الموضوع: ارجوا المساعده شرق امريكا ام غربها

اتبعت نصيحتكم ايها الاعزاء وخذت لي لفه بالمنتدى وتوصلت الى انه على ان اختار اما شرق امريكا او غربها خصوصا ان مدتي قصيره نوعا ما بس


واحترت بين الشرق والغرب ناس يقولون كالفورنيا ولاس فيقاس احلى وناس يقولون اورلاندو وميامي ونيو يورك وقرات بالمنتدى ان اورلاندو حر ودي اعرف كيف يعني حر زي جونا انا سفرتي تاجلت للاسف بسبب ظروف العمل الى جولاي القادم باذن الله وادري بتقولون تونا على التخطيط لكن انا كذا احب احجز كل شي بدري وخصوصا الطيران متعود ان احجز هالسنه للسنه الجايه
واخذ وقتي بالبحث عن السكن المناسب وعن الاماكن الترفيههيه وكل شي وخصوصا ان امريكا لم يسبق لي زيارتها ولا لزوجتي يعني مافيه اي معلومات والفيزا يبيلها وقت بعد

عندي كم سوال ياليت الاقي الاجابه علشان تساعدوني بالاختيار

اولا انا مجبر على الخطوط السعوديه ودخلت على موقعهم واكتشفت انها تروح لنيو يورك وواشنطن دي سي بس ونصحني زميل بالعمل قال ان اجراءات مطار نيو يورك معقده كثييير ومطار واشنطن اسهل لك واريح فا وش رايكم ياخبراءنا الله لايحرمنا من رايكم

ولو مثلا قررنا نروح على واشنطن (انا اقول مثلا) كم المسافه بينها وبين نيو يورك او اورلاندو او لوس انجلس او لاس فيقاس

1- ايش افضل من ناحيه الجو (نبي براد ) شرق امريكا ولا غربها

2- ايهم افضل من ناحيه المناضر ا الطبيعيه يعني خضار لاني احب سويسرا كثير بسبب الطبيعه واكره اسبانيا بسبب الحر

3-ايش افضل من ناحيه الشوبنق

4- ايش الارخص معيشه واوتيلات

5- وايهم الاونس
علما باننا عائله مكونه من طفلين وزوج وزوجه الاطفال 10 سنين و6وسنين

ابي نصائحكم تكفون شرق امريكا ولا غربها انتضركم

ابو عبدالله

مواضيع عشوائيه ممكن تكون تعجبك اخترناها لك:

• استفسار عن طريقة حجز الفندق ؟؟ساعدوني تراني ضعت
• بالنسبه لمن قدم على فيزا والاولاد مضافين في الجواز الدخول للاهميه
• من معي يوم ديسمبر
• السفر لمدة شهر لأمريكا كاليفورنيافيقاساورلاندونيويورك
• إستفسار عن ولاية اوريغون الأمريكية
• جواز دبلوماسي
• الاخوة الخبراء
• فندق من ثلج معلومات وصور
• حجز طيران الداخلي
• بدأ التخطيط ضبطونا الله لا يهينكم
• سؤال عند الوصول لامريكا؟ ارجو الاجابة
• الاثاث في امريكا
• بخصوص الضمان المالي للسفارة
• مصادرة الجواز
• لعيونكم أفضل موقع لحجز الفنادق
• استفسار عن السياره
• السفر على الخطوط السعودية
• عطله السبرنق بريك
• الرجاء من الجميع المشاركة
• انا المقدم الرئيسي للطلب ولا ماما

روح على نيويورك واجلس فيها كم ليلة الناس مكبرين الموضوع بالنسبة للمطار !!

1. مدام انت مسافر في جولاي روح لكاليفورنيا على طول الجو رطب وحار في فلوريدا بس الي يخفف المطر !!

2. خضار زي سويسرا مافي في هالولايتين يبغالك تزور ولايات ومدن ثانية اما الخضرة موجودة في اماكن كثير بأمريكا لكن بنسب متفاوته حر اسبانيا تقريباً نفس اورلاندوا في الصيف مع رطوبة اكثر !!

3. التسوق في كاليفورنيا اغلى نسبياً لكن اكثر بكثييييييييييييييير في التنوع من فلوريدا !!

4. المعيشة في فلوريدا ارخص بحكم التاكس اقل !!

5. الاونس بالنسبة للاطفال فلوريدا لانها اكثر اماكن ترفيه لهم واكبر بكثيييير من كاليفورنيا .

ادري ان الوضع محير بالنسبة لك لكن بقولك ان امريكا لازم تجرب اغلب المدن الي فيها في رحلات متعددة ما يكفيها رحلة واحدة !!

بشرط اختيار الوجهة على حسب الوقت الي بتسافر فيه !!

بالتوفيق

اخوي lumax انا مثل حالتك بالضبط الله يسلمك .. انا وزوجي حابين نطلع في شهر جولاي القادم ومن الان بدأ التخطيط للرحلة ..

