الموضوع: استفسارات ولد الحوسني

السلام عليكم ورحمة الله وبركاته

بغيت منكم خدمـــه لوسمحتو

نحن اثنين ان شاء الله مسافرين لي اندونيسيا تاريخ 17 لين 25 من هل شهر
و الطيران عن طريق الاتحاد و بتكون الرحله الساعه2:45دقيقه صباح يوم السبت
يعني الوصول السبت باندونيسيا
فممكن من هل الخبره يساعدوني ويسون لي جدول لهل فتره
..
نحن من النوع الي يحب المغامرات والاكشن و الاستكشاف
و بغينا الفنادق تكون قريبه من كل الاماكن السياحيه . ونحب نكون مع قروبات

و رانا سمعت عن جزيرة مالي يمدحونها ممكن تنصحونا كم يوم نقعد فيها
ولو يتم تزويع الايام
3-3-3
يعني مثلا اول يوم نوصل جكارتا كم يوم نقعد فيها واسم الفنادق والشركات الي تنصحونا ناخذها للحواطه ..
و جزيرة بالي كم يوم نقعد فيها
وسوربايا
وبونشاك

هذيل الاماكن واذا عندكم اماكن تنصحونا فيها خبرونييي بعد ..
وبكون شااكر لكم..
و انا بنتظار الجدول منكم...والنصائح
..

مواضيع عشوائيه ممكن تكون تعجبك اخترناها لك:

• السلام عليكم محتاج ترجمة رسائل اندونيسية
• جزيرة لومبوك استفسار لأهل الخبرة
• استفساااااااااااااااار لأهل المشوره
• اريد ارقام سواقين
• أرغب في السفر الى باندونق ارجوا مساعدتي
• اختكم بحاجه لمساعده اول مره اسافر
• الزلازل في اندونيسيا
• متى الأفـضــل أسـافر ؟؟
• الله يسعدكم محتاج اهل الخبره
• سؤال للخبراء ومن أراد المساعده
• استفتار عن مناطق الفيضانات
• استفسارات من عبدالعزيز
• الى خبراء اندونيسيا والفلبينمحتاج رايكم
• آلحجز وحجزنآ
• استفسار لو سمحتووو
• أحتاج مساعدتكم في ترتيب السفرة لإندونيسيا شهر عسل
• مـاحصـل نصيـب آه يالقهــــــــــــر
• سفرة عائلية لأول مررة الى اندونسيا ارجو المساعدة
• برنامج جديد ل يوم
• اسفسار و اقتراح

ياعالم ياناس ياخوان اندنوسيا اقل من 12 يوم بالديره ماتنفع .. لازم تكون رحلتك من 12 فأكثر .. صدقني راح تندم ..

عموما شيء راجع لك ..


انت رايح ايام قليله جدا لذا انصحك بعد ماتوصل جاكرتا على طول على الجبل وتجلس كامل الايام هناك الا اخر يوم ترجع لجاكرتا للتسوق والاستعداد للعودة ...

بالنسبة لبالي ممكن تكون خيار بدل الجبل .... بالتوفيق

ولد الحوسني

مرحبا بك

اذا كنت من محبي الطبيعه والذبايح فعندك الجبل..وكله عرب
اما اذا كنت من محبي البحر والمغامرات البحريه فعندك بالي..وخصص لها 5 ايام لاستكشافها والاستمتاع بالمغامرات

في بالي..من وجهه نظري كوتا هي المركز السياحي
احس المنطقة في حياه واسواق
عندك بعض منطقة سينيماك وهي اقل حيويه من كوتا
ويمدحون شواطئ نوسادو بس هالمنطقة اقل حيويه وحركه من المنطقتين اللي فوق
واذا تبي السكون في السكن عندك جمبران

http://www.asiarooms.com/en/search?s...1&countryId=36

اختار المنطقة اللي تبيها وبتطلع لك الفنادق وشوف مدى قربها او بعدها عن البحر


وهذي البرامج السياحيه في موضوع اخونا نجم الكويت

http://www.arabtravelersforum.com/travel381658/

تحياتي لك

الرحله ماتكفي تروح بالي
بالي لحاله تبغى اسبوع

انا خلاص بروح بوشناك وبيلس فيه 3 ايام
و4 ايام بالي
ويوم واحد جاكارتا

يعني 17-سيده لبوشناك 17-18-19و19بنطلع لين بالي وبنيلس 19-20-21-22--23بنطلع لين جاكارتا وبنيلس 24-25-بنرجع للامارات

الحينه انصحوني بالفنادق او الفلل ببوشناك....
و كمن فندق في بالي يمدحونه
وفندق بنص المدينه للتسوق بجاكارتا
..

