الموضوع: ღღ عشقتـ الكويتـ ღღ

السلام عليكم والرحمه وبركاته

تقريري المفروض انزله من زماان بس نظرا لظروفي وانشغالي ما قدرت
التقرير بيكون خفيف وقصير لان مده الرحله يوم واحد بس

قبل ما ابدا التقرير احب واجه كل الشكر والتقدير إلى اختي وحبيتبي كويتيه^رحاله
الصراحه ما قصرت ابدا
اول شي سبب زيارتي للكويت هو دعوتها لي..وثاني استقبالها الاكثر من الرائع..وكرم هل الكويت اللي غرقتنا فيه وهالشي مب يديد على الكويتين
واخر شي هي سبب عشقي للكويت واهلها
فكل الشكر موصول لها وإلى ارفيجاتها..بالفعل ما قصرتوا

نبدا التقرير

فكره السفر: بعد ما عزمتني كويتيه رحاله,يلست مع ارفيجتي في الكوفي وطرحت الفكره كمزحه..وحبتها, فتحولت المزحه إلى واقع..
فتحنا النت واحنا بالكوفي ( حار بحار) وجيكنا على الطيران..وبعد الاستفسار عن احسن الفنادق, نصحتني كويتيه يزاها الله الف خير بافضل المنتجعات في الكويت وتم الحجز

تاريخ السفر:16-17 نوفمبر
عدد الاشخاص: شخصين
الطيران: الجزيره
سعر التذكره لشخصين مع حجز الكراسي اون لاين : 136 دينار بحريني
مسار الرحله: بحرين-كويت-بحرين
اسم الفندق: منتجع موفنبيك البدع
سعر الفندق : 88.55 دينار كويتي شامل الريوق والانترنت
نوع الغرفة: ستاندر روم وتطل على المسابح الخلفيه
Late Check Out: 44:33 دينار
حجز سياره من الفندق إلى المطار بسعر : 5 دينار كويتي
الرده من الفندق إلى مطار: عن طريق سباجه " سياره كويتيه^رحاله " والله وايد حبيت اسمها
واهديها هالباقه الحلوه



والحين بخلي الصور تتكلم

جوازتنا


طبعا اول ماوصلنا المطار كنا مختبصين وماصورت اي شي
وصلنا المطار الساعه 11 الصبح..وكانت الاجراءت سهله..ولقينا ترحيب حلو من البنات الموجودات في الجمارك
وهذي صوره الدرايفر من فندق موفنبيك


الطريق إلى الفندق


صوره الفندق من الخارج


في طريقنا نسوي تشيك ان


صوره الغرفه من داخل " وهي عباره عن نظام شقه غرفة وصاله فولي فرنتشيتر"
المطبخ


السرير مع الصوفا


صوره اخرى " واضح فيها ضيافتهم مع غرشه عصير تفاح"


المنظر من البلكونه


المسابح الخلفيه


بعد ما ريحنا شووي..دقت ساعه الجوووع...زنقه زنقه...إلى الاماام..لا تراجع
تلبسنا..وطلعنا للمطاعم الموجوده خارج المنتجع

صوره مأخوذه من الريسبشن


ووقع اختيارنا على تشلييز


الربع كانوا يصورون ..فارتزينا معاهم وصورنا..بي مب ذي الصوره


المطعم من الداخل " كنا اول ناس نفتتحه"




الاكل اللي طلبناه:


صوره لمطعم ثاني خارج المجمع


بعد ماشبعنا ردينا الغرفه نريح..كنا نتشاور ان نروح مسرحيه " ليله رعب" بس للاسف الله ما كتب فاتصلت في كويتيه رحاله تدلني على اقرب مول..ورشحت لي المارينا

طلبنا تاكسي وعلى المارينا..الدنيا حلوه والاجواء احلى..

