الموضوع: مقابلتي والورقة الصفراء بالكويت

السلام عليكم ورحمة الله وبركاتة


اليوم رحت الى السفارة بالكويت لأستخراج فيزا دراسية وطبعا كنت معبي الفورمات قبلها بجم يوم وكل الاوراق موجودة عندي وكاملة

المهم دشيت وعطيت أوراقي حق الموظف وقال لي شغلك أوكي بس نبي نأكد من بعض الأمور وعطاني ورقة صفراء وخلوا الجواز عندي !!!!


أنا طبعا رحت حق الdhl وعطيتهم معلوماتي كلها وقالوا راح ندق عليك خلال الفترة الجاية من اسبوع الى 6 أسابيع !!!


أحسن أنهم رفضوا المعامة بطريقة غير مباشرة !!!

ومشكورين :-)

مواضيع عشوائيه ممكن تكون تعجبك اخترناها لك:

• انا في لوس اجلوس وماني عارفة وين اروح الله يوفقة الي يرد
• عاجل ياجماعه ابغى اغير موعد المقابله من الظهران الى الرياض
• هل أخذ أولادي معي في المقابلة ؟
• كم تجلس مدة إستخراج الفيزا الأمريكية في هذه الأيام؟
• استفسار بخصوص اسماء الدول التي زرتها من قبل ؟؟
• الثلوج تغطي ولايات الساحل الشمالي الشرقي
• كل من يقيم فى يرجا الدخول
• أفضل خط سير رحلة من الرياض لـ ؟
• مسافر الى امريكا ارجو المساعدة
• استفسار عن طلب الفيزا
• قضاء شهر العسل في أمريكا يونيو ؟
• بخصوص ألآقامه في أمريكا ارجو الدخول
• موقع لمعرفة مواقيت الصلاة
• عاجل الى الاخ امباكت
• استفسار عن الطفل والحقائب ضروري
• اخواني المبتعثين في سان انتونيو إسـتـفـسـار؟ بليززز افيدوني
• الدراسهتكساس
• استفسار عن شركة ياريت الخبراء يساعدوني
• من يعرف مطار شيكاغو ترانزيت
• لدي استفسار وارجو الرد باسرع وقت ممكن

لو رفضوك كانوا خبروك في نفس الوقت. هذه الأمور تحصل عادي لازم يسوونلك اجراءات موافقة امنية security clearance وهذي تحصل عادي والموظف طمنك فلا تحاتي إن شاء الله
اذا ما كلموك أو وعدوك بموعد معين يردون عليك قبله فاصبر اسبوعين من وقت المقابلة ورد تواصل معاهم بالأيميل وتكتب في استفسارك المعلومات الاساسية مثل اسمك الكامل ورقم جوازك وموعد المقابلة ..إلخ.
موفق بإذن الله

تطمن اخوي راح تحصل على الفيزه ان شاء الله

مشكورين وعساكم على القوة

السلام بشر شصار معاك؟ طلعت الفيزا؟

المشاركة الأصلية كتبت بواسطة barbieq8
http://www.arabtravelersforum.com/tr...6/#post3397776

السلام بشر شصار معاك؟ طلعت الفيزا؟

وعليكم السلام

لا والله ماطلعت لغاية الأحين صار لي تقريبا أسبوعين ولا حس ولا خبر من السفارة

المشكلة كورس اللغة يبدأ بعد يومين بتاريخ 26 أكتوبر فماني عارف بالضبط شنو أسوى

أخوى راجع السفارة الأسبوع اللي طاف وقدم على فيزا سياحية وأخذ 10 سنين خلال يومين

ما أدري اذا يدققون على الفيز الدراسية أكثر من السياحية ولا لأ

سؤال بالنسبة حق الi20 مكتوب فيها

the student is expected to report to the school no later than 10/20/2009

المشكلة الi20 ما وصلني الا بتاريخ 5 أكتوبر وبتاريخ 8 أكتوبر أخذت موعد وقدمت على الفيزا

ولغاية الأن صار لي 3 أسابيع بدون أى حس ولا خبر من السفارة ؟؟؟

وموعد الدراسة طافني وأقرب موعد بتاريخ 5 يناير 2010

فهل يلزم i20 جديد من الجامعة ؟؟؟ مع العلم أي راح أدرس كورس لغة !!!

إيـــهـ قدم على وحده ثآنية وهم رآح يرسلونهآ لكـ بالـ dhl

اليوم الصبح أتصل بي مندوب dhl ويقول الف مبروك الفيزا السفارة طلبوا جوازك وباجر الظهر راح يمرك المندوب ويأخذ الجواز + الi20 الجديد ( لأن القديم أنتهى )


يعني الموضوع أخذ شهر تقريبا عشان الفيزا والحمد الله على كل حال وأتمنى التوفيق للجميع

السلام عليكم يااخوان انا من تاريخ8/9/2009 ولما الحين ماجاني رد
ورحت للقنصليه بمشرف وقالولي الشباك اللي بره راسلهم على الايميل
ولما راسلتهم دزولي كيف تقدم على فيزا للعلم انا كاتب بالايميل
اني مقدم على الفيز ومجري مقابله
ولاكن اعتقد ان الرد
اللي وصلني كان الكتروني مافي اي ردمن السفاره ولازلت احتفظ بالورقه الصفرا

المشاركة الأصلية كتبت بواسطة ابن عون
http://www.arabtravelersforum.com/tr...6/#post3424196

السلام عليكم يااخوان انا من تاريخ8/9/2009 ولما الحين ماجاني رد
ورحت للقنصليه بمشرف وقالولي الشباك اللي بره راسلهم على الايميل
ولما راسلتهم دزولي كيف تقدم على فيزا للعلم انا كاتب بالايميل
اني مقدم على الفيز ومجري مقابله
ولاكن اعتقد ان الرد
اللي وصلني كان الكتروني مافي اي ردمن السفاره ولازلت احتفظ بالورقه الصفرا



أفضل حل أنك تتصل بسفارة ( 22591001 ) وتختار اللغة العربية وتكلمهم لأن الأيميلات مرات ما تنفع


بالتوفيق

مبروك الفـــيزا

والله يوفقك

الله يبارك بعمرك

ويوفق الجميع :-)