الموضوع: اريد المساعدة بخصوص موريشيوس

يا أهل الخبرة ارجو منكم المساعدة ... أنا أعلم بأن سؤالي قد سبق وأن تكرر في المنتدي من قبل أعضاء آخرين ولكن بصراحة تعبت من كثرة القراءة والبحث للذلك أرجو منكم التكرم علي بالإجابة
سؤال آخر العملة الا راح أخذها معي هي يفضل أن تكون دولار او دينار أو عملة موريشيوس ( اعتق بأنها تسمى روبية هندية )

احسنت الاختيار وما شاء الله عليك جالس ترتب امورك من بدري
بنصحك من واقع تجربه
احجز باكيج من الامارات للعطلات لان عندهم تخفيضات خاصه في الهني مون
يعني على ماذكر انا حجزت من عندهم وكان سعر الليله للمنتجع البيل مار اقل شي بمواقع الفنادق 1500 ريال سعودي للغرفه
بينما عن طريق الامارات للعطلات حصلت على الغرفه بسعر 1000 ريال لليله من نفس نوعية الغرفه اللي حصلتها ب1500 بالمواقع وكان هذا عرض هني مون
ويوم وصلنا موريس كانو بيجيبون لنا تورته بالمطار.. وناااسه.. بس من دفاشتي انا والمدام سحبنا عليهم .. انصحك بالامارات للعطلات
مادري متى تنزل العروض للهني مون لكن انصحك تحجز عن طريقهم
وايضا مافي طيران يروح لموريس من الشرق الاوسط او من الخليج على الاقل الا طيران الامارات فاحجز من عندهم ووفر على نفسك لان من تجربتي كل المكاتب بالسعوديه كانت اسعارهم اكثر بالنسبه لتذاكر الطيران ب500 الى 1500 ريال للشخص يعني احجز من الامارات للعطلات
اما المده فهي كافيه 8 ليالي في موريس للذكرى .. وصدقني راح تعشق وتحب وتدمن وتغرم فيها
فديت بس الرومانسيه والاسترخاء
فديت الرذاذ والمطر والشعب البريء
فديت بياعين الجلالات والمسابح
فديت وفت وفت وفت
الميزانيه اتوقع ماتكفي واحسب على 30 الف عشان تفلها وتعيش لانك اذا ما وفرت الدراهم راح تندم وارجوك ما تعملش كده وتبخل على نفسك
المثل يقول ( لا دزنيت ادزن حر ) يعني خذ من الطيور الحر النادر ورح فيه للمقناص
وانت ارصد للسفره الميزانيه الكويسه عشان تعيشها صح
انا حجزت الباكيح ب25 الف مطار الملك خالد بالرياض الى دبي ترانزيت موريس نقل من المطار بسياره خاصه للفندق البيل مار وبعدين سياره خاصه الى فندق اخر وبعدين سياره للمطار وعلى دبي وسياره من المطار للفندق ويومين جلست وبعدين سياره للمطار بدبي وعلى الرياض وكان الحجز قبل السفر ب40 يوم تقريبا
يعني لو تحجز بدري بتحصل اقل بكثييير
والميزانيه اللي تاخذ معاك اتوقع مع الهدايا اذا رمزيه ومو كثيره بتكفيك 10000 سعودي لمدة 8 ايام بشرط كلها ما تصرفها الا بموريس

واتمنى لك اطيب وامتع الاوقات
خالص ودي واحترامي

والله اخوي 25000 ماتكفي ابد
عروض الامارات ممكن تلاقي سعر افضل مع العلم ان التذاكر بتكون بحدود 13000 ريال لشخصين
والسكن يعني ممكن 4 ايام في الشرق و 4 ايام بلغرب وبيكلفك بحدود 12000 ريال تقريبا في فنادق 5 نجوم والتنقلات وغيره 8 ايام احسب على 1000 ريال الى 1500 ريال هذا اذا ودك تنبسط .
تراى هذا رأيي الشخصي وممكن تكلفك اكثر او اقل
اهم شي شوف لم باكج من الامارات وبعدها فكر كم تخلي مصروف للرحله
وبلتوفيق