبعا مانسينا خلال التمشيه ان ناخذ الايسكريم النمساوي اللذيذ ،، وجدنا محطة اندر قراوند وركبنا فيه متجهين الى محطة opra (بنلحق على كل شي اخر يوم) اول ماصعدنا من السلم الكهربائي وجدنا الاوبرا امامنا اخذنا لفه سريعه حولها ،، وبعد ماتعبنا اتجهنا الى الفندق وكانت المصيبه عند وصولنا منهكيييين وتعبانين من الصباح وجدنا مصعد الفندق عطلان ونحن في الدور 7 .. اعتذروا مننا وقالو خمس دقائق وبيتصلح وضعنا عندهم الاغراض وخرجنا قليلا وبعد خمس دقايق رجعنا ووجدناه مازال متعطل .. شدينا الهمه وطلعنا 7 ادوار بالدرج والحمد لله وصلنا سالمين :x1:

انتهى اليوم وحزمنا امتعتنا استعدادا ليوم غد والسفر الى مدينة العشاق (( زيـــــلامسي)

رأيك في فندق nh atterhouse

من حيث الموقع والنظافة

هل الحجاب ملفت في النمسا ؟؟؟؟ لقد تفاجأة من ردت الفعل

متابعين التقرير

اهلا بك اخي وجهة نظر الفندق ممتاز من ناحية الموقع والنظافه وكل شي ولو قدرت تاخذ غرفه في الدور الاخير يكون احسن عشان البلكونه والاطلاله الحلوه

وبالنسبه للنقاب بكون صريح معك عشان ماتتفاجأ مثلي
النقاب مستغرب لكن مايجيك مضايقات الا قليل جدا ( واحد قاعد يصارخ علينا في سالزبورغ ) لكن لاتلتفت لهالاشكال ابد ولا كأنك تسمع شي ، والباقي نظرات استغراب فقط وكأنهم اول مره يشوفون منقبه

اخواني هل اكمل التقرير ؟ لاارى اي تفاعل مع اني حريص على ادق التفاصيل

شكرا لك اخي وجهة نظر

اليوم الثامن في زيلامسي

كان الجو في ذلك اليوم مغيم وضباب والمطر قوي ،، وكنا مخططين على شلالات كريميل ،، فكرنا في تغير الوجهه بسبب الجو ولكن ، قررنا بعد ان ننزل ونفطر بعدها لكل حادث حديث ،، فعلا بعد ان انتهينا من فطورنا وصعدنا الغرفة ورأينا الجو خارجا من الشباك تفاجأنا ،، المطر توقف والغيم خف وصار الجو رااائع سبحان الله فصلين في ساعة واحدة ،،

اتجهنا الى محطة الباصات الى ان جاء الباص رقم (670) المتجه الى شلالات كريميل ،، اخذ الطريق مننا تقريبا ساعة وربع وطبعا لايحتاج ان اصف الطريق والمناظر فيه لانها اصبحت معروفة ،،

وصلنا هناك وقصينا تذاكر الشلالات وكان للوصول الى منطقة الشلال هناك طريقين فوق وتحت ،،
فوق يستغرق منك ساعة مشيا على الاقدام وطلعة متعبه جدا ، والثاني تحت يستغرق 3 دقائق ، طبعا بدون تفكير بعد ان جربنا الطلعه الى فوق لمصب الشلال تراجعنا مباشرة ونزلنا تحت الى نقطة وصول ماء الشلال ،، استقبلنا رذاذ ماء الشلال وكان منظره رووووعه ونزول الماء قوووي جدا ويضرب الارض بقوه والماء يتطاير ،، جلسنا هنا قليلا والتقطنا بعض الصور





ويامحلى شوكلاتة ميلكا بالبندق في هالمكان :24:
لما جاءت الساعة 1 ونص ظهرا انتهينا من الشلالات وكان موعد الباص الساعة 3 ونص فلما ذهبنا الى مكان الانتظار وجدنا امامنا ملاعب اسمها عجائب المياه ،، قصنا تذاكر ودخلنا استمتعنا جدا بالتجارب فيها
وهذا الحلو كان اول من يستقبلنا



وهو عباره عن مجسم صغير تلعب وتحركه عن طريق يد مثل يد السوني :109:

