اخوي بالنسبة للعرب منطقة تواجدهم غالبا بونشاك وهي اللي فيها الشغل مضبوط لكن باندونق الاغلب زيارة لها والعودة في نفس اليوم او يومين وراجعين منها وبالامكان تستفيد من تجربة اخونا سلطان المزيد لانه فاتح مكتب سياحي في بونشاك من فترة وحسب ما قرأت بعض المواضيع له في بداية نشاطة انه حصل هجمات شرسة من الاندونيسيين اللي فاتحين مكاتب سياحة في نفس المنطقه لكن الان مدري وش وضعه يمكن كون له زبائن وشغله تمام
بعدين لو انا ماني موظف حكومي كان عندي بزنس يدخل ذهب ياخي فيه شباب كثير يسافر ما معه الا شنطة ملابسة وتشوفهم كوم عند بقالة السعوديين يشترون معلبات واغراض دبل سعرها عن السعوديه 3 اضعاف عشان كذا لو عندي فرصة فتحت مطيعم صغنون يبيع فول وقلابة ومطبق وفلافل وتميس ياشيخ تشوفهم واقفين سرا هذا غير الاندوميين ممكن يعجبهم الاكل ويصفون بعد في السرا ههههههههههههههههههههه
المفضلات