احنا بصراحة دخنا مثلك نروح شرق ولا غرب .. لكن بعد مشاهدة التقارير في هذا المنتدى الجميل والله يعطي الاخوان

العافية على المجهودات التي يقدمونها من معلومات وتقارير مصورة وعلى رأسهم تقرير .. the big boss IMPACT ..

رسمنا الخطة كالأتي الرحلة لمدة شهر تبدأ من 25 / 6 / 2010 الى 25 / 7 / 2010 .. المدة شهر .. 5 ايام NEWYORK .. ومن

ثم الاقلاع الى ORLANDO لمدة 8 ايام ويومين MIAMI كذا انتهت 15 يوم والباقي 15 يوم سوف تكون في

CALIFORNIA & FLORIDA الرائعه .. بعدين ممكن نقسمها زي ما نبي مابين LOS ANGELES & LAS VEGAS &

SAN DIEGO ولو فيها مجال SAN FRANCISCO (;

والعودة من LOS ANGELES الى NEW YORK والعودة من هناك الى السعودية .. ( اذا كان عدد ايامك اخوي LUMAX اقل من الشهر ممكن تقلص الفتره في زيارة المدن )

انا رسمت خطة مبدئياً ممكن تتغير عادي ..ولو عندكم جدول افضل من كذا يا ليت تنورونا عليه ..

انا آسفه على الاطاله في المداخلة ( بس بصراحة اتحمست على المشاركة فيه لأنه قريب من وقت رحلتي ان شاء الله .. )

شكراً لكم ..

شكراا يامشرفنا الغالي امباكت على النصيحه

شورك وهدايه الله بحجز على نيو يورك وشكلي بخليها على كالفورنيا مع ان فلوريدا افضل للاطفال وارخص زي ما تفضلتوا

طيب عندي لك سوال وين ممكن الاقي الطبيعه الحلوه والخضار في امريكا

والسوال الثاني كالفورنيا فيها اوت لت
ومشكور يالغالي

اخت khokhah حياك الله وشكرا على الرد

انا مدتي اقل من مدتكم انا اعتقد انها بتصفي 22 يوم
بس انتي دخلتي براسي فكره الشرق والغرب مع حذف بعض الاماكن زي ميامي مثلا يعني تكون 10 ايام لوس انجلوس و12 نيويورك واورلاندو

وش رايكم المده كافيه ولا لا ؟؟

حياك الله


من وجهة نظري التشتت ما بين الشرق والغرب مع قصر مدة السفر غير مناسبه نهائياً ..

المسافات تتعدى 4 و 5 ساعات من الشرق للغرب ... يعني راحت الأيام عليك بالتنقلات ..

الجو الزين كاليفورنيا والطبيعه راح تلاقيها في كاليفورنيا وخاصه شمال لوس أنجلوس وكأنك متجه لسان فرانسيسكو من خلال الطريق الساحلي ... مناظر تجيب العافيه جو وهواء لطيف يميل للبروده ...

لكن حط في بالك أن طبيعة أوروبا مختلفه تماماً عن أمريكا .. بس امريكا كل شيء فيها حلو ..


بالتوفيق

huda abdullah شكرا لك

تقريبا اخترت كالفورنيا وبصراحه شجعتيني اكثر عليها

بس المشكله اني بروح على الخطوط السعوديه وهي ماتروح كالفورنيا تروح نيويورك

يعني اقعد بنيو يورك 3 ايام بعدين اطلع على كالفورنيا اجلس 15 يوم او بالكثير 17مابين كالفورنيا ولاس فيقاس بعدين ارحع يومين لنيويورك بعدين الرياض

وش رايكم مع اني احس بيكون تعب وارهاق

ووين يكون السكن بكالفورنيا يعني اسكن بمكان واحد ولا واتنقل بين المدن انا ماعندي مشكله بالتنقل في دبي انتقل خلال 10 ايام مابين 3 اوتيلات ابي وش الافضل ودمتم بود

حياك الله


الحين نقدر نظبط الرحله ...


3 أيام نيويورك
3 أيام لاس فيغاس

16 يوم كاليفورنيا ومقسمه على ..

6 أيام في لوس أنجلوس قريب منها سانتا مونيكا و لونج بيتش
3 أيام سان دييغو
3 أيام سان فرانسيسكو
4 أيام نيو بورت بيتش وقريب منها أنهايم علشان ديزني لاند

هذا التقسيم اذا حاب تحذف أحد المدن هذا راجع لك .. خذ لفه على التقارير الخاصه بكاليفورنيا حتى تكون المدن واضحه
لك .. وطالعها على رواق .

عندنا وقت طويل علشان تجهز رحلتك بالكامل .


