[quote=قانونيه حنونه;3323004]السلام عليكم ورحمه الله
انا عضوة جديده على المنتدى واتمنى تتقبلون موضوعي وتهتمون فية واشكر مقدما كل من راح يرد على .
حياك الله اختي معنا بس ترى الموضوع يبيله صبر شوي ..
انا ناوية السفر مع زوجي باذن الله لنيويورك وراح نقعد هناك تقريبا سنتين لان زوجي يدرس هناك بس جبيت اسال شلون
الله يوفقكم ان شاء الله
الجو بشهر 11 وشهر 3 لاني مو محدده متى اروح معاة .
ابي اعرف الجو شلون ؟
طبعا نيويورك بارده مررررره في شهر 11 وشهر 3 لازم تاخذين احتياطكم بالملابس الثقيله.
علما بان معاي بنتي عمرها 3 سنوات ومنفصلة عن ابوها يعني شلون على فيزتها وهناك ما يسووون شكال عليها لان ابوها مو معانا ؟
عادي اذا لها جواز مستقل يعطونها الفيزا عادي
شنو افضل مكان للسكن بشقق مفروشة طبعا وامينه ونظيفة ؟
طبعا هذي يبيلها بحث شوي وبما ان زوجك هناك خليه يسال زملاءه بالولايه والاخوان بالنتدى ما راح يقصرون ان شاء الله
شلون على بنتي شنو اقرب العيادات والمستشفيات هناك؟
عيادة الاطفال والمستشفيات متوفره بنيويورك لا تحاتين
وصج انهم يتدخلون بطريقة معاملتي لبنتي اذا شافوني اهاوشها ؟
واجد خوفوني بانهم ممكن ياخذون الاطفال اذا شافو الاهل يهاوشون او شي جذية وانتوا تعرفون انا احنا عادي نخانق الاطفال يعني عادي مو طق وتعذيب بس الوضع عندنا غير عنهم .
طبعا لازم نعامل اعيالنا معامله ممتازه وهذا الي امر به ديننا قبل حقوق الانسان
شنو افضل شي اخذة لبنتي من الملابس ؟
دايم الجو بيكون بارد وخاصه باليل خذي احتياطك بالملابس الشتويه الثقيله وعموما راح تحصلين هناك بسعر شوي غالي بس بظاعه ممتازه
اقدر اخذ ادويتها معاي والحليب بالطيارة ؟
عادي خذي الي يكفيك حق اسبوعين وراح تحصلين هناك او تغيرين نوعية الحليب والدواء بعد زيارة الطبيب
وابي اعرف كل هالامور واللي عنده اي شي ممكن يساعدني ياريت يضيفة واكون شاكرة ولا حد يبخل على بالمعلومات
الله يوفقكم ان شاء الله
وتسلموووون
رد مع اقتباس
المفضلات