لاني ناوي ان شاء الله يوم الجمعه اروح لمكتب واجحز الفنادق مع سياره تشلني من المطار للفنادق

..
وسؤال
بنسبه حق الطيران لجزيرة بالي تنصحوني احجز من الامارات وله بلاقي مكان اذا حجزت من اندونيسيا
وانا ناوي احجز على طيران جاروده
..



ومشكووورين على الردود

ودي اطول الفتره بس للاسف ماشي اجازه ..

انا خلاص بروح بوشناك وبيلس فيه 3 ايام
و4 ايام بالي
ويوم واحد جاكارتا

يعني 17-سيده لبوشناك 17-18-19و19بنطلع لين بالي وبنيلس 19-20-21-22--23بنطلع لين جاكارتا وبنيلس 24-25-بنرجع للامارات
اخوي وقتك قصير زي ما جاوبوك الاخوان جدا
اختر وحده من ثنتين عشان ما تصير مثل معايد القريتين
يا جاكرتا بالي جاكرتا
ولا جاكرتا بونشاك جاكرتا
وانصحك تخليها بونشاك عشان ما يضيع عليك يوم سفر رايح جاي طيران بين بالي وجاكرتا
شف برنامجك
اول يوم وصول بتطلع للجبل دايركت وهالامر متعب لانك جاي من رحله سفر طويله واجراءت مطار اولا
ثانيا اذا كنت تقصد يوم 17 وصولك ميلادي بيكون يوم سبت
لا تطلع بونشاك يوم سبت لان اليوم بيروح عليك وانت في السري الطريق يغلق في هليوم ويكون اتجاه واحد لين المغرب
وبعها تقعد يومي واحد فقط ببونشاك الل يهو 18 ويوم 19 سفر بالي لان يوم سفرك لا تعتبره جلسه ببونشاك لانك بتروح جاكرتا للمطار
اما بالي بتروحها يوم 19 لا تعتبره من رحلتك بتجلس 20/21/ /22 ورابع يوم راد جاكرتا
يعني بالعربي ترتيبك بيتعبك جدا اذا تسهلت امورك بالرحلات والسكن بتتعب في التنقل اخوي الكريم
خل رحلتك اول يومين اذا هو وصل بتارخ ميلادي جلسه بجاكرتا
تكون للمولات والاسواق فيها لانها سبت واحد هالايام ما تنفع فيهم التمشيه في الفعاليات لانها مزحومه اخوي
وبعدها تطلع بونشاك تخلص ايامك هناك
بالي تستحق اكثر من 3 ايام وكذلك بونشاك
فكر وقرر
وان قدرت تخلي وصولك يوم الاحد هناك بالحجز يكون افضل

مرحباا..
انا حاليا في بالي وبيلس فيها 5 ايام

ممكن تعطوني رقم تاكسي يدل الاماكن السياحيه في بالي

او تنصحوني اطلع مع شركات سياحيه..

بالنسبة لارقام السائقين اليك رابط اخي ميدان

http://www.arabtravelersforum.com/travel389407/

باقي لي ثلاث ايام في بالي
حد يخبرني وين ارووح بهل ثلاث ايام

انا رحت سفاري .. و اليخت .. و مزارع الارز
وباجر بروح للبركان ومصنع القهوى..

اليك رابط الجواب الوافي من اخوي نجم الكويت


http://www.arabtravelersforum.com/travel338295/

باجر اخر يوم لنا للسياحه في بالي
...

وانا بصراحه من هل كمن يوم الي فيها احس ماتنفع واايد للشباب الي نفسي يحبون الحواطه و المغامرات و عدم الليلسه بمكان..


يمكن لاني رحت تايلاند وماليزيا واهناك الامور غير عن اهني...
واندونيسيا يبالها ترتيب للسياحه..

واسواقهم غااليه واايد (( محد قالك تشتري خخ))

ومشكوريين على مساعدتكم