حاضرين للطيبين

فلوريدا حر يعني حر+قرف+ْْْْ اللي رحت لها فيها
انا رحت لها في شهر مارش يعني على اخر الشتاء والجو كان شبه حار, يعني صراحة تعبنا خصوصا ان اغلب الاكتفتيز اوت دورز , وراح تقضي اغلب يومك بالنهار (6-7 ساعات) راح تغسل فنيلتك من العرق
لا انصحك اطلاقا بفلوريدا في هالوقت, افضل وقت لها عز الشتاء
بالنسبة للطبيعة فاجمل مناطق امريكا في نظري هي الشمال الغربي (شمال كاليفورنيا-اوريجون-واشنطن) وايضا جبال الروكيز (كولورادو واللي حولها) بعدها الشرق خصوصا بنسلفينيا
اما الــ Midwest فماينفع ابد

رايي اخوي انك تتوكل وتتجه للغرب وصدقني انك منت متندم على هالقرار وبدون مبالغة ان 22 يوم مايكفي هالولايه الجميله الرائعه فا اذا كان بأستطاعتك تحجز على الاماراتية ودايركت على لوس انجلوس وان ماقدرت توكل على الله وروح على الطيران السعودي الى واشنطن ريح فيها يوم ومن الصبح توكل على الله لكاليفورنيا والرده بنفس الطريق على واشنطن ترانزيت كم ساعه وعلى السعودي ..

سبب اختياري لهالمطار ( واشنطن دي سي ) هو لانه مافي زحمه مثل نيويورك .. مطار نيويورك من اكبر مطارات العالم وزحمه وامم فا صراحه بعد هالساعات الطويله تصادفك زحمة المطار ماتسوى والله فوق هذا انت بتقعد في نيويورك مب اقل من يومين 3 وفي هاليومين بتروح سوق يعني في مشتريات يعني في وزن زايد يعني الشناط بيزيد عددها فا نصيحتي لك خل نيويورك لاخر الرحلة واذا تخليها لرحلة ثانيه غير هذي افضل و

hudaabdullah

شكررا لك والله يكثر من امثالك

من نيويورك الى لاس فيقاس كم ساعه بالطياره ؟؟

ومن فيقاس وش رايك اخذ سياره وتصير باقي التنقلات بالسياره ؟؟

وبالنسبه لانهايم يكفي 4 ايام لديزني وملحقاتها ؟؟

eagle one كلامك موثر جدا

تصدق من المعادله اللي سويتها حر +قرف خليتني اكنسل فلوريدا مره وحده

انا عاد ما اطيق الحر

وانشاء الله بتكون الوجهه كالفورنيا
بس ويشي المدن اللي بشمال كالفورنيا هل تقصد سان فرانسيسكو؟

تسلم يالغالي

stranger man
مشكور يالغالي الخطوط الامارتيه راح تكون ممتازه لانها بتوديني للولايه اللي ابيها على طول بس المشكله اني مجبر على السعوديه لانها بتطلع على بسعر زين

طيب يالغالي كم بين واشنطن ولوس انجلوس بالطياره

المشاركة الأصلية كتبت بواسطة lumax
http://www.arabtravelersforum.com/tr...8/#post3291458

hudaabdullah

شكررا لك والله يكثر من امثالك

من نيويورك الى لاس فيقاس كم ساعه بالطياره ؟؟

ومن فيقاس وش رايك اخذ سياره وتصير باقي التنقلات بالسياره ؟؟

وبالنسبه لانهايم يكفي 4 ايام لديزني وملحقاتها ؟؟






هلا فيك ولا شكر على واجب


من نيويورك فيغاس تقريباً 5 ساعات
من نيويورك لوس انجلوس 5 ساعات ونصف

التنقل بسياره جداً ممتع في أمريكا , طرقها واضحه وتقدر تدل الأماكن حتى من دون ال gbs ... اذا بتأخذ سياره من فيغاس أتجه للوس أنجلوس 4 ساعات بسياره بس الطريق جداً حار وصحراوي !!

المدن الشماليه لكاليفورنيا ..

اذا بتأخذ الطريق الساحلي لسان فرانسيسكو وهو رائع بتمر فيه على سانتا باربرا ويكفيها يوم وبينها ولوس أنجلوس تقريباً ساعتين .. وهي رايقه وجوها وطبيعتها ممتازه .

بعدها مقاطعة مونتري وهذي الطبيعه فيها والجو شيء رائع لكنها هاديه وتنفع للأسترخاء وبعدها تجي سان فرانسيسكو..

يفضل تحدد المدن وتستقر عليهم حتى يكون ترتيب المسار مظبوط مش مره الشمال ومره الجنوب ..


أنهايم ما تسوى تجلس فيها 4 ايام و أنت في نيوبورت بيتش رح لها نصف ساعه و أنت واصل وديزني يومين كفايه لأنها أصغر من ديزني فلوريدا .


حياك الله

انا شخصيا افضل كاليفورينا .. و اشوف انها من احلى ولايات الامريكية ..