الموضوع: رحـلـتـي لـ مطعم جـيـــز كــيــك فـاكـتـوري

اخواني واخواتي, السلام عليكم ورحمه الله وبركاته..

في البدايه, اعتذر جدا عن انقطاعي, وذلك لظروف سفري والسياحه, وان شاء الله راح افاجئكم بعده تقارير فرعيه وتقرير سفري الرئيسي
املاً ان تنال التقارير على اعجابكم واستحسانكم.

بصراحه مطعم جيز كيك فاكتوري, كان من اهم الاشياء الي في قائمتي بسفري لامريكا هالمره.. والحمدالله جربت المطعم
وبلا مبالغه, من اروع المطاعم الي جربتهم بأمريكا خاصه, و بحياتي عامتاً .. لاتقولون لي مطاعم رسميه وكلاس.. ماعندي هالسوالف
:109: , انا من المعجبين بالاكل الامريكي بشكل كبير.. وما اعتبر نفسي اكلت من مطعم اذا ماكان America Food.. وطبعا
مانقلل من حق المطاعم الأخرى, ف كـل مطعم يتميز بطابعه الخاص والمميز! :113:




وجهتنا لـ يوم من الايام, وكنا مخططين لها وهو مطعم جيز كيك فاكتوري.. قعدنا, وصعدنا السياره, وحركنا بـ مشيئه الله ل المطعم
ووصلنــا..




لحــظه الوصول :101:
















بعد ما دخلنا.. وإلا انصدمنا :110: , المطعم كان زححححححـــمـــــه بشكل مو طبيعي.. وحجزنا لنا طاوله وقالت بعد نص ساعه تجهز!!
قلنا امرنا لله بعد شنسوي,



وعطتنا مثل شغله نفس البيجر.. علشان لما تجهز طاولتنا يهتز الجهاز ويصير احمر.. نسيت اصوره واهو يشب
بس صورته قبل لا يشب...




واحنا كنا قاعدين.. كنا نشوف انواع الجيز كيك وشنو راح نختار..



اقسى انواع التعذيب!! :112:




لقطه عشوائيه..




وأخيراً , الجهاز شب احمر, ورحنا لطاولتنا وطلبنا ..



وكانت طلباتنا

-Bufflo wings
كان الطبق حلو, الاجنحه حلوه.. بس مو لدرجه واااو.. اقيم الطبق 45

-Caesar salad
احلى سيزر سالاد كليتها في حياتي! انصحكم فيها و بشده!! .. اقيم الطبق 55

- Crispy Spicy Beef
عاديه.. حسيت الهامبرجر شوي ناشفه.. اقيم الطبق 3.55

- Louisiana Chicken Pasta
رووووعه, وحيل لذيذ.. تتبيله فيليه الدجاج كانت لذيذه, الباستا روعه, وصلصه الباستا نفسها روعه.. تقييمي لها بكل بساطه 1010

-Pasta Bolognese
من اسوء الاطباق بصراحه.. كلش ماعجبني! :108: اقيم الطبق 410

-Farfalle with Chicken and Roasted Garlic
لذيذه! بشكل مو طبيعي.. وانصحكم فيها بصراحه.. عيبها اللوحيد ان الباستا ماكانت مستويه شوي ..تقييمي لها 910

- Mahi Mahi
طبق سي فوود, بصراحه ماجربته لاني ما اكل سيي فوود, بس على كلام الوالده انه حلو.. وقيمته ب 910

-Herb Crusted Filet of Salmon
وهذا طبق الوالد وهم بعد سي فوود.. وسألته شرايك فيه قال عادي! وقيمه لي ب 610 :109:

وهذي صوره الأطباق.. واسمحولي نسيت اصول وماذكرت الا يوم خلصت:108:

















































و الحمدلله.. شبعنا.. وحسابنا كان



وبالنسبه للجيز كيك, حبينا نروح ونطلب من المكان الي يسوونه.. واخترنا

2 جيز كيك اوريو, و 2 جيز كيك اوريجينال , و 1 جيزكيك سنيكرز , و 1 اوريجينال ستراوبيري جيز كيك
وكلهم رووعه وبلا مبالغه اعطيهم تقييم 1010












وبجذي اكون انهيت هالتقرير البسيط والمتواضع لرحلتي لهذا المطعم, المطعم رائع بكل المقاييس.. ولازم اي احد يروح لامريكا يروح له!
شي إلزامي, وتقييمي للمطعم 9.510 , الشي السلبي الوحيد هو انهم كانوا بطيئين بالخدمه شوي, وما الومهم بسبب الزحمه..

