الموضوع: ارجو المساعده من ذوي الخبره

السلام عليكم شباب وبنات اخواني واخوات ولاجمل ناس موجودين في المنتدى ..


انا بصراحه باذن واحد احد قررت اني اروح شهر العسل للولايات المتحده لمدة شهر كامل وبما اني ازورها للمره الاولى عندي اكثر من استفسار واتمنى اني ما اثقل عليكم بالاسئله .. ( السفر في شهر فبراير باذن الله )

س الميزانيه الموجوده 18000 دولار بخلاف التذكره ؟

س اي الولايات تنصحون اروح واكثرها سياحه والمناطق الحلوه الموجوده بداخلها ؟


س ابدا من اي ولايه والنهايه تكون في اي ولايه ؟

س هل الحجاب في مشكله ؟

س تنصحون استاجر سياره ؟

س شنو رايكم بالكروز الي يطلع من ميامي ؟






اخوكم : جاسم

مواضيع عشوائيه ممكن تكون تعجبك اخترناها لك:

• شمال وجنوب لوس انجلوس
• استفسار عن الفيزا الامريكية للاعضاء والى الاخ
• مساعده عاااجله بلييز
• طلب من اهل الخبرة بامريكا
• ساعدوني على عمل برنامج زيارة لاورلاندو في اجازة قصيرة جداً
• هل امريكا تستاهل السفر لها؟
• مساعده ياخبراء امريكا
• استشاره في خطه الي امريكا الغربيه
• موعد دراستي بعد ايام وموعدي مع السفاره بعد سبوعين وش الحل ؟
• لا حول و لا قوة الا بالله ابلكيشن تجديد الجواز الامريكي رسوم ال
• خطوة بخطوة لتأجيل الموعد
• هذا حلم حياتي ساعدوني
• رايح واشنطن في مارس
• تجربتي مع الفيزا الامريكيه بالتفصيل
• اذا وصلت بعد بداية الدراسة هل يرجعونك ؟؟ الله اعلم
• هآآم وعاجل للخبراء فقط
• الرجاء المساعدة
• ضرووري ابي الرد في اسرع وقت
• بالنسبة للفيزا الدراسية
• استفسار بخصوص تغيير موعد السفر بعد صدور الفيزا

الف مبروك مقدما والصراحة اختيار موفق والمدة كافية ...
الولايات ممكن تحدد لك يافلوريدا ونييورك وتنزل على الشلالات كم يوم او كاليفورنيا ولاس فيقس وكمان نيويورك والشلالات ،،تراني اقدر الشلالات جدا رائعة وحرام تروح امريكا وماتزورها.....
اما الحجاب لا تشيل هم جدا سهالات وامريكا فيها كثير جاليات عربية ومسلمين من كل الجنسيات ومافية اي مضايقات ابد ....
واستاجار السيارة وسواقتها هناك من المتع الموجودة في امريكا لان الطريق جدا ممتاز والاستراحات متوفرة بكثرة..
اما الكروز يجيك مشرفنا العزيز ويرد عليك لانة اخبر بهاالامور.....

الله يبارك فيييج .. مشكوره اختي ما قصرتي

مو كانك بترووح بالشتاء ؟؟

اورلاندو وميامي ممكن تكون دافيه شويه بهالفتره جيتها باوغست وسبتمبر وكانت بسبتمبر بارده شوي

نياقرا مميزه بس ماعندي خبر كيف جوها بيكون بهالفتره لاني رحت لها باوغست

ميامي بسبتمبر كانت فاااضيه مافيها احد اذا تحب الهدوء ممكن بهالفتره اللي بتسافر لها بتكون فاااضيه تماما

مشكووووره اختي حرم الدكتور ما قصرتي

عزيزي

الف مبروك والله يتمملكم على خير

الاخوان ما قصروا

بالنسبة لشهر فبراير بيكون الجو بارد وخاصتاً في الولايات الغربية والشمالية منها

ممكن تجلسلك كم يوم في نيويورك 4 ايام لكن انتبه برد !!

الشلالات رائعة بس ما تنفع في الشتاء وحرام تروح الشلالات وما تنبسط فيها !!

ولاية فلوريدا ممتازة واحسن اجواء في النهار الجو ربيعي والليل يبرد ويبغالك جاكيت خفيف !!

الكروز فكرة ممتازة من ميامي وتجلس فيها كم يوم



الرحلة لازم تكون على حسب رحلات الكروز من ميامي او بورت كرنفال لانها رحلات مجدولة !!

يايرت تحط تاريخ السفر الفعلي والعودة علشان ننسقلك الرحلة اذا عجبك المخطط


وتقريري في نهاية التوقيع بيعيك فكرة عن المدن هذه والكروز !!


اتمنى لكم التوفيق

الله يعطيك العافيه خوي .. ان شالله من احدد وقت السفر الفعلي راح ابلغك واكيد باذن الله راح يعجبني تقريرك

تقريييييييييييرك ماشالله مفصصصصل والله ودي اروح اليوم قبل بكره ..