السلام عليكم يا اعضاء المنتدى الكرام يا حلوين يا أنتم
والله لكم وحشه كلكم من غير أستثناء
أبلش بالموضوع على طول ونسرد التقرير
البدايه حجزت الطائره من لندن هيثرو الى مطار كولن على خطوط اللفتهانزا مع العوده ب 130 باوند طبعا قبلها حاجز عن طريق التلفون سيارتين سي ال كيه 240 كشف اليجانس اللون ذهبي 2005 ب 1400 يورو لمده 25 يوم & اس ال350 اللون سلفر 2005 طبعا مكشوفه ب2940 يور لمده 25 يوم
طبعا المكتب اليوروب كار في بون اعرف فيه شخص اسمه اندرياس كله اتعامل وياه سنويا انا والاهل والربع
ويعرفني ودايما يضبطني بالسعر والكيلوات المفتوحه وتوفير السيارات بالالوان اللي ابيها طبعا يعطيني كم يوم زياده عرض لي وانا ما أقصر وياه حقيقتا دايما مع كل سياره أعطيه 100 يورو بخشيش او 150 يورو على حسب نوع السياره بحيث اني كلمته اخر يوم من باريس قلتله بسلم السياره بمطار شارل ديغول قالي راح ادزلهم ايميل بحيث ما يخذون عليك عموله 200 يورو للسياره قيمه التوصيل
أجرنا السي ال كيه 240 لانه لو اجرنا اس ال ثنتين ما راح تكفي الشناط فى فينا ناس ضحت واجرت السي ال كيه
وحركنا من بون الى ميونخ واخذت تقريبا 5 ساعات ومن ميونخ الى منطقه لنز في النمسا حيث داهمنا الليل وصارت الساعه وحده وتعبانين
طقطق بالنفجيشن شوف الفنادق اللي ب LINZ والا اشوف فندق الماريوت وروحله على طول واحجز عنده غرفتين دبل لانه كنا كل شخصين بسياره واحجز عندهم الغرفه تخيلوا شوفوا السعر ب 80 يورو فقط مع الفطور ونمنا فيه
وبالصباح افطرنا وحركنا على فينا وكانت المسافه الكليه بين بون وفينا 840 كيلو متر
وجاني اتصال من اصدقاء اثنين من المانيا قالولي احنا نبي نجي وياكم انتم وينكم قلت انا الحين داش فينا قالولي احجزلنا وياك وكانت سيارتهم سي ال اس 350 اسود 2005 الحوت بو درايش صغار او اللي يسمونه الغواصه
وعلى طول حرك على ماريوت فينا طبعا سالت عن اسعارهم من ماريوت لينز عطوني الغرفه ستاندر 180 يورو وعطوني غرفه اللي بالدور اللي يسمونه EXLUSIVE او الدور الخصوصي ب 239 يورو باليوم اللي اهو بالدور السادس من مميزاته لهم صاله او LOUNG خاص بالدور فيه فطور لهم كل يوم والساعه 5:30 المساء عشاء خفيف او يسمونه SUPER بالاضافه انه مفتوح من الساعه 6 الصبح الى الساعه 12 بالليل وفيه الخضروات وحلويات والعصائر والقهوه بالا ضافه الله يكرمكم المشروبات الكحوليه بانواعها طول اليوم او بالعربي اهو دوانيه صايره للحريم حزت العصر
فحجزت في الدور السادس او EXLUSIVE FLOOR بالسعر اللي قالولي عنه وقضيت بفينا 5 ايام تقريبا ورحت فيها الملاهي بالاضافه الى شارع المشاه و قصر شيفرون وشاريع ماريا هلفر والله ودي احط الصور بس الاعضاء اللي قبلي ماقصروا وفصلوه تفصيل ولا ودي اكرر الماده مره ثانيه
عاااد أقولكم حركت من فينا ورحت الى زل ام سي عاااااد هذي ديرتي اللي احبها واحس اني القى جزئي المفقود فيها وصلتلها الساعه 3 العصر وخذا منا الوقت طريق 4 ساعات من فينا الى زل ام سي طبعا مرورا بسالزبورغ
ولما وصلت زل ام سي على طول رحت الانفرميشن سنتر وقلتلهم ابي شقه قريبه من السنتر او فيلا بس ابيها فخمه واثاثها قوي ومايهمني السعر والله طقطقت بالكمبيوتر وطلعتلي فيلا وشقتين بس الفيلا بعيده والشقتين وحده قريبه وحده يعني نص ونص والله طقطق بالنفجيشن ودخل عنوان الشقه الاولى والا قدام الماكدونالدز اللي بزل ام سي فوق المطعم الصيني والقى الرقم مكتوب على الباب وادق عليها
هالو هاي شلونج انا عطوني الانفرميشن سنتر عنوانج يقولون عندج شقه فاضيه قالت ايه الحين جايتك
وشوي الا جايتني على الموتر سيكل مالها هاي هالو ماي نيم .... قالتلي ماي نيم رينتا
وشفت الشقه واهي كانت رقم واحد ورقمها واحد بعد اهي الوحيده اللي معاها حديقه وتتكون من غرفتين وصاله بنصها مطبخها الصراحه ديكوراتها خشب وارضيتها خشب والله الصراحه شغلها مرتب حيل قلتلها كم السعر قالت 96 يور والله واكاسرها لين وصلت 80 يورو والشقه فيها 6 سراير وكل شي متوفر فيها وقلما شافت الاب توب قالت عندي اشتراك للنت دي اس ال ب 20 يورو بالاسبوع قلت ممتاز وكلمتها على التنظيف قالت 100 يور طول فتره اقامتك والله واصكها بالفلوس كامله ورحت مكتبها وقعدت اسولف وياها
