الموضوع: ان شاء الله كملت حجوزاتي على المالديف باقي شي واحد

السلام عليكم ورحمة الله وبركاته أعضاء المنتدى الرائع اللى ماله نفس يسافر بعد المواضيع بيسافر

الحقيقه انا ابدا معاكم من حيث ما بدت الفكره.
انا مسجل في موقع كوبون والحقيقه موقع رائع بكل ما تحمله الكلمه من معنى وفيه عروض طيبه
صادف اني شفت عرض للمالديف لمنتجع حائز على افضل منتجع صحي عام 2008 coco palm bodu hithi لمدة ثلاث ليال توصيل من والى المطار بالبوت المسافه تقريبا نص ساعه السكن في فيلا على الشاطئ بحط صور لها ايضا مع 2 غدا وعشا مع عشا رومانسي مع غروب الشمس وشامل خصم 25 % على جميع الانشطه ايضا نسيت اقول ان المنتجع فيه سينما خاصه تحت النجوم المهم كان فيه مناسبه لزوجتي وحبيت اهديها هالسفره طبعا بعد الاستخاره شريت الكوبون طبعا ما قلت لكم السعر السعر بعد صور الفيلا اتفرجو

7000 ريال فقط قولو ما شاء الله

طبعا بعد الحجز قررت اشتري التذاكر والاستخاره قبل كل شي
كانت لي قصه مع شرائها كنت افكر اي طيران والحقيقه الاماراتيه والقطريه بـ 8000 ريال وبارخص من هالسعر تقدر تاخذه في السيرلانكيه على البيزنيس كلاس المهم اخترت السيرلانكيه ايضا بسبب وقت الرحله كان جدا مناسب بالنسبه لي حتى الانتظار في سيرلانكا كان ساعه فقط والدخول المالديف الصباح 8 ونص وموعد العوده كان الساعه 3 ونص العصر يعني محلل الجلسه ان شاء الله كان الان وقت صلاة العشا وفجأه نويت اشتري التذاكر وكانت التذكره ذهاب على
Economic والرجعه على البيزنيس وكان معطيني السعر تقريبا 5990 ريال وقاعد احول في الفيزا فلوس وصار فيه مشكله في التحويل والناس بيقيمون الصلاه واقفل اللابتوب واقول خيره لما ارجع اكمل ان شاء الله لما رجعت حولت الفلوس في الفيزا وكل شئ اوك والقى السعر 5490 ريال نزلت 500 ريال بعد الصلاة شفتو ما تدرون وين الخيره فيه المهم الان ان شاء الله الامور كلها اوك بس باقي حاجه وحده انا صحيح بقضي ثلاث ليال في المنتجع بس بعد ابي اقضي ثلاث ليال ثانيه في منتجع ثاني وتكون المره هذي على البحر ودورت وفريت ولقيت مواقع طيبه وحلوه بس الى الان ما اهتديت على احد منهم ولا اخفيكم امر اني قاعد افكر اقضي الثلاث ليال الاخيره في نفس المنتجع لان عندهم فلل على البحر رااائعه وعندهم ثلاث انواع وكلمتهم يعطوني عرضهم يمكن يناسبني شي بس كنت افكر يمكن امل من المنتجع اذا صار 6 ليال وش رايكم

--------
طبعا للمعلوميه ايضا حجزت المقاعد الاماميه في الطائره علشان امدد رجولي على راحتي
ولا يكون فيه قدامي عجوز ودها تمدد ضهرها ولا يكون وراي متين مقدر اسدح الكرسي عليه
---------

مواضيع عشوائيه ممكن تكون تعجبك اخترناها لك:

• مساعدة عاجلة خاصة
• ارجو مساعدتكم
• فندق كورمبا بيتش بالمالديف
• استفسار عن سيشل
• ساعدوني في تنظيم رحلة إلى المالديف
• مساعدة لسفر الى جزر القمر
• مين زار المالديف وينصح بفنادق لشهر العسل؟
• الحقوني يابوعزيز وفتى الشرقيه وحنو و وكل الاعضاء
• استفسار عن ترانزيت ومطار المالديف
• موقع جزيرة المالديف
• هل يوجد جت سكي في المالديف؟؟
• لمن سأل عن المالديف اليك هذا الربط وباللغه العربيه
• سؤال لو سمح الخبراء ؟
• دليل بوابة جزر المالديف موريشيوس بوكيت
• سؤؤؤؤؤؤؤؤؤال عاجل
• جزر تستحق الزيارة
• تقريري عن بكر السياحة ★ موريشيوس★
• سؤال عن أجمل الجزر
• جولة في منتجع فل مون بيتش في المالديف
• موريشيوس شهر العسل

نسيت اسأل سؤال بخصوص الجزيره الخاصه كم سعرها وهل متوفره في اغلب المنتجعات ولا لا
بالنسبه للي حاب يسأل كم ميزانيتي للثلاث ليالي الباقيه ما عندي مانع الى 15 الف بس يكون شي يستاهل

هلا بالأخ biid10
والله يهنيك مع أهلك يارب

بس عندي نصيحة .. تأكد من وجود نشاطات بحرية وغيرها كثيرة في المنتجع إذا ناوي تكمل إقامتك عندهم .. لأن بعد اليوم الرابع راح تحس بملل

وعليكم السلام ورحمة الله وبركاته..
ما شاء الله تبارك الله..اختيار رائع للمنتجع ان شاء الله..
ستة ليالي قابلة للتوزيع على منتجعين خاصة ان كانت قريبة من بعض وان كان بالامكان التنقل بين المنتجعين مباشرة بدلاً من العودة للعاصمة لذا بجب التنسيق بين المنتجعين لبحث امكانية ذلك لذا سأقترح منتجعات تقع في نفس منطقة الجزر الواقع بها المنتجع الاول North Male’ Atoll:

http://www.tripadvisor.com/Hotel_Rev...ale_Atoll.html

http://www.tripadvisor.com/Hotel_Rev...ale_Atoll.html

http://www.tripadvisor.com/Hotel_Rev...ale_Atoll.html

http://www.tripadvisor.com/Hotel_Rev...hi_Island.html

بالنسبة للجزيرة الخاصة قأقترح التواصل مع المنتجع للاستفسار عن ذلك وبالتوفيق لك.

بالله شوف هذا توه فاتح قبل اسبوع تقريبا
http://www.viceroyhotelsandresorts.com/maldives/

المشاركة الأصلية كتبت بواسطة F.A.H.D
http://www.arabtravelersforum.com/tr...7/#post6802947

الله يعافيك..السعر جداً مرتفع..عموماً اليك اقتراح آخر:
http://www.zitahlikudafunafaru.com/p...ntent&p=10&t=6
واعتقد اننا استعرضنا افضل الموجود في الاقتراحات السابقة لكن ما يمنع اني راح ابحث كمان وشخصياً لو بغيت ارتب الافضلية بالنسبة للوحدات المائية للاقتراحات السابقة:
الاول:السنوفا جيلي..
الاول مكرر:الكونستانس..
الثاني:الون اند اونلي..
الثالث:التاج.
تقبل مروري.

جيده الغرفه وتصميمه حلو وسعرها معقول 12500 ريال
لكن ايضا المنتجعات اللى انت حاطه خيارها مازال موجود واصلا عندي وقت ادور على راحتي الى الاسبوعين الجايه

الا بسألك أخوي فهد الطيران المائي لو اجيه في اي وقت من الساعه 10 الصباح الى الساعه 2 هل فيه وقت معين يطير فيه ولا كل ساعه يطير ولا كل ساعتين ولا اذا وصلنا على طول يطير؟

المشاركة الأصلية كتبت بواسطة biid10
http://www.arabtravelersforum.com/tr...5/#post6802975

بالله شوف هذا توه فاتح قبل اسبوع تقريبا
http://www.viceroyhotelsandresorts.com/maldives/



السلام عليكم اخي , انا كانت حاطط عيني على هذا الفندق و فندق جميرا لزيارتي القادمه

لكن يعب جميرا بعده

و فندق فيسيروي غالي جداً لكن عليه خصم إفتتاح 50% للفيلا و الطائره المائيه
الفندق يبعد قرابة الساعه

انصح به بشده لأنه تابع لنفس سلسلة فندق ياس االرائع للي عندنا في ابوظبي

قد يعيبه في البداية حداثة الموظفين فقط

المشاركة الأصلية كتبت بواسطة biid10
http://www.arabtravelersforum.com/tr...3/#post6808363

التكلفه كامله للواتر فيلا تقريبا 15000 ريال
اما الديلوكس واتر فيلا كامل السعر 20000 ريال
الفرق بين الثنتين المساحه الاولى 218
والثانيه الديلوكس 314 وفيها دور ثاني وجلسة التفزيوون فيها وعليها منظر للبحر من الدور الثاني كلام اخر
بصراحه بديت افكر فيها *

هل تقصد المنتجع الاخير..

اي قصدت هذا واليوم كلمتهم يرسل لي ايميل بالقيمه الاجماليه للواتر فيلا ديلوكس

http://www.viceroyhotelsandresorts.com/maldives/

بالتوفيق ان شاء الله..

اختيااااار رائع وموفق .... سفرة ممممممممممممممممممتعة

ماشاء الله تبارك الله
اعجبت بتخطيطك . رغم ان متعب احيانا وشاق لكن اجعله جزء من متعة السفره
تروح وترجع لنا بالسلامه
والجميع منتظر بشغف تقرير دسم عن منتجعين يعتبران من اجمل منتجعات المالديف .
والله يحفظكم

المشاركة الأصلية كتبت بواسطة F.A.H.D
http://www.arabtravelersforum.com/tr...3/#post6842863

بالتوفيق ان شاء الله..

يعطيك العافيه وما قصرت معانا

المشاركة الأصلية كتبت بواسطة أعشــق أموآجــك يآبحــر
http://www.arabtravelersforum.com/tr...7/#post6844347

اختيااااار رائع وموفق .... سفرة ممممممممممممممممممتعة



امين ان شاء الله تكون ممتعه يعطيك العافيه

المشاركة الأصلية كتبت بواسطة طلال وفهد
http://www.arabtravelersforum.com/tr...9/#post6844629

ماشاء الله تبارك الله
اعجبت بتخطيطك . رغم ان متعب احيانا وشاق لكن اجعله جزء من متعة السفره
تروح وترجع لنا بالسلامه
والجميع منتظر بشغف تقرير دسم عن منتجعين يعتبران من اجمل منتجعات المالديف .
والله يحفظكم



ما قصرت اخوي وبيض الله وجهك وتبي الحقيقه انا اكثر ما تعبني اختياري للمنجع الثاني تعبت بصراحه اكثر من شهر وانا افكر ما خليت منتجع الا وبحثت عنه
بس الحمدلله بعد الاستخاره الله يسر لي اني احجز في الكونستانس المنتجع رائع وفي موقعهم 6 نجوم والسعر اكثر من ممتاز 810 دولار لليوم في الواتر فيلا
ان شاء الله نستمتع بالرحله وابشرو باحلى تقرير.

موفق خير باسفرة