الموضوع: اي فندق افضل للعوائل في اندونيسيا

1




مشكلة البلد الاكل

الجبل او بنشاك الطبيعة والجو الحلووووووووو

جدولك تمام

جاكرتا : دنيا فنتاسي و انشل و الالعاب البحرية والمتحف والالعاب الحربية و المتحف والتسوق

بنشاك : حديقة سفاري والشلالات والمطل وحديقة الزهور وحديقة الشاهي






دمتم بخير

شكرا لك

أتمنى تفاصيل أكثر عن الأستفسارات المطروحة من أخواني أهل الخبرة .
لأن المسافر مع العائلة يحب الأماكن الهادئة وبذات وقت الراحة والنوم

المدة قصيرة جداً لذلك خيارك جاكرتا -- بالي -- جاكرتا وبالنسبة للجبل يمكنك الذهاب
إليه من جاكرتا من الصباح للمساء فوقتك ومدة رحلتك قصير بوجود بالي !!
وهذه مجموعة جداول تفيدك ويمكنك الحذف والإضافة عليها ..
http://www.arabtravelersforum.com/travel396390

السكن في جاكرتا الشقق الفندقية أفضل وهناك خيارات كثيرة مثل ..
شقق أسكوت
شقق أرودوتا سمنقي

بما أن مدتك قصيرة
ومثل ماذكر لك مشرفنا ابو غاده
أمامك خيارين لاثالث لهما
جاكرتا - بالي - جاكرتا
او
جاكرتا - بونشاك - باندونق - جاكرتا
أختر مايناسبك منها
وأضف للشقق الفندقية التي ذكرها مشرفنا بجاكرتا (شقق بوري كازا بلانكا - شقق استون راسونا - شقق كونينغان)

أذا هونت من بالي وانا ما انصح فيها للي معه أطفال
أنا أفضل تكون يومين بجاكرتا للتعرف على المكان انصحك بفندق اردوتا سمنقي لأن في مول جنبه وفي المول سوبرماركت وتستخدم التاكسي بلوبيرد للمواصلات (اللي لونه أزرق الألوان الثانية أقل جودة)
ثلاثة أيام بالجبل وتكون منها يومين سبت وأحد لأن معظم الفعاليات بتكون في اليومين هاذي والجبل بيكون وناسة وعلى فكرة الجبل مافيه شيء تسويه بعدالمغرب عشان كده الصحيان لازم يكون من بدري لكن ضروري تروح الجبل (بونشاك) وطبعا لابد تشتري تويس والشوي والطبخ واللي منه طبعا خذ كيلو رز معك. تقدر تتفق مع شغالة في الجبل تغسل و تكوي وتطبخ بحوالي 30 ريال في اليوم
يومين باندونج وانصحك بفندق استون باندونج
4 ايام جاكرتا للتسوق وخصوصا من مانجا دوا واتريوم وغيرهم
للتنقل بين جاكرتا والجبل وباندونج انصحك تاخذ سواق بسيارة وفي المنتدى ممكن تلاقي ارقامهم في المنتدى
لحجز الفنادق في جاكرتا وباندنونج عليك بمكتب كاها في المطار
أنصحك تأخذ شوية مونة مثل الجبنة سايلة وعلب وتونا وشطة وكورن فلكس وعلبة صغيرة نيدو ومناديل وكاسات ورق لأن هذه الأشياء موجودة لكن غالية لأنها مستوردة من السعودية والسعر بيكون حوالي اربعة أضعاف
وأهم شي ضروري المكاسرة في الأسعار مع الكل الفنادق والسواق ماعدا التاكسي بالعداد.
رحلة سعيدة

أخواني نصحوني كثير وأنا مع أخوي الكوكب الطائر :
بونشاك 4 أيام -باندونق3 أيام - جاكرتا 3 أيام

لان بالي لا تناسب للعائلة وغالية

طيب في أماكن قالوا أنها متعبة مثل الشلالات ماتصلح .

ممكن تساعدوني أكثر في برنامجي اليومي ؟
وهل السفر بعيد من بونشاك الى باندونق ؟
ومن باندونق الى جاكرتا ؟

وهل أفضل أحجز في مكتب كاها لباندونق وجاكرتا وياليت أفخم الشقق بس يكون السعر مناسب ؟

شكرا لردودكم الفعالة معي

ممكن تعطوني اسماء فنادق أخرى في باندونق مريحة وتصلح للعائلة ؟
وممكن رقم كاها مع وضع مفتاح الخط لاتاكد من اسعارهم.
لاني استفت كثير من برامج أخوي مشرف اندونيسيا

السلام عليكم ورحمة الله وبركاتة

بالنسبة لبالي اي شاطئ مناسب للعائلة ( ما نبي نشوف حريم بملابس السباحة)

وكم سعر التذكرة من جاكرتا ؟
وماهو أفضل فندق أو فلة خاصة ما أحد يكشف حريمنا؟


هل اذهب بالي أو لا

المشاركة الأصلية كتبت بواسطة msh2002
http://www.arabtravelersforum.com/tr...9/#post4168169

السلام عليكم ورحمة الله وبركاتة

بالنسبة لبالي اي شاطئ مناسب للعائلة ( ما نبي نشوف حريم بملابس السباحة)

وكم سعر التذكرة من جاكرتا ؟
وماهو أفضل فندق أو فلة خاصة ما أحد يكشف حريمنا؟


هل اذهب بالي أو لا




وعليكم السلام ورحمة الله وبركاته ..

طيب وش فيك معصب ..

على حسب ماسمعت ان فيه اماكن في بالي تصلح للعوائل بس وش مدري لاني عزابي ..

وسعر التذكره تقريباً 100 دولار على خطوط ليون ..

واذا صرت معصب كذا لا تروح لبالي غير وجهتك لجزيرة لومبوك ..

وان شاء الله يجونك خبراء بالي ..

هههههههههههههه ماني معصب بس ماودي بالمواقف البايخة المحرجة
ولا ودي بروحة لبالي

المشاركة الأصلية كتبت بواسطة msh2002
http://www.arabtravelersforum.com/tr...3/#post4168203

هههههههههههههه ماني معصب بس ماودي بالمواقف البايخة المحرجة
ولا ودي بروحة لبالي




ههههههههههههههههههههههههه

اسمع حبيبي مكشلتنا اذا جينا نسافر لازم كل شي على مزاجنا .. خلينا نكون واقعيين ..
جزيرة بالي كل السواح اجانب وبـ الاخص الاستراليين .. يعني هم طبيعتهم كذا هم يجبون كذا ..

حنا سافرنا لهم مو هم اللي جايينا يعني لازم نتحمل كل شي .. يعني بالي مو زي جاكرتا ولا بنشاك ولا سورابايا كل اللي ذكرته يسكنها اندونيسين يعني اغلبيتهم مسلمين عكس بالي غيييير بالي كل اللي يرتادون لها اجااان واستراليين وهذا الشي اللي مغلي بالي ومحليها


ولا فرفر في المنتدى و دور على جزيرة لومبوك فهي اهداء واحشم من بالي يعني مافيها احراج ولا شي ..

لومبوك ممكن تفاصيل أكثر كيف الذهاب لها
وين السكن ؟
وش الاماكن التريفيهية؟

هذا تقرير مفصل عن جزيرة لومبوك تفضل ..

http://www.arabtravelersforum.com/travel351867/

واظن ان التقرير يحمل معلومات كافيه عن جزيرة لومبوك .. وان احتجت شي عندك العم قوقل ..

وللمعلومية فقط لومبوك جزيرة هادئه جداً جداً جداً يعني جوها جو هادئ و استجمام ..


وان شاء الله يجي من يخدمك في جزيرة بالي ...

اخوي بالي بالنسبه للعوائل على حسب الشخص
هناك راح تشوف ناس مثل ما قالوا اخواننا المصريين لابسين من غير هدووم
و خصوصآ كوتا و نوسادوا و دريم لاند كل الشواطي التعري واضح فيها
حتى ابود .. يا رجال اقسم بالله شفت مناظر اخجل اشوفها و انا رجل لوحدي فما بالك و انت
معك عائله و ياليت في شاطيء و الله في مطعم
يمكن البعض يتوقع ان اللبس عادي و انا ابالغ و الله العظيم كل شي باين بدون وصف

بعض الناس ما عنده مشكله في هالامور انا عن نفسي اشوف انها لا تصلح اطلاقآ

بالتوفيق لكم

المشاركة الأصلية كتبت بواسطة msh2002
http://www.arabtravelersforum.com/tr...9/#post4166449

أخواني نصحوني كثير وأنا مع أخوي الكوكب الطائر :
بونشاك 4 أيام -باندونق3 أيام - جاكرتا 3 أيام

لان بالي لا تناسب للعائلة وغالية

احسن ما سويت لانها بالفعل ما تناسب العائله

طيب في أماكن قالوا أنها متعبة مثل الشلالات ماتصلح .

شلالات شليمبر هي سبعه روح الشلال الاول و هو احلاها قريب و مو بعيد و ممتع المكان بحد ذاته جنه سبحان الله راح تلقى نصابين برى الشلال يقترح عليك مرشد و يقول ان المكان صعب توصله و يقترح عليك تطلع الشلالات اللي فوق اتركهم و ابعد عنهم

فيه شلال شيبانس لكنه بعيد شوي و يحتاج مشي ما يقارب العشرين دقيقه , بشكل عام اندونيسيا بلد مشي راح تمشي في كل مكان يعني يحتاج لياقه شوي

ممكن تساعدوني أكثر في برنامجي اليومي ؟

هذا يعتمد عليك يا غالي انت وش تحب

وهل السفر بعيد من بونشاك الى باندونق ؟
ومن باندونق الى جاكرتا ؟
من بونشاك الى باندونق ثلاث ساعات بالسياره تزيد او تنقص قليلآ ولكن الخط ممتع جدآ و لا تحس فيه
من باندونق الى جاكرتا عندك ثلاث خيارات الاول و الافضل بالسياره هاي و اي من باندونق مباشره لجاكرتا تقريبآ ساعه و نص و الثاني ترجع بالسياره من نفس الطريق اللي رحت لها معه مرورآ ببونشاك و هذا الابعد و اسوأ الحلول و الثالث
لو تحب تجرب شي جديد تركب قطار من باندونق الى جاكرتا و الطريق ممتع بالمناظر الرائعه

وهل أفضل أحجز في مكتب كاها لباندونق وجاكرتا وياليت أفخم الشقق بس يكون السعر مناسب ؟
الافضل اخوي انك خلال تواجدك في الجبل بونشاك اول يوم تروح لمكتب كاها الموجود بالجبل و تحجز فيه لباندونق و جاكرتا
حتى تضمن بأذن الله انك تجد حجز مبكرآ و تخلي الفوتشرات معك و بالنسبه للفنادق ارشح لك سانتيكا في وسط باندونق موقع ممتاز و فندق ممتاز و اذا تبي فلل في ضاحيه في باندونق اسمها لمبانق تبعد ربع ساعه عن المدينه متوفر فيها منتجعات و فلل , بالنسبه لجاكرتا اذا تبي شقق ارشح لك اريادوتا سمنقي روعه بس غاليه شوي و بعدها بوري كازبلانكا
روعه و سعرها مناسب

شكرا لردودكم الفعالة معي



بالتوفيق اخي العزيز

شكرا لكم على الشرح الأخ سلطان وابو ورود ومشرفنا

والرحلة كالأتي : بونشاك , باندونق , جاكرتا

السلام عليكم ورحمة الله وبركاته

ممكن تعطون بأعضاء اسماء الأسواق الى فيه تقليد ماركات .( مناسب للعائلة)
ماهو أفضل السكن في باندونق أو لمبانك؟

وماهو أفضل فندق أوفلة من ناحية الفخامة والنظافة ؟ (مناسب للعائلة)

وياريت تفيدونا بالمجمعات التجاريه اللي في جاكرتا

من واقع تجربة .. سوق (سنين جايا) في جاكرتا هو الأفضل على الإطلاق للساعات التقليد .. تجد فيه كل ماتتخيله وما لا تتخيله من الساعات التقليد درجة أولى وثانية وثالثة .. والمكاسر لابد منه .. والأفضل تأخذ لفه شامله على المحلات لمقارنة الأسعار وأخذ فكرة عن درجات التقليد قبل تشتري

والملابس والشنط والأبواك التقليد في كل مكان تقريبا .. ومنقا دوا مليان شناط تقليد من كل الماركات .. وهي كذلك درجات حسب نعومة الجلد (الخامة)


ونصيحتي لك إذا بتشتري شنط أو ساعات تقليد إشحنها مع العفش ولاتحطها في شنطتك اليدوية التي تحملها معك في الطائرة .. لأن موظفي الجمارك بيبهذلونك في التفتيش ولابتفتك منهم إلا بهدية أقل شي 200 ألأف روبية

أنا سبق شريت 10 ساعات تقليد درجة أولى كارتير وشوبارد وأكثرها رولكس .. وكانت في علب فخمة بنفس الماركة لأنها هدايا .. المهم إني خفت عليها وماشحنتها وحطيتها في شنطتي اليدوية .. ويوم شافها الأندونيسي في التفتيس بغى يشهق من الفرحه !! قال "رولييييك" !! طبعا هم ينطقون الرولكس روليك .. لاكن أخونا مغطها من الوناسه .. وإضطريت أعطيهم 200 ألف روبية (80 ريال) ومشوني مشت بطونهم

والشنط شريت حوالي 30 شنطة تقليد ماركات درجة أولى وحطيتها في كرتون وغلفته .. ويوم وصلت السعودية إلا والعسكري يقول لي وش فيه الكرتون ذا ؟ قلت شناط .. قام وفك الكرتون وقال لي هذا شناط تقليد وكمية كبيرة و و و
قلت له هذي هدايا للغالين إللي مثلك .. وماعندي إلا حلالك كانك تامر عليه !! ضحك العسكري وقال لي توكل على الله


هذا ماحبيت أفيدك فيه .. وبالتوفيق

ياليت ياغالي لو تكتب اساميهم بالانقليزي او تعلمنا طريقة نطقهم علشان لاجينا نروح بتاكسي

ويعطيك العافيه على مجهودك

إسمه مجمع senen jaya

الدور الأرضي ساعات بالهبل .. وبقية الأدوار ملابس

وهذي خريطته

http://foursquare.com/venue/7440897

وشكرا ,,

يعطيك العافية أتمنى المشاركة من الجميع

اسواق جاكرتا

سوق تامان انكريك : سوق فخم غلاي الاسعار به صاله تزلج ( جاكرتا بارات)
سوق سينيان سيتي : سوق فخم غالي الاسعار ( جاكرتا بارات)
سوق سنيان بلازا : سوقفخم غالي الاسعار به مطاعم (جاكرتا بوسات)
سوق بلوك ام بلازا: سوق جميل متوسط الاسعار ( جاكرتا سيلاتن)
سوق بلوك ام بسرايا : سوق فخم غالي الاسعار به مطاعم (جاكرتا سيلاتن)
سوق نبدك انده :سوق فخم غالي الاسعار به مطاعم (جاكرتا سيلاتن)
سوق اي تي سي : سوق رخيص الاسعار(فاتمه واتي)
سوق اي تي سي : سوق رخيص الاسعار (براماتا هيجو)
سوق تنابنغ : سوق رخيص للجملة ولا بد الذهاب اليه بدري لانه سوف يكون مزدحم جدا (جاكرتا بوسات)
سوق بلوك ايه : سوق شعبي رخيص للاواني المنزلية واللحوم والخضار (جاكرتا سيلاتن)
سوق سوق بازار بارو : سوق شعبي رخيص للملابس الجاهزة (جاكرتا بوسات)
سوق بازار كلوودك : سوق شعبي رخيص للالكترونيات (جاكرتا كوتا)
سوق مياستيك : سوق شعبي لبيع الادوية الشعبية والكروبوك (جاكرتا سيلاتن)
سوق منجا دوا بازار باقي : سوق لجميع الاغراض الملابس الاكسسوارت شنط المقلدة والالخردوات والساعات المقلده (جاكرتا كوتا)

رمضان كريم

السلام عليكم ورحمة الله وبركاتة

ممكن أعرف كيف الجو راح يكون أنا مسافر 8/9 ؟

وبالنسبة لنظام الشقق مثل اردوتا سمنقي يوجد فطور مجاني؟


وهل يوجد مكان يستحق الزيارة مع العائلة أولى من غيره؟

ليه سميتوا أندونيسيا العمة؟


أنا مسافر تقريبآ

جاكرتا .بونشاك ,باندونق أو احسن لمبانق؟. جاكرتا
اذا ما تغير الجدول
لان
في صديق قال في مكان مناسب للعائلة الى يحبون البحر مكان محترم ( غير بالي) بس وين نسيت الاسم الى قال اذا أحد عنده خلفية ممكن يقول اي منطقة وين السكن الأفضل؟

جو اندونيسيا استوائي
اكيد بجاكرتا الجو يختلف عن البونشاك
جاكرتا فيها رطوبة وحار شوي
لكن البونشاك مثل الطايف عندة جدة ههههههههه

مثل ماقال لك جورج .. الاجواء في جاكرتا حارة ورطبه نوعا ما اما الجبل فوناسه واجواء روعه ..

المشاركة الأصلية كتبت بواسطة msh2002
http://www.arabtravelersforum.com/tr...2/#post4197852

السلام عليكم ورحمة الله وبركاتة

ممكن أعرف كيف الجو راح يكون أنا مسافر 8/9 ؟

وبالنسبة لنظام الشقق مثل اردوتا سمنقي يوجد فطور مجاني؟


وهل يوجد مكان يستحق الزيارة مع العائلة أولى من غيره؟

ليه سميتوا أندونيسيا العمة؟


أنا مسافر تقريبآ

جاكرتا .بونشاك ,باندونق أو احسن لمبانق؟. جاكرتا
اذا ما تغير الجدول
لان
في صديق قال في مكان مناسب للعائلة الى يحبون البحر مكان محترم ( غير بالي) بس وين نسيت الاسم الى قال اذا أحد عنده خلفية ممكن يقول اي منطقة وين السكن الأفضل؟

حياك الله اخي الكريم
1- بالنسبة للأجواء فكما سبق الاخوان الأجواء استوائية ..لكن اعتقد ان الأمطار ستكون متوسطة وربما شهر 10 تكون اكثر
2 - بالنسبة للشقق فحسب حجزك إذا ارغبت ان تكون بإفطار او لا..وبعض الشقق يكون الفطور إلزامي سواء طلبته او لا
3 - الاماكن كثيرة وحسب جدولك وعدد الأيام..باندونق جميلة للعوائل..وسورابايا ممتازة للعوائل ايضاً لكن تحتاج الى طائرة لمدة ساعة وعشرين دقيقة
4- اسم العمة اطلقوه عشاقها في العرب المسافرون وربما منافسة لأم الدنيا ...عموماً ستجد اكثر من تفسير للأسم
5 - اعتقد ان المكان اللي اخبرك عنه صديقك هو (لومبوك) وهي قريبة من بالي (بالطائرة 15 دقيقة) وهي شواطئ مناسبة للعوائل
تحياتي
واتمنى ان اكون افدتك
اخوك

ابوتركي

شكرا جزالك الله خير واتمنى الأفادة من الجميع

اتمني منك الالتزام بقوانين القسم بعدم فتح موضوع جديد لاسئله جديده والالتزام بوضع اسئلتك مهما كثرت في موضوع واحد تحت سقف هذا الموضوع يا غالي وستجد كل تجاوب باذن الله

أبشررررر؟؟؟؟

ممكن تعطوني أماكن الي يبيعون دهن عود؟