الموضوع: الى موريشوسشهر عسل

السلام عليكم ورحمة الله...

انا زواجي قرب ان شاءالله..الله يتمم على خير..وعلى قولة ابو عزيز تدبست:109:
وعشان تكتمل الصورة..
والتدبيسة تطلع احلى والابتسامة تطلع من القلب:36_1_1: ..
قررنا انا وحرمنا المصون :36_3_1: وبعد دراسة جميع المبررات والحجج والبراهين ..

ان نتوجه الى :surf موريشوس:surf لشهر العسل.. او قمر العسل بالترجمة الحرفية:114: !!!!


لفيت الدنيا عشان اشوف العروض السياحية..واخيرا تيقنت ان عروض الاماراتية للعطلات تقريبا هي الأفضل..


نجي للمهم..العرض عبارة عن 9 ليالي / 10 أيام بالتمام والكمال في فندقين .. 5 نجوم في بداية جولاي
الفندق الأول .. هيلتون موريشوس Hilton Mauritius لمدة 4 ليالي:113: :113:
الفندق الثاني .. بيل مار Belle Mare Plage لمدة 5 ليالي:113: :113:


شامل التذاكر والسكن والفطور والضرايب والعشا والتوصيل من والى المطار..

السعر .. 15130 ريال سعودي فقط لا غير..كثير صح؟:11ight_li


نجي للأسئلة..!!..طولوا بالكم

وش رايكم في العرض؟؟:36_1_36:
وش الأنشطة:36_1_33: والحركات:36_13_2: اللي يسويها الفندق في الليل.. خصوصا هذولا الفندقين للي قد زارهم؟؟
قريت مرة..في مقال لأبو عزيز عن الاحتياطات الطبية:36_1_40: ..بس ما ادري ما حصلت الموضوع مرة ثانية..فلو تكرمتوا وش أهم الشغلات الطبية؟؟
هل فيه محلات تموينات قريبة من الفندقين هذولي؟؟ يعني .. أكيد بتحتاج شي من التموينات:36_11_15: !!
التنقل بين الفندقين ماهو مشمول في العرض..وش رايكم اخذ رحلة سياحية وبالمرة يوصلنا للفندق الثاني..؟؟
المكتب السياحي يقول انه ارسل طلب شهر عسل على الباكج اللي اخذناه..كيف اتاكد..؟؟ التذكرة مو مكتوب فيها شي..اخاف انه :36_2_66:
وش الألعاب البحرية اللي تصلح لنا؟؟.. لا تقولون ركوب امواج!!:36_7_15: :36_7_15:

هذا اللي على بالي الحين واذا تذكرت اي شي اكيد .. بأجي اسأل اخواني


نصايحكم وتوجيهاتكم .. خصوصا مشرفنا الغالي ابوعزيز



طلب صغير..ارجوا من الاخوة aboturky7.. وemad4u4 ..اذا كانو رجعوا من موريشوس..يفيدونا باخر الاخبار والمعلومات..


تشكراتي وتحياتي..

مواضيع عشوائيه ممكن تكون تعجبك اخترناها لك:

• تكفون يا خبراء المالديف المساعدة ولا خاب من استشار
• يا جماعهكيف انزل الصورابي انزل مزاضع
• موريشوس أم سويسرا؟؟
• صور متنوعة لجزيرة فيجي
• ساعدوني برأيكم مريشيوس هل توقيتي مناسب
• اللي عنده خبره في المالديف و ما جاورها يررشدني
• مساعدة شهر العسل ارجو الرد في اقرب وقت
• تكفون ساعدوني محتارين مابين المالديف وسيشيل
• تقرير سفرتي للمالديف صور تحت الماء
• استفسار عاجل
• سؤال لفتى الشرقية
• اَê‎َçٌ
• ما هي اجمل جزيرة تستحق الزيارة ؟؟
• رحلتي لجيرة كــيــش
• ممكن خدمهشهر العسل
• وموريشوس فندق خبرتكم
• عروسه في موريشس
• عاجل الاماراتية للمالديف ريال من الرياض
• وقت الوصول ليلا كيف الوضع؟
• كل من ذهب لهلتون المالديف ارجو مساعدتي

اتمنى لك كل التوفيق
لكن من وين اخذت العرض؟ ومتى حجزت؟
والله يوفقك

العرض عبارة عن باكج من الاماراتية ولكن انا اخذته من الطيار..
يعني هو نفس العرض حق الاماراتية ونفس النظام اللي حجز لي منه حق الاماراتيه..
بخصم 5% اذا حجزت قبل السفر بشهر..