شاكر لكم متابعتكم اخواني, وهالتقرير اهداء خاص لأخوي الغالي Impact بشكل خاص ولكم بشكل عام..

مع التحيه,,

مواضيع عشوائيه ممكن تكون تعجبك اخترناها لك:

• أستفسار
• ممكن مساعده
• كيف اطلع فيزا لامريكا لي ولريلي ولدي من الامارات
• كامبات في نيويورك و لوس انجلوس استفسار
• متى اخر موعد لكتابة الابليكشن بخصوص فيزا سياحية الي امريكا
• استفسارين بخصوص الـ والفيزا السياحية
• لوس انجلوس ولا ميامي ؟
• سؤال محيرني
• فيزة طالب غير صالحة معقولة ؟
• قدمت على فيزا مفتوحه ينفع اغيرها لفيزا طالب؟
• ارجو المساعده منكم يااخوني
• رجاء مساعده رحلة أورلاندو
• استفسار حول خطوط الجوال مسبقة الدفع البري بيد
• المواصلات العامه في نيويورك
• اوتلت في ميامي؟؟
• أستفسار عن الرقم اللي يسأل عنها الموضفين في السفارة؟
• هل مطلوب فى السفارة ورقة حالة الصحة الجنائية ؟
• أول مره أسافر أمريكا بروحي أرجو المساعدة تكفوووون
• مساعده الله يعطيكم العافيه ؟
• استفسار عن نيويورك

يعطيـك العافيـة خـوش صـور .. تشـــــــــــــــــــــــــــــــــوق ..... ودي أدخـل داخـل الشاشـة هاهاهاها
أنـا على طـول أطلب هذا الطلب بـس انتبـه تـرى فيها غير الدجـاج نـوع من أنـواع لحم الخزيـر .. اهم بالمنيـو ما يكتـبون بـورك أو هـام ... يسمـونـه اسم ثانـي بس طلـبوا نفس الطلب بـدون البـورك Farfalle with Chicken and Roasted Garlic

و السيزر عنـدهم عجيبـة صاج .... ما أدري شيحطـون فيها
عليكم بالعافيـة و ناطريـن التقارير السنعـة

تقرير في غاية الروعه ماشاء الله .. وشوقتني اين ازور امريكا. اكثر واكثر

بالنسبه لصورة الولد الصغير اللي في الصوره يحليله .. وكلتوه زين و??. هههههههه

شكرا لك عالتقريير

ياسلام ياغالي ,,

:113:

بالفعل تقرير جميل ,,

وبصراحة خجلتني بكرمك واهدائك ,,

عليكم بالف عافية يارب .. وتردون بالف سلامة يا عسل

تقبل تحاتي

-Caesar salad
- Louisiana Chicken Pasta
2 جيز كيك اوريو, و 2 جيز كيك اوريجينال , و 1 جيزكيك سنيكرز , و 1 اوريجينال ستراوبيري جيز كيك

الله لايهينك على هالتقرير الطيب..
ماراح اطلب غير ذولي

الله يعطيك العافيه على التقرير الرائع

عليكم بالعافية

مشكلة اللى يشوف التقرير تالي الليل وهو يوعان :109:

والله وشوقتنا نروح هالمطعم . الحمد لله قاعد أشوف التقرير وأنا تو داق بالخمس


بس بصراحة الجيز كيك سوت بلبلة عندي ( يعني أحسن من جيزكيك فدركرز ؟ )


مشكور أخوي ولاتقاطعنا


ومطرح مايسري يمري

بالعافيه على قلوبكم ومطرح ما يسري يمري على قولت أخوانه المصريين أتمنى لكم رحله سعيده وبالتوفيق

مشكوره على تقريرك ...

بصراحه المطعم رحت له وتوقعت اكله واو وطلع عادي بالنسبة لي ما عندهم الا سلطه سيزر الدجاج والباستا بدجاج الكرسبي ...
طبعا انا اتكلم عن الاكل الرئيسي بسـ ...
اما بالنسبة للتشيز كيك قليلة كلمه واو عليه رحت له كثير عشان التشيز كيك فعلا ما قد اكلت مثله ولا راح اكل مثله ...
تعشيت عندهم مرتين والباقي اخذ تشيز كيك وامشي ...

Luxury_Traveller

الله يعافيـج يارب ويخليج.. اي والله السيزر عندعم حاجه ما حصلتش ( على قوله اخوانا المصريين ) :109:,
وبالنسبه للطلب, لما طلبنا وخلصنا قلنالهم شغلنا مانبي معاه واين كلش او هام وبورك.. ويعطيج الف عافيه عضوتنا المميزه :101:

[COLOR="rgb(0, 191, 255)"]Chelsawe[/COLOR]

لووول اي لاتخاف وكلناها عدل.. حياك

[COLOR="rgb(0, 191, 255)"]Impact[/COLOR]

أهـم شي انه عجبك يالغالي, وردك والله اخجلني.. وهذا قليل من الي تقدمه لنا كلنا.. تستاهل كل خير
ولو بأيدي جان جبت لك المطعم بكبره مو بس تقرير :101:, تستاهل كل خير يالغالي وجزاك الله خير
على الدعوه الحلوه.. :101:

[COLOR="rgb(0, 191, 255)"]Abo Hia[/COLOR]

اجمعين يارب, وانك تاخذ بذوقي شي يعنيلي الكثير والله.. حياك ربي :101:

[COLOR="rgb(0, 191, 255)"]no nick[/COLOR]

الله يعافيك يارب, ههههه عيل شتقول عن اللي شاف التقرير مره ثانيه واهو صايم.. تمنيت هاليوم يرجع :109:


[COLOR="rgb(0, 191, 255)"]لواهيب القيظ[/COLOR]

عليك يالعافيه, وبالنسبه أحسن من جيز كيك فيدريكرز, بالنسبه لي ماجربت الجيز كيك مال فيدريكرز..
بس طبعا اكيد احســن.. وبوايد بعد, حياك الله اخوي الكريم..

[COLOR="rgb(0, 191, 255)"]the-wise-man[/COLOR]

لووول, الله يعافيك يارب.. :101:


الماطر

المطعم انا ماشفت اكله عادي كلـش, كان لذيذ, ويمكن مكان عن مكان يختلف.. او ان الاطباق الي ماطلبتوها كانت
ماتماشي ذوقكم ( ولولا الاذواق لـ بارت السلع ) .. ومشكور على مرورك :101:

أخي ماشاء الله تبارك الله على الصور...ممكن أخي تقولي ايش نوع الكاميرا والموديل؟

الله يعطيك العافيه على التقرير

المشاركة الأصلية كتبت بواسطة luxury_traveller
http://www.arabtravelersforum.com/tr...3/#post3248233

يعطيـك العافيـة خـوش صـور .. تشـــــــــــــــــــــــــــــــــوق ..... ودي أدخـل داخـل الشاشـة هاهاهاها
أنـا على طـول أطلب هذا الطلب بـس انتبـه تـرى فيها غير الدجـاج نـوع من أنـواع لحم الخزيـر .. اهم بالمنيـو ما يكتـبون بـورك أو هـام ... يسمـونـه اسم ثانـي بس طلـبوا نفس الطلب بـدون البـورك farfalle with chicken and roasted garlic

و السيزر عنـدهم عجيبـة صاج .... ما أدري شيحطـون فيها
عليكم بالعافيـة و ناطريـن التقارير السنعـة



حساااافه مافيه صور

و لصاحبة هذذا الرد اقول

توقيعج حده روووووووووووووووعه بالصمييييييييييييم

يسلمو

غريبه تروح تشيز كيك فاكتوري ماتطلب تشيكن بيسكت
شي فضيع انصحكم فيه

يمي يمي ماشالله ماقصرت روعه ومنتظرين تنزل التقرير كامل عن رحلتك لأمريكا وانا من اول المتابعين معاك *

المطعم من أفضل سلسلة مطاعم موجودة بامريكا من ناحية جودة الأكل. ولكن أحب انبه الناس اللي يحبون يتأكدون من نوع الأكل اللي ياكلونه هو ان أكثر الاكلات اللي عندهم عليها سوس مخلوط بـ Wine (مو كل اللي يخدمونك راح يقولون لك بسبب جهلهم بأن بعض الناس ماتاكل لحم الخنزير او خلط الخمره بالسوس). ونفس الشئ للتشيز كيك اللي عندهم.

بالنهايه راح تكون محصور بين أطباق معينه وكيك معين.
انا ماحبيت اخرب الموضوع ولكن حبيت انوه هذي النقطه للجميع

يالله الحمدلله قرات الموضوع لاني ساكنه قباله ولا فكرت اروح له