اهلين
قررت احط لكم حبايبي تقريري لرد لكم الجميل
سفرتي كانت الى النمسا والمانيا
خططنا لها انا وزوجي من شهر 2 وزواجنا كان شهر 6
اول شي كنا محتارين بين اسبانيا والنمسا
وبعدها غيرت راي قلت ابي سنغافوه وماخليت بلد الا قريت عنه
واخر شي ثبتنا على النمسا والمانيا
حطينا لنا ميزانيه للسفر
وجلست اقرى عن الفنادق من تقارير الاعضاء
ومن كل تقرير اخترت فندق
بعدها رحنا الى مكتب سفر وعطيناه الفنادق ماعليه الا يحجز لنا
وبعدها الفيزا عطينا المكتب كل شي من كشف حساب بأسمي وبأسم زوجي
ولازم يكون فيهم على الاقل 30 الف
صوره شخصيه لكل واحد منا وكانت صورتي طالعه الاذن ههههههههههه الاول ماكانو يطلبو الاذن تطلع
جوازت السفر
تذاكر السفر
حجز الفنادق يكون مؤكد
تعريفه من العمل باللغه الانجليزيه
المهم حجزنا على الامارتيه وكانت التذاكر تكلفتها 5600 للشخصين تقريبا
وقال لنا اسبوعين وبتطلع الفيزا بعد اسبوعين اكثر شي
بعد شهر كلمنا المكتب الا يقول السفاره النمساويه غيرت قرراتها ولازم مقابله يعني لازم نروح الرياض
طبعا مانقدر الداومات وزحمه
منها اني عرفت هالمكتب ماله خبره وشكله من زمان ماسوى فيزا
قلت بصبر لان دفعنا فلوس
وقال بيغير الى السفاره الالمانيه وكما تعرفون الالمانيه اكثر تعقيد مارضيت لان عارفه تعقيدهم
وماجبنا تعريفه
بعدها قالى الى السفاره الايطاليه
طبعا هذا الكلام نهايه شهر خمسه مابقى شي على الزواج والسفره
وبدى التحطيم
جبنا له تعريفه من العمل واحس الموظف شوي ويعصب كل يوم رايحه له ابي تعريفه
المهم عطيناه التعريفه وبعد 8 1 يوم جت الفيزا
وكان باقي اسبوع على السفر
وكانت سعر الفيزا للشخص 850
رحلتنا كانت من البحرين الى دبي الى فينا بعدها نخرج من ميونخ الى دبي
هذي بالنسبه للطيران
وسيررحلتنا داخليا
بحرين دبي
3 ايام فينا
5 ايام زيلامسي الجميله
يومين سالزبوغ
3 ايام ميونخ
راح اوفايكم بتقرير انشاء الله يعجبكم بس اهم شي تتحمسو معاااي
وراجعه لكم باأول يووم بفينا ورحله الى المطارات
مواضيع عشوائيه ممكن تكون تعجبك اخترناها لك:
- استفسار بخصوص ارقام مكاتب سياحيه بزيلامسي
- استفسار
- رحلتي بالصور الى سوريا اتمنى ان تعجبكم
- سويت الخطه وآحتاج رآيكم
- رحلة الى سلازبرغ صور
- جداول سياحية النمسا 7 او 14 او21 يوم مرتبه
- كيف اللغة؟
- ساعدوني مسافر زلمسي وفيينا وانترلاكن
- تقرير رحله النمسا ليله ميونخ ليالي
- افيدوني في مسار رحلتي الاوروبية لاول مره جزاكم الله كل خير
- رحلة للنمسا اول يوم في عيد الفطر لمدة 8 ايام ، كم تكلف؟
- ابغى جدول لرحلتي للنمسا
- مطعم المعتز بالصور
- رأيكم بصراحه في هذه الفنادق واماكنها
- الله يمتعكم بالعافيه والمسلمين أجمعين جاوبو على استفاراتي
- محتاجه مساعدتكم
- استفسار من زيلامسي ل ميلان ضروري لاهنتم
- هذه الخطة لشهر العسل وبقي أيام إن شاء الله
- الى خبراء المانيا والنمسا
- استفسار ولكم دعوه
المفضلات