وانا حجزت قبل اسبوع تقريبا..


الله يوفق الجميع

عدنا والعود احمدُ

اخوي 123man اول شي مبروك والله يسعدك ويفقك ان شاء الله واتمنى لك رحله سعيده

انا الحقيقه توي راجع من موريشس والصراحه ماكن ودي ارجع :110:

حبيبي للاسف ماقدر افيدك عن الفندقين اللي حطيتهم لاني سكنت في فندق لي بافيلون

لكن






المكتب السياحي يقول انه ارسل طلب شهر عسل على الباكج اللي اخذناه..كيف اتاكد..؟؟ التذكرة مو مكتوب فيها شي..اخاف انه



انا نفس الشي قالي انه هني مون وقلت له كيف اعرف قالي كتبت لك ملاحظه في الفاكس للفندق وبالفعل اول ماوصلت الفندق سألوني عن اليوم اللي ابغي فيه حفلة الهني مون

وبعد حتى في الطياره من دبي لموريشس جاتني المظيفه وجايبه معاها كيكه قالت لي هذي هديه من الاماراتيه بمناسبة الهني مون :106:






وش الألعاب البحرية اللي تصلح لنا؟؟.. لا تقولون ركوب امواج!!



بالنسبه للفندق اللي اخذته فيه رحلة القارب الزجاجي ورحلة الدلافين وفيه التزلج على الماء والغوص وفيه بعد قوارب صغيره تركب فيها ويعطوك مجاديف وسوي نفسك انك في نهر الامازون وستانس وفيه بعد البدالات ممكن تركب انت وزوجتك ولا فيها خطوره ويحددولك مساحة ماتتعداها عشان القوارب السريعه واشياء كثيره تلاقيها غيرها

اما بالنسبه للنصايح

روح ياخوي وانبسط ولا تخلى يوم الا تلف فيه الجزيره ولا تخلى مكان فيها

الجو اتوقع بيكون بارد شوي عليكم في الليل فقط مع برودة المويه لو حبيت تسبح سواء في المسبح ولا في البحر

لانه بدا عندهم الشتاء بس لاتخاف جوهم معتدل وانصحك ماتطلع الا بالمظله احتياطاً

وبالتوفيق

بداية حمدلله على السلامة أخوي عماد وألف مبروك بمناسبة الزواج ...

أنا حاجز نفس الفندق .... وحبيت لو تكرمت تفيدني عن الفندق كيف كانت خدمته ؟
وعلى كم خذت التاكسي في اليوم ؟ من الفندق أو من الشركة السياحية ؟
وكم المسافة بالضبط خذتها من دبي إلى موريشوس ؟
ويوم تحب تطلع إلى الشمال .... مثل بورت لويس وجراند باي ... كم يبالك من الوقت ؟ وهل كان التاكسي ينتظرك ؟
شو كان الجو ؟ ممطر .......... تراني انا رايح تاريخ 14/7/2006

والسموحة على كثرة الأسئلة .......... لو أنك معرس يديد .... بس ما عليه استحملنا ... الله لا هانك.

