الموضوع: استفسار يااهل الكويت اذا ممكن

السلام عليكم ورحمة الله وبركاته

ان شاء الله يااهل الكويت جايه لكم زياره قريب

اتمنى تصححون لي الخطا في معلوماتي

اذا في خطا ولا عليكم امر وتدلوني على الافضل .

من خلال بحثي عن الاسواق وجدت اللي تناسبني

من ناحية الماده الاسواق التاليه

جليب الشيوخ/مستوره/المحاميد

طبعا ماراح اجلس كثير يمكن يومين ابي

اعرف مين افضلهم بضاعه من ناحية الملابس النسائيه

بلايز وتيورات وغيره

لاني بس بخلي وجهتي للاحلى بضاعه بسبب الوقت

وفي محل للتجميل "ادوات المكياج وغيره "

يقع خلف مجمع الحمراء

وحده قالت لي اسمه عروس البحر ووحده قالت لي

اسمه عروس الخليج مين الاصح وقالو انه يبيع كريم اساس

تبع المحل ابي خبرتكم وايش افضل اظلال عيون عنده.

ومركز اسرتي التجاري هل هذا شعبي او مجمع

وبضاعته احلى من الاسواق اللي قبل او مثلهم وبرضو اسعاره

التمشيات حددت لي مكانين:

المركز العلمي "الأكواريوم " فقط . ايش الايام والوقت اللي يكون عائلات

وايش رايكم بقرية يوم البحار برضو ايش الايام والوقت اللي تكون عائلات

السكن

ياليت تدلوني على سكن نظيف في اماكن شعبيه

المطاعم

ايش افضل مطعم شعبي ويكون مخصص للعائلات

"مستور يعني غير مكشوف"

خليت اتجاهي للشعبي بسبب الميزانيه المحدده

بصراحه الكويت اسعارهم نار

جميع الاماكن اللي ذكرتهم هل هي في مناطق قريبه من بعض او متفرقه

ملاحظه

ماابي اسواق واماكن ذات ادوار ياليت ارضيه

اوفيهااصنصيريكون افضل. لظروف صحيه

سلم ثابت لا سلم كهربائي لا

انتظر مساعدتكم وتجاوبكم الله يعطيكم العافيه

مواضيع عشوائيه ممكن تكون تعجبك اخترناها لك:

• استفسار عن السكن
• عندي استفسار ان شاد الله اشوفه عندكم
• الفزعه يااهلنا في الكويت مطلوب شقق فندقية او شالهات قريبة من فندق النخيل
• الاسعار
• ثلوج في الكويت معقوله
• اتمنى المساعده جزاكم الله خيرا
• انا جآي سيآحة للكويت يوم الأحد وأبي مسآآعدهـ
• أستفسار عاجل وفقكم الله
• زيارة للكويت
• المبخر
• فزعتكم يااهل الكويت النشامى او من زار الكويت
• وين افضل الشقق
• لو ممكن طريق سوق الجمعه
• مشروع كويتي وأفتخر
• استفسار
• وين الشقق الفندقية في السالمية
• عيودتنا في الكويت
• مطعم شيرين بانو و البردوني ؟
• استفسار عن شقق نوبل روز
• ضروري الله يحفظكم

المشاركة الأصلية كتبت بواسطة @ريما@
http://www.arabtravelersforum.com/tr...2/#post5059608

السلام عليكم ورحمة الله وبركاته

ان شاء الله يااهل الكويت جايه لكم زياره قريب

اتمنى تصححون لي الخطا في معلوماتي

اذا في خطا ولا عليكم امر وتدلوني على الافضل .

من خلال بحثي عن الاسواق وجدت اللي تناسبني

من ناحية الماده الاسواق التاليه

جليب الشيوخ/مستوره/المحاميد

اهلا وسهلا اختي وحياك الله
مستورة افضل واحلى وملابسه بها جودة اكبر وتنفع للبيت والطلعة

اما البقية لا اعتقد فيها جودة يعني ملابس للبيت ولكم يوم فقط وللامانة لم اجربهم اعتقد لا تستحق المجئ من اجلهم

طبعا ماراح اجلس كثير يمكن يومين ابي

اعرف مين افضلهم بضاعه من ناحية الملابس النسائيه

بلايز وتيورات وغيره

لاني بس بخلي وجهتي للاحلى بضاعه بسبب الوقت

وفي محل للتجميل "ادوات المكياج وغيره "

يقع خلف مجمع الحمراء

وحده قالت لي اسمه عروس البحر ووحده قالت لي

اسمه عروس الخليج مين الاصح وقالو انه يبيع كريم اساس

تبع المحل ابي خبرتكم وايش افضل اظلال عيون عنده.

ومركز اسرتي التجاري هل هذا شعبي او مجمع

وبضاعته احلى من الاسواق اللي قبل او مثلهم وبرضو اسعاره

التمشيات حددت لي مكانين:

المركز العلمي "الأكواريوم " فقط . ايش الايام والوقت اللي يكون عائلات

ما اعتقد فيه يوم مخصص للعائلات فقط حسب ما سمعت وان شالله الاعضاء يفيدونا اكثر

وايش رايكم بقرية يوم البحار برضو ايش الايام والوقت اللي تكون عائلات
يوم البحار اساسا مكان عائلي دائما وجميل جدا

السكن

ياليت تدلوني على سكن نظيف في اماكن شعبيه

المطاعم

ايش افضل مطعم شعبي ويكون مخصص للعائلات

"مستور يعني غير مكشوف"

