الموضوع: رحلة باريس نوفمير

بصراااااااااااحة شدييييييييييييدة

ماكنت اتوقع اني بشوف باريس في نوفمر احلى و احلى من اغسطس

لكن هذا اللي حصل

كان كل شي فيها حلو ويجنننن

عكس الصيف حيث الزحمة والملاغة:109:

المهم

قدمنا من لندن الى باريس بالقطار

والحمدلله وصلنا بالسلامة

بس طبعا المناظر والطبيعة اللي مرينا عليها

ماكانت بجمال النمسا وسويسرا

مواضيع عشوائيه ممكن تكون تعجبك اخترناها لك:

• أبحث عن خدمه التوصيل من مطار باريس للفندق بسائق خاص
• السورية رحلات من دمشق إلى الكويت ودير الزور
• اريد الذهاب من مطار ديغول الى منطقة الاديفانس بالقطار
• بـــــــــــــاريـــــــــــس
• ساعدووووووووووووووووني
• مساعدة في تخطيط زيارة سريعة لباريس
• ارائكم حول مخطط الرحله
• مترجمة للانجليزية والفرنسية
• مساعدة رجاء
• أحتاج مساعدة بالأماكن السياحية الموصى بها
• استفســـار
• أرخص المواقع للفنادق
• فندق في باريس لشهر العسل
• مساعده في رحله من الرياض الى باريس هام
• ابوقبيس طبيعة لاتفاوم
• ممكن مساعدة في عمل تخطيط لرحلة لفرنسا وبلجيكا وهولندا
• رحلتي الى باريس أحلى أيام حياتي قضيتها بالصور والأسعار
• خبراء باااااااريس الفزعة بلييييييييز
• استفسار سريع عن الخطوط التركيه
• لخبراء باريس لاعدمناكم

الحمد لله على السلامه اختي غيمة وفا ,
ان شالله تمتعتوا في جمال باريس , الجو كان وايد بارد صح ؟ لان وحده من صديقاتي كانت هناك نفس الوقت
المهم احنا في انتظار المزيد ولا تتاخري علينا بباقي التقرير وهالله هالله بالصور

مع الشكر

ننتظر ابداعاتك

وبخصوص الصور ان شاء الله يفيدوك الاخوان

[grade="FF4500 DC143C FF0000 B22222 8B0000"]هلا بالاخت غيمة وفا

تقرير رائع جميل تسلم أيدك ,العام لما رحت ميونخ على شهر يناير شفتها فرق عن الصيف:101: :101:

حبيت أسال عن سعر الغرف مبين عليهم من التصوير نظاف...[/grade]

أختي الكريمة .. غيمة وفا ..

بداية جميلة مع جمال الجو الباريسي الساحر ..
وصور صافية وحلوة وأكثر من رائعة ..
وغرف الفندق أنيقة ..

أنا جرّبت باريس بأواخر أكتوبر .. كانت رحلة مملة .. ويمكن السبب بأني كنت لوحدي .. وبرحلة عمل ..
كان أسبوع ثقيل علي .. حتى من طفشي .. رحت أتابع مظاهرة بساحة الكونكورد ..
وجلست أصورهم ..
وكأن ماقد أحد عطاهم وجه قبلي (من الصحفيين) .. ما أصحى إلا وهم ملتفين حولي ويرطنون علي ..
يحسبوني صحفي .. وهات يارطن من كل جهة .. وأنا ياغافل لك الله .. مدري والله وش هم زعلانين عليه ..
مافكني منهم غير البوليس ..
إن كان تسمحيلي .. أحاول أحط هالصورتين الليلة .. بموضوعك ..

بالنسبة لتحميل الصور .. حاولي ترجعي لموضوع (أبومحمد) .. وفيه شرح وافي وبالصور للتحميل ..
وإن ما مشت معاكي الأمور .. أنا بالخدمة .. بلّغيني .. وأنا راح أساعدك بإذن الله ..

واصلي أختي ..

الحمد لله على السلامة ... مثل هذه المواضيع والتقارير المتجدّدة تبعث الدفء والحياة في منتدانا الجميل ... شكرا لك ... وننتظر باقي إبداعاتك ...

أخوي و حبيبي .. اللندني ...

لا تكون انت اللي منظم المظاهرة من الطفش؟!! ... عشان تسوّي شوية أكشن وتغيير ... اعترف
والصور تكفى حطّها ترى ننتظرك ....

أنا ودي أعرف وش فايدة الكيبورد اللي محطوط جنب السرير ؟؟؟
( طلعوا عيال الفقر ) هههههههههههههههههههههههه شكراً على التقرير وواصلي الله يحفظك

المشاركة الأصلية كتبت بواسطة البعد الآخر


أنا ودي أعرف وش فايدة الكيبورد اللي محطوط جنب السرير ؟؟؟



هذا فيه ازرار (فصوص ) للتلفزيون نفس الريموت والتلفزيون فيه خاصية التصفح بالانترنت وهذا الكيبورد علشان تكتب فيه .. بس غالباً مايكون انجليزي والصفحة الي تطلع ماتطلع لك الكلام الي بالعربي وهذه هي مشكلة كبيرة ..



أختي غيمة وفـــا .. المحترمة
الحمد لله على السلامة بس وين الصوغه ههههههههههه:109:

تقرير من بدايه حلو .. وان شاء الله نشوف كل جديد منج يا غيمة وفا

أخوج Jassim

اختنا الكريمة غيمة وفا الف تحية وتقدير على تميز الموضوع ومع ان في بدايته الا اننا نطمح بالكثير
واهنيك على حسن اختياركم للفندق الرائع موقعا ومستوى
والى ان تتمكنين من رفع الصور ، فاننا بانتظار الكثير مما سنستمتع به معكم في عاصمة النور والجمال
تحياتي

المشاركة الأصلية كتبت بواسطة Haneen79


الحمد لله على السلامه اختي غيمة وفا ,
ان شالله تمتعتوا في جمال باريس , الجو كان وايد بارد صح ؟ لان وحده من صديقاتي كانت هناك نفس الوقت
المهم احنا في انتظار المزيد ولا تتاخري علينا بباقي التقرير وهالله هالله بالصور
مع الشكر



هلا حنين

الله يسلمك:115:

وعن المتعة والله كانت متعة لا توصف

والمزيد في الطريق ان شالله

الف شكر:101:

المشاركة الأصلية كتبت بواسطة عاشق الارياف


ننتظر ابداعاتك
وبخصوص الصور ان شاء الله يفيدوك الاخوان



هلا عاشق الارياف

شكرا عالمرور وان شالله تتم الاستفادة

:115:

الاخت الغالية غيمة وفا
بارك الله فيك على هذا التقرير الرائع و على الصور حلوه وجميلة
الله يعطيك ألف عافية و بانتظار تقرير آخر ان شاء الله
تقبلي تحياتي

المشاركة الأصلية كتبت بواسطة غدير



[grade="FF4500 DC143C FF0000 B22222 8B0000"]هلا بالاخت غيمة وفا
تقرير رائع جميل تسلم أيدك ,العام لما رحت ميونخ على شهر يناير شفتها فرق عن الصيف:101: :101:
حبيت أسال عن سعر الغرف مبين عليهم من التصوير نظاف...[/grade]




هلا غدير

الله يسلمك واشكرك عالمرور

واخذنا الغرفتين ب 427يورو في الليلة

وهو فعلا نظيييف وخدمة ممتازة

عن ميونخ والله بالفعل تجننننن في الشتا وكنا في يناير 2005 هناك يمكن شفنا بعض وماندري :101:


لقطات من مطار ميونخ

كان ابيض من الثلج










شكرا غديرعالطلة:101:

المشاركة الأصلية كتبت بواسطة alfarasha


أخت غيمة وفا ماشاءالله عليج في انتظار المزيد من الابداعات:113:




هلا الفراشة

الف شكر عالمرور والتعليق

والمزيد في الطريق ان شالله

يسلموووو:101:

المشاركة الأصلية كتبت بواسطة شامان


الحمد لله على السلامة ... مثل هذه المواضيع والتقارير المتجدّدة تبعث الدفء والحياة في منتدانا الجميل ... شكرا لك ... وننتظر باقي إبداعاتك ...
أخوي و حبيبي .. اللندني ...
لا تكون انت اللي منظم المظاهرة من الطفش؟!! ... عشان تسوّي شوية أكشن وتغيير ... اعترف
والصور تكفى حطّها ترى ننتظرك ....




هلا شامان

الله يسلمك يارب

بالفعل مثل ماقلت تبعث الدفء والحياة

اشكر تعليقك الرائع:101:

المشاركة الأصلية كتبت بواسطة البعد الآخر


أنا ودي أعرف وش فايدة الكيبورد اللي محطوط جنب السرير ؟؟؟
( طلعوا عيال الفقر ) هههههههههههههههههههههههه شكراً على التقرير وواصلي الله يحفظك



هلا البعد الآخر

الله يسلمك ويعافيك

هالكيبورد شغلته مثل ماقال جاسم

تدخل الانترنت منه وتشارك العرب المسافرون وانت على سريرك:109:

مثل


ترا الصور مب واضحة لكنها تؤدي الغرض

تدخل وتختار انترنت

ويجيك الحساب عالغرفة






تدخل لمدة نص ساعة 7 يورو



عذرا عالصور اللي تسوي زغللة في العيوووون:101: :101:


عاد احنا ماعجبنا السعر لان كان عندنا المحمول ونستخدمه يوم كامل 15 يورو





وان شالله نواصل التقرير:115:

شكرا ع التقرير الحلو

مرحبا اختي غيمة وفا ,
الله يعافيج بسرعه نبي الصور , لا تتاخرين علينا ابلييييز
صور برج ايفل وقوس النصر والشانز , اكيد وايد من الاخوان ما قصروا حطوها بس صورج
لها طعم خااص , اتينن واااااااااااااااااايد حلوه
والله يعطيج العافيه

رحله موفقه ماشاءالله والحمدلله على السلامه
في انتظار باقي التقرير.....

المشاركة الأصلية كتبت بواسطة abu_elyazia


غيمة وفا
رائع ،،، والله ذكرتينا بباريس ،،،، أكملي بسرعة جزاك الله خير
والله في فيها ذكريات حلوة ،،، ما زالت حتى الآن عالقة في البال
ولازم أعلق على موضوعك مرة ثانية ( لا تزعلين من كثرة ردي على موضوعك )



مرحبا ابو اليازية

انشالله بنكمل الف شكر للمتابعة

ترا الذكريات الحلوة ماتنسى وتبقى عالقة في الاذهان يثيرها بين الحين والآخر رؤية الاماكن اللي مرينا فيها

وحياك في الموضوع مرة ومرتين والف

يعطيك العافية:101:

المشاركة الأصلية كتبت بواسطة نسيم نجد


الحمد لله على السلامة
أختنا الفاضلة
رؤية المدن في فصول مختلفة يحمل بين جنباته عنصر المفاجأة....و يجعل النفس تعيش لحظات جديدة جميلة...فكل المناظر التي عايشها من قبل في فصل الصيف يجدها اليوم قد لبست ثوب الشتاء...فتعيد النفس التأمل من جديد لما حولها من مناظر...فيعيش المرء رحلتين هي رحلته التي هو يعيش أيامها...ورحلته التي يتذكرها و يقارنها في سابق عهده .
رحلات سعيدة اختنا و أوقات دافئة في شتائها و باردة في صيفها
ودمتم بخير
ملاحظة :
أذا كنتم تملكون جمال صياغة التقارير .....فنحن نسأل في بوابة النمسا أين رحلتكم في الصيف الماضي....( يوه واحد ماينسى )
وفقتم لكل خير




الكاتب القدير نسيم نجد

الله يسلمك يااااارب

أحسنت التعبير والله

وهذا ما حصل بالضبط

يعني مانشوف المدينة بفصل واحد ونكتفي لا بد من التغييير:106:

اما عن التقرير الخاص لبولبة النمسا فاعذرني والله

فعلا طلعت ناكرة الجميل لان اول ما بديت في النمسا واخذ المعلومات منها ومع ذلك جحدتها:108:

لكن ابشر

سينزل التقرير قريبا

اهم شي ينال اعجابكم

الف شكر استاذي الكريم:101:

طلعنا نتمشى

كانت باريس تجنننننننن شرحة وحلوة

وشارع الشانز اللي تضايقنا منه في الصيف طالع يهببببببل في هالوقت

ما كانت الاستراحة اللي يحطونها قدام المطاعم للبحلقة في الرايح والجاي موجودة

والمكان صاير حلووو

الواحد يمشي على راحته



كل شي فيها يقول الله باريس احلى واروع من لندن

لفتت نظري هالبناية

لان الليزر عليها كل ساعة يتغير















اخيرا عرفنا ان عندهم احتفال وفي اليوم الثاني رجعت عادية ولا صارت تتلون مثل ما شفناها

يالله يالله

ذكرتيني بباريس

قمة الروعه

يعطيك العافيه ياغيمة وفاء

ننتظر المزيد

واصلنا المشي حتى وصلنا لقوس النصر
بعد كان عندهم ضيوف واحتفال






















حبيت اصور القمر هناك:101:

المشاركة الأصلية كتبت بواسطة غيمة وفا


عن الصور اللي ودك تحطها اسمح لك اكيييد ليش ما اسمح
ودي اعرف هالشي اللي اثار غضبهم :109:



تسلمي أختي الكريمة ..
وهذي هي الصور ..
وسامحونا على ردائتها .. لأنها كانت مأخوذة بالتصوير العادي .. عام 99 على ما أعتقد ..








المشاركة الأصلية كتبت بواسطة شامان


أخوي و حبيبي .. اللندني ...



ياهلا والله ومسهلا بالأخ والحبيب والصديق الغائب .. شامان ..
بارك الله بأختنا غيمة وفا إللي خلتنا نشوفك عبر تقريرها ..
لك وحشة والله ياشامان ..








المشاركة الأصلية كتبت بواسطة شامان


لا تكون انت اللي منظم المظاهرة من الطفش؟!! ... عشان تسوّي شوية أكشن وتغيير ... اعترف



هههههههههههههههههههههههههه
تصدق عاد .. والله إنها فكرة ..








المشاركة الأصلية كتبت بواسطة شامان


والصور تكفى حطّها ترى ننتظرك ....



من عيوني .. وهذي هي .. أبشربها ..


هنا .. أول ماجيتهم ..




وهنا يوم بدأوا بالتدافع .. والبوليس يحاول يمنعهم ..




شوفوا السمرا إللي على اليمين وهي تأشر علي .. من وقتها وأخوكم ماشاف النور ..
تقل كأني أنا إللي معتقل فيدهم ..
أحمد الله على شدة رجال البوليس معاهم .. وللا كان رحت طعم جحوش ..

[QUOTE=نسيم نجد][COLOR="Blue"]الحمد لله على السلامة
أختنا الفاضلة
رؤية المدن في فصول مختلفة يحمل بين جنباته عنصر المفاجأة....و يجعل النفس تعيش لحظات جديدة جميلة...فكل المناظر التي عايشها من قبل في فصل الصيف يجدها اليوم قد لبست ثوب الشتاء...فتعيد النفس التأمل من جديد لما حولها من مناظر...فيعيش المرء رحلتين هي رحلته التي هو يعيش أيامها...ورحلته التي يتذكرها و يقارنها في سابق عهده .
رحلات سعيدة اختنا و أوقات دافئة في شتائها و باردة في صيفها
ودمتم بخير

مرحبا جاسم

اشكرك عالتوضيح والشرح

والله يسلمك يااااارب

الصوغة مادري وين :101: والجديد في الطريق

الف شكر



:smile125:

مرحبا وردي

الله يوفقك ويسلمك


والباقي في الطريق باذن الله:101:


:smile125:

أختي الكريمة .. غــــيـــمـــــة وفــــــا ..

بداية جميلة وقوية جداا فوق التصور مع جمال الجو الباريسي السحري ..
وصور رائعه واخراج حلوة وأكثر من رائعة ..
وسلمت انامل يداكي

اهليييين Nirvana


العفو حبوبة وياهلا فيك:101:

مرينا على محل العطور القريب من سكنا



اشترينا من هذا العطر الجديد



ودخلنا الفندق

شفتهم حاطين لنا هالشوكلت

ترا الوردتين من محل العطر كان يسوي دعاية لعطره الجديد ويعطينا مع شريطة مكتوب عليها الاسم

المهم انا قصيت عليهم أخذت الشوكليت اللي بالحليب:109:



جلسنا شوي نشوف التلفزيون

ونسولف ونعلق على بعض المواقف الحلوة

