السلام عليكم و رحمة الله و بركاته
كل الشكر لكم يا اخوان و رحم الله والدينكم
باختصار شديد عندي مجموعه من الاسئلة الله لا يهينكم افتوني فيها
علما بأني حجزت على طيران ليون وافراد الرحلة انا و زوجتي فقط .
موعد الذهاب هو الاحد الموافق / 25 يوليو الساعه 7 م بتوقيت السعودية و الوصول لجاكرتا يوم الاثنين 26/ يوليو الساعه
9 صباحا.
موعد العوده الاحد الموافق 8 اغسطس الساعه 12 بتوقيت جاكرتا.والوصول لجدة الساعة 17 .
س / كم يوم تعتبر أيام الرحلة الفعليه ؟ 14 ام 13 لحساب الميزانية ؟ ارجو حسابها لي مع قيمة الفيزا لشخصين وضريبة المغادره .
14 يوم بما فيها يوم الوصول ويوم العوده لان شهر 7 ميلادي 31 يوم
13 ليله وهي الاهم في الميزانيه عدد الليالي لانك عن طريقها تعرف كم ليله تحتاج للسكن
قيمه الفيزا من المطار 50 دولار لشخصين +300 الف روبيه قيمه ضريبه مغادره ((34 دولار تقريبا ))=85 دولار فيزا + ضريبه مغادره
اذا من السفاره 90 دولار بدلا من 50 دولار للفيزا
س / بخصوص الفيزا و الجوازات... هل اقوم انا بعمل دفع الرسوم و التفييز وتختيم الجواز بختم الدخول عن زوجتي ام هي تقوم بذلك عن نفسها ؟ ولمن تدفع ضريبة المغادرة عند العودة ؟
انت تقوم بذلك اول ما توصل المطار تلقي مكتب الفيزا قدامه كراسي خل الاهل يجلسون ينتظرونك وانت اعمل الفيزا ومن ثم توجه لمكتب الجوازات تدخلون جميع انت وياها ابحث عن موظفه امراه في مكتب الجوازات ان حبيت افضل
ضريبه المغادره تدفع لموظف الخطوط عند قصك للبوردينق
يمكنك تتبع الاجراءت بالصور في الموضوع المثبت في القسم العام للسفر لاندونيسيا تحت عنوان الدليل الشامل
س/بخصوص الفنادق في جاكرتا .... هل الفنادق بثلاث نجوم مناسبه للعوائل وآمنه ؟ لاني وجدتها في بعض المواقع حوالي 150 ريال لليلة فسعرها مغري جدا ...
الامان نعم في اغلب فنادق جاكرتا بس النظافه والترتيب اقل
مو كل الفنادق سوي حدد اي فندق وجدته مناسب لك بسعره ونجاوبك عنه
س / بخصوص السفارة..... ماهي الاوراق المطلوبه مني عند ذهابي لها ؟ وهل احتاج للبطاقه او كرت العائلة في أي مكان في اندونيسيا غير الجواز ؟
اخوي بطاقتك وكرت عائلتك لا تاخذه معك اصلا ممنوع تاخذه من البلد وتطلعه معك !!
جوازك هو وثيقه الاثبات لك في خارج الوطن
اول ما توصل الفندق اطلب من الرسبشن يصورونه لك ويختمون الصوره بختم الفندق امر طبيعي وطلب عادي الكل يطلبه لا تستحي تسويه وخل جوازك في صندوق الامانات مع اموالك او في السفتي بوكس اذا متوفر بغرفه الفندق وخذ معك فقط صوره الجواز ومصروفك
السفاره تطلب اصل الجواز فقط لتقوم بتسجيله والامر ماياخذ وقت سريع سريع يسوونه لك
س / بخصوص العزبه ..... ان شاء الله ناوي على فله في الجبل هل الفله أمان لي انا و زوجتي لوحدنا ام تنصحون بفندق في الجبل ؟ اذا كانت الفله مناسبه راح اخذ معي العزبه بس محتار بخصوص ترمس القهوه و الشاي اخذهم معي ولا اشتري من هناك ؟لاني اخاف عليهم من التكسير في الشحن بالطائره .
الفلل مو سوي اخوي
الافضل اول ليله فندق عشان تتعود علي جو المنطقه لانها ليلا بعد المغرب تكون ظلام دامس بدون اناره شوارع ولا طرق مجرد انوار الفلل والمساكن
فالافظل اول ليله خذ فندق للتعود علي جو المنطقه ومن ثم ابحث عن فيلا تناسبك
ثلاجه الشاهي والقهوه الشحن بيكسرها الا اذا حفظتها زين بجرايد مثلا
عاده ناخذ معنا كيس رز وسكر واغراض القهوه والشاهي وبهارات طبخ ومعلبات افطار وقدر كاتم صغير
والبقيه من هناك وانت حر بالامر بحسب راحتك والوزن معك
س / بخصوص التاكسي و السائق الخاص .... هل من الافضل الركوب في السيارة امام ام ابقى مع زوجتي في الخلف ؟
عادي اركب مع زوجتك بالخلف مافيها حيا وانااخوك
س / بخصوص الشرائح ... ماهي الشركة الافضل سواء داخلي او للسعودية ؟
الشرائح مو سوي حسب تجارب الاخوان اناافضل سمباتي تقدر قبل تشري البطاقه تسل عن قيمه الدقيقه وقت شرائك للاتصال الداخلي والخارجي وتقارن
س / بخصوص التسوق ... اذكروا لي ثلاث مراكز تجاريه اسعارهم حلوه ؟ واين توجد الماركات المقلدة للملابس و كذلك الشنط و الاكسسوارات و الساعات ؟ وهل الافضل التسوق من السعودية ام من هناك من ناحية الاسعار و الجودة ؟لانه بعد عودتي بشهر راح يكون عندنا عيد الفطر ...
قبل اجاوبك وش دخل العيد بالمقاضي من هناك ماراح تلقي ثياب ولا فساتين تشابه ال يعندنا
التسوق هناك عاده يكون للشنط النسائيه والجلديات من شنط وابواك وجزم وانت بكرامه وساعات واكسسوارات مثلا
وملابس اطفال ايضا اذا تحب تشري هدايا مثلا
عندك مراكز الاوت ليت في باندونق اذا بتزورها رائعه واسعارها منافسه للماركات عندنا
وعندك اسواق يكثر فيها التقليد منقا دوا في جاكرتا هو ملكها وهو عده اسواق جنب بعض راح تجد ارخص البضائع في المراكز اللي مزحومه ولا فيها تكييف اكثر من الماركز المكيفه والاقل زحمه
وعندك بازار باروا وعندك امباسادور هذي 3 اسواق للتقليد حلوه واسعارها مناسبه
واناارشح انك تروح منقا دوا لانه بتلقي فيه كل شي تبيه مشكل يعني وبسعر مناسب وخاصه التنقل بين الاسواق متعب اخوي خاصه بجاكرتا
س / اين توجد افضل سينما في جاكرتا ...
بلانييت هولييود
س / بخصوص الميزانية .... راح اخذ معي دولارات و الباقي من بطاقة الصراف . ايهم افضل من ناحية العمولة الراجحي ولا الاهلي ولا ساب ولا الجزيرة ؟
ماانصحك تاخذ بطاقه صراف خذ قروشك معك كلها افضل ولا فيزا ان اظطريت لا توهق عمرك ببطاقه صراف الا كاحتياط فقط
ايهم اقل عموله مااعلم تقدر تسئل البنوك بحسب البنك اللي حسابك عنده او تنتظر اجابه الاخوان ممن جرب البنوك كلها
الظاهر اني كثرت عليكم تحملوني ولي عودة اخرى ان شاء الله بمجموع من الاسئله
حياك الله
رد مع اقتباس
المشاركة الأصلية كتبت بواسطة ناوي على السفر
المشاركة الأصلية كتبت بواسطة jaka
المشاركة الأصلية كتبت بواسطة ناوي على السفر
المفضلات