وصلنا المارينا تسوقنا فيه..وكان وايد زحمه فعشان جذي سامحوني ماعندي اي صوره للمكان
تعشينا في كافيه بلان.وبعدها ردينا..
حاولنا نسلس في المطاعم الخارجيه بس للاسف كانت وايد زحمه..فكملنا سهرتنا في الحديقه اللي بداخل الفندق..واللي فيها اكثر من مطعم يخدمها

مواضيع عشوائيه ممكن تكون تعجبك اخترناها لك:

• وصف سوق المباركية
• تسوق مع فروحه الكويت
• هل من مساعدة؟
• رحلة مفيم فى السعودية الى الكويت
• ارجو المساعدة يا اهل الكويت انا محتار في الفنادق
• كم سؤال جزاكم الله الف خير
• لمحــه عامــه بالصــــور للكويــــت الحبيبـــــة
• كيف استئجار سياره
• أول زياره لي للكويت ممكن مساعده يا اهل الخير
• الكووووويت استفساار
• المركز التجاري الجديد ومواقف السيارات في مطار الكويت الدولي
• هل استطيع ادخل الكويت بالبطاقه
• يا أهل الكويت الطيبين طالب فزعتكم
• سؤال عن مكتبات الكويت؟؟
• المسيله والاكوابارك
• يا اهل لؤلوة الخليج بيجيكم ضيوف
• في الكويت
• ممكن مرشد سياحي؟؟
• عااااااااااااااااااااجل يا أهل الكويت
• استفسار وطلب مساعده

حياج الله اختي الكريمة في بيتج الثاني الكويت وان شاء الله استمتعتي بالزيارة وان طاب لج المكان عوديه يابنت البحرين.

لووووووووول ساعتج ابرك بحرينيه
حياج الله في ديرتج والحمدالله على سلامتكم ،، الحمدالله انكم استانستوا وماقصرت كويتيه رحاله يزاها الله الف خير

تقريرج ورحلتكم سريعه وخفيفه وحلوه مثلكم

انا راح اقولج الكلمه الثالثه دامج قلتي امبييه لاا

3 - اي شي

وحياج الله مره ثانية في ديرتكم

المشاركة الأصلية كتبت بواسطة q8ya metnaqla
http://www.arabtravelersforum.com/tr...2/#post4970102

لووووووووول ساعتج ابرك بحرينيه
حياج الله في ديرتج والحمدالله على سلامتكم ،، الحمدالله انكم استانستوا وماقصرت كويتيه رحاله يزاها الله الف خير

تقريرج ورحلتكم سريعه وخفيفه وحلوه مثلكم

انا راح اقولج الكلمه الثالثه دامج قلتي امبييه لاا

3 - اي شي

وحياج الله مره ثانية في ديرتكم



الله يسلمج حبيبتي كويتية متنقلة وماسوينا غير الواجب بالنسبة للكلمة ماعتقد اي شي بصراحة حاولت اتذكر بس

موعارفة ولا يهمج بس اعرفها أقولها لكم على طول بس ان شاء الله تكون كلمة حلوة مثلج الله يستر تصدقين عاد

ماشاء الله عليها ماحسيت بنفسي وهي قاعدة تتصيد لي بس الكلمة اللي صج ارددها وايد لاشعوريا وما أحس

بنفسي ( أمبيه ) ماسكينها علي

المشاركة الأصلية كتبت بواسطة كويتية^رحالة
http://www.arabtravelersforum.com/tr...8/#post4970298

الله يسلمج حبيبتي كويتية متنقلة وماسوينا غير الواجب بالنسبة للكلمة ماعتقد اي شي بصراحة حاولت اتذكر بس

موعارفة ولا يهمج بس اعرفها أقولها لكم على طول بس ان شاء الله تكون كلمة حلوة مثلج الله يستر تصدقين عاد

ماشاء الله عليها ماحسيت بنفسي وهي قاعدة تتصيد لي بس الكلمة اللي صج ارددها وايد لاشعوريا وما أحس

بنفسي ( أمبيه ) ماسكينها علي



هذا من طيبج .. خلاص لاقالتها لج قوليلنا فيني لقافه بعرف اي وحده في جم وحده بس ماراح اقولهم ننطر منها لووول ان شاء الله .. انا بعد جذي رفيجاتي بحرينيات من اتحجى يبدون يلقطون وبعدين يدونهم عليي هذي امبييه كلنا انا نفس حالتج لوووول

ماشاء الله صور حلوه
وزياره خفيفه جميله وخصوصا انها للبنات بس ياحظكم ماشاء الله وناسه
في كلمه نسيتيها ...موصج خخخخخخخ بنات خالاتي كله يقولونها
يعطيج العافيه حبيبتي خوش تقرير

