السلام عليكم ورحمة الله وبركاته
حبيت اولا اهني حكومه الكويت بشعبها واهني شعب الكويت بحكومته
بجد حكومه راقيه وشعب ارقى
فالله يديم العز والخير ع الكويت الحبيبه والخليج عموما والله يحفظهم ويحرسهم آمين
كنت مخطط ع السريع لرحله خاطفه للكويت
وكعادتي احب التجديد دائما ولا احب زيارة مكان مرتين الا ما ندر
لي زيارات سابقه للكويت ولكن كانت هذه الزياره غير بحكم اني لحالي
وحبيت امر ع كثير من الاماكن اللي ما زرتها سابقا
وهذه عصارة سفرتي ملاحظات ايجابيات سلبيات كلها جمعتها كسرد واعذروني ع ذالك :
- كانت زيارتي من الخميس الى الاحد صباحا نص هالسفره غبار الله يكفينا شره ويرحمنا برحمته
- للاسف صابني احتقان بالفم ما قدرت ادخل ولا مطعم من اللسته الطويله اللي سجلتها في قائمتيوكنت ناوي زيارتها
ولكن استفدت كثير في التعرف على مطاعم السندوتشات كونها اخف في الاكل
من مطاعم السندوتشات المميزه
مطعم شرف في شرق للفول والفلافل وركز ع الفلافل يم يم
مطعم الكلحه في شارع البحرين بالسالميه فلافل يم يم
مطعم كوردو بالسالميه شارع المطاعم شورما لذيذه عجبتني
مطعم كابوريا السالميه شارع المطاعم الهمبرجر و سندوتشات المشويات قمه في الروعه
مطعم نواره الاصلي الشورما والفلافل
- جربت مطعم فريج بن شملان وباين عليه جديد مقابل لمطعم فريج صويلح الله يذكره بالخير
ولكن بن شملان ما عجبني حده تقيمي له 3 من 10
الخدمه سيئه و الاكل عادي جدا والمميز فيه الجلسه والديكور فقط لا غير
- زرت الفروانيه سوق العربيد الشعبي وسوق العربيد بلازا وغالبها محلات نسائيه
فيه محل عصيرات في العربيد بلازا فوق صوب المطاعم روعه صراحه
- زرت الجهراء كذا مول جنب بعض وكلها عاديه تقريبا
- زرت الفحيحيل بازارات الفحيحيل حلوه رغم ان كل محلاتها نسائيه بس حسيت ان بضاعتها موديلاتها جديده
وتسوقت في المنشر وعجبني كثييييير و مريت الكوت وكان حلو ولكن حبيت المنشر اكثر
- مريت ع كويت مجيك وهو مول صغير بالطريق الساحلي ع البحر في الفحيحيل وكان عادي
- زرت المهلب مول و 360 وكان طابور السيارات طويل جدا في 360 كرهني في المول قبل ما ادخل
وكان مزحوم جدا كونه ويكند
و لاحظت انو ظاهرت التدخين في المولات منتشره بغير رادع !!
بصراحه استغربت كثير من ذالك كون اكثر الدول تحظر التدخين في المولات
- زرت سوق الجمعه () وبصراحه شدني سوق الطيور والحيوانات الاليفه ( وانتم بكرامه )
- لاحظت ايضا عدم وجود لوحات ارشاديه كثيره تدل على المدن والطرق والاحياء
الا عند الاقتراب منها
مثلا انا بالديره وابغى اطلع الجابريه ما فيه لوحات ارشاديه تدلني
والملاحظه الاهم انو ما هو موضح انت في اي شارع وبالتحديد في اي دائري
ادخل على الدائري الخامس من منتصفه وابغى اعرف وين انا وفي اي شارع ما اعرف الا بصعوبه
واذا حبيت اطلع من دائري الى دائري اخر برضوا صعوبه ومعاناه
طبعا مشكلتي اني احب اضيع واحفظ ولا اعتمد على القارمن
- سكنت في ايبس شرق ليله والفندق معروف ولكن كان النت عندهم سئ
وغيرت الى ميراج سويت على شارع الخليج العربي الفندق نظيف وحلو
باين انو كان خمس نجوم سابقا الديكور فخامته قديمه بس محدث بحيث ما تلاحظ اي عيوب فيه
عدا شاشة التلفزيون من النوع القديم وصغيره
والنت طياره ما شاء الله
- زرت حديقة الحيوان (وانتم بكرامه) وكانت كلها اطفال وعوائل بالدرجه الاولى
- زرت حلويات هيل وزعفران واخذت من عندهم كذا شغله وكانت الاسعار مرتفعه جدا
وللاسف كان قرص عقيلي مخلص
مريت على حلويات الكواكب في الديره مقابل البلوكات تحتار وش تاخذ وش تخلي
بصراحه ذكرني بزمان اول عن جد عجيب هالمحل حده
وياليت انو ملبس العاملات اللي عنده ملابس شعبيه كان فعلا تحس انك في الستينات
( طبعا باقي المولات في شارع الخليج والابراج والاكو بارك والافنيوز وغيرها كنت زايرهم من قبل )
هذا ملخص واسمحوا لي ع الاطاله،،مواضيع عشوائيه ممكن تكون تعجبك اخترناها لك:
- فيزا للشغاله ؟
- لمحــه عامــه بالصــــور للكويــــت الحبيبـــــة
- استفسار
- بليز عندي استفسار عن العيد في الكويت
- استفسآر عن شقق هلآ موتيل
- طالبتكم طلب وأدري أهل الكويت ما راح يردوني
- عاجل جدا
- وزارة الصحة الكويتية تأكدت من فايروس
- جدول لرحلة الكويت
- افتتاح بوتيك لا مارييه الجديد الخاص بالزفاف
- تكوفووووووووووووووووووون مساعدني
- وين القى محل هدايا ومحل قيلا مودا؟؟؟؟
- منتزه اسمة روعة وهو روعة
- استفسار يا جماعة الخير
- الـــشالــــــــــيــهــات استفسار
- بخصوص شركات تأجير السيارات من المطار
- ياليت احد يفيدني تكفون
- بنات الكويت الذووووووووووووق
- معلومات عن شقق نوفتيل
- أرغب في نقل بعض الأثاث لصديق بخدمة من الباب للباب فكيف أفعلها؟
رد مع اقتباس
المفضلات