السلام عليكم
العام الماضي عزمت اني اروح ادرس لغة في بريطانيا وضبطت الامور كلها وتوكلت على الله ، المهم يوم وصلت مطار هيثرو ـ وش تشوف عالم الله يجيرك ،،، المهم رحت لمحل الباصات وحجزت تذكرة لأني ودي اتعلم كيف اقص تذكرة وكيف اسأل واستفيد من اللغة من اول دقيقة ،،، يعني ما احب الامور كلها تجي باردة مبردة .
الزبدة ركبت الباص ووداني لمحل التكاسي وجيت ل هكا الواحد ( شكلكم منتمب فاهمين العبارة الاخيرة ) وعطيته خريطة العائلة اللي ابقطن عندهم ( متعوب عليها ابقطن ) المهم قلت له بكم توديني قال من 7 إلى 10 بوند ، طبعا تهمني المادة لاني داج شوي ،،،، المهم ركبت معه وخذ سواليف ،،، الاخ يوم جاء ينزلني قال مع السلامة ،،، قلت له :: شر تعرف عربي . قال انا جزائري
نزلني عند البيت ووقف حتى إني دخلت عند العائلة ، جاء ابوهم وقال انت ؟؟؟؟ ( اسمي ) قلت إيه ÷،،،، رحب فيني وقال الحقني وطلعني لغرفتي وقال هذي غرفك ،،،كان فيها تلفزيون وسرير وطاولة وكرسي .
مع اني تعبان من السفر إلا إني ما صبرت من الفرحة ،،، نزلت يمه وقلت وين البقالة ،،، وصف لي :::: ورحت
وادخل البقالة : قلت عندك حب شمسي ( مسوي خطير بالانجليزي ) وبصراحة انا كنت قبل احفظ كلمات واحس انها ما تستعمل فقلت خلني اجربها في الواقع .... المهم رد وقال لا . لكن تلقاها في المحل الفلاني .
شريت من عنده بسكويت وسفن ورحت للبيت اتندح
يوم جاء العصر ومعي الخريطة واطلع من البيت ابشوف المدرسة لأني متحمس كثيررررررر . وصلت المدرسة وكانت مسكرة .
جاء يوم الاثنين اول يوم دراسي ورحت من الصبح وقبل لا تفتح المدرسة
انتظرونا في العدد القادم ــــ وما هو الموقف المحرج الذي حصل لي في اول يوم
يا شباب وشابات والله ما كتبت السالفة إلا ابوسع صدروكم ونحرك نوعية المشاركات لذا لحد يشره علىمواضيع عشوائيه ممكن تكون تعجبك اخترناها لك:
- سؤال عن تاجيل موعد الدراسه
- زواج وابتعاث الرجاء المساعده
- يا جماعه وين ملبورن
- استفسارات عن
- افيدوني عن جامعة توليدو
- جامعة جورج تاون وسكن قريب ورخيصه منها افيدوني
- الفرق بين برنامج التعليم العالي الأول والثاني نصائح وإرشادات
- ياريت أحد يفيدني حاب ادرس لغة شهور
- مونتـــانـــا
- اسعارالسكن في جميع مناطق امريكا تجدونها هنا بالتفصيل
- ملبورن عسى المانع خير
- التأشيرة
- ليدز ميت
- ولاية ميتشغن مدينه ايست لانسينغ
- هل جزاء الاحسان الا الاحسان
- دراستي في أكتوبر ورحلتي في اكتوبر بروح بدري علموني وين اروح
- استفسار بخصوص طلب اي توني
- استفسار عن جامعة هيوستن تكساس
- استفسار ضروري عن الماجستير في ايرلندا
- ابشركم وصلت عند العائلة
المفضلات