يا الله علــيك
وش ها التقــرير الخــفيف و فــي نفس الوقت دســــم بمــعـلومــاتة
الكــويت ذكـــريات جمـــيلة



كــل الشــكر لك
تحــياتي

هلا وغلا والله بأهل البحرين حياكم الله
أأأمببيييييييييه لا لا ........بس يوم واحد لازم تعيدونها وطولون فيها يعني 4 أيام أقل شي
حياكم الله

واحنا بعد نموووت بالبحرين والبحريينين ..........ومثل ما قالت رحاله هذه مو زيارة يوم واحد لازم تيون ونتجمع كلنا ونستقبلكم ...........عليكم بالعافية

حياكم الله في بلدكم الثاني الكويت

وزنقه زنقه الى الأمام

شكل الموضوع بناتي في بناتي

بس أعجبني التقرير و الموفنبيك من زمان ودي أشوف تقرير

الله يعطيك العافيه أختي و ما قصرت كويتيه رحاله

الكلمه الدارجه مو عن

أنا أعرف عن يقولونها الأطفال عن السيارات

بس معناها اكيد غير.. بس حبيت أمززح

صبحج الله بالخير حبيبتي والحمدلله على سلامتكم وانشاء الله تكونون استمتعتوا ببلدكم الثاني الكويت
كل الشكر لج شفنا بعدستج صور جميله
واما بالنسبه للاخت كويتيه رحاله فهذا مو يديد عليها ولا على اهل الكويت الطيبين
وحياج الله مرة ثانيه بديرتج الكويت
وتقبلي مشاركتي بكل ود

المشاركة الأصلية كتبت بواسطة اصول2
http://www.arabtravelersforum.com/tr...6/#post4970076

حياج الله اختي الكريمة في بيتج الثاني الكويت وان شاء الله استمتعتي بالزيارة وان طاب لج المكان عوديه يابنت البحرين.




الله يحيج اختي ويبقييج
ووايد استانست..اسبوع كامل واانا اكلم ابوي عن جمال الكويت..وهو يقول لي آدري لانه سبق انه زارها كم مره
وان شاء الله لنا عوده ثانيه..
ما تتصورين اشكثر تولهت على الديره.

تحياتي لج ولمروج الكريم

المشاركة الأصلية كتبت بواسطة q8ya metnaqla
http://www.arabtravelersforum.com/tr...2/#post4970102

لووووووووول ساعتج ابرك بحرينيه
حياج الله في ديرتج والحمدالله على سلامتكم ،، الحمدالله انكم استانستوا وماقصرت كويتيه رحاله يزاها الله الف خير

تقريرج ورحلتكم سريعه وخفيفه وحلوه مثلكم

انا راح اقولج الكلمه الثالثه دامج قلتي امبييه لاا

3 - اي شي

وحياج الله مره ثانية في ديرتكم



الله يسلمج حبيبتي..والله يحيج ويبقيج
اي والله فديتها ابدا ما قصرت..تعبت عمرها معانا
والحمد لله كانت رحله خفيفه بس ما تنسى
وعن الكلمه الثالثه غلط..حاولي مره ثانيه

ولا تغشين من كويتيه رحاله

تحياتي لج ولمرورج الكريم

لووووووووول بحرينيه قولي بدعتي شوفي الكل بدا يقووول كلمه

اخاف (مليقه ) لووووول ،، اي صح كويتيه البحرين وقطر اقرب شي لنا بالحجي ..

ستيفن حياك الله بديرتك واختنا بحرينيه كانت معاها اختنا الاماراتيه والازرق تبعنا انتوا كحلي

وحياكم الله بديرتكم

بحرينية حبيبتي بليز لا تحرجيني ماراح أقول الكلمة بعدين هي موكلمتي انا يعني موكويتية طلعت من وحدة سعودية

طبعا ألحين يضيعون فينا أحلى شي ان سوينا تجمع خليجنا واحد ولا شرايج بس ناقصنا ثنتين ونكمل دول مجلس التعاون

الله لا يغير علينا.