وهذا شكل الجبل اللي امامنا واحنا جالسين



وهذي شلالات الكريميل من بعيد واحنا جالسين في داخل المدينة



وشاهدنا فلم عرضوه لنا في صالة العرض ( لكن للاسف الى الحين ماادري ايش دخل الفلم المعروض بعجائب الماء ماحصلت اي صله بينهم )

بعد ماخرجنا توجهنا الى محطة الباص وركبنا ولكن هذه المره لم يوصلنا الى محطتنا عند الفندق بل اوصلنا الى محطة القطار الفرعيه وركبناه ليوصلنا الى المحطه الرئيسيه ولكن كانت متعبه جدا لانه اخذ منا تقريبا الطريق ساعتين ،،

نزلنا في السنتر نبحث عن مطعم جيد واتجهنا الى مطعم علي بابا ولكن كان مزززززدحم جدا ،، مشينا ووجدنا مطعن ايطالي ولكن لااذكر اسمه كان امامه محل سبورات والجدار امامه زاوية ،، تغدينا فيه البيتزا والاسباغتي وسلطة السيزر وكان رااائع اكلهم بصراحه ولا فيه زحمه كثيييره لان المكان كبير ،،
وفي المطعم بدأ المطر ينزل ولكن فوقنا مظلات المطعم ،،

بدأ يبرد الجو كثيرا من المطر ،، رجعنا للفندق استعدادا ليوم غد حافل باذن الله ..

اليوم التاسع ,, زيلامسي

بعد المطر بالامس توقعنا انه يستمر اليوم وفعلا وجدناه مستمر ولكن الشمس ساطعه سبحان الله وبعد الفطور توقف المطر وصار الجو بين الغيم والشمس ،،

خرجنا الى محطة الباص متجهين الى (قمة شمتن هويه ) كانت قريبه جدا من السنتر ،، وصلنا هناك وقصينا تذاكر الصعود بالتلفريك ،، وكان التلفريك عربة واحدة يركب فيها حوالي 30 شخص ثم يصعد بنا الى قمة الجبل ،، وصلنا الى القمة ووجدنا امامنا كافي وخرجنا للخارج فكان الجو بارد ،،





ومن فوق الجبل ترى بحيرة زيلامسي باحلى صوره




وبدا المطر ينهمر ويزيد والجو يبرد الى اننا لم نستطيع الجلوس اكثر فدخلنا للكافي واشربنا الكابتشينو اللذيذ في هذا الجو القارس ،، وفيه وحده اميريكيه تقول بردانين؟ وتضحك علينا :112:

وهذي صورة الكافي من فوق





كان امنامنا الشباك ونراقب الجو لعل المطر يتوقف لنخرج ولكن فجأه صار الجو ابيض لانرى شيئ لان الغيم نزل جدا وصار الجو كله ضباب ، خرجنا لنستمتع بالمكان بعد توقف المطر ولكن كان المكان ابيض من الغيم









بعد مابرد الجو جدا قررنا النزول وركبنا الباص واتجهنا الى السنتر تمشينا قليلا عند البحيرة ولكن الجو بدأ يبرد جدا قررنا ان نتعشى لنرجع الى الفندق ذهبنا الى مطعم كباب 2000 امام محطة القطار الرئسية لكن لم يعجبني كثير الشاورما نصها خس :108:

رجعنا للفندق مشيا على الاقدام والمطر يرش قليلا كانت الساعة 5 مساء (ياليل مااطولك)

زين ان معنا قهوه نقرقش عليها شوي :109:

انتظروني غدا مع حلقة جديدة من زيلامسي ورحلتنا الى (تون كلام)

حبيت ان اوضح نقطه انا كان برنامجي مااتاخر في ليل كثير عشان يمديني ارجع للفندق اريح شوي وانام واقوم الصباح نشيط جدا لاني ضد الارهاق في السفر وكأن الواحد ملحوووق

اليوم العاشر ،، زيلامسي اخر يوم

استيقظنا الساعه الثامنه صباحا ونزلنا للافطار ،، وكان تخطيطنا اليوم الذهاب الى (تون كلام) ،،
ولكن الجو كان ممطر جدا وبارد فقررنا ان نتمشى قليلا حول الفندق الى مايخف المطر ذهبنا للسوبرماركت ودخلنا بعض المحلات القريبه ثم اتجهنا الى محطة الباصات وركبنا الباص المتجه الى كابرون وابلغناه اننا نريد (تون كلام ) وهو عبارة عن مصب الشلالات الطبيعيه في كابرون واسمه بالالماني
kaprun sigmund thun klam

