الموضوع: اول زيارة للكويت

السلام عليكم ورحمه الله وبركاتـــــــــهـ ،،،




اول شي احب اشكركم ع المنتدى الاكثر من رائع .. ع طول متابعه كل جديد ينزل بالمنتدى
واتمنى تقبلوني معاكم عضوه ما بقول جديده وانما مسجله لاني ع طول معاكم

انا ان شاء الله لي زيارة للكويت الحبيب قريباً .. بنكون شخصين انا وزوجي

عندي بعض الاستفسارات واتمنى تجاوبوني عليها وادري فيكم ذوق وخبره وما تقصرون ابد ،،،




اول شي السكن ،،

طبعاً قرأت تقارير الشقق والسكن،،
كثيرة وتهت وبعضها قديم .. فاحترنا وما عرفنا نقرر وين نسكن !

وين تنصحونا نسكن ؟ زيارتنا بتكون سياحه وتسوق طبعا لاني حامل وبجهز اغراض البيبي من الكويت ..

تقريبا بناخذ لنا اسبوع في الكويت ف نبي الاجار يكون مناسب ومو وايد غالي ..

مو شرط بفندق .. حتى لو شقق مفروشه اهم شي تكون آمان و نظيييييييفه .. وقريبه من المجمعات والاماكن الي السياح يزورونها بكثرة وتنصحونا نروحها ..




وين في اماكن حلوة تنصحونا نروحها ..
قرأت معظم المواضيع الي بقسم السياحه بس ما ادري هل مناسب ازورها بهالوقت من السنة او لا ؟
ولاني حامل وثقيله ما بقدر امشي وايد ف ابي اروح اماكن مريحه وحلوة وتشرح الصدر

واشلون الجو عندكم بالكويت ؟




تأجير السيارة ..
لان بنكون بالطياره مسافرين ..
تنصحونا بأي مكتب ؟ ويكون تعاملهم واسعارهم حلووووووة مو غالي
واشلون بالنسبة لدفع الاجار لازم فيزا او كاش ؟ وعندهم تأمين ؟
واي احسن مكاتب المطار ؟ او غيرها ؟
ونحجز من النت السياره وندفع مقدم مثلا او ما تنصحونا ؟
انتوا اهل البلد واخبر بالمكاتب .. وما نبي نتعرض لمواقف مع اي مكتب وبس



وابي اجهز لي وللبيبي بس ما اعرف وين اروح ؟

وين احسن المحلات لثياب المواليد وباقي التجهيزات للولاده ؟



والف شكر لكل من يمر بموضوعي ويرد علي ولو بدعاء صادق

بان الله يوفقنا في سفرتنا ويسلمه ويقر عينا بشوفة البيبي

ونكرر الزياره ان شاء الله

مواضيع عشوائيه ممكن تكون تعجبك اخترناها لك:

• توني جاي من الكويت وهذي تفاصيل الخط الدولي الجديد بالكيلو
• جميع المعلومات عن الكويت للسياحه الثقافيه
• مساعدة ابي خدمة من الباب لي الباب
• ماهي الأماكن السياحيه المهمة في الصين
• هل هناك تخفيضات في شهر مايو في محلات الماركات العالمية
• وين عروض هالعيد يا أهل الكويت الطيبين؟
• كلمات كويتيه قديمه
• تكفون ياهل الكويت الفزعه
• ياجماعة الخير ابي مكتبة تبيع جديد الكتب وبأسعار معقوله
• سوق الفقع
• بعض الاسئلة
• أهلي فاجؤني تكفون ياعيال العم وعيال الخال الكويتين الغالين أحتاجكم بأسرع وقت
• هل يحتاجون الخدم لفيزة لدخول الكويت ؟؟
• غترة بيضاء فاخرة أين أجدها ؟
• استفسار بسيط لأهل الكويت بخصوص هلا فبراير
• فندق كورت يارد ماريوت
• اريد الاستفسار او نبذة عن مدى مستوى البعد السياحي في الكويت وعن المستوى النوعي السياح
• ابي اسكن بشارع حيوي وغير ممل بالكويت
• شركة مطاحن الدقيق الكويتيه
• موقع حلويات هيل وزعفران

[QUOTE=om wassan;5270322]

السلام عليكم ورحمه الله وبركاتـــــــــهـ ،،،

اول شي احب اشكركم ع المنتدى الاكثر من رائع .. ع طول متابعه كل جديد ينزل بالمنتدى
واتمنى تقبلوني معاكم عضوه ما بقول جديده وانما مسجله لاني ع طول معاكم

وعليكم السلام ورحمة الله وبركاتة ،، حياج الله بين اخوانج وخواتج ..

انا ان شاء الله لي زيارة للكويت الحبيب قريباً .. بنكون شخصين انا وزوجي

حياكم الله في ديرتكم بتنور الديره

عندي بعض الاستفسارات واتمنى تجاوبوني عليها وادري فيكم ذوق وخبره وما تقصرون ابد ،،،

اول شي السكن ،،

طبعاً قرأت تقارير الشقق والسكن،،
كثيرة وتهت وبعضها قديم .. فاحترنا وما عرفنا نقرر وين نسكن !

السكن اذا تبون شقق :

- ميراج سويت - منطقة الشعب منطقه بالوسط بين السالميه ومدينه الكويت.
- بلازا اثينا - منطقه بنيد القار مقابله للشعب .
-شقق بودل - منطقة السالمية - شارع المطاعم .
- هذا فندق نوفتيل - منطقه بنيد القار . واختنا فارسة كاتبة عنه
http://www.arabtravelersforum.com/travel351213/

- royal residence منطقه بنيد القار

وين تنصحونا نسكن ؟ زيارتنا بتكون سياحه وتسوق طبعا لاني حامل وبجهز اغراض البيبي من الكويت ..

الله يسهل عليج ان شاء الله ،، السكن حطيتلج واذا يغيتي وياده بحطلج ان شاء الله ..

تقريبا بناخذ لنا اسبوع في الكويت ف نبي الاجار يكون مناسب ومو وايد غالي ..

وحياكم الله وان شاء مايكون غالي ..

مو شرط بفندق .. حتى لو شقق مفروشه اهم شي تكون آمان و نظيييييييفه .. وقريبه من المجمعات والاماكن الي السياح يزورونها بكثرة وتنصحونا نروحها ..

وين في اماكن حلوة تنصحونا نروحها ..
قرأت معظم المواضيع الي بقسم السياحه بس ما ادري هل مناسب ازورها بهالوقت من السنة او لا ؟
ولاني حامل وثقيله ما بقدر امشي وايد ف ابي اروح اماكن مريحه وحلوة وتشرح الصدر

بما انج حامل والله يسهل عليج وبتيون في الصيف يفضل كله اماكن مسكره يعني مجمعات لان الصيف حاااار لوااهييب .. الا بالليل تقعدون في كافيهات عالبحر ..

الاماكن المجمعات : الافنيوز - 360 - سوق شرق - مارينا مول - الفنار
اذا اتبحون تزورون المركز العلمي
والمباركيه - في سرداب عيد النصار كل شي للبيبيات

المطاعم : فيلا فيروز لبناني - الستينيات وفريج صويلح كويتي - مغل محل هندي - نينو ايطالي - الخليج الملكي الصيني - ميس الغانم لبناني- لونوتر فرنسي - واسابي ياباني والخ ......
الكافيهات : شوكليت بار - لورنزو - برايم اند توست - كاريبو - دين اند دولوكا والخ ....

واشلون الجو عندكم بالكويت ؟

حـــار بالصيف بس من غير رطووبه

تأجير السيارة ..
لان بنكون بالطياره مسافرين ..
تنصحونا بأي مكتب ؟ ويكون تعاملهم واسعارهم حلووووووة مو غالي
واشلون بالنسبة لدفع الاجار لازم فيزا او كاش ؟ وعندهم تأمين ؟
واي احسن مكاتب المطار ؟ او غيرها ؟
ونحجز من النت السياره وندفع مقدم مثلا او ما تنصحونا ؟
انتوا اهل البلد واخبر بالمكاتب .. وما نبي نتعرض لمواقف مع اي مكتب وبس

انا افضل اتحجزون من الشركات المعروفه مثل budget , avis وهذا رابط فيه المكاتب اللي في مطار الكويت وارقامهم وفتح الخط 00965
وبعدين اتحطين جدام كل رقم 2
الدفع انتوا لكم حرية الاختيار .. الشركات هذي تقدرون تحجزون من النت عادي اتشوفون نوع السياره والموديل واتحجزونها .. اعتقد هذيل الشركات المعروفه تدفعين كامل من غير مقدم ..

http://www.arabtravelersforum.com/re...arrentals.html

وابي اجهز لي وللبيبي بس ما اعرف وين اروح ؟

وين احسن المحلات لثياب المواليد وباقي التجهيزات للولاده ؟

المباركيه ( سرداب عيد النصار ) - مجمع العثمان والمهلب في حولي ..ولج انتي بعد نفس الاماكن مجمع زهره في السالميه .. والمجمعات اللي ذكرتهم فوق وان شاء البنات اللي اخبر مني يعطوونج ..

والف شكر لكل من يمر بموضوعي ويرد علي ولو بدعاء صادق

بان الله يوفقنا في سفرتنا ويسلمه ويقر عينا بشوفة البيبي

الله يوفجكم ان شاء الله ويسهل عليج واتيسر رحلتكم في ديرتكم الكويت وتستانسون فييها وتعيدون الزياره

ونكرر الزياره ان شاء الله

ان شاء الله

حياج الله اختي الكريمة في بلدج الثاني الكويت والاخت كويتية متنقلة فديتها ماقصرت بالرد الوافي بس بضيف على محلات تجهيز المواليد محل جاكادي وأنار في البستان ,الكاروكة في منطقة السالمية القديمة يم البنك الوطني فيه اطقم للاستقبال
وفي بعد سنتر بوينت وماذركير وماركس اند سبنسر وبي اش اس وزيارة سعيدة.

اختي انصحك بشده بفنق أيبيس abis
اللي في السالميه
رخيص .. و الموقع ممتاز لكم

الاماكن اللي ذكرتها اختي أصول مقاب وبجانب هذا الفندق ... خطوات بسيطه (مشي)

واماكن كثيره بجانبه شغاله 24 ساعه

وحياكم الله في الكويت

افضل المجمعات :

الافنيوز

المرينا

سوق شرق

المهلب

الفنار

360

جميع المجمعات التى تم ذكرها متواجد بها مطاعم وسينمات



اماكن ترفيهية:

ابراج الكويت

اكوابارك مدينة مائية

المسيلة مدينة مائية

المركز العلمي

حديقة الشعب

حولى بارك

حديقة الشعب



اماكن شعبية:

المباركية

يوم البحار

سوق المحاميد



اما بخصوص السكن انتى حددي السعر وسوف اختار لكي


اما بخصوص تاجير السيارات متواجدة بشكل كبير بالمطار

المشاركة الأصلية كتبت بواسطة بيت الكويتى
http://www.arabtravelersforum.com/tr...4/#post5279624

افضل المجمعات :

الافنيوز

المرينا

سوق شرق

المهلب

الفنار

360

جميع المجمعات التى تم ذكرها متواجد بها مطاعم وسينمات



اماكن ترفيهية:

ابراج الكويت

اكوابارك مدينة مائية

المسيلة مدينة مائية

المركز العلمي

حديقة الشعب

حولى بارك

حديقة الشعب



اماكن شعبية:

المباركية

يوم البحار

سوق المحاميد



اما بخصوص السكن انتى حددي السعر وسوف اختار لكي


اما بخصوص تاجير السيارات متواجدة بشكل كبير بالمطار




شكرا ع المعلومات ..

السكن في حدود 100 دينار ما نبيه غالي لانه فقط للنومه باقي يومنا كله طلعات

المشاركة الأصلية كتبت بواسطة al osaimi
http://www.arabtravelersforum.com/tr...0/#post5278340

اختي انصحك بشده بفنق أيبيس abis
اللي في السالميه
رخيص .. و الموقع ممتاز لكم

الاماكن اللي ذكرتها اختي أصول مقاب وبجانب هذا الفندق ... خطوات بسيطه (مشي)

واماكن كثيره بجانبه شغاله 24 ساعه

وحياكم الله في الكويت




امممممممم ايبيس اطلعت عليه .. وخليناه من ضمن الخيارات .. لكني ابي فندق سعره اقل في حدود 100 دينار واكثر بشوي ..

المشاركة الأصلية كتبت بواسطة اصول2
http://www.arabtravelersforum.com/tr...4/#post5272494

حياج الله اختي الكريمة في بلدج الثاني الكويت والاخت كويتية متنقلة فديتها ماقصرت بالرد الوافي بس بضيف على محلات تجهيز المواليد محل جاكادي وأنار في البستان ,الكاروكة في منطقة السالمية القديمة يم البنك الوطني فيه اطقم للاستقبال
وفي بعد سنتر بوينت وماذركير وماركس اند سبنسر وبي اش اس وزيارة سعيدة.



الف شكر اختي ما قصرتي

انا افضل ميراج ..
الاسباب : المنطقه الشعب على الخليج العربي جدامكم البحر .. مافيها واايد عمال وعزاب عكس بنيد القار وموقعها حلو بالوسط على كل شي ..

الجو هذا جو الخليج عموما ومثل ماقلتي الاغلبيه مجمعات مغلقة ..

اللي قلتلج عنهم واللي ذكرتهم اختي اصـــول ممتازيين

وناطرين جدولكم .. والعفو ما سوينا الا الواجب

وحياكم الله في ديرتكم

الأخوان ماقصرو وأنا أبي أعطيج رايي بسؤالج:

وابي اجهز لي وللبيبي بس ما اعرف وين اروح ؟

وين احسن المحلات لثياب المواليد وباقي التجهيزات للولاده ؟

وجوابي: روحي مجمع الأفنيوز فيه محلات كثيره للأطفال والحوامل. أيضا عشان تجهزين حق نفسج روحي مجمع المهلب فيه محلات كثيره فيها ملابس للأستقبال الولاده.

للعلم فمجمع الأفنيوز يحتاج ليومين كاملين عشان تقدرين تدخلين أكبر كميه ممكنه من المحلات.

اختي د.دلوعه مشكوره ما قصرتي ..

المشاركة الأصلية كتبت بواسطة om wassan
http://www.arabtravelersforum.com/tr...4/#post5301504

اهااا ..

انزين انا الحين خفت اكثر لان شفت موضوع عن فندق ايبيس وااااااااااايد صغار غرفهم
http://www.arabtravelersforum.com/travel199520/

ما ابي اسكن بجدي غرفه بالذات الله يكرمكم ويعزكم الحمام شنو هذااااااااااا

هل ميراج و رويال ريزدنس اوسع ؟ حماماتهم واسعه ؟

بصراحه .. الواحد يبي يسكن في شي عدل مو لهالردجه اقتصادي .. صغيرون حيل وما يمديه الواحد يحط ريله بمكان الا تصافق مع الثاني الي معاه بالغرفه ههههههههههههه

واحنا بتكون عندنا سياره عادي مو لازم قريب حيل من الاماكن السياحيه والمجمعات .. السياره تقرب المسافه اهم شي السكن نظيف ويشرح الصدر ونظيف وامان .. ومو ازعاج نسمع سوالف الناس الي يمنا مثل فندق رؤوم

ام وسن ميراج اوسع من ايبيس ايبيس حيل اقتصادي اللي في الكويت اهون من اللي في لندن

وعندج بلازا اثينا حلووو في بنيد القار موقعه زين اول المنطقه ويطل عالبحر .. وعندج بودل في السالميه ..

انتي جم حاطه ميزانيه لليله في السكن ؟؟