السلام عليكم ورحمة الله وبركاته
من عام 2003 وانا مسجل في هالمنتدى الرائع وكم سنة قبلها متصفح فقط
هذي اول مره ادخل فيها هالبوابه
طبعا انا دخلت هالبوابه بسبب
وهو ان الاهل ودهم بسفره عائليه لأمريكا
وانا والله ما اعرف من امريكا الا اسمها
لا اعرف ولاياتها ولا اعرف مدنها
بس اعرف اسمائها
المهم
طبعا انا عائلة مكونة من 9 اشخاص
7 كبار و2 اطفال (10&9 سنوات)
وودي ارتب للرحله من بدري عشان نضبط امورنا ونعرف هل الديره بتصلح لنا او لا عشان ابدى بالفيزا
واول الخطوات الي ابي ابدى فيها هي وش الولايات او المدن الي لازم اروح لها
يعني وش مدينة الوصول وكم اقعد فيها ووش اروح بعدها ووين اختم رحلتي
وكيف انتقل بين المدن هل بسياره او طائره
وكم المده التقريبيه لكل مدينة
طبعاً بالنسبة للمدة الاجمالي للرحلة فهي مابين 20 الى 25 يوم
وبعدها بأبدى اخطط على مهلي للباقي
طبعا الي انا سمعته من الناس انهم يقولون الي ماراح ديزني ماراح امريكا
وانتوا افهموها عاد
ياليت والله تساعدوني لأن مالي الا انتم
واهلي معتمدين علي في كل شيء
والف الف شكر
مواضيع عشوائيه ممكن تكون تعجبك اخترناها لك:
المفضلات