المشاركة الأصلية كتبت بواسطة كويتية^رحالة
http://www.arabtravelersforum.com/tr...4/#post4970224

بصراحة أقف عاجزة عن وصف شعوري عند قراءة التقرير الذي أخجل تواضعي واحنا ماسوينا شي بالعكس انتوا تستاهلون

أكثر ومثل ماقلت لج هالزيارة مو محسوبة وان شاء الله نعوضها باليايات..بالنسبة للتقرير أولا أشكرج على كلامج الجميل

وشعورج الطيب والله يديم المحبة والصداقة وصدقيني مهما سوينا لكم مانوفيكم حقكم وانتوا عالعين والراس وتستاهلون

كل خير..نرجع للتقرير الاكثر من رائع بصراحة الصور موصج ماشاء الله عليج دايما فنانة بتقاريرج وأسلوبج الرائع..على فكرة

يوم أكلمج ويتحول الكلام الى واقع كنا قاعدين في نفس المكان اللي تريقتوا فيه جوكليت بار سبحان الله والصورة اللي

عذبتني صورة التكساس فرايز بتشيليز يمممي عليكم بألف عافية نسيت أشكرج على باقة الورد الزوغة ببداية التقرير

كلج ذوق حبيبتي وضحكتيني على سالفة سباجة الراعي الرسمي للسفرة تباركت فيكم والله

وأكثر شي ضحكني الكلمات اللي تعلمتيها وانا بعد تعلمت أمثال حلوة منكم بس لاااازم تقولين لي السر شنو؟!!

وبصراحة أول مرة أدري ان ديرتنا جذي حلوة بعدستج..كل الشكر لج بحرينية وسامحيني على القصور واليايات أحلى

ان شاء الله وساعتج أبرك حبيبتي




حبيبتي والله..الصراحه الكلمات تعجز عن شكرج..وانتي تعرفين كنتوا جم مره عندنا وما قدرت اقوم بالواجب وهالشي بسبب ضروف انتي اعلم بها
ومستحيه منج وايد ومن ارفيجتج
بس اليايات اكثر من الرايحات وانا بانتظارج وعلى الوعد

وعن جوكليت بار..احاول ما اطلع الصور زياده لان قلبي يعورني
هالمكان وايد حبيته...اجواءه غييييير
واليلسه برع الكوفي خيااال

رحت جوكلت بار اللي في دبي مول " وليسمحوا لي اهل الامارات" ما عجبني
ويوم سالتهم شنو الفرق بين الاثنين قالوا اللي في دبي مول مال نيويورك واللي بالكويت بريطاني
وانا حبيت البريطاني

اي مووو صج..بس ما تفضحينا وتخبرين الاعضاء عن الكلمه الثالثه خخخخ

وعدستي صدقيني عاديه..مافيها اي احترافيه بس يمكن تشوفين الصور حلوه..لاني صج صج استانست في الكويت

وصدقيني انا اللي تشرفت بمعرفتج وكسبتج اخت حبيبتي

وشكرا لمرورج الكريم

المشاركة الأصلية كتبت بواسطة فاررسه
http://www.arabtravelersforum.com/tr...0/#post4971040

ماشاء الله صور حلوه
وزياره خفيفه جميله وخصوصا انها للبنات بس ياحظكم ماشاء الله وناسه
في كلمه نسيتيها ...موصج خخخخخخخ بنات خالاتي كله يقولونها
يعطيج العافيه حبيبتي خوش تقرير



وزيارتج للتقرير هي الاحلى
ههههه وايد كلمات حلووه..والاكسنت رووعه..موووصج
تسليمن حبيبتي على مرورج الكريم ونورتي

المشاركة الأصلية كتبت بواسطة زينة الحلوة
http://www.arabtravelersforum.com/tr...8/#post4971568

هلا وغلا والله بأهل البحرين حياكم الله
أأأمببيييييييييه لا لا ........بس يوم واحد لازم تعيدونها وطولون فيها يعني 4 أيام أقل شي
حياكم الله



هلا وغلا باهل الكويت حبايبنا
امبيييه كويتيه رحاله عزمتني على احتفالاتكم في فبراير بس للاسف ظروفي في الشغل منعتني
امبيييه المره اليايه ان شااء الله بنطوووول وما بخلي مكان في الكويت ما بروح لها

