السلام عليكم
العام الماضي عزمت اني اروح ادرس لغة في بريطانيا وضبطت الامور كلها وتوكلت على الله ، المهم يوم وصلت مطار هيثرو ـ وش تشوف عالم الله يجيرك ،،، المهم رحت لمحل الباصات وحجزت تذكرة لأني ودي اتعلم كيف اقص تذكرة وكيف اسأل واستفيد من اللغة من اول دقيقة ،،، يعني ما احب الامور كلها تجي باردة مبردة .
الزبدة ركبت الباص ووداني لمحل التكاسي وجيت ل هكا الواحد ( شكلكم منتمب فاهمين العبارة الاخيرة ) وعطيته خريطة العائلة اللي ابقطن عندهم ( متعوب عليها ابقطن ) المهم قلت له بكم توديني قال من 7 إلى 10 بوند ، طبعا تهمني المادة لاني داج شوي ،،،، المهم ركبت معه وخذ سواليف ،،، الاخ يوم جاء ينزلني قال مع السلامة ،،، قلت له :: شر تعرف عربي . قال انا جزائري
نزلني عند البيت ووقف حتى إني دخلت عند العائلة ، جاء ابوهم وقال انت ؟؟؟؟ ( اسمي ) قلت إيه ÷،،،، رحب فيني وقال الحقني وطلعني لغرفتي وقال هذي غرفك ،،،كان فيها تلفزيون وسرير وطاولة وكرسي .
مع اني تعبان من السفر إلا إني ما صبرت من الفرحة ،،، نزلت يمه وقلت وين البقالة ،،، وصف لي :::: ورحت
وادخل البقالة : قلت عندك حب شمسي ( مسوي خطير بالانجليزي ) وبصراحة انا كنت قبل احفظ كلمات واحس انها ما تستعمل فقلت خلني اجربها في الواقع .... المهم رد وقال لا . لكن تلقاها في المحل الفلاني .
شريت من عنده بسكويت وسفن ورحت للبيت اتندح
يوم جاء العصر ومعي الخريطة واطلع من البيت ابشوف المدرسة لأني متحمس كثيررررررر . وصلت المدرسة وكانت مسكرة .
جاء يوم الاثنين اول يوم دراسي ورحت من الصبح وقبل لا تفتح المدرسة
انتظرونا في العدد القادم ــــ وما هو الموقف المحرج الذي حصل لي في اول يوم
يا شباب وشابات والله ما كتبت السالفة إلا ابوسع صدروكم ونحرك نوعية المشاركات لذا لحد يشره علىمواضيع عشوائيه ممكن تكون تعجبك اخترناها لك:
- المقاطعات الصغيرة
- اقرب مطار الي الملحقية السعودي في واشنطون
- خبر جديد بخصوص الأبتعاث
- أرائكم عن معهد
- فيه دراسة ماجستير في الرياض
- سؤال في الهند
- الفزعه يا شبااااب جاني قبول معهد وجامعة بس الابتعاث مقفل ؟
- ماستر في
- حاصل على دبلوم كم ساعة يعادلون لي؟؟
- التحويل لبرنامج الابتعاث للطالب السعودي الحاصل الامريكية
- تدقيق وثائق المبتعثين تمهيداً لإعلان المقبولين
- شاب سعودي يدور فـــزعــه
- د غازي مكي مكافآت شهر محرم بزيادة شاملة المرافقين في حساباتكم الاثنين محرم
- خبراء امريكا ساعدوني
- التوقيت الشتوي
- قصتي في محاولة الحصول على قبول من جامعة مساعدة
- اللي عنده خبره بالدراسه في ايرلندا يدخل يفيدني بلــيز الله يوفق اللي يرد علي
- الى شباب كاليفورونيا مهم
- اهل كالفورنيا بليييييييييييييييييييز
- ملبووووورن مساعدتك ياخوووووك
المفضلات