الموضوع: مرحــــــبا بكم بالكــــــويـــــت

السلام عليكم و رحمة الله وبركاته

أهـــــــــــلا بكم ببدلكم الكويـــت

اقدم اليكم اجمالي المناطق بالنسبه للســــائح الزائر

منطقة الشرق
سوق شــرق وااايد حلو و خاصه وقت الضحي و وقت الغداء لانه عباره عن جزيره اصطناعيه داخل البحـــر
و كامل الخدمات .... و في جلسات مقابله للبحر تاخذ معاكم ترمس شاي و كيك و بسكوت و تجابلون البحر
و تشوفون هالسفن و المراكب و الصادين

مسجد الدوله
و هو مسجد كبير و قرب من من شرق و المباركيه ..... غير المساجد اللي في كل شبر بالكويت يا الله الجنه

منطقه المباركيه
مجمعات تجاريه كلها قريبه من بعض و فيها سوق مفتوح و فيها مطاعم مفتوحه كباب و مشاوي و سمك و حلويات .. وخاصه الرهش روعه ( رهش الشمالي بالدبس )
و فيها سوق تحت الارض ( سرداب ) تحت سوق البشوت خااااص للمكياج و تلاقي سعوديين كثار هناك للتسوق و التجارة ( المكياج و الشنط و الاكسسوارات )
و عندك محلات صرافه عمله نقديه

منطقه البلوكات
و هي قريبه من منطقه المباركيه لكن بالسياره لانها جدا كبير
اااوه راح تدوخون سلمك الله هذي مجمعات كبيره و طويله الشكل خـــــــــاصه للاقمشه
( نسائيه - رجاليه - ستاير - تنجيد - اكسسوارات ) مررره روعه كل انواع الاقمشه اللي بالعالم بتحصله فيها .... و فيها محل اسمه التراث الهندي ( بيحبونه الحريم كثير لانه اشيائه حلوه وايد )

منطقه البحر
من اتجاه سوق شرق الـــــــي السالميه و انت ماشي علي خط البحر بتحصل منتزهات مكتوب عليها
القهــوة الشعبيه .... هذي سلمك الله فيها جلسات مفتوحه و تقدم اكلات مشوه و اكلات شعبيه و حلويات و فها العاب اطفال ..... جدا حلوه و توسع الصدر بعد صلاة المغرب حلوه



منطقه حولي

تنطــق حاوليي وتنكتب حولي
ونيسه و حلوه مجمع السندس حلو و صغير و مجمع المعلم يحبونه الحريم بو مواعين و شغلات مطبخ مره حلوه
و محلاات فطاير ساخنه بس اسال كل من يدلك علي شئ مــــــــــــاااا تضيع ابد
و فها شقق فندقيه مناسبه و حلوه
فيها مجمع المهلب تصميمه شكل السفينه ( خدمات كامله )
و عندك بعد حولي بارك فيها العاب اطفال و مطاعم و قعدات حلوه

الشعب البحري
منطقه بن حولي و السالميه اغلبها صالونات ( مشاغل نسائيه ) و فيها مدينه العاب وايد حلوه
اسمها حديقة الشعب ..... تستاهل العنوه لانها حلوه وايد

السالميه
مجمعات كثيره ... لكنها اغلي
و فها شقق فندقيه و مطاعم بالهـــــــــــبل ما لذ وطاب و فيها الغالي و الرخيص
المجمعات ( الثريا - الفنار - المارينا - ليل غارلي - البستان - .........الخ )
و طبعا بكل مجمع تحصل سينمات صغيره الحجم افلام كبار و افلام صغار

السينما
ان كنتوا تحبون اثارة الافلام مجمع 360 عندهم سينما 3d الابعاد الثلاثيه و خاصه لافلام الاطفال روعه



منطقه الفحيحيل
وهي مجموعه من مناطق متقاربه جنب بعض و كلها مناطق ساحليه و حلوه
علي خط طريق الملك فهد بن عبدالعزيز ...فها مجمعات تجاريه و شقق فندقيه و ملاعب اطفال
لالالالا تعد و لا تحصي ... واجملها مجمع ماجك لاند لانه من الخلف له اطلاله عالبحر مباشره
و و كامل الخدمات

مناطق تسليه
مدينه ملاهي جدا كبيره ونوعا ما بعيده اسمها .... مدينه ملاهي الدوحه
الاكوا بارك ... فريبه من شرق و فيها اام خاصه للنساء فقط حمامات سباحه و شلالات
حولي بارك _ حديقه الشعب - الاكواريوم حوض ومحميه سمك جدا كبير
طبعا هذي الكبيره و في مناطق تسليه صغيره بمل مكان


1808080
بداله تجاريه لأي اســـتفسار مهما كان صغير او كبير




وبس


كويتيه - قصيميه

مواضيع عشوائيه ممكن تكون تعجبك اخترناها لك:

• ياأهل الكويت السلام عليكم ورحمة الله
• يا أهل الكويت قرأت فى موضوع عن مترو لانفاق
• جاي الكويت بكره
• فندق البستكي انترناشيونال
• كم استفسار عن السكن والجو
• طيران الجزيرة تعتزم إجراء عمليات استحواذ
• استفسار عن أفخم الفنادق في الكويت
• بحريني جاي للكويت بتاريخ
• عاجل ضروري تكفون ساعدوني الخطوط الصينية وساعات الانتظار
• مساعدتكم فندق بجنب مركز المعارض ؟ رحلتي نهاية هذا الأسبوع
• استفسار عاجل هل سوق المباركية يفتح يوم الجمعة الصباح ؟
• ناوي اروح للكويت بفبراير
• المرور بالبطاقة الشخصية
• رحلتي بعد بكرا وابغااا مساعده
• طيران الجزيرة تطلق قسائم السفر في موقعها
• ممكن رايكم في شقق مارينا روياااااال ؟؟
• مشاريع الوطنية الكويتية تفتتح فندق كورينثيا لندن
• الى اخواني الكويتيين عطوني رايكم
• عاجلا وليس أجلا انقذوني هيلب مي بليززز
• استفسار عن حضور المسرحيات الكويتيه ؟

يعطيك الف عافيه على جهودك المميزه

انا بالقصيم وودي اطلع للكويت كم تقريبا المسافه ؟؟

وشكرا لك

مجـــــرد اقــــتراح


و خـــــــــــــــــاصــة للعوائل اللت تجي عن طريق الـــبر
من مدخـــــل الخفــــجي

ان جتوا عن طرق البر من ناحية الحفر
اول مناطق اتجبل عليك هي الجهرا و طابعها تقريبا قرب من القصيم
و فيها مجمعات سكنيه علي شكل شاليهات صغيره و مجمع تسويقي ...سليل الجهراء

بعدها عندك منطقه جبد ( كبد )
هذي زي عندكم القضــا فيها استراحات تتأجر جدا روعه و فيها بعض الشاليهات نظام
البيوت القديمه زي حقين التراث حلوه و بها مسبح و حيوانات بسيطه و ملاعب اطفال
و كل شئ حولك من مساجد و سوبرماركت و مطاعم الله ما كثرهم

( لكني انصحك انها تكون باخر ثلاث ايام او اخر يومين .... هذا ان كنت جاي عن طريق البر )

السوبرماركت

كل منطقه سكنيه فيها جمعيه تعاونيه و الاغلبيه خدماتها 24 ساعه
و هي منشأت حكوميه و اسعار المواد فيها ارخص
و اقرب جمعيات لك لو كنت في العاصمه
( المنصوريه- القادسيه - الشاميه - الفيحاء - كيفان - الخالديه )

سوبر ماركت تجاريه

( نفس نظام بنده و عمرو )
مركز سلطان و فروعه
ستي سنتر
لولو هايبر

طبعا بالكويت
تقال كلمه منطقه وهي بديل لكلمه حي

المشاركة الأصلية كتبت بواسطة الفولاذي
http://www.arabtravelersforum.com/tr...2/#post5038662

يعطيك الف عافيه على جهودك المميزه

انا بالقصيم وودي اطلع للكويت كم تقريبا المسافه ؟؟

وشكرا لك




حياك الله اخي الفولاذي

انصحك بالايام العاديه تقريبا الله يسلمك 7 ساعات

من القصيم الي الجمعه الي ام الجماجم الي الحفر الي الرقعي الي الحدود

و الافضــل انه و قت نهار

و في من قــــال

انه من بريده الي الكويت حول ( 580 - 620 )

وكانت رحلتهم الله يسلمك

بريده - الاســـياح - قبه - سـاموده - ام عشـر - الحفر - الرقعـي - الكويت

ما اعرف بس اني سجلت
رحلتهم هذي
و انتو ابخص بمناطقكم اذا اخطأت بالتهجي للحروف

الله يعطيك الف عافيه على التجاوب السريع

وان شاء الله سأزور الكويت قريبا

الف تحيه لك

حياك الله

لاني قاعده اكمل بالموضوع

1808080


بداله تجاريه لأي اســـتفسار مهما كان صغير او كبير

الاتصال من شبكه ارضيه او تجاريه

الرحـــلات البحريه

توجد نقاط تجمع للرحلات البحريه للشواطئ البحريه
1- نقطه سوق شرق
2- راس الأرض ( بالسالميه)
3- الفحيحيل

وهي نزهات سرعه لساحل الكويت الشرقي
و توجد ايضا قوارب نزهات صغير و قوارب نزهات كبيره لعائله
ممكن انه الواحد يقضي ساعات حلوه و قت الضحي او انه ياخذ غداه و يتغدي علي
سطح اليخوت - المراكب الكبيره ( ممكن ساعتين او ثلاث ساعت )

الجــــزر

نظرا لصغر حجمها الا انه توجد جزيرة فيلكـــا ( فيلجا )
وهي كبيره الحجم ومأهوله بالسكان بها مجمع سكني علي طريقة الشاليهات
و هي تحمل نظام البيوت القديمه العربيه
وبها محلات تسوق صغيره و مطاعم .... لقضاء يومين مناسبه

الشاليهــــات

وهي كثيره العدد و هي تقطع علي امتداد الساحل البحري

الي مـــا يقارب الحدود السعوديه جنوبا

طبعا منها ما هو تاجير من قبل اصحاب الشاليهات ( الملاك )

وتوجد مشروعات للشاليهات كثيره منها القريب ومنها البعيد

علي سبيل المثال

الخيران - العقيله - الوطنيه - شهاب - المسيله - البدع - كمبنسكي ........... الخ

يعطيج العافية اختي دلال على هالموضوع الجميل

الله يعطيكم الصحه والعافيه على التقريرالجميل ..

يسلمووووو وشكرااا
على التعب ويانا و فعلا الاماكن هذه حلوه