الحمدلله على السلامة..والله يبارك فيك
ياخي والله انك رهيب..وكلامك جدا مشجع..بس ننتظر التشجيع بالصور..الله لا يهينك

والألعاب اللي قلتها كلها حلوة وبالفعل تصلح لنا .. الله يعطيك العافية

شاكر لك ردك .. والله كانك حاس احساسي

ترى امزح يا بوعزيز..
والله قصدي اني ارسم الابتسامة عليك وعلى الاخوة الزوار..بس


ولك تحياتي .. واعتذاري

المشاركة الأصلية كتبت بواسطة اماراتي 2006


بداية حمدلله على السلامة أخوي عماد وألف مبروك بمناسبة الزواج ...
أنا حاجز نفس الفندق .... وحبيت لو تكرمت تفيدني عن الفندق كيف كانت خدمته ؟
وعلى كم خذت التاكسي في اليوم ؟ من الفندق أو من الشركة السياحية ؟
وكم المسافة بالضبط خذتها من دبي إلى موريشوس ؟
ويوم تحب تطلع إلى الشمال .... مثل بورت لويس وجراند باي ... كم يبالك من الوقت ؟ وهل كان التاكسي ينتظرك ؟
شو كان الجو ؟ ممطر .......... تراني انا رايح تاريخ 14/7/2006
والسموحة على كثرة الأسئلة .......... لو أنك معرس يديد .... بس ما عليه استحملنا ... الله لا هانك.



الله يسلمك اخوي اماراتي والله يبارك فيك

وبعد اذن اخونا man صاحب الموضوع

بالنسبه للفندق خدمته جدا ممتازه والعاملين فيه بشوشين ونظيف جدا حتى ان خدمة الغرف ينظفون غرفتك مرتين في اليوم واي شي تطلبه تلاقيهم يأمنوه لك على طول من غير تأخير

بالنسبه للاكل عندهم مو زياده واللي يزعجك بعد انهم يستخدموا منتجات الخنزير والكحول وهذا اللي تعبنا

بس اول ماوصلت قلت لهم ملاحظاتي وقلت لهم على موضوع الاكل وعشان تعرف ان خدمتهم ممتازه خلوني اقابل الشيف براسه وقالي لا تشيل هم انا اسوي ملاحظه برقم غرفتك عشان مايقدمولك اي شي فيه منتجات الخنزير اوالكحول وينبهوك عليه

وعشان تتأكد اسأل العاملين في البوفيه عن كل شي قبل لا تاخذه راح تلاقي تجاوب كبير معاك

وفيه بعض العاملين في الفندق مسلمين في واحد منهم كان دايم ينبهنا على الاكل

بالنسبه للتاكسي انا اخذته من خارج الفندق لان تكاسي الفندق كانت تقريبا بـ70 يورو والشركه اتوقع بـ114 دولار

لكن تلاقي بعض السواقين في المواقف الخارجيه للفندق انا اتفقت مع واحد جدا ممتاز واتفقت معاه انه يكون سواقي طول مدة اقامتي

وكان بـ 1500 روبيه (50 دولار) تقريبا

المسافه من دبي لموريشس تقريبا 6 ساعات و 18 دقيقه

المسافه من النفدق للمناطق في الشمال جدا متعبه وطويله تاخذ بعض الاحيان لحدود الساعتين لان الطرق ضيقه جدا وهذا اسوء مافي موريشس وبعد زحمه خصوصا لاصادفتك زحمة الساعه 4 العصر الله يعينك

والتاكسي ينتظرك خصوصا اذا اتفقت معاه باليوم مثل ماسويت انا

بالنسبه للجو طول فترة اقامتي بموريشس كان الجو معتدل الا يوم او يومين كان فيها مطر وسبحان الله مطرهم مو قوي لكن كثيف لدرجة انك ماتشوف شي بس بصفه عامه الجو معتدل مع بروده حلوه في الليل خاصه انه دخل عندهم فصل الشتاء

وانا تحت امرك اخوي في اي استفسار طبعا بعد اذن اخوي man

بس ياخوي كنت بنطرد اليوم من البيت يوم شافت زوجتي الموضوع وانا اكتبلك تقولي متي تزوجت :112: تحسبني اعرست مره ثانيه :109:

اخوي انا رحت تجديد لشهر العسل مو زواج :101:

وبالتوفيق اخوي واتمنى لك حياة سعيده وشهر عسل جميل

المشاركة الأصلية كتبت بواسطة 123man


الحمدلله على السلامة..والله يبارك فيك
ياخي والله انك رهيب..وكلامك جدا مشجع..بس ننتظر التشجيع بالصور..الله لا يهينك
والألعاب اللي قلتها كلها حلوة وبالفعل تصلح لنا .. الله يعطيك العافية
شاكر لك ردك .. والله كانك حاس احساسي




الله يسلمك

وانا تحت امرك اخوي:101:

ما يامر عليك عدو..

