السلام عليكم
انا الحين في بورمث وتحديدا في شار ع الشارمنستر الاجواء جميلة جدا والامور ابشكم زينه .
انا شفت كم سؤال اللي يبغى مدارس للصغار ،،،
فيه في نفس المدرسة اللي ادرس فيها كابتل سكول ،، طلاب من عمر عشر سنوات تقريبا وحتى 16 ويكونون في فصول لوحدهم . ويشرف عليهم معلمين خاصين . وينظمون لهم برامج خاصة بهم رياضية ورحلات وغيره .
ابقول لكم وش صار لنا انا واثنين من الشباب ،،،،
سجلنا في كابتل سكول ويوم وصلت لندن ،،، كنت ناوي نجلس فيها يومين حتى يجي يوم الاحد ونروح للعائلة ،،،
عاد انا ما شفت الايميل الا يوم السبت وش هالمفاجأة ،،، صراحة تحطيم ،،، لقيت انهم حاطينا في عائلة واحدة
بالعربي عطونا بيت لحالنا وكل واحد له غرفه فيها سرير ودالوب ،،، البيت فيه مطبخ وثلاجة وعسالة
ايضا صالة مطلة على حديقة .
وعطونا كل واحد مفتاح ،،،
بصراحة في البداية ضاق صدري وقلنا ما نبي مع بعض وحنا جايين نتعلم انجليزي ونبغى نسولف مع العائلة
المهم قالوا ما فيه عندنا عوايل ،،، وحنا الحين مزحومين مرررررررررررة
بصراحة مع مرور اليوم الثالث ،،، حسينا ان الامور احسن وانا ببيت واحد اوسع صدر واريح من ناحية الصلاة والرجوع المتاخر نوعا ما للبيت ،،، وما فيه احد يسألك ليه تأخرت وغيره .
اللي ودي اضيفه بعد ،،، ان العائلة اللي لهم البيت قالوا تعالوا كل يوم تعشوا عندنا ،،،
يوم جينا اليوم الاول وحطوا العشاء ،،، كان فيه في بيتهم ثلاث طلاب ،،، بنتين وولد ،،، الولد عمرة 10 تقريبا من فرنسا يا حليله كتكوت ،،، وبنت من البرازيل عمرها يمكن 11 وبنت ثانية من اسبانيا عمرها 16 .
عاد عرفت ان المدرسة تنظم ارسال الطلاب حتى عند العوائل ...
لكن بصراحة تعامل مدير المدرسة غير جيد ،،، يعني ما يسمح احيانا بالمناقشة وشايف نفسه على غير سنع
طبعا انا حبيت اكتب لكم بعض الاخبار عن المدرسة وما ودي امدح والا اسب ،، المدرسة ما فيها عرب كثير لكن زي ما قلت لكم ان المدير وبعض العاملين فيها نفوسهم بخشومهم ...
يا شباب ويا شابات انتبهوا للي يرسلون اولادهم هناك ،،،، تصدقون في نفس المدرسة في شاب سعودي عمرة 15 او 16 تقريبا قاعد يسولف مع بنات ومع السوالف كان يخمخمهن ،،، ( يعني يعانق ) عاد مدري فهمتوا والا لا ،،، يعني hug
اقول لكم يعانقهن في ساحة المدرسة ويضحك ،، والله اني انقهرت عليه ،، وما اقول إلا ذنبك على اللي ارسلك يا وليدي ،،، الله يصحله بس
المشكلة بعد ما خلص فيه واحد من اللي يعملون بالمدرسة قام يشيله ويحطه وكانه ولده ،،، اه بس يالقهر .
لكن لا بد اني راح امسكه واكلمه واللي يصير يصير .
تكفون انتبهو لعيالكم تراهم امانة .
استودكم اللهمواضيع عشوائيه ممكن تكون تعجبك اخترناها لك:
- استفسار حول تعلم اللغه في ويمبلدون
- الاستفسار عن جامعات بريطانيا
- الظرف الذي بداخلة
- اخ ملبورن وابناء المنتدى ساعدونا بمعلومات عن مدينه
- سؤال
- ياجماعة من يقدر يساعدني
- هل الموضفين يتضررون في القبول او في استخراج الفيزه
- عندي قبول وفيزا وش أسوي؟؟
- محترار اروح امريكا ولا نجلترا
- مسافره بشهر وابي قبول من المعهد ومحتاره
- الصورة الشخصية المرفقة لطلب الفيزا الامريكية
- ماهي افضل الجامعات في لندن لتعلم اللغة الانجليزيه ؟ لو سمحتوا احتاج مساعدتكم ضرووري
- استفسار للدراسة
- الأوراق المطلوبة جاهزة بس ماخذت موعد
- محتار بين معهدين و في امريكا
- المـقـابـلة الشـــخـصـية لطـلاب مــرحــلة البكــالوريــوس فــقط
- الي موجود في ولاية بن سلفانيا ممكن خدمه ؟؟
- سؤال عاجل جدا جدا جدا جدا
- إستفسار عن السفر إلى بريطانيا
- ماهي المعلومات التي يجب أن أجهزها ؟
المفضلات