الموضوع: رحلتي القادمه الى الولايات طبعا الخير و البركه فيكم

السلام عليكم يا اخواان

ان شالله باذن الله ناوين نروح امريكا و طبعا هاذي اول زياره لنا و عندي بعض الاستفسارات
طالعين على نيوروك و ماراح نجلس فيها ننطر 3 ساعات ثم نطير الى اورلاندو و نجلس اسبوع و بعد ذلك نتوجه الى ميامي بيج و نجلس يومين فيها او نختاركروز للحين مو عارفين و لكن بعد ميامي لا نعرف اين نذهب و ممكن تقترحون لنا مدن مثل لوس انجلوس او سان فرانسيسكو او لاس فيجاس او اي مدينه تكون قريبه و كيف هي وسيله التنقل ؟ طياره ام سياره؟ و هل السياره نسلمها في ميامي او ايش الطريقه ؟ احنا بنجلس شهر ان شالله ف ممكن تعطوني المدن التي تستحق الزياره و التي ممكن ان ننطلق لها من ميامي و ما هي وسيله التنقل ؟ و كم عدد الايام فيها ؟ وشكراااا:24:

مواضيع عشوائيه ممكن تكون تعجبك اخترناها لك:

• ما العمل بعد تعبئة وقبل الطباعه
• ارجو المساعده لاخ ليكى
• رحلتي إلى لوس انجلوس
• ارخص تذكره الرياض واشنطن
• تجربتي مع الفيزا الامريكيه بالتفصيل
• استفسار عن القنصلية في جدة
• استفسار ولاية واشنتون أوريجن او انديانا
• استفسار عن شحن الشيشه لميامي
• ماهي فائدة الحصول على صديق امريكي؟
• احتاج برنامج سياحي لامريكا
• سؤال بسيط عن ولايه شيكاجو
• السكن في
• اامباكت والباقين افزعولي بروح بوسطون
• شوفو وش مرسلين لي السفاره الامريكيه امس
• في ورطه احتاج اجابه الاان
• فنادق اورلاندو
• ابي اسافر في الكريسمس على سفينة كروز في امريكا معلومات للي عندة خبرة
• استفسار عن الموعد
• ساعدووني يووم في الولايات المتحدة
• سؤال مستر قبل سنه في

مادام اخترتوا الجلانب الشرقي ,,

ليش ما تجلسون 3 ليالي في نيويورك ,, ترى تستاهل الشوفه !!

بعدها اورلاندوا بالطائرة 14 ليلة تتنقلون فيها وفي المدن القريبة مثل تامبا وديتونا بيتش وكارنفال وترجعون في نفس اليوم

4 ليالي في ميامي ممتازة بالسيارة !!

7 ليالي كروز رائعة اذا على كلاس الــ Freedom Of The Seas

او اي شركة وكروز اخر !!

تردون السيارة في ميامي وتسافرون على نيويورك ومنها لبلدكم !!


بالتوفيق

مشكوور ياخوي

بس حنا حابين نطلع على فيقاس و كاليفورنيا لان اورلاندو حر و تقريبا كلنا كبار ما عندنا صغار ف يكفينا اسبوع ان شالله و الحين تكون الرحله بعد ميامي ؟ و كم تبعد لو انجلوس

تقريبا 6 ساعات بالطائره من ميامي الى لوس انجلس

طيب ايش المناطق الي ممكن اروح لها من ميامي و اجلس فيها و تكون حلوه ؟

انا من رأيي انك تخليها 4ليالي في نيويورك وبعدين بالطياره الى اورلاندو وتجلس 7 ليالي فيها وبعدين بالطياره على لاس فيقس وتجلس 3 ليالي وبعدها اذا تبي بالسياره الى لوس انجلوس راح يكون المشوار من 3 الى 4 ساعات تقريبا ولا بالطياره وتجلس فيها 6ليالي وبعدها بالطياره على سان فرانسيسكو وتجلس فيها 5 ليالي

هذي رحله لمدة 25 ليله بس حلوه وتعطيك نظره تقريبا شامله لشرق وغرب الولايات المتحده واذا تبي تخلي 3 ليالي لميامي ترى حلوه

طبعا هذي الرحله يبيلها ناس يتحملون المطارات واجراءاتها لانك بتركب تقريبا 6 طائرات وبتدخل 6 مطارات واذا قررت على شي علمنا عشان ااعطيك اقتراحاتي فيما يخص السكن والحجوزات....

مشكوور اخوي و لكن انا مرتب اموري على :
نيوروك ونجلس في المطار 3 ساعات ثم ننطلق الى اورلاندو و نجلس فيها اسبوع ثم التوجه الى ميامي و نجلس يومين و بعدين رحله كروز بحريه 4 ليالي و ثم ميامي يومين و من بعد ميامي احتمال بلتمور واشنطن او اتلانتا او بوستن و ثم نيوروك 4 ايام و العوده الى ارض الوطن ؟ وشرايكم بالمخطط

بعض الملاحظات : هذه اول زياره لنا للولايات و متوجهين لمطار نيوروك وسمعت انهم دقيقين و شوي متعبين ! و انا رحلتي بتكون بعد 3 ساعات من وصولي الى نيوروك ف يا اخوان وش تشوفون شسوي ؟ لان لو غيرت جدولي سوف يتغير والله محتار يا اخوان !