الموضوع: باريس و ديزني لاند بعيون ابو علي بابا تقرير

السلام عليكم ورحمه الله وبركاته

في البدايه احب اشكر كل من ساعدني من اعضاء ومشرفي بوابه فرنسا و صراحه ما قصرتوا خصوصا الاخت شموخ

قواها الله


.................................................. .

بدايه الرحله
كانت الرحله بتاريخ 19 /6 /2010

على الخطوط السعوديه و سعر التذكره للشخص 3500 ريال

عدد المسافرين 3 اشخاص ابو علي و ام علي و الولد الله يحفظه علي

مسار الرحله ( الدمام / الرياض / باريس / ديزني لاند / زيورخ / انترلاكن / جنيف / الرياض / الدمام )

طبعا التقرير هنا بيكون ( باريس و ديزني لاند ) و مده الاقامه فيها 7 ليالي ليلتان منها في ديزني لاند

.................................................. ......


و صلنا الى مطار باريس صباحا حدود الساعه العاشره تقريبا واتجهنا من المطار بالتاكسي الى الفندق

اسم الفندق / فرانكلين روزفلت و هو اربع نجوم موقعه قريب من الشانزلزيه ، الفندق كان نظيف و مرتب و الموظفين

محترمين بس عيب الفندق صغر الغرف

طبعا اول ما رحنا الفندق سجلنا دخول لكن ما خلونا نروح على الغرفه لان نظامهم استلام الغرف الساعه 2 الظهر واحنا

جايين الساعه 11 الصبح تقريبا بس سمحوا لينا نحط الشنط عندهم و رحنا نتمشى في شارع الشانزلزيه و ناخذ فره

سريعه على المنطقه و هذي بعض الصور





هذي بوابه الفندق اللي ساكنينه



الصور عليها توقيع om ali لان زوجتي هي اللي صغرت الصور و حطت توقيعها هههههههههه




سيفورا اكثر محل دخلته في الشانز بشكل شبه يومي



و هذا ثاني اكثر محل دخلناه بعد

بعد الفرفره و دخول كمن محل رغم حاله التعب من الطيران و طول الرحله قررنا ندخل مطعم بتزا بينو و نجرب البيتزا



طعم البتزا لذيذ لكن نسينا نقول ليهم يقطعوها

الحمد لله ملينا البطون و حان وقت الراحه رجعنا الفندق و الحمد لله الغرفه جاهزه و استسلمنا للنوم مباشره

للاسف ماعندي صور للغرف لكن هذي صورتها من النت

http://www.eurobookings.com/paris-ho...FcomfAodzCU3Eg

الى هنا و نواصل قريبا بأذن الله


اتمنى التقرير يعجبكم و اعذرونا على القصور

مواضيع عشوائيه ممكن تكون تعجبك اخترناها لك:

• متوهقه في نورماندي
• استفسار عن الدخول لمطار باريس
• مضطرة للسفر إلى دمشق
• زيارتي الاولى الى باريس
• احتاج مساعدتكم ربي يسعدكم
• استفسار بخصوص حجز موعد للتبصيم لعائلة
• احتاج شورتكم
• تقييّم هذه الفنادق لوتكرمتوا عآاجل
• يومين في فرنسا أسوأ يومين بحياتي
• ابي مساعدتكم
• متجه الى فرنسا و اسئلة محتاجه نصيحتكم
• مساعدتكم
• استفسارات
• إلى خبراء باريس ومن زارها ارجو الدخول للأستشاره فـ جدولي الله يجزاكم الخير
• ديزني لاند ليون سترازبورغ استفسار
• بعض الإستفسارات عن مخطط الرحلة
• ارجو المساعده في اختيار سكن مناسب للعوائل في باريس
• رحلة عائليه لارياف اوروبا يوم احتاج نصائحكم
• بخصوص سكن لعائلة
• ابي اسافر اوربا وحجزت وقدمت تاشيره لفرنسا ولا اعرف شي ولا لغه ولا عمري سافرت اوربا

سجلني من اول المتابعين

بأنتظارك ومتابعين لتقرير الرائع

رائع ابو علي والملكه شموخ لها فضل كثير علينا وش حنا بدونها بالبوابه الفرنسيه
واصل ومتابعين معاكم
والغرف صغرها في اغلب فنادق الشانز

بداية أكثر من رائعة تجعلني من المتابعين..هل تنصح بالفندق؟ وما مدى قربه من الشانز؟


ويعطيك ألف عافية

[size="4"][color="royalblue"][b]بدايه حلوه


على طاري البيتزا وتقطيعها


لاحظت انه كل محلات البيتزا تقدم انا البيتزا غير مقطعه


بالاخير طلب زوجي من مطعم بينو بيتزا يقطعونها لنا

تدري شنو ردو عليه


قالو له احنا مانقطع البيتزا لكم لانه القطاعه نقطع فيها بيتزا بلحم الخنزير

يعطيك العافيه وبدايه موفقه ننتظر الباقي

غريبه ؟!!!!!!!!!!!!!!!

الصور كانت طالعه قبل شوي

غير الالوم من الخاص الي العام يمكن ما غيرته او ان المتصفح حقي فيه مشكله ننتظر اي عضو أخر يرد

اخوي فيصل

شكلي خربتها مسحت الصور من الالبوم وانمسحوا من التقرير

الحين انا رجعت حملتهم مره ثانيه لكن الحين كيف اعدل بدايه التقرير واضيف الصور مره ثانيه ؟؟

هلا يا غالي
حط الصوره واكتب وين تبيهم انقلهم فيه وبعدين اعدل الرد ولا يهمك

يسلم عمرررررررررك بو علي وهذا شرف لي يالطيب
ماسوينا الا الواجب
ومشرفنااااااا اكرمني واخجلني بكررررررررررررررمه المعهوووووود
لاهنتم
اما عن التقرير ممتااااااااز وتسلم ادين ام علي وتستااااهل الغاليه
سلامي لهاااااااا
وشكرا لكم على هالتقرير الرااااااااااااائع

السلام عليكم

اخي فيصل

اختي شموخ

تسلموا على مرتكم الكريمه بتقريري المتواضع و اعذروني على التأخير

شكل التقرير ما عجب احد بس ياله وجودكم اثنينكم بالتقرير شرف كبير لي

و الحين نكمل التقرير

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,


في اليوم الثاني جلسنا من النوم بدري و رحنا محطه وقوف الباص السياحي عند قوس النصر و اخذنا كمن صوره للقوس


وما ركبناه بسبب بروده الجو و معانا الولد









و ركبنا الباص الاحمر في البدايه جلسنا في الطابق الثاني لكن بسبب البرد نزلنا تحت




وهذي صور من اللفه



دي شعله الست ديانا سبنسر اميره ويلز



و نزلنا عند محطه تراكدورو اللي تصير قبل محطه برج ايفيل عشان نشوف البرج كامل





و مشينا من محطه تراكدورو الى محطه بير حكيم مشيا على الاقدام و البرج كل ماله يصير اقرب



و كان حزتها حاطين شاشه تعرض كاس العالم انا تسمرت عند الشاشه اشاهد و ام العيال



و بعد التفنن في التصوير اشترينا الكريب بالشوكلاته و معاه شويه فشار و اكلناهم بالعافيه

بعد الجلسه الحلوه ركبنا الباص مره ثانيه و توجهنا الى كنيسه نوتردام






حديقه صغيرونه جنب الكنيسه



بعدها مشينا الى الحي اللاتيني سانت ميشيل و اشترينا فلافل من معززززززززز



عندي صوره لفلافل معز لكن يبغى ليها تصغير و تعديل و توقيع اذا عدلتها حطيتها ان شاء الله

الى هنا و بعدها رجعنا الى الشانز تمشينا فيه شويه وبعدها رجعنا للفندق للراحه


ملاحظه / بتلاحظوا في التقرير انه مافيه صور ليليه لباريس لان مع الاسف باريس في الليل تنقلب شئ ثاني

و ما احب انزل في شوارعها و من تغرب الشمس تلاقيني في الفندق


انتظروني قريبا ( متحف اللوفر )

شكرا لك عالتقرير الحلو..
ومتاااابعيييين لاتتأخر علينا بمتحف اللوفر..