الصراحه استانست لما شافتني اتكلم وياها بطلاقه قالتلي الله جابك عمارتي كلها عوائل خليجين ومشاكلهم واجد ابيك تترجملي لهم وصحيح العماره كلها خليجين ما عدا عائله سويسريه والله واهي تقولي الكلام وانا اكتب رسايل بالعربي ونقط من تحت البيبان وكل ما صارت مشكله يا تطق على الباب وتقولي تفاهم وياهم ولا ترجم ولا تدق علي تلفون الوكاد العماره كلهم يعرفون اسمس ويعرفون رقمي والله ابتلشت صاير الوسيط بين الزباين وبين رينتا صاحبه العماره وعرفتني على زوجها
لما شافت السي ال اس 350 جاتني وقالت ابي اركبه وقمت وخذيت السويتش من صاحبي وعطيتها المفتاح وقلتلها سوقي السياره قالت انا ما اعرف اسوق السياره طق فيني فره والله وعلى طول جك بم والله زوجها راكب ويانا واطق فيهم فره بزل ام سي ومريت رفيجاتها واهي كاشخه ومستانسه
وبعد دهن سيرها استانست حيل مني وصرت طفلها المدلل بالعماره اي شي ابي موجود
وفي اليوم الاول رحت منطقه التزلج بالكابرون
والله كان الجو ميه ميه
وأنصح اللي يبي يروح يكون متواجد من الساعه 8 الصبح حيث يكون منطقه التزلج في احسن حال قبل لا يذوب الثلج ويصبح التزلج شوي صعب
اليوم الثاني رحت بالسياره في قمه تصعدها بالسياره لين تنطح الثلج والله اسمها ما اعرفها بس النفجيشن الله يطولي عمره هو اللي دلاني طقيت تورست لوكيشن طلعلي ها المكان ورحتله على طول
وهذا منظر اخر
وبعد هذا
وهذي الصوره احلى صوره عندي او التقطتها بحياتي او بعدستي
وبعدها رحت من القمه اللي توصلك لاكثر من 3300 فوق سطح البحر الى منطقه رورس
وفيها مطعم كل ما اجي زل ام سي اتغدى فيه واهو مطعم بين دواعيس وععادي جدا بس احبه
عنده بحيره تصيد السمك فيها واصياده سهل حيل وتاخذ السمك ويشويه لك يشويلك صيدك
وهذي البحيره اللي تصيد فيها السمك
وهذي صوره الاعاب اللي بالمطعم للصغار
اليوم اللي بعده قررنا انا نروح شلالات الكابرون والصعود الى القمه طبعا جهز وانتم بكرامه الجاتي الرياضيه الزينه وشد حيلك
وهذا منظر من شلالات الكابرون
وهذا شلال الكريمل بعدستي
وهذي صوره اخرى
طبعا اليوم الرابع رحت تزلج بالزلاجات في منطقه سالفيدن تبعد 5 كيلو عن زل ام سي واهي تركب التلفريك وتنزل من اعلى الجبل بزلاجات توصل سرعتك اكثر من 60 كيلو متر
والخامس رحت الكهف الجليدي
واليوم السادس رحله استكشافيه بين دواعيس الكابرون وزل ام سي وكانت امتع يوم لاني اكتشفت مناظر احلى من ما تتصورون وما كوا قمه حوالين زل ام سي الا ما رحتلها وصعدتها
طبعا حركت من زل ام سي الى جنيف قرابه 5 ساعات مرورا بطريق انسبروك وقضيت بجنيف 4 ايام تقريبا
وبعدها باريس الى يوم الاحد 14 /8 وسلمت السيارات بالمطار ورجعت لندن عن طريق القطار اليورو استار
وتاخر القطار علينا وقف بنص الدرب 3 ساعات واحد من الركاب جاته ازمه قلبيه ومات وقفنا بمحطه لين نزلوه ووشالوا جثمانه باسعاف طبعا ساعتين يسوله اسعافات اوليه بكرسيه
وتوته توته وخلصت الحدوته اسف على الاطاله وانشاله تقريري يعجبكممواضيع عشوائيه ممكن تكون تعجبك اخترناها لك:
- سوبر ماركت
- مدينة كلاغنفورت في النمسا
- الله لايحرمكم الاجر اطلب المساعده من الله ثم منكم
- المساعده ياأهل الخبرة
- منكم نستفيد بخصوص السفر الي ميلانو
- رحلتي القصيرة للنمسا في أغسطس م
- ولاهل النمسا السلام ، طلب مساعدة
- ابي مشاركتكم بالرأي في رحلتي ومشكورين
- شرايكم بجدولي و ممكن ملاحظاتكم
- فينا كم تحتاج من احتاج نصائحكم
- مسافر إلى النمسا وماجاورها ومحتاج فزعتكم يا أهل الخبرة
- متحف الشوكولاته في فيينا
- مكان الفندق
- السكن في كابرون تجربتي
- ܔܓܛ تنبيـــه هـــام لجمـــيع أعـــضاء البـــوابة الســوريه ܔܓܛ
- موسوعة الشقق في وسط فيننا و بأسعار تناسب الجميع
- فزعتكم ناوي شهر العسل في زيلامسي ولأول مره أسافر أسئلة بسيطة
- هالشتات والسحر المبهر
- يا اخون ساعدوني اخوكم حايس ومو عارف وش يسوي احتاجكم
- استفسار ومساعده لاهنتم ؟ 😪😪
رد مع اقتباس
المشاركة الأصلية كتبت بواسطة يا حلو يا أنا
المفضلات