خليت اتجاهي للشعبي بسبب الميزانيه المحدده
عندك المباركية خوش مطاعم وشعبيه وفيه منها غير مكشوفه

بصراحه الكويت اسعارهم نار
الدنيا كلها مولعه نار

جميع الاماكن اللي ذكرتهم هل هي في مناطق قريبه من بعض او متفرقه

ملاحظه

ماابي اسواق واماكن ذات ادوار ياليت ارضيه

اوفيهااصنصيريكون افضل. لظروف صحيه

سلم ثابت لا سلم كهربائي لا

انتظر مساعدتكم وتجاوبكم الله يعطيكم العافيه

حياج الله اختي وجاوبت على اللي اعرفه

الله يحييك ويبقيك

ماقصرتي وبيض الله وجهك

جزاك الله الجنه

وانتظر البقيه

حياكم الله فى الكويت


بالنسبه للاسواق محدودة الميزانيه المحاميد - مستوره - بيت اولادنا - الاسواق الشعبيه موجوده بكل المناطق

منها سوق المعلم - سوق الجوهره - سوق كرز - خان الخليلى وغيرها الكثير اغلبها موجوده بالمناطق

السالميه

حولى الفروانيه

الفحيحيل

اسواق المباركيه فيها كثير من المحلات المتواضعة الاسعار وتشكيله البضائع منوعه وقابله للخصم

حسب شطارتكم مع البائع

وحياكم الله

الله يحييك

بس ياليت ترشحين ايش احلاهم بضاعه ولا عليك امر

ربي يجزاك كل خير

شنو نوع البضاعه ايللى حابين تشترونها مثل شنو !

يعني ملابس نسائيه بكل انواعها

ملابس بيت قطنيه بجامات بلايز وتيورات

جلابيات بسيطه

ملابس نسائيه مثل بيجامات حلوه ومنوعه ممكن تلاقونها باسواق المعلم والمحاميد

والاسواق الشعبيه بصفه عامه وعند كم اسواق المباركيه عند بعض المحلات تبدا من دينار ونص

حسب الموديل وحسب المقاس وتايورات وبلايز ممكن تلاقونها باسواق فاشن مل وهى اسواق مركزيه

فيها انواع البيجامات وملابس قطنيه وبلايز موجوده بالسالميه بمجمع منيره مقابل ماركسبنسر

وموجوده لها فرع بمنطقه الفحيحيل وفى اسواق بازار شعبيه ومحلات متنوعه يبيعون فيها بائعين

من الهنود ممكن مساومه السعر عندهم حسب الشطاره ,,,,

فاشن مل وين موقعه بالضبط

معليش اتعبتك معي

البازارات وين وايش الافضل؟

لا عادى بالعكس حياكم الله


فاشن مل موجود بمنطقة السالميه فى مجمع منيره مقابل محلات مارك سبنسر بالضبط

يكون بالسرداب وهو كبير ومتنوع فيه ( سلم متحرك ) يمكن يكون فيه مصعد لكن للامانه انا انزل بالمتحرك


وفيه له فرع اخر بالفحيحيل بمجمع العنود ايضا بالسرداب وفيه درج عادى متاكده وفيه المتحرك


اسمه سوق بازار محلات متنوعه ومفتوحه بمنطقة الفحيحيل وهو مقابل المنشر مول معروف بمنطقة الفحيحيل

الله يجزاك خير من حيث لاتحتسبين

وشاكره لك هالخدمه ماقصرتي

ويعطيك الف عافيه

الله يعافيج ويحيييكم ببلدكم واى استفسار حتى ان كان صغير وان كنت اعرف اجابته بحاول

من كل قلبى المساعده ومشكوووووووره عالدعوه الحلوه

المشاركة الأصلية كتبت بواسطة *ام البدر*
http://www.arabtravelersforum.com/tr...6/#post5063556

الله يعافيج ويحيييكم ببلدكم واى استفسار حتى ان كان صغير وان كنت اعرف اجابته بحاول

من كل قلبى المساعده ومشكوووووووره عالدعوه الحلوه



العفو وهذا اقل من حقك

ياليت البقيه يدلون بدلوهم المفيد والمناسب

ممكن توضحون لي وشو يوم البحار ووين موقعه فيه

المشاركة الأصلية كتبت بواسطة شمس وقمر1069
http://www.arabtravelersforum.com/tr...0/#post5065110

ممكن توضحون لي وشو يوم البحار ووين موقعه فيه



موقع قرية يوم البحار في منطقة شرق على شارع الخليج العربي مقابل مجلس الامة وهي قرية تراثية من الطراز الاول فيه مراجيح للاطفال ومكان بيع الادوات والاشياء الكويتية التراثية وقعداته حلوة ويبيعون الشاي والنخي والباجله ومشاوي وراح تستانسون فيه وهو مكان للعائلات .

نفس ما قالت اختى اصول

ان يوم البحار هو مكان مبنى على شكل تراثى قديم شبه حديقه فيها العاب ومراجيح قديمه

للاطفال و ماكولات كويتيه قديمه مثل النخى ( حمص ) وباجيلا( الفول الكبير ) وكباب وتكا ومشويات

مثل الكبده وغيرها وهناك كراسى ويمكن ان تاخذون معاكم البساط وتجلسون على الحشائش

وموقعه على البحر مباشره وفيه محلات متنوعه لبيع البضائع القديمه

جزاكم الله خير ومشكورين وماقصرتوا

حبيت ازيد على كلام اختي ام البدر فاشن مل موجود منه بعد فرع بحولي مجمع بيروت بشارع مستشفى دار الشفا