السلام عليكم
حبيت افيد الاعضاء بتجربتي مع عرب لينك
انا اول مارحت دبي ماكنت مخططه وين بسكن
بس قريت في المنتدى عن شقق جديدة اسمها كاسلس البرشا في دبي
وبسرعه نقلت رقم عرب لينك من توقيع العضو اللي معنا بالمنتدى وسجلته بموبايلي
واول ماوصلت هناك
اتصلت على مكتب عرب لينك
وردت علي وحده وقلت لها ابي احجز في كاسلس البرشا
وكم سعر الغرفة المفردة ردت انها 250 درهم ( نفس المكتوب في الموقع ) يعني السعر صحيح
ولما سألنا الفندق لو حجزنا مباشرة بدون عرب لينك بيطلع علينا الغرفة ب 300 درهم
وسألت الموظفة هل لازم اجي للمكتب وادفع قالت لا مايحتاج مجرد تسوين حوالة عن طريق الانصاري وابعث لهم بالفاكس صورة الحوالة ورحت مول الامارات وعلى فرع الانصاري وسويت الحوالة ليومين ب 500 درهم
وبعدها اتصلت علي الموظفة وقالت انها وصلت لهم
مع ان اخوي كان خايف يقول شلون نبعث حوالة لاسم شخص مانعرفه لان الموظفة عطتني اسم شخص وقال المفروض نبعثه باسم المكتب بس انا كنت واثقه من عرب لينك
والحمدلله ماخذلوني ووصلت لهم الحوالة
لكن المشكلة الفندق لما رحنا له قال ماوصله اي شي
وقال بتصل على عرب لينك واشيك معاهم وبعد ساعتين قال ايوه وصله فاكس
قلنا الحمدلله ماطلع مقلب
وبتكلم عن فند ق كاسلس البرشا
هو حلو وجديد وفرشه نظيف وغرفته واسعه وفيه كل شي ممكن تتخيلونه داخل الغرفة
لكن عيبه ان مكان الافطار في اللوبي قدام الرايح والجاي
العيب الثاني خدمة الغرف مايجون والهاوس كيبينغ قعدنا ثلاث ايام غرفتنا بدون تنظيف نتصل عليهم ومايردون ولما يردون يقولون بنجي ولا يجون
الثلاجة كانت ماتبرد (ايسكريمي ساح )
الانترنت يقطع كل شوي مع انه مجاني
بس بالرغم من عيوبه لكن انا اشوفه ممتاز وخاصة مقارنة بسعره وغرفه الواسطة والجميلة نصيحه اسكنوا فيهمواضيع عشوائيه ممكن تكون تعجبك اخترناها لك:
- طلب رقم شركة السفير للسيارات
- ياالعرب المسافرون أبي شوركم ؟؟؟؟؟
- دبـــي دار الحي وبرج العرب بعدسة صور
- زائر باقي ماوصل
- من سكن فى فندق شيرتون أبوظبى بعد التعديل
- افضل طريق لدبي باسياره
- الأخوة الأفاضل أهل دبي اذا تكرمتم
- يا اهل بوظبي محتاجكم
- تقرير بسيط عن رحلتي الى
- استشاره بخصوص فنادق منطقه دبي مول
- كم سعر الليلة في فندق العنوان
- هــل صـحيح اصبح التنقل بين السعوديه والامارات بالبطاقة ؟
- اجمل التهاني بحلول شهـــر رمضــــان المبارك
- يــــــــــــــــاأهل الامارات
- دبي ملكتي الروح يا بلسم المجروح صور دبي من تصويري وتجميعي
- تكفون الفزعه اول مرة اجيكم يااهل دبي
- سؤال بخصوص موقع
- مطعم أنيس بالانتر كونتننتال
- الخليجيون يدعمون الحراك السياحي بالدولة خلال الصيف
- عريس في دبي
المفضلات