وهذي الساعه المباركه
نورتي التقرير حبيبتي

المشاركة الأصلية كتبت بواسطة fab u lus
http://www.arabtravelersforum.com/tr...8/#post4972048

واحنا بعد نموووت بالبحرين والبحريينين ..........ومثل ما قالت رحاله هذه مو زيارة يوم واحد لازم تيون ونتجمع كلنا ونستقبلكم ...........عليكم بالعافية



حيااتي انتي حبتكم العافيه
عاد رحاله كل يوم تطري لنا المخيم..صار بخاطري نزوركم عشان المخيم
ومبروك عليكم امطار الرحمه ..تصدقين ان احنا صيفنا وماقمنا نشم ريحه البرد

وان شااء الله المره اليايه بيكون اكبر تجمع بنوتي من المنتدى

وحياج الله حبيبتي..ونورتي التقرير

المشاركة الأصلية كتبت بواسطة plant explorer
http://www.arabtravelersforum.com/tr...2/#post4972262

حياكم الله في بلدكم الثاني الكويت

وزنقه زنقه الى الأمام



الله يحيكم ويبقيك
من غلاتكم الكلمات تعجز عن التعبير
وإلى الامااااام ..ولا للرجوع خخخ

نورت التقرير
...







المشاركة الأصلية كتبت بواسطة رفيع الشان
http://www.arabtravelersforum.com/tr...2/#post4972292

شكل الموضوع بناتي في بناتي

بس أعجبني التقرير و الموفنبيك من زمان ودي أشوف تقرير

الله يعطيك العافيه أختي و ما قصرت كويتيه رحاله

الكلمه الدارجه مو عن

أنا أعرف عن يقولونها الأطفال عن السيارات

بس معناها اكيد غير.. بس حبيت أمززح

ههههه بناتي بس ما يمنع دخووول الريايل للتعليق..
عن عن عن ..وعطا ريس
ايه والله وايد عيبني المونفبيك حتى المطاعم اللي داخل المنتجع فالليل تكون حلووه

نووورت التقرير.
...







المشاركة الأصلية كتبت بواسطة HINOO
http://www.arabtravelersforum.com/tr...8/#post4972398

صبحج الله بالخير حبيبتي والحمدلله على سلامتكم وانشاء الله تكونون استمتعتوا ببلدكم الثاني الكويت
كل الشكر لج شفنا بعدستج صور جميله
واما بالنسبه للاخت كويتيه رحاله فهذا مو يديد عليها ولا على اهل الكويت الطيبين
وحياج الله مرة ثانيه بديرتج الكويت
وتقبلي مشاركتي بكل ود



صبحك الله بالنور والسرووو..
الله يسلمك ياربي..والحمد لله وايد استنانسنا لدرجه نفكر نرد لها ززبس مرات الظروف تحكم
وفديتها كويتيه دومها راعيه واجب وخيرها سابق

وحياك الله بالتقرير..

...






المشاركة الأصلية كتبت بواسطة Steven Gerrard
http://www.arabtravelersforum.com/tr...4/#post4972534

مرحبــا الســاع

أنـــا بصراحــة دخلت التقريــر

لأن في بالي سفــرة جريبــة للكويت

إذا ربي يسّـــــر

وما بغيت أعلق وأحــط رد عالتقريــر

أحس مو حلـــوة نحن شباب

و نعلــّـق على تقرير مصبوغ بالــوردي

لكــن أعرف عمــري

ما أروم أسكـــت و ما أرمس إذا شفت شيء فيـه

علامات إستفهـــام ؟؟؟

لأن هـــذا الأزرق اللي في الصـــورة تحت

مالنـــا ... فبغيت أعرف

إنتي كيفج بحرينيـــة وإلا كيفــج إماراتيــة ؟؟؟؟

وإلا إنتي كيفج بحرينية .. وإللي ويـاج كيفهـا إماراتيـة !!

وبعدين وين الباجين ؟؟؟

كيفها سعودية وكيفها قطرية وكيفها عمانية؟؟

علشان بعد يكمل مجلس التعاون

.




