الموضوع: كم تبلغ المسافة بين الكويت والامارات براً

المشاركة الأصلية كتبت بواسطة طائر_الشمال


اخواني ارغب في السفر الى الكويت برا .. يعني من الامارات الى الكويت برا
ارجو توضيح الحدود والنقاط التي سوف امر بها وحبذا يعني تكون الصورة واضحة .. يعني من الامارات الى قطر ومن قطر الى البحرين ومن البحرين الى الكويت .. ارجو المسافة التقريبية بالكيلومتر وبالساعات التقريبية ... مشكورين :11ight:

انا اتوقع انه مافيه طريق من الامارات الى قطر ولا كذلك من قطر الى البحرين او من البحرين الى الكويت . .
يعني لازم تمر السعوديه الا ان كانك ماذكرته يعني انك ما ودك تمرها هذا شي ثاني . . :smile:
يعني ذكرت جميع دول الخليج الا السعوديه :smile: ما ودك تمر على عمان بعد يمكن فيه طريق هناك الى الكويت . . :smile:
على العموم اتوقع يبي لك من الحدود الى الهفوف ساعتين ومن الهفوف الى الخفجي ثلاث ساعات وان وصلت الخفجي كنك واصل الكويت ما يبقى لك الا اقل من ساعه . .

اخوي طائر_الشمال

من بوظبي الى السلع تقربا 400كم تدخل السعودية 100كم من حدود الامارات والسعوديه الى حدود قطر والسعوديه

ومن قطر الى الهفوف تقربا 200كم ومن الهفوف للبحرين 150كم

ورحله موفقه تسافر وترجع بلسلامه ^_^

الصريح اسمحلي ياخي طرحت السؤال بشكل غلط القصد اني ابغي ازور الدول المذكوره لكن اشوف الموضوع بيطول ...

الاماراتي مشكور ............... بس ابغي مره ثانية اعيد صيغة السؤال

ارغب في زيارت الكويت مباشرة دون زيارة الدول المذكوره في الموضوع الاول .. يعني ياليت اتحطولي جميع نقاط الحدود اللي بمرها مع من الامارات للكويت وابغي اجمالي عدد الكيلو مترات من ابوظبي لين الكويت مرورا بالسعودية ولا يزعل الصريح

عزيزي المسافة بالكيلو من من منطقة ديره في دبي الي وسط مدينة الكويت 843 هي شاملة الطرق من الأمارات مرورا بالأراضي السعودية من منفذ الخفجي السعودي ودخولا الي منفذ النويصيب الكويت

ولكن انا انصحك بالسفر عن طريق الطائرة اريح واحسن وقد يكون ارخص لو قدمت على طيران الجزيرة حيث يوجد عروض على جميع الوجهات ب 10 دنانير فقط

ما ازيد على ما ذكروه الأخوان ,, لكن أحب أوضح ان الخط من دبي إلى منفذ السعودية حوالي 450 ك ثم إلى الهفوف 280 ك ثم إلى الدمام 140 ك ثم إلى الخفجي 270 ك ثم إلى العاصمة الكويت 110 ك

وبالعربي إذا ما انت مطول رح جو أفضل ياااااخخخخي

السلام عليكم
انا ماشى الطريق قبل شهرين , والطريق وايد سهل ................من الامارات تحديدا دبى الى الحدود الكويتيه تقريبا 10 ساعات على سرعة 140 كم/س .......... المسافه 1350 كيلو الى 1250 كيلو تقريبا وانشالله ما اكون غلطان ........ انا طلعت من دبى العصر الســـــــــ5ـــــــاعه وصلت الكويت حدود الكويت الســـــــــــــــــــ3ـــــــــــاعه الفجر

وانشالله وصلت المعلومه لك

المشاركة الأصلية كتبت بواسطة طائر_الشمال


الصريح اسمحلي ياخي طرحت السؤال بشكل غلط القصد اني ابغي ازور الدول المذكوره لكن اشوف الموضوع بيطول ...
الاماراتي مشكور ............... بس ابغي مره ثانية اعيد صيغة السؤال
ارغب في زيارت الكويت مباشرة دون زيارة الدول المذكوره في الموضوع الاول .. يعني ياليت اتحطولي جميع نقاط الحدود اللي بمرها مع من الامارات للكويت وابغي اجمالي عدد الكيلو مترات من ابوظبي لين الكويت مرورا بالسعودية ولا يزعل الصريح

لا يالغالي وش دعوه ما بينا زعل وكلنا أخوان بالسعوديه او بالامارات
بس انا الي استغربته ان جبت طاري جميع الدول الا السعوديه فقلت لا يكون بس زعلانين علينا أخوان بالامارات
على العموم ما حصل الا كل خير واتمنى ان الأخوان انهم يفيدونكم
وانا الي فهمته انك ناوي تمر كذا دوله ان ما نيب غلطان

مشكورين الرحال ومساوم وناس توضيح جيد وشكرا وبارك الله فيكم .. والصريح بعد اشكرك ياخي .. تدري ياخي لو مب موسم حج جان بعد بقولك بمر على السعودية ... لكن نحن ما نتخلى عن السعودية خصوصا اني السنه اليايه انشاء الله انشاء الله عندي نيه قوية باداء الحج ..

عزيزي تعال بالطياره وبأستخدام بطاقتك الشخصيه افضل من السياره والدرب الطويل والعروض على الطيران كثيره ورحله موفقه

السلام عليكم يحبايب أرجوا التوضيح هل توجد خريطه للطريق من الكويت ومرورا" بالمملكه السعوديه ثم إلى دبي

الشباب الطيبين السلام عليكم ممكن توضيح هل توجد خريطه من الكويت الى المملكه ثم الإمارات هذي أول مره أسافر برا":11ight: