الموضوع: اسئله تحتاج اجابه ياهل بريطانيا خاصه برايتون

اخواني انا مسافر بريطانيا للدراسة في معهد saint Giles في برايتون يوم 7 - 8 هجري . بس عندي بعض الاسئله وارجو ان تردو علي اخواني . لمده شهرين يعني رمضان هناك

1- انا انسان مدخن حبيت اسأل كم استطيع ان احمل معي من كرز دخان؟ واذا فيه ضرائب من اللذي سياخذها مني , مطار الملك خالد ام مطار هيثرو؟

2- كم استطيع ان اخذ معي من حقائب , وكم كيلو للشنط؟ يعني فيه كيلوات محدده للشنطه؟

3- اقدر اصرف من بطاقتي العاديه السامبا او الراجحي في الخارج؟

4- وشو الاسواق الرخيصه في برايتون؟

5- نسمع عن الغلا في بريطانيا , كم يكفيني باوند في الشهر؟ وبكم تكلف الوجبه العاديه في المطعم؟

6- اقدر ادخن في المعهد او ممنوع؟ ههههههههههههه سؤال مدري وين رايح بس لاتهمشونه ايها المدخنون.

7- كيف الامن في برايتون؟

8- يقولون اذا رحت سجل جوازك في السفاره؟ وينها وفي اي حي؟ هههههههههههه على بالي اعرف الاحيا حقتهم.


9- مشكلتي ان رمضان اكون هناك , دينيا يجوز لي افطر واصوم في السعوديه لبا قلبها؟

10- فيه ملاعب كره هناك او انديه اشترك فيها؟ غاليه او رخيصه؟


11- وش آخذ من مستندات واتباتات , لا احد يقول اخذ جوازك هذا شئ معروف هههه



12- كيف الطلعات في الليل امنيا ؟


13- وشو الحي اللي يتواجد فيه القي عشان اخذ حذري من هذه الاماكن؟


- اشكر كل من يرد علي واذا عندكم نصايح فلا تبخلون علي ومو شرط تجاوب ع كل الاسئله عزيزي القارئ , جاوب ع الي تقدر عليه















ملاحظه لغتي ممتازه لله الحمد بس حبيت امارس انقلش . طبعا كل شئ عن طريق المكتب







انتظركم

مواضيع عشوائيه ممكن تكون تعجبك اخترناها لك:

• النماذج الضرورية للتقديم على الفيزة من السفارات الأمريكية
• مشكلة كلية الآداب للبنات وبعثات طلاب الدراسات العليــا
• خلصت بكاليريوس طب وجراحة جامعة الملك سعود وأبغى منكم المساعدة؟؟؟ولكم مني خالص الدعاء
• كيفية اتمام وتوثيق الشهادات
• سؤااال عن مديينة
• وش رأيكم ياأهل الخبرة؟
• دولني على معاهد اللغة الافضل بامريكا ؟؟
• ولاية كنتكي جامعة
• ارجوا افادتي عن جامعه
• بروح لبريطانيا بدرس لغه افيدوني
• إلى العزيز الأمبراطور وكل من لديه المعلومة
• استفسارات هااااامة
• استفسار لمن عندهم خبره
• بالنسبه لستخراج جواز سفر سعودي
• استطلاع الرأي العام في أي دولة قمت بالتسجيل ؟ أيهم تفضل ولماذا ؟
• الدراسه في
• صور ومقاطع فيديو لرحلتي العائلية في عيد الفطر
• للجميع وش رايكم في الفكرة الجديدة للوزارة بخصوص قبول الجامعات للمبتعثين ؟؟
• اخيرا قدرت اخذ موعد مع السفاره
• دبلوم اتصالات احتاج نصيحه

تكفووووووون ردوووووووووو


وينكم يااهل الفزعات لاعدمناكم

المشاركة الأصلية كتبت بواسطة مدرس vip
http://www.arabtravelersforum.com/tr...6/#post3967322

اخواني انا مسافر بريطانيا للدراسة في معهد saint giles في برايتون يوم 7 - 8 هجري . بس عندي بعض الاسئله وارجو ان تردو علي اخواني . لمده شهرين يعني رمضان هناك

1- انا انسان مدخن حبيت اسأل كم استطيع ان احمل معي من كرز دخان؟ واذا فيه ضرائب من اللذي سياخذها مني , مطار الملك خالد ام مطار هيثرو؟

1- على ماسمعت انك تقدر تأخذ كرزين فقط
بس واحد من العيال اخذ سبعة كروز معه ولا قالوا له شي..

2- كم استطيع ان اخذ معي من حقائب , وكم كيلو للشنط؟ يعني فيه كيلوات محدده للشنطه؟

2-الشناط مو محددة وتقدر تركب معك شي بالطيارة
والشي الثاني على حسب الطيران اللي بتركبه
لان طيران الامارات يسمحون لك 30 كيلو
والطيران السعودي 20 كيلو يعني مو سوا..

3- اقدر اصرف من بطاقتي العاديه السامبا او الراجحي في الخارج؟

3- ايه نعم تقدر تصرف وبالراحة طبعاً انا ماجربت بس
البنك وكذا واحد من الزملاء قالوا لي..

4- وشو الاسواق الرخيصه في برايتون؟

4- اصلا مافيه الا مجمع واحد اسمه تشرشل سكوير
والباقي محلات على امتداد الطريق بس كثيرة..

5- نسمع عن الغلا في بريطانيا , كم يكفيني باوند في الشهر؟ وبكم تكلف الوجبه العاديه في المطعم؟

5- غالية مثل دول اوروبا المانيا فرنسا ايطاليا..
على حسب صرفك وهل تقصد بالصرف
السكن والدراسة ولا الاكل والموصلات
ياليت توضح.. الوجبة في ماكدونالدز وصب وي
وبرجر كنج 6 باوند..


6- اقدر ادخن في المعهد او ممنوع؟ ههههههههههههه سؤال مدري وين رايح بس لاتهمشونه ايها المدخنون.

6-داخل المعهد لا.. بس اغلب المعاهد يكون فيها
ساحة خارجية تقدر تدخن فيها..

7- كيف الامن في برايتون؟

7- انا لي اسبوع في برايتون الامن الى الان كويس
والحمدلله ماوجهتني مشاكل..

8- يقولون اذا رحت سجل جوازك في السفاره؟ وينها وفي اي حي؟ هههههههههههه على بالي اعرف الاحيا حقتهم.

8- والله انا ماسجلت بس يقولون افضل وبرايتون مافيه
ملحقية يعني تقدر ترسل للسفارة بالفاكس..


9- مشكلتي ان رمضان اكون هناك , دينيا يجوز لي افطر واصوم في السعوديه لبا قلبها؟

10- فيه ملاعب كره هناك او انديه اشترك فيها؟ غاليه او رخيصه؟

10-فيه صالات رياضية بس ماجربتها الا الان بس يمدحونها
الشباب اللي معنا..


11- وش آخذ من مستندات واتباتات , لا احد يقول اخذ جوازك هذا شئ معروف هههه

11- اذا رخصتك جديدة خذها معك لانها تكفيك كإثبات
علشان ماتأخذ الجواز معك كل ماطلعت..



12- كيف الطلعات في الليل امنيا ؟
12-الحمدلله ماواجهتنا مشاكل..


13- وشو الحي اللي يتواجد فيه القي عشان اخذ حذري من هذه الاماكن؟
13- يقولون اسمه كمب تاون وبصراحة لي اسبوع ماشفت
القي ابد..


- اشكر كل من يرد علي واذا عندكم نصايح فلا تبخلون علي ومو شرط تجاوب ع كل الاسئله عزيزي القارئ , جاوب ع الي تقدر عليه















ملاحظه لغتي ممتازه لله الحمد بس حبيت امارس انقلش . طبعا كل شئ عن طريق المكتب







انتظركم

اخوي حياك الله ببرايتون انا لي اسبوع هناك واذا بغيت شي اسأل
واذا بغيت شي هناك تواصل معي وابششششششششر..

انا مثلك شهرين وارجع وتقريبا في 5 رمضان..

1- قيمه الكرز هنا بقيمه باكيت هناك مسموح لك كرزين وتقدر تحط منيه ومناك يا رجال والضرائب من هيثرو ياخذون الكرز اعتقد
2- حسب خطوطك السعوديه 32 تسمح لك واذا تعرف احد يحطها لك الي 40 لا تشيل هم اذا خطوط السعوديه
3- تقدر تصرف وبسهوله وانصحك تفتح حساب باي بنك عندهم افضلك وربي بس تاخذ العمليه اسبوعين لين تاصلك البطاقه
4- ما اعرف بس لندن عنك اقل من ساعه تقريبا لانها شاطئيها جميل بالصيف
5- انت ساكن مع عائله تتكفل بوجباتك ولا لا الوجبه اذا بالمعهد تقريبا 3 باوند واذا برا احسب 5 طبعا المعهد كله ساندويتش وشاي ولا عصير
المصروف يا اخي وش انت مزاجك ووش تحب بالضبط وشلون وضعك مع العائله هل اذا غبت عن موعد العشاء تخلي لك عشاء ولا تقولك امسك الباب انا اعتبر 600 باوند تكفي وخذ معك شريحه موبايلي علشان تستقبل مجانا مع انه ما ودي تشغلك عن الدراسه كثرت الاتصالات
6- دخن بالمعهد انسى انك تقدر تدخن باي مكان مغلق تدخن لا خلص الدرس برا المبني
7- مدري عنها بس ما سمعنا اخبار سيئه هالعام
8- اول ما تنزل يجيك مسج ويقولك وينها ولا اخذ الابلكيشن من موقع السفاره واذا وصلت من معهدك ارسل لهم فاكس
9- مش بشيخ انا بس الشباب صاموا عادي وانا صمت يوم عرفه العام وعادي جدا وفيه شباب واجد ومسجد الامر سهالات
10- يا كثر الانديه ورخيصه اذا 3 اشهر
11- تأمين اذا معاك بطاقه احوالك صوره منها شهاداتك الدراسيه وخبرتك بالانقليزي وحاول تراسل جامعه لاكمال الماستر ولا بكالريوس واذا جاك القبول افتح ملف بالملحقيه ما تدري يمكن يجي قرار وتنضم للبعثه
واي اوراق لك خذ صور منها وخلها بفلاش موموري والاصل اذا احتاج اي واحد يرسله لك بفيدكس
12-برايتون ما اعلم لندن بالويكند عادي بس بالياام العاديه اذا بيتك قريب اطلع وارجع ما عندك مشاكل
13- ما اعرفه بس اعرف ان المدينه الشاطيء حقها اغلبه قي في جانب منه

لا اتحتك بالشباب السعودي كثير احرص علي طلعات المعهد والزيارات كل يوم جمعه بعد الظهر راح تفيدك كثير
حاول تفتح ملف ابتعاث بالملحقيه
ابتعد عن بع ض المواضيع السياسيه او اي احد يتكلم فيها
المكان فيه سعوديين كثير جدا جدا وربي يوفقك

عينوه على ترك التدخين بدلا من توجيهه بأخذ أكبر قدر من الكروز !!

هدا الله الجميع ..

[color="navy"]هلا بأخووووي ,,,
جتك فرصه ولا أحسن منها ,,, بطّل من الدخان وريحك نفسك والله بيكون في عونك ,,[/color]

قاصد اند فيصل لكم جزيل الشكر للمعلوميه انا معي بكالريوس انقلش بس حبيت امارس اللغه


الميكادو شكرا ع المرووووووووووور


قاصد كيف اراسلك؟ واي معهد تدرس انت لو سمحت؟ انتظرك

هلا اخوي مدرس vip

انا ادرس بمعهد Regent brighton

ابرسل لك ايميلي على الخاص وكلمني وابشر وانا اخوك..

قاصد مساء الخير . ماجاني ايميلك ؟؟؟؟

التأمين الطبي لازم ؟ وبكم باوند؟

تذكرة الباص من وين اخذها؟

التذكره تاخذها من الكابينه الللي بمحطه القطارات يوميه ولا انت تبيها لديره ثانيه