بس ننتظر التقرير..وياليت شوية صور..



شكرا لك

يعطيك العافية أخوي عماد ............... كفيت و وفيت وما قصرت...........

وبعد إذن أخوي صاحي الموضوع .................. كم مرة يكفيلك تروح الشمال ؟ شغلة الزحمة ما طيقها..

ومرة ثانية أشكرك ................. وانشاالله كل ايامك عسل.

الف مبروك و بالتوفيق إنشاء الله
انا رجعت من شهر العسل الأسبوع الماضي و سكنت في نفس الفنادق اللي ذكرتها
الفنادق جيده مع الأفضليه لفندق Belle Mare من حيث الغرف و الأكل و ألشاطيء
بالنسبه للانشطه الليليه في هناك عادة فرقه كل ليله او دي جي وبصراحه استمتعنا كثيرا بالفرقه الموريشيسيه وخصوصا في الهيلتون لأن الفرقه على البحر والجميع يستطيع لاستمتاع بالعرض بعكس Belle Mare العرض يكون قي البار و بصراحه مافكرنا ندخل و نشوف
والفندقين فيهم SPA ممتازين
بالنسبه للهيلتون هناك مركز تسوق قريب جداممكن تروح له مشي وايضا في Belle Mare لكن تحتاج سياره
الجزيره جميله و واهلها ناس طيبين والجو جميل جدا وفيها راحة بال مو طبيعيه بصراحه استمتعنا كثيرا
بصراحه انا لفيت الجزيره ولكن في ر,حلتين انا استمتعت فيهم كثيرا وانصح كل من يذهب للجزيره عمل هذي الرحلتين و الأفضل انك تعملهم من Belle Mare لأن بتكون اقرب لك كثيرا

الرحله الأولى عي عباره عن استأجار Speed Boat والذهاب لجزيرة lle Aux Cerfs والتمشي في الجزيره و ممارسة بعض الألعب المائيه و احلى شي كان Barasalling وثم الذهاب لمشاهدة الشلال خلف الجزيره و بصراحه منظر الشلال جميل جدا و تستطيع السباحه عند الشلال و الغطس من الصخور بارتفاع 10 امتار تقريبا وثم ذهبنا الى شاطيء خاص مافيه احد خلف الجزيره واخذت راحتي انا والمدام و سبحنا و طافشنا في البحر وجلسنا تقريبا ساعه ونص وماشفنا احد وما شفنا الا ابوات من بعيد الي رايحه للشلال و بعدين رجعنا للفندق
تكلفة الرحله 150 دولار

الرحله الثانيه تسمى Quad Biking في منطقة Etoile و هي عباره عن رحله بالدبابات في الجبال و اللأستمتاع بمناظر جمياه جدا و رائعه ومشاهدة الغزلان بانواعها والخنازير البريه و منطقة Etoile هي محميه كبيره جدا والدبابا ت بصراحه جديده و مريحه جدا لشخصين و الرحله تكون مع مجوعه يقودها مرشد خبير في المنطقه و الرحله تتضمن وجبة الغداء في مطعم جميل جدا و المنظر رائع و هو موجود في نفس المكان الرحله جميله جدا و مميزه
تكلفة الرحله 160 دولار لشخصين مع بوفيه الغداء وتستطيع عمل ترتيبات الرحلات من الفندق مباشره وارخص من شركات السياحه الموجوده في الفندق

ان شاء الله اكون افدتك و اي استفسار انا حاضر

ابو تركي

الحمدلله على السلامة يابوتركي..