ملاييين ولا يسدن..مررحب بعيال زايد
انا على بالي داخل التقرير عشان دراجات راس الخيمه لووول
ومثل ما تشوف جوزاي الحمر تحت وهو انا كيفي بحرينية..والجواز اللي فوق الازرق..وذي كيفها اماراتيه
وتعرفنا على كويتيه رحاله وصارت كيفها كويتيه..وارفيجتها سعوديه..وصارت كيفها سعوديه

بس للاسف الحلو ما يكمل..ما اعرف لا عمانيه ولا قطريه...عشان نسوي اتحاد GCC

ان شااء الله بتستانس في الكويت..واهلها ما بيقصرون معاكم.

نورت التقرير وحياك الله

المشاركة الأصلية كتبت بواسطة q8ya metnaqla
http://www.arabtravelersforum.com/tr...8/#post4972878

لووووووووول بحرينيه قولي بدعتي شوفي الكل بدا يقووول كلمه

اخاف (مليقه ) لووووول ،، اي صح كويتيه البحرين وقطر اقرب شي لنا بالحجي ..

ستيفن حياك الله بديرتك واختنا بحرينيه كانت معاها اختنا الاماراتيه والازرق تبعنا انتوا كحلي

وحياكم الله بديرتكم



ههههه حرام خليت الكلمه في خاطرج من امس إلى اليوم ..وانتي عددتي كل الكلمات الكويتيه

وعلى لسان ارفيجتها السعوديه..بس الاكسنت كويتي قح..والكلمه هي

خبله انتي خبله

ذي الكلمه لليوم وانا اقولها يوم اذكرهم لووول

وحياج الله حبيبتي

المشاركة الأصلية كتبت بواسطة كيفي بحرينية
http://www.arabtravelersforum.com/tr...6/#post4976066

الله يحيكم ويبقيك
من غلاتكم الكلمات تعجز عن التعبير
وإلى الامااااام ..ولا للرجوع خخخ

نورت التقرير
...



ههههه بناتي بس ما يمنع دخووول الريايل للتعليق..
عن عن عن ..وعطا ريس
ايه والله وايد عيبني المونفبيك حتى المطاعم اللي داخل المنتجع فالليل تكون حلووه

نووورت التقرير.
...



صبحك الله بالنور والسرووو..
الله يسلمك ياربي..والحمد لله وايد استنانسنا لدرجه نفكر نرد لها ززبس مرات الظروف تحكم
وفديتها كويتيه دومها راعيه واجب وخيرها سابق

وحياك الله بالتقرير..

...



ملاييين ولا يسدن..مررحب بعيال زايد
انا على بالي داخل التقرير عشان دراجات راس الخيمه لووول
ومثل ما تشوف جوزاي الحمر تحت وهو انا كيفي بحرينية..والجواز اللي فوق الازرق..وذي كيفها اماراتيه
وتعرفنا على كويتيه رحاله وصارت كيفها كويتيه..وارفيجتها سعوديه..وصارت كيفها سعوديه

بس للاسف الحلو ما يكمل..ما اعرف لا عمانيه ولا قطريه...عشان نسوي اتحاد gcc

ان شااء الله بتستانس في الكويت..واهلها ما بيقصرون معاكم.

نورت التقرير وحياك الله




افا عليج بحرينية والله لاعرفج على ربيعاتي من عمان وقطر ويكتمل الاتحاد.

رحلة حلوة وتقرير احلى
وشكرنا موصول لأختنا كويتية رحالة على وقفتها ومساعدتها وما هي غريبة على اهل الكويت الكرام

المشاركة الأصلية كتبت بواسطة q8yq metnaqla

ستيفن حياك الله بديرتك واختنا بحرينيه كانت معاها اختنا الاماراتيه والازرق تبعنا انتوا كحلي

وحياكم الله بديرتكم

الله يحييج يا طويلة العمـــر

مو مهم لون الجــواز

كلنا واحـد

الأهم قلوبكم البيضاء يا أهل الكويت

المشاركة الأصلية كتبت بواسطة كويتية رحالة

والله اني ضحكت على استفهاماتك ومعاك حق فيها

أولا اسمح لي أقدم أحلى تحية لاخوانا الليفربوليين وفوق هذا الكبييير جيرارد على راسي