لما وصلنا هناك كان المطر يرش رش خفيف جدا ،، قصينا التذاكر وكان سعر التذكرتين ب 6،60 يورو ، لما قالت لنا الموظفه انه يستغرق منك الصعود نصف ساعه تقريبا او ساعه الا ربع خفنا ان يكون مثل صعود شلالات كريميل متعب ولكن قالت انه سهل فتوكلنا على الله وسرنا وكان عباة عن درج خشبي بين جبلين والشلال يصب من تحتك بقووووه ،، نصيحه للي معهم اطفال ينتبهون لهم زين لانه درج وبينه فتحات ممكن تزل رجل الطفل ويطيح ،،كان المنظر رااائع بصراحة ..





وهذي لقطه لها من فوق



وبعد الصعود تقريبا نص ساعه مصب الشلال وهذه صورته



صعدنا للاعلى ومشينا قليلا فجاءت البحيره امامنا
ولكن قبل ان نصل اليها واجهنا حيوان غريب اول مره اشوفه لكني اكتشفت بعدين ان اسمه (لاما) او (لامه)





ثم البحيييره





مشينا على حافة البحيره الى ان وصلنا للاخر وكان يوجد كافي وملاعب للاطفال ولكننا لم نجلس وياليتنا جلسنا لان بعد ماتركناها ومشينا اكثر بدا المطر يهطل مرة اخرى وبقووووه وصارت الارض طييين ،، تعبنا صراحه جدا الى ان وصلنا للنهاية وخرجنا مسرعين لمحطة الباص ولكن لايوجد هناك محطة مظلله ،، جلسنا تحت المطر حوالي نص ساعة ولما جاء الباص كان ملياااان ولم نجد لنا مكان للجلوس لان الناس كلهم رجعوا بسبب المطر ،، اتجهنا للفندق ونحن نرجف من البرد وانتم عارفين مع هالجو ايش اول شي تفكر فيه :114:
طبعا القهوه تدفيك وهذي قهوتنا قبل لانزلها في الترمس



بعد ن بدأ المطر يهدا كثيرا نزلنا وتوجهنا الى السنتر وتمشينا هناك قليلا لنودع بحيرة زيلامسي :110:

ثم ذهبنا الى المطعم الايطالي وتعشينا فيه نفس الاطباق السابقه ،،

انتهينا من جولتنا وكانت الساعه 7 مساء ، توجهنا للفندق لنجهز امتعتنا استعدادا للرحيل يوم غد وموعدنا مع سالزبورغ :surfing:

مدري الصور ظاهر للجميع اكمل

نعم واصل والله معاك

متابعين

الله يعطيك العافية
واصل متااابعينك
تقرير واااااااااااافي بمعنى الكلمة

تقريرك حلو عجبنى واحلى مافيه انه متسلسل
الله يجزاك خير

الف شكر للجميع

اليوم الثالث عشر ،،، يورب بارك

استيقظنا صباحا ونزلنا للافطار وكنا نظن اننا سنلحق على قطار الساعه التاسعه ولكن تأخرنا قليلا ، كان الجو ذلك اليوم بديييع وممطر ،، حزمنا امتعتنا وانطلقنا الى محطة القطار وكانت الساعه 9:35 واخذنا تذاكر على رحلة 9:55 توجهنا الى القطار وركبنا مباشره فهو لايحتاج الى انتظار ،، توجهنا الى ميونخ ووصلنا الساعه 11:40 وكانت المحطة كبيره جدا ومليئه بالخدمات من مطاعم وسوبرماركت وغيره ،، اتجهنا الى مكتب تأجير السيارات (يورب كار) الذي سبق لنا الاتفاق معه في السعوديه على نوع السياره وتم دفع مبلغها بالجارمن ولكن المفاجاه وجدنا سيارتنا (قير اتوماتيك) بدون الجارمن احترت كثيرا في أخذها ولكن بعد ماسألت جميع المكاتب المجاوره لم احصل اي سياره فاستسلمت للامر الواقع واخذت السياره وقررت ان اعتمد في طريقي ليورب بارك على الخرائط الورقية وكانت مغامره لنا ،،
وهذي المملوحه

الحمدلله مسكت الطريق السريع وكنت على اعصابي كيف بطلع من المدينه لكن ربي ستر ، الطريق كان ممتع بالمناظر والخضره لكن كانت تصادفنا بعض الحفريات والزحمه ،،
كان المسؤول في المكتب قد حدد لنا المدينه على الخارطه التي يوجد فيها اليورب بارك واسمها
rust
ولكن للاسف هو من النفسيه الشينه حدد لنا مدينه اخرى اسمها
rastat
وبعد ان وصلنا لها ودخلنا المدينه واخذنا لفه بسيطه فيها اكتشفنا الخطأ بعد سؤالنا لاحد الالمانين بلغة الاشاره طبعا لانه مايعرف انجليزي
رجعنا للطريق السريع ومسكنا الخط واكملنا حتى وصلنا الى مدينتا الحمد لله بعد ان اخذ مننا الطريق 6 ساعات اول مادخلنا المدينه وجدنا اللوحات اللي تدلنا على يورب بارك واتبعناها حتى وصلنا الى فندقنا كوسيسو
استلمنا غرفتنا وكانت رائعه ويوجد فيها 6 اسرة طبعا هالاسرة الزاميه موجوده في جميع الغرف،، واليكم الصور







وهذا مطل الغرفه وانا حددت دائره سوداء من هنا طريق الوصول الى الملاهي

بعد ماريحنا شوي في الغرفه قررنا النزول واخذ جوله تحت في اللوبي ووجدنا باب يخرج على ساحه خارجيه رااايقه فيها كوفي وفيها مطعم ونوافير ومسرح اذا صعدت له رأيت كل الفندق فالتقطت لكم صورة الفندق من الخارج وانا فوق المسرح



وهذا مسبح الفندق



وهذي الحديقة للفندق



اخيرا قررنا العشاء في المطعم وهذي طاولتنا



كان طلبنا عباره عن سلطة سيزر + سباغتي والحساب = 27 يورو
الكل لذيذ جدا والمطعم رائع ولكن زحمه شوي
خرجنا من المطعم فوجدنا وقت استعراض النافوره



اخذنا ايسكريم من اللوبي وكان لذييييييييذ جدا وصعدنا لنرتاح ونستعد ليوم غد حافل بالنشاط واللعب

اخوي كم تبعد تون كلام عن تلفريك كابرون ؟؟

وهل متعبه التون كلام ؟؟

مااعرف المسافه بالضبط لاني رحت لكل واحد منهم في يوم لحاله لكن هم على نفس الخط وقريبه من بعض ، لكن كل واحد منهم يستحق الزياره ولايكفيهم يوم واحد ،،
الجسر غير متعب لانه سهل الصعود ولكن اللي معه اطفال خطر عليهم لازم يشيلهم ويربطهم فيه لانه مفتوح على الجوانب واي حركه من الطفل خطر انه يطيح انا شفت اللي معهم اطفال حاملينهم بالحامل اللي على الظهر او البطن

طيب كيف أخوي يعني تذهب صعود .. ولما ترجع مرة ثانيه عشان ترجع للباص تنزل من نفس الطريق اللي دخلت منه ؟؟

وهل اقدر ازورهم اثنينهم في يوم واحد ؟؟

بعدين لو سمحت عجل على ميونخ لأن يهمني كثير

المشاركة الأصلية كتبت بواسطة ميونخ 2010
http://www.arabtravelersforum.com/tr...6/#post3892736

طيب كيف أخوي يعني تذهب صعود .. ولما ترجع مرة ثانيه عشان ترجع للباص تنزل من نفس الطريق اللي دخلت منه ؟؟

وهل اقدر ازورهم اثنينهم في يوم واحد ؟؟

بعدين لو سمحت عجل على ميونخ لأن يهمني كثير



هلا فيك اخوي

لا لما تصعد هالدرج تحصل بحيره لازم تاخذ لفه عليها عشان ترجع لكن الرجعه عباره عن طريق ترابي تنزل معه وتطلع على المخرج على طول،،
شوف اذا انت ماعندك ايام كفايه لزيلامسي روح يوم للكابرون ولوووو طلعت منها بدري ممكن تمر على تون كلام لو ماكنت مرهق لكن الكابرون اهم صراحه واستمتع فيها
وبالنسبه للجو اذا كان مشمس افضل الكابرون لكن اذا كان ممطر حلو في تون كلام

هلا فيك اخوي

انا مااستخدمت سياره في زيلامسي كل تنقلاتي كانت بالباص فما اقدر افيدك بهالموضوع

لكن فيه موضوع في القسم كاتبه الاخ رجل شرقي عن جميع الاحداثيات


رحلــــــــ موفقه ــــة

اليوم الرابع عشر ؛؛؛ يورب بارك

استيقظنا الساعه 8 صباحا ونزلنا الى افطار الفندق كان الافطار راااائع ومنووع والناس نشيطون وهناك فعاليات اطفال من شخصيات ديزني ومهرجين ..


