السلام عليكم
العام الماضي عزمت اني اروح ادرس لغة في بريطانيا وضبطت الامور كلها وتوكلت على الله ، المهم يوم وصلت مطار هيثرو ـ وش تشوف عالم الله يجيرك ،،، المهم رحت لمحل الباصات وحجزت تذكرة لأني ودي اتعلم كيف اقص تذكرة وكيف اسأل واستفيد من اللغة من اول دقيقة ،،، يعني ما احب الامور كلها تجي باردة مبردة .
الزبدة ركبت الباص ووداني لمحل التكاسي وجيت ل هكا الواحد ( شكلكم منتمب فاهمين العبارة الاخيرة ) وعطيته خريطة العائلة اللي ابقطن عندهم ( متعوب عليها ابقطن ) المهم قلت له بكم توديني قال من 7 إلى 10 بوند ، طبعا تهمني المادة لاني داج شوي ،،،، المهم ركبت معه وخذ سواليف ،،، الاخ يوم جاء ينزلني قال مع السلامة ،،، قلت له :: شر تعرف عربي . قال انا جزائري
نزلني عند البيت ووقف حتى إني دخلت عند العائلة ، جاء ابوهم وقال انت ؟؟؟؟ ( اسمي ) قلت إيه ÷،،،، رحب فيني وقال الحقني وطلعني لغرفتي وقال هذي غرفك ،،،كان فيها تلفزيون وسرير وطاولة وكرسي .
مع اني تعبان من السفر إلا إني ما صبرت من الفرحة ،،، نزلت يمه وقلت وين البقالة ،،، وصف لي :::: ورحت
وادخل البقالة : قلت عندك حب شمسي ( مسوي خطير بالانجليزي ) وبصراحة انا كنت قبل احفظ كلمات واحس انها ما تستعمل فقلت خلني اجربها في الواقع .... المهم رد وقال لا . لكن تلقاها في المحل الفلاني .
شريت من عنده بسكويت وسفن ورحت للبيت اتندح
يوم جاء العصر ومعي الخريطة واطلع من البيت ابشوف المدرسة لأني متحمس كثيررررررر . وصلت المدرسة وكانت مسكرة .
جاء يوم الاثنين اول يوم دراسي ورحت من الصبح وقبل لا تفتح المدرسة
انتظرونا في العدد القادم ــــ وما هو الموقف المحرج الذي حصل لي في اول يوم
يا شباب وشابات والله ما كتبت السالفة إلا ابوسع صدروكم ونحرك نوعية المشاركات لذا لحد يشره علىمواضيع عشوائيه ممكن تكون تعجبك اخترناها لك:
- أرجو الدخول
- الابتعاث الى امريكا شوي اسئله للخبره تكفون فزعتكم
- محتااااااااااار
- تقديم الاجازه الى رمضان
- علم اسرائيل موجود في كل حاسب ؟؟
- ضروري جدا جدا
- الى الشباب
- نصيحه لوجه الله سبحانهلا تقربوا هذا المعهد في بريستول
- طلبتكم معاهد مانشستر
- يا شباب الضغط عندي وصل وش الحل
- هل تقبل الوزارة وثيقة التخرج المؤقتة للتقديم للبعثات ؟؟؟ أرجو التفضل علينا
- ممكن واحد يقولي أقوى جامعات ماليزيا
- استفسار بخصوص الدراسة في امريكا و الفيزا
- هل الملحقية تستقبلنا في المطار ؟؟ افيدونا ياشباب
- يا وزارة التعليم العاليلا لا لا للتأجيل
- سياتل افيدوني يااهل الخبرة
- عاجل محتار بين امريكا وبريطانيا اعطوني رايكم
- استفسارات عن البعثات جزاكم الله خير
- طلب بسيط
- بعض الاستفسارات بخصوص دراسة اللغة؟
المفضلات