ثانيا بالنسبة لنا فعلا سوينا تجمع دول مجلس التعاون اختي بحرينية ومحدثتك كويتية وربيعاتنا على قولتكم وحدة اماراتية

ووحدة سعودية موناقصنا غير ربيعاتي من قطر وعمان ونكمل وحياك الله بديرتك الكويت و (خليجنا واحد)

مشكورة الشيخة كويتية رحالة

على مشاعرج الكريمة تجاه نادينا العريق

وحبيب قلبي اللاعب الكبير جيــرارد

وان شاء السعادة مكتوبة لج دوم يا رب

والله يخليكم لبعض يا خواتي وإن شاء الله يكتمل النصاب

وينضمون لكم أخوات من قطـر الحبيبة وعمان جارتنا الغالية

ولا تفوتكم هالأخيرة ..كيفها عمانية

وإلا بتروح عليكم الحلوى العمانية الصح

.

.

حياااج الله

نورت الكويت بوجودكم

وهذي الساعة المباركة

المشاركة الأصلية كتبت بواسطة كيفي بحرينية
http://www.arabtravelersforum.com/tr...6/#post4995546

ابـ فهدـو

الله يسلمك..ومن طيب اصلك
وتسلم على هالدعوات اللي تريح القلب..
والحمد لله كلنا الخليجين على قلب واحد..وخليجنا واحد
والله يحفظ البحرين..ويحفظ حكومتنا يارب

تحياتي لك ولمشاركتك الرائعه

.........
كويتية^رحالة

حياتي انتي..آدري ما تقصرين

..



شاكرة لك مرورك الطيب على تقريري
وتحياتي لك
..



الله يسلمك ومن طيب اصلك..والنعم فيكم كلكم يا عيال زايد
وحياك الله باي وقت في التقرير بس قبل ما تدخل دق الباب عشان البنيات يتغشن

وشاكره لك مرورك الطيب وتعليقك

تحياتي لك
..



ساعتج ابرك حبيبتي
ونورتي التقرير

تحياتي لج

اختي الكريمه انتم اهلنا وخوانا لا شكرا على واجب

المشاركة الأصلية كتبت بواسطة الذيب الشمالي
http://www.arabtravelersforum.com/tr...6/#post4980696

رحلة حلوة وتقرير احلى
وشكرنا موصول لأختنا كويتية رحالة على وقفتها ومساعدتها وما هي غريبة على اهل الكويت الكرام

الله يسلمك أشكرك على كلامك الجميل ومشاعرك الطيبة وصدقني هذا أقل شي نقدمه لحبايبنا واهلنا أهل الخليج

الله لا يغير علينا ويديم المحبة

مشكورة الشيخة كويتية رحالة

على مشاعرج الكريمة تجاه نادينا العريق

وحبيب قلبي اللاعب الكبير جيــرارد

وان شاء السعادة مكتوبة لج دوم يا رب

والله يخليكم لبعض يا خواتي وإن شاء الله يكتمل النصاب

وينضمون لكم أخوات من قطـر الحبيبة وعمان جارتنا الغالية

ولا تفوتكم هالأخيرة ..كيفها عمانية

وإلا بتروح عليكم الحلوى العمانية الصح

الشكر لك وانا بنت النادي you will never walk alone

حياج الله كيفي بحرينية

ونورتي الكويتي بحضورج انتي وصديقتج

وتجمع جميل يتجمع فيه خواتنا من الخليج وان شاء الله
تكمل التجمع الرائع وعسي الله لا يغير علينا محبتنا يارب

وتقرير بقمة الجمال والروعه

ونشكر اختنا كويتيه رحاله علي استقبال اخواتنا
الله يحفظج ويخليج لعين ترجيج

مودتي

خوووش تقرير و الله يخليكم لبعض

يعطيك ربي الف عافيه

تقرير سريع بس مفصل وكل شي فيه رووعه

والفندق حلو خصوصاً للي بيجي يومين او ثلاثه يعني ماراح يطول لان كل شي حوله

بس عندي كم سؤال؟؟ الاول كم دقيقه من الفندق للــ الافنيوز
والسؤال الثاني كيف البحر مسكر مافهمت؟؟
والسؤال الثالث هذا الفندق بالسالميه والا واحد غيره

مشكووووره