انطلقنا الى مدينة الالعاب وقصصنا التذاكر من ريسبشن الفندق وكان هناك خيارات تذكره لمدة يوم او يومين طبعا احنا اخترنا يوم واحد وكان السعر للشخص 31،50 يورو

اول مادخلنا كانت الساعه 10 صباحا وبدأنا بلعبه خفيفه (للتسخين)

كانت عباره عن قارب خشبي يدور في بحيره ويمر على كشكات بيع فواكه (صناعيه )ومجسمات غريبه





طبعا المدينه كبيييره ومليئه بالالعاب وهذي صوره التقطتها لكم من فوق لعبة البرج



وكان فيه صالات عروض وفعاليات كل ساعه تقريبا



ومسرح العرائس



ووجدنا هالعربه دارت فينا في المدينه ب 1 يورو





اكلنا الدونات اللذييييييييييييييييذه

اخيرا جاءت الساعه 7 مساء وتعبنا جدا وبدأ الجووووع يداعبنا

بحثنا عن مطعم ولكن للاسف كل المطاعم زحمه ولاتتوفر خيارات كثيره فلم نجد الا برجر اللحم طبعا قررنا العشاء في مطعم روما في الفندق ووجدنا فيه بوفيه مفتوح لشخص ب 25 يورو وكان البوفيه رائع من سلطات ومقبلات والمكرونه والبيتزا وانواع الحلى واخيرا انتهينا وصعدنا الى الغرفه بعد يوم متعب لنجهز الشنط استعداد لرحلة غدا الى ميــــــــــــــــــــــــــــونخ

متشوقين لميونخ عجل علينا تكفا

ابشــــــــــــــــــــــــــــــر


دقايق وبنزل التقرير

غدا باذن الله رحلتنا الى الاوت لت

تقرير حلو

ومتابعين معك

رأيك في فندق ميركوري لأني حجزته مع افطار ب 445 ريال لليلة

وهل بعيد عن المترو ؟ وأيش الأماكن اللي حوله ؟؟ هل يوجد حلاقين اتراك هناك ؟

وكم سعر الجولة البانوراميه ومنين تاخذها؟ وكم تستغرق ؟

اذا هو نفسه فندقي اللي حجزته مثل مانت شايف صوره الفندق ممتاز لكن هو داخل شوي في الحاره وموقعه ممتاز قريب من كل شي وقريب منه محطة الباصات والمترو
وبالنسبه للحلاقين ايه شفت كم واحد وانا امشي في الحاره ، رحلة بانوراما مايحظرني سعرها لكن اتذكر ان سعرها كان معقول جدا وغير مبالغ فيه، وموقعهم قريب من الفندق تقريبا امام محطة القطار

لكن الرحله كانت ممتازه واختصرت علينا الوقت وشفنا ميونخ لاننا ناوين الايام الباقية تكون تسوق
اما وقتها في رحلات تبدأ من 8 وفيه 9 وفيه 10 يعني كل ساعه وكل مكان يتوقف الباص فيه ربع ساعه وانت اذا حاب تجلس مافيه مشكله لان معك كرت تركب في الباص اللي بعده وتوريهم الكرت

اليوم السابع عشر ،، ميونخ
سأختصر باقي الايام لانه لايتوفر عندي صور لها لانها كانت كلها تسوق فلم اصور المجمعات ولكن سأذكر لكم بعض النقاط المهمه،،

توجهنا صباحا لمحطة القطار وكان الجو غائم وبارد وجدنا اول رحله للقريه اللي فيها الاوت لت الساعه 9 صباحا ولم يبق عليه الا عشر دقايق قصينا التذاكر وتوجهنا للقطار ،،

طريقة الوصول الى الاوت لت :
1- اخذ قطار من محطة القطار الى قرية Ingolstadt
2- ومن هناك ركوب الباص الموصل الى محطة الباصات main bus
3- ثم ركوب الباص رقم 20 وسؤاله اولا هل يوصل الى Ingolstadt village out let
من المهم كتابة الاسماء في ورقة لانهم لايتكلمون الانجليزيه فتعاملنا معهم بالورقه المكتوبه والحمد لله وصلنا الى الاوت لت

طبعا هو عباره عن محلات في ساحه مكشوفه وليس في تجاري ، كان صراحه رائع واسعاره ممتازه ويتوفر فيه بعض الماركات العالميه ولكن محلاته ليست كثيره جدا
----------------------------------------

طريقة العوده من الاوت لت :
1- ركوب الباص المتجه الى محطة الباصات ويأتي تقريبا كل ساعه يعني الساعه 2 ونص - 3 ونص - 4 ونص والافضل اخذ مواعيده من الانفرميشن في الاوت لت قبل البدء بالتسوق ليكون لديك علم بالمواعيد (وماتتوهق)
2- بعد الوصول هناك الذهاب الى المحطة على الشارع وليس المحطة الرئيسيه والركوب من هناك الباص رقم 10 والتوجه الى محطة القطار
3- عند الوصول الى محطة القطار لابد من سؤال الانفرميشن عن مواعيد القطار المتوجه الى ميونخ لاحتمال تغير رقم البوابه المكتوبه على التذكره .

ملاحظة مهمه:
ركوب الباصات والتنقل بها يكفيه تذكرة القطار ولا يلزمك قص تذاكر جديده للباص.
-----------------------------------------------------

اليوم الثامن عشر ،، ميونخ اخر يوم

اليوم لم نخرج الا الساعه 10 توجهنا الى الاندر قراوند وقصينا التاكت من الانفرميشن وكان سعره ب 9 يورو يكفي من شخص الى 5 اشخاص

ذهبنا مع الخط u1 الى محطة oez واول ماصعدنا من الدرج وجدنا بوابة المجمع امامنا ، تمشينا هناك وتسوقنا ووقت الغداء وجدنا مطعم نورد سي طبعا مافكرنا بغيره ،، جلسنا في المجمع حتى الساعه 4 عصرا ثم فكرنا ان نذهب لمجمع اخر وهو مجمع الريم ولكن وجدنا الطريق بعيد جدا ففضلنا الرجوع للفندق اولا ووضع الاغراض والصلاة ثم الخروج مرة اخرى وفعلا توجهنا لمحطة مجمع الريم واول ماصعدنا مع الدرج وجدنا المجمع امامنا ،،

ولكن كان المجمع الاول افضل جلسنا فيه حتى الساعه 8 ثم خرجنا وتوجهنا للفندق وفي طريقنا قصينا تذاكر ليوم غد بالمترو للتوجه الى المطار (لانه ارخص بكثيييير من التاكسي)
وانتهت رحلتنا ولله الحمد وكانت احلى رحله لاني جهزت لها بوقت كافي وكنت حريص على ادق الامور ..

المشاركة الأصلية كتبت بواسطة ملجلج
http://www.arabtravelersforum.com/tr...9/#post3898909

صراحه انا اشوف الاوت لت اعجب زوجتي وتقضت منه وتقول انه اشياءه خيصه مقارنة بغيره يعني مثلا تاخذ شنطه بالف ريال وهي موجوده في بوتيك الماركه نفسه ب 2500 لكن ماتكون من موديلات نفس السنه ، وبصراح هو حلو يستحق الزياره وهو لامشوا ولاشي عادي القريه قريبه يعني تقريبا ساعه ا اقل بالقطار

المجمع اسمه oez نفس اسم محطته

المجمع الثاني اظن هو نفسه للي قلته ومحطته نفس الاسم ماتضعها وانا رحت لها بالاندر قراوند مو بالمترو ، طبعا ميونخ عندهم 3 وسائل مواصلات (الباصات - المترو- الاندر قراوند)

حجزت للقطار على الاندر قراوند ووصلتني للمطار عادي اخذنا معنا الشنط وركبنا الاندر قراوند وبالعكس زينت يوصلك بسرعه لان مطارهم بعيد




اخوي ( المترو = الاندر قراوند ) هذا قصدي

وانا مستغرب انك ما استخدمت بطاقه لمدة 3 ايام للاندر قراوند

-- مافهمت عليك يوم تقول حجزت بالقطار !! على الاندر قرواند ؟؟ قصدك ذهبت من الاندر قرواند على طول للمطار ؟؟ وايش اسم المحطة اللي توقف عند المطار وأي مسار ؟u?

وكم يبعد المطار بالتاكسي من فندق الميركوري سيتي سنتر إلى المطار ؟؟ وكم ساعه يستوجب اكون في المطار قبل موعد الرحلة ؟؟ يعني مطارهم الطريق له زحمه وداخل المطار زحمة |؟

لا الاندر قراوند مااستخدمته الا فقط اليوم الاخير اللي رحت فيه للمجمعات وكنت عارف اني ماراح احتاجه 3 ايام
لا انا اقصد حجزت للمطار على الاندر قراوند عادي رحت للانفرميشن في محطة الاندر قراوند وقلت لها اني ابي اخذ تاكيت للمطار (انا سألت قبل بيوم وقصيت التاكيت عشان بس اعرف وضعي واتاكد ) بالنسبه لاسم المحطة راح تعرفها من الانفرميشن ،

بالنسبه للطريق والله ماادري لاني مااستخدمته بالتاكسي لكن مثل ماقلت لك الاندر قراوند طبعا سريع ومايواجهه اي زحمات وخذ مني الطريق حوالي نص ساعه الى ساعه الا ربع

الافضل انك تروح قبل بوقت عشان لو يواجهك اي عثرات ماتتاخر على رحلتك يعني الافضل قبل موعد رحلتك ب 3 او 4 ساعات خصوصا ان المطار يتوفر فيه خدمات وكبير فما راح تمل

الافضل تجمع مشترواتك الجديده كلها بشنطة ويكون معك التاكس فري وتسترد فلوسك في المطار

طيب اخي عندي 3 ايام بميونخ ::

وش تنصح او ممكن تنظم لي وين اروح خلال هالايام ؟؟

وهل المنطقة اللي حول الفندق خطرة بالليل ؟؟

وابي الاشياء المميزة هناك والحلوة

رحلة فوق الخيال ما شاء الله عليك مرتبة و مهندسة صح
و انا استفدت من ها حييل و الحمد لله

على فكره اخوي ميونخ 2010 انا لما قلت لك ان فيه وسيلة مواصلات اللي هي المترو كنت اقصد شي ثاني اللي هو القطارات فوق الارض لكن انا هذي مااستخدمتها

استخدمت الباصات والاندر قراوند فقط

اخوي ملجلج الله يعطيك العافيه على هذا التقرير (حبيت اسألك بالنسبه للفيزا عادي انك طلعتها من الايطاليه وانت مارحت ايطاليا انا محطة وصولي فرانكفورت ومادري من وين اطلعها خايف يحوسونن فوش رايك)

تسلممممممممممممممممممممم والله يالغالي

للتوضيح : اللي فوق الأرض يسمونها( ترام)

أنا زيارتي تسوق وتمشية

اجزاك الله خير ياخوي طيب ياخوي عندي سؤال ثاني بالنسبه لليورب كار ايهم اقرب لزيارتها من زيلاماسي او من ميونخ

الغالي ما قلت لي المسافة من ميونخ إلى القرية اللي فيها الأوت لت كم الوقت ؟؟

ماتبعد كثير تقريبا ساعه

أمممم تصدق يا اخوي كتبت أسم القرية بموقع القطار الألماني طلعت لي قرى كثيررررررة بنفس الأسم Ingolstadt

رفع للفائده

اخووي ملجلج الف شكر لك يا الغالي وطرح مميز ما شاللة عليك وجرري بتاخذك السيارة من غير جارمن

ملاحضاتي انت ضيعت وقت كثير واستنزفت مال كثير لعدم اخذك لقارمن من دولتك افضل اخذتة معاك وركبتة واستمتع بوقتك بزيلامسي وغيرة السيارة بنظري مهمة جدا جدا

بالنسبة لميونخ انا بسكن بنفس الفندق وان شالله يكون عند حسن الظن

بسالك عن مجمع الومبياد للتوسق هل جربتة او مر عليك

تبل تحياتي اخي الكريم

تسسسسسلم !!!

ماشاء الله تبارك الله أبداع .
جوزيت خيرا ً
موضوع رائع بكل ماتحمله الكلمة من معنى .
شكراً لك .