الموضوع: مشروع لؤلؤة الخيران ؟

السلام عليكم ورحمة الله وبركاته ,, طبعا الاغلبية عندهم خلفية عن مشروع لؤلؤة الخيران اللي راح يصير بالخيران واهو مثل منطقة كامله فيها كل شي مدارس وبيوت وشاليهات ومجمعات ومطاعم وكل الخدمات متوفرة فيه ومدة العقد 30 سنه
وقبل لا اتم الموافقه عليه تم طرحه في مجلس الامه واغلب الاعضاء ارفضوا فكرة المشروع وتوقف المشروع لمدة 18 سنه وهم معارضين لين الله فتحتها ابويه راعي المشروع واهو المرزوق والحين تمت الموافقه عليه
والحين نبي نعرف منو المؤيدين للمشروع والمعارضين والسبب؟؟
وسلامتكم

مواضيع عشوائيه ممكن تكون تعجبك اخترناها لك:

• الكويت
• من مسيرة التحرير والاستقلال
• استفسار على سريع لدانة الخليج
• استفسار لاهل الكويت الطيبين الكويت بلس
• سؤالي عن اماكن بيع البشوت
• روان بنت الكويت
• بــــــــــــودل
• الاقمشة الرجالية وين الاقيها طبعاً بالطول
• الست هانم وإستفتاء بين مطعمين مختلفين على جزئين
• دليل الزائر السياحي للكويت مدعم بالمعلومات والصور
• حدث لأول مرة بالكويت يوم الطيران برعاية ريد بول
• اسفسار عاجل لأهل الكويت
• هل تتوقف المسرحيات في يناير؟
• مطاعم الكويت ذات الجو اللبناني
• عاجل استفسار عن منتجع النخيل والغرف اللي فيه
• ترانزيت ساعة
• استفسار عن شقق الكويت الحبيبه
• الى اهل الكويت الاعزاء
• معلومات التأشيرة للكويت
• صور لشارع الخليج ومدينة الكويت

انا الى اعرفه ان المشروع شغالين فيه و تقريبا الخور الجديد راح يخلص

اي اخوي المشروع شغالين فيه بس يبيله 30 سنه على ما يخلص

حسب علمى صار لهم سنتين شغالين فيه و 30 سنه مده خياليه

لاجون سيتي





اللي شغالين فيه الحين هذي لاجون سيتي

و لاجون سيتي تعتبر جزء من مدينة لؤلؤة الخيران

وبالمساحة تعتبر لاجون سيتي سدس او ثمن مساحة لؤلؤة الخيران

وإذا لاجون سيتي بتاخذ من 4 إلى 5 سنوات

وبتبدي وراها المرحلة الثانية حق جزء آخر من المدينة

يعني جذي بيخلصون المدينة كامله بحوالي الــ 30 سنة

وهذا كل اللي أعرفه عن المشروع والحين طبعا تم بيع معظم الفيلات المعروضه بالمشروع

وبتخلص على هالسنة وبيسكنونها الناس اللي شارين بيوت فيها

( اقصد لاجون سيتي ) وهي جزء صغير من لؤلؤة الخيران

moh12345: لا اخوي لانه مقسم اكثر من قسم وعلى فكرة ترى المشروع وايد كبير مو عبالك كبر منتزه الخيران حجمه يمكن كبر محافظه كامله
F9y:مشكور اخوي على الصوره والمعلومه الاضافيه

السلام عليكم:101:
اول شئ مدينة لؤلوه الخيران بضبط مدينة قديمة تم طرحها لمجلس الامه وتم رفضه من قديم الزمان:110: وكعاداته يرفض اي مشروع ضخم ::112: وهاذي ربما صورة للمشروع !!
وهاذي صوره من Google Earthg لموقع الارض ومنتزه الخيران الحالي:114:

و هاذي مشروع الاؤلؤه الحالي

و اتوقع ان لاغون ستي LagoonCity يكون تابع له.:101:

ahmedjam:مشكور اخوي على الصور وماقصرت

[grade="ffa500 00bfff 00bfff 00bfff ffa500"]الله يسلمك هاذي اول مشركه كانت لي[/grade]

ahmedjam:صج انها اول مشاركه بس كانت مفيده واتمنالك الاستمرار

العفو اخوي ونشاء الله افيد واستفيد منكم

انشالله اخوي

الله يخليلنا عيال المرزوق اللي سوولنا شي مو شويه وردوا الروح في الكويت ..... ولا اعضاء مجلس الامه ما وراهم غير الحجي

مشكوور اخوي على الموضع والله يعطينا العمر ونشوف لؤلؤة الخيران

تسلم اخوي فهد ماقصرت
والشباب ماقصرو على الصور ألى الأمام يا فيلجا

سوري قلت فيلجا الظاهر مأثره على فيلجا ههههههههههه
الى الامام يا خيران

شكله مشروع حلو
الله يوفقهم

يعطيكم العافية على الصور وعلى الموضوع

اهو اسمة ستي الخيران ولا لؤلؤة الخيرات

شفت موضوعين نفس الشي لكن الاسم مختلف

شنو اسمها الصحيح

المشروع في طور التنفيذ اوو 30 سنة مستحيلة يبيله كذا سنة

نحن بانتظار اكتمال المشروع اذا الله أمد في عمرنا ان شاء الله

ملاحظه المشروع يتكون من اربع مراحل المرحله الاولى انجزت والمرحله تم بيعها الى شركات وافراد وتوجد حاليا شركتين سيقومون بتطوير المنطقه التجاريه وهى المارينا خيران وجارى طرح التصاميم والعروض من المكاتب الاستشاريه الهندسيه واسف لعدم الافصاح لرغبة الشركتين حتى تتم الموافقات, اما المرحلتين الثالثه والرابعه ياتون بالخلف مع العلم يانه سوف يتم ادخال مياه البحر الى عمق الجهه البريه باتجاه الخط السريع باشكال من البحيرات والممرات المائيه ( خور )

مشكور اخوي على هلموضوع


وانشالله يسونه

الشباب كلكم ما قصرتوو في شرح المشروح
الله يعطيكم العافية

مشكور اخوي ع الموضوع الي يفرح بصراحه

بصراحه مشاريع حلوه ومشرفه للبلد واتمنى يكون عندى فيلا هناك واتمنى من صاحبها الاهتمام الدائم بها وتطويرها باستمرار وتسلم

على فكره يقولون غيروا اسمها من لؤلؤة الخيران الى مدينة صباح الاحمد.

الله يحيينا الى ذاك اليوم