السلام عليكم ورحمة الله وبركاته
اضع بين أيديكم هذا التقرير البسيط والخفيف عن زيارتي لباريس الاسبوع الماضي والتي كان الهدف منها الاستكشاف كوني لم اسافر من قبل لباريس .
بداية الرحله كانت من بريطانيا وتحديد من Huddresfield مدينتي الصغيرة في شمال بريطانيا مرور ب Leeds حيث الوصول الي London ومن بعدها اخذ القطار اليورستار الي Paris
الرحلة كانت بدايتها في يوم الثلاثاء
محطة Huddersfield station وانتظر القطار القادم لكي اصل الي Leeds station والمدة بين المحطتين هي 15 دقيقه فقط.
وبعدها وصلت الى Leeds station وكانت هذي الصوره
جدول الرحلات وانتظار القطار المتجه الي محطة King cross London
وبعدها ركبت القطار المتجه الي لندن وهذي الصوره من داخل القطار على وقت المغربيه .
طبعا وصلت لندن في المساء وكانت رحلتي الي باريس في فجر الاربعاء الساعه الخامسة .
لذا نمت في لندن والفجر صليت وتوجهت الي محطة St Pancras International في لندن وهذي المحطة من الداخل .
رحت للجهاز عشان استخرج التذكرة لاني شريتها بالبطاقة الائتمانية .
وفي الساعه الخامسة والربع ركبنا القطار وتحركنا الي باريس وكان الرحلة مره سريعه وصلنا في الساعه الثامنه تقريبا صباحا .
كانت المحطة مزدحمه بالمسافرين وطبعا كوني اول مره اسافر ما قدرت اصور المحطه لاني ابي اروح للفندق بسرعه وتعرفون جيت على وقت الدوامات تقويت فاشل ): .
المهم رحت الاوتيل وحطيت اغراضي وبسرعه طلعت الي شارع المحبوبين والعشاق الشانز وجبت لكم هذي الصور كان الجو مره حلو مشمس يقولون برد بس خويكم ما حس فيه يمكن عشان برد بريطانيا اقوى من فرنسا .
من قدك يــا Charles De Gaulle Etoile أحد المشاهير يصور معك 
اتمنى اعجبتكم الصور وبعدها عاد رجعت الفندق ورحيت ونمت وكانت جولتي في المنطقة اللي ساكن فيها واسمها Bastille مع اصحاب لي اجانب تعرفت عليهم واحد منهم من اليابان والاخر من استراليا والاخير من ماليزيا ولكهم مسافرين لوحدهم نفس حالتي .
وفي يوم الجمعة توجهت الي مسجد باريس الكبير ولذلك لصلاة الجمعة والعصر واخذ جو روحاني في هذا المسجد الجميل بعمرانه .
المسجد يعتبر من اقدم المساجد في باريس واقدمها حيث اسس هذا المسجد في سنة1920 م على يد الشيخ القدروره وهو طالب علم جزائري .
والمسجد يحتوي على ساحة و مكتبة وحديقة ومصلى نساء . تسطيع الوصول للمسجد من خلال محطة اسمها
Place Monge
على خط الزهري 7 بس لما تطلع من المحطه ادخل في الشارع اللي يقابلك في الوجه وراح تشوف المناره مره واضحه من الشارع العام .
انصحكم بزيارته والصلاة فيه حين زيارتكم باريس
وبهذي الصور تنتهي الزيارة الدينية لي في هذا اليوم .
ومن بعدها توجهت الي منطقة اسمها
Saint-Michel
طبعا انتم اكيد تعرفونها ميه بالميه وهي الحي الاتيني وتمشيت فيها العصر وتغديت في مطعم كنتاكي
وطلعت بهذي الصور لكم من هذي المنطقة
اعجبتني الصورة هذي لان الميني كوبر طالعه مع اللوان القصر متواقفه فيه مزيج اللوان
بعد الجولة في الحي الاتيني كان الموع مع برج ايفل وكنت حجز مسبقا على الانترنت الساعه 6 المساء
وفعلا اني لم حجزت كانت فكره اكثر من رائعه لاني لما وصلت البرج لقيت طابور هائل من الناس للي يبون يطلعون البرج ولكن رحت وسئلتهم انا حاجز عن طريق الانترنت نت قالوا لي اهلا وسهلا تعال ادخل مع الممر السريع قدام الناس ويقولون وش فيه هذا طبعا اكيد مو تميز بس هذه فائده للي يشتري من الانترنت ولا يقعد ينتظر طابور طويل وتضيع وقتك
ولكم هذي الصور من برج ايفل وحول البرج
هذي الصور اللي حبيت اعرضها لكم
طبعا كثير كانت الاجواء ممتعه في باريس وايضا فعلا تستحق ان تكون جهة سفر لشهر العسل فيها رومنسيه غير طبيعية
وبشكل عام استمتع في الرحله مع اني كنت لوحدي
الفرنسيين مره ناس منفتحين للاخرين ويحبون يتكلمون كثير
انتبه من الشاحاذين والنصابين يكثرون في اماكن العرب
استخدم المترو مره جيد وبشكل عام المواصلات في باريس ممتازه جدا
سوف اكرر الزياره مره اخرى ولكن ببرنامج اخر ومختلف ان شاء الله
والحين لازم انام لان الوقت تاخر عندي وبكره صلاة جمعة ان شاء لله وجمعة مباركه لكم
اتمنى اني كنت خفيف عليكم في تقريري المتواضع
والله يحفظكم ويرعاكم
مواضيع عشوائيه ممكن تكون تعجبك اخترناها لك:
رد مع اقتباس
المفضلات