وبصراحة ياسلام:24: ..والله فرحتني بردك ونصايحك:115: ..
أعجبتني جداً فكرة الرحلة الأولى:113: :113: ..ان شاء الله اني اروحلها

فيه سؤال بس..بالنسبة لـ Spa كيف نظامه وأسعاره:114: ..؟


شاكر لك يابوتركي:101: ..وفي انتظار التقرير والصور الله لا يهينك:101: ..

بالبركة اخوي مع انه دايما فيه فرصة ووقت للتراجع

الفندقين ممتازين

السعر رخيص للغاية و بدون تفكير ثاني بالسعر

تحتاج لسيولة غلاق العشرين (4500ريال) لزوم الشيبسي والتبات والمواصلات والفسح
وبطاقة فيزا لتدفع مصاريف المساج وخدمات الغرف والمشروبات خلال العشاء (حدود 5000ريال)

كميزانية و حسب توفيرك

الليل بعد العشاء ما فيه شيء يذكر يعني الساعة 10م الكل بغرفهم للنوم

امام الفندق فيه تموينات صغيرة وممكن تاخذ تاكسي بحدود 200روبية للندن سوبرماركت او سباورو القريبة في مدخل قرية فليك إن فلاك

الجو بالنسبة لنا كعرب ممتاز وبالنسبة للخواجات سيء وما يبون موريشس (هذا سبب رخص الأسعار وكثرة العرب) حيث الماء في المسبح والبحر بارد عليهم و ما يتحملونه خاصة الغطس

وتكون درجات الحرارة في الليل بين 17 و 19 وفي النهار بين 23 و 25 درجة مئوية في شهر 7 من كل سنة والأمطار قليلة جدا

الألعاب المائية (الجت ممنوع) مثل ما ذكر عماد بالضبط والموزة اللي يجرها البوت كيفوا عليها الأهل
السنوكرلينق (الغطس الخفيف) ممتع وومكن تاخذ شهادة البادي خلال 4 ايام

الإحتياطات الطبية مثل اي مسافر تكون من الصيدلية تجيب لك حبوب اسهال / صداع / شغلات ثانية خاصة بالعرسان (اسئل طبيبك)

باكج شهر العسل موجود ضمن الحجز اللي بين الإمارتية و كيلهم في موريشس و لاتراه في حجوزاتك، وزي ما قال عماد بتحصل كيكة الشوكولاته وقارورة عصير البرتقال في الطائرة

تروح وتجي بالسلامة

المشاركة الأصلية كتبت بواسطة 123man


فيه سؤال بس..بالنسبة لـ Spa كيف نظامه وأسعاره:114: ..؟ ..



SPA عباره عن مركز موجود في الفندق و يحتوي على عدة غرف و كل غرفه مجهزه حسب الخدمه الي تقدمها و مسبح صغير و حواليه كراسي يسمونه Relaxation Room وفيه جاكوزي
الخدمات عباره عن مساج و فيه عدة انواع
Body Treatment و فيه ايضا عدة انواع والأسعار تبدا من حوالي 60 او 70 دولار لساعه
وتقدر بعد تاخذ الجاكوزي لمدة نص ساعه او ساعه و يكون عندك خصوصيه كامله ولا احد يزعجك و يفضل يكون قي الليل عشان تستمتع بالشمع و الورد اللي موجود....... وفيه مع الجاكوزي غرفة تبديل و شاور و يكلف 20 دولار لنصف ساعه

مشكور يابوعزيز..والله انا كنت منتظر رايك ونصايحك..نظرا لخبرتك بموريشوس





السعر رخيص للغاية و بدون تفكير ثاني بالسعر



ايوة انا ابغى واحد يرفع معنوياتي:101: :115:





الليل بعد العشاء ما فيه شيء يذكر يعني الساعة 10م الكل بغرفهم للنوم



طيب .. من خبرتك الى الساعة 10 وش ممكن يكون فيه .. وش ممكن تسوي؟





امام الفندق فيه تموينات صغيرة



اتوقع بتكون مفيدة جدا





الجو بالنسبة لنا كعرب ممتاز



أحد اسباب اختياري لموريشوس:24: .. هو الجو:113:





والأمطار قليلة جدا



تحطيم!!!:114:





شغلات ثانية خاصة بالعرسان (اسئل طبيبك)



I Will:109:


سؤال اخير..الشباب في تقاريرهم شوقونا للشلالات..وش اهم الشلالات اللي في الجزيرة وأكبرها ؟


ألف شكر..الله يعطيك العافية

المشاركة الأصلية كتبت بواسطة 123man


ما يامر عليك عدو..
بس ننتظر التقرير..وياليت شوية صور..
شكرا لك




جعلك تسلم اخوي man

وبالنسبه للصور ان شاء الله بنزل تقرير فيه كل شي

مع امنياتي انه ان شاء الله يحوز على رضاكم

لك مودتي

المشاركة الأصلية كتبت بواسطة اماراتي 2006


يعطيك العافية أخوي عماد ............... كفيت و وفيت وما قصرت...........
وبعد إذن أخوي صاحي الموضوع .................. كم مرة يكفيلك تروح الشمال ؟ شغلة الزحمة ما طيقها..
ومرة ثانية أشكرك ................. وانشاالله كل ايامك عسل.




على حسب الاماكن اللي تبغى تزورها وممكن انك ماتروح اصلا للشمال لانه في اماكن كثير في الجنوب ووسط الجزيره

ووممكن انك تتحاشي الزحمه اللي تبداء عندهم الساعه 4 تقريبا اللي الساعه 6 بأنك ترجع قبل هالوقت او تجلس في مكان حتى تخف الزحمه

بس لا تفوت عليك الاستمتاع لمجر انك تكره الزحمه واصلا طول فترة المشوار في السياره راح تستمتع بالطبيعه وبالجو فعلا كل شي جميل هناك

بس بصفه عامه لازم تبداء يومك من بدري حتى لو تبي تروح الاماكن اللي في الجنوب او الوسط لان الجزيره طرقها كلها لفات وضيقه جدا بالاظافه لبعض الاصلاحات في الطرق

وبالتوفيق

وبعد اذن اخونا man صاحب الموضوع








وبعد إذن أخوي صاحي الموضوع




الموضوع للجميع ولفايدة الجميع..الله يحييكم جميعاً

المشاركة الأصلية كتبت بواسطة 123man


ياخي..بالنسبة للانتقال من الهيلتون الى البيل مار..ودي اروح رحلة تمشية وبعدين ويودينا للفندق الثاني..وش الاماكن السياحية اللي تكون قريبة من الفندق الثاني..؟؟
ووش رايك في الفكرة؟
الله يعطيك الف عافية



انا افضل انك تخلي اليوم هذا راحه وتقضيه في فندق البيل مار خصوصا انا الطريق تقريبا ساعه و نص من الهيلتون الى البيل مار و شنطك راح تكون معاك و الطريق جميل و راح تمر على قرى كثيره وفندق البيل مار جميل و ممكن تكمل باقي يومك فيه على الشاطىء و الأنشطه البحريه و المسابح و فيه قولف كورس جميل وما يمنع تاخذ مساج قبل العشاء و تبدى رحلاتك من اليوم التالي و الرحلات الي ذكرتها لك قريبه من فندق البيل مار

شكرا يابوتركي على النصايح الحلوة..

ياخي احس اني تعبتك معاي..بس بالنسبة لـ Check-in and Check-out واجهتك مشاكل او اي شي .. والا كانت الفنادق متعاونة؟؟

والله يعطيك ألف عافية..

يا اخوان زي ما تشوفون .. الصيف دخل .. والإجازات بدت
والناس قربت سفراتهم..


المهم الزبدة اننا نبغى التقارير من الإخوان اللي راحوا الله لا يهينهم .. ولو بس كلام وصورة وحدة


شكرا لكم