الشكر لش انتي يا اخت برلنتي على تنوير الموضوع

و تابعينا في متحف اللوفر بأذن الله

الله يعطيك العافيه على التقرير

اخوي بو فهد تسلم على الطله

اخي فيصل / انا من اتذكر فلافل معز يصير نفسي ارجع باريس عاد تخيل مسوي شنغن و تذاكر وطيران عشان فلافل

بس يستاهل صراحه

نجئ نكمل الرحله و اليوم توجهنا من صباحيه ربنا الى متحف اللوفر اللي جلسنا فيه تقريبا اربع ساعات و اكثر


و طبعا استخدمنا الباص السياحي لان ماخذينه يومين

و وصلنا الى متحف اللوفر بعد تناول الافطار في الفندق

.................................................. .......



المثلث دا عجيب صراحه يمكن صورت عنده مع النافره يجئ عشرين صوره بس اكثرها عائليه

عند بوابه المثلث صفينا طابور عشان الدخول و صراحه انا ناسي الاسعار

و دخلنا الى المتحف اللي ينقسم الى اربعه اقسام و كل قسم يتخصص في شئ

مثلا قسم خاص للتماثيل و قسم خاص حق تاريخ اللوفر ,,,,,,,الخ





منظر خارجي من نوافذ المتحف











و دي الموناليزا



ركن خاص يبيع كتب عن الموناليزا





بعد الفره السريعه اللي استمرت اكثؤ من اربع ساعات طلعنا بره و جلسنا عند النوافير و الولد يأكل الحمام

لين الحمام قالوا له خلاص يا ولد بسنا اكل و طلعنا من المتحف ورحنا مطعم لبناني اسمه نورا كان سعره مره مرتفع

و الاكل ما عجبني كثير بس ياله الحمد لله على النعمه

المهم ارتحنا شوي وبعدها توجهنا الى هضبه المونمارت و حي الرسامين

و استقبلنا الاخ اللي عامل نفسه ملاك











جلسنا شوي وبعدها رحنا حي الرسامين اللي ما تركونا في حالنا كل واح يبغى يرسم و تعال تفاهم وياهم

المهم طلعنا بلوحتين بعد المحاولات و المناورات

بعدها رجعنا الى الشانزلزيه و كاالعاده ذهبنا الى المنونبري لتقضيه شويه شغلات و شربنا الكوفي في احد المقاهي

ثم رجعنا نرتاح استعدادا للغد

تابعونا قريبا و متحف الشمع

شكلي استعجلت بالرد وطار
المهم الهضبه رووووووووعه بس يمكن بالشتاء ما احد يستمتع فيها كثير ما زرتها انا بالشتويه
بارت رائع من تقرير أروع
متابعين لك

اخونا فيصل / فعلا الهضبه مكان روعه خصوصا لما يجوا هالافارقه ويسووا عروض و رقص استعراضي

رغم ان الجو كان بارد استمتعنا في الجلوس على الهضبه

اخت احلى من العقد / خليش متابعه وحياش الله

نجئ نكمل الرحله

جلسنا بكير كالعاده تقريبا الساعه 8 صباحا لاني في السفر ما احب انام و اضيع الرحله في النوم

تناولنا الفطور في الفندق و البوفيه كان متنوع ما شاء الله

و توجهنا هذا اليوم الى المترو عشان نروح الى متحف الشمع وركبنا المترو رغم اني في البدايه كنت متخوف لكن بعد

التجربه حسيت ان الامر سهل وصار الميترو لعبتي ههههههههههههههههه

و صلنا الى المتحف و كان ويانا وقت الدخول قروب مدرسي فصار زحمه و ما مدانا نصور وايد

في البدايه وقبل الدخول للمتحف و رؤيه الشخصيات ندخل مكان يسوون فيه عرض اضواء واصوات و كان روعه

جبت مقطع من اليوتيوب شوفوه




و بعد هالمشهد تفتح البوابه وندخل الى عالم الشمع

















المتحف / جيد لكن الشخصيات اللي فيه اكثرها مو معروف و عددها قليل

بعد ما خلصنا من المتحف اخذنا فره في المنطقه الموجود فيها المتحف و تغدينا و بعدها توجهنا الى غاليري لافييت

و اسمحولي ما صورت الا هالصوره الوحيده الفريده



المجمع اخذ معظم الوقت وبعدها رجعنا الى الشانز من جديد ثم الى الفندق

اليوم اللي بعده رحنا الى الاوت لت لكن ماصورناه مع الاسف

لذا انتظروا رحلتنا الى ديزني لاند قريبا بأذن الله

لا هنت ابو علي
حقيقه انا اشوف الشمع اللي في لندن غير واكبر مساحه حتي الزحمه برا يا كثرها
جاليري لافييت انشهد انه سوق صح يرغمك علي الشراء خاصه للعطور وفيه مطل علوي خيالي

بتشوف الفرق باذن اللله بلندن
عاد التسوق مع العائله لابد من زيادة الميزانيه ولا الومهم حقيقه مع ان اسعارهم غاليه الا ترغمك علي الشراء

يعطيك العافيه ... مستمتعين معاك و ننتظر دزني لاند بفارغ الصبر

و انت ما قصرت يالطيب على مرورك و متابعتك للتقرير

اسعدني وجودك

يعطيك العافية يا ابو علي على التقرير الباريسي الخفيف .......مع انه ما في صور الغاليري لافاييت ...حريم بنتسوق هههههه
واحنا معاكم متابعين ان شاء الله

الاخت الكريمه احلى من العقد / ان شاء الله اجيب الاربعين بس مو حراميه عاد ههههههههههه

بالنسبه لرابط سويسرا لسه ما حطيت الموضوع ان شاء الله قريب اتفرغ له

الاخت الكريمه fab u lus / بالنسبه للغاليري ما صورت وايد تخيلي اختي كيف اصور و انا حامل الاكياس

و مايمديني اصور لقطه الا ام العيال اختفت بين البضايع وتعال دور عاد

تسلم لام علي يا ابو علي لازم شيل الاكياس عيل تبيها تتسوق وتشيل الكياس هههههه
الصراحة غالري لافاييت يبيله ايان كل دور يبيله نص نهار هههههه علشان نتفحصه عدل خخخخخ
يعطيك العافية ويخليك لهم ان شاءالله

ممكن وصف إلى موقع مطعم معز... ولين أبي أروح الحي اللاتيني في باريس شلون أروحه
رحت مرتين باريس وما قدرت أوصل لا لمعز ولا الحي اللاتيني.. ودي شرح واضح للطريق لأني بروح باريس للمرة الثالثة عما قريب

وشكراً

تقرير روعه عندي سؤال بالنسبه للباص الأحمر يمر هضبة المنمارت والقاليري لافيت أو لا من الموبايل

المشاركة الأصلية كتبت بواسطة dana_m
http://www.arabtravelersforum.com/tr...9/#post8028539

تقرير روعه عندي سؤال بالنسبه للباص الأحمر يمر هضبة المنمارت والقاليري لافيت أو لا من الموبايل



الاصفر يمر الاحمر مايمر
وعذرا للرد
التقرير رائع سلمت يمناك

مشاء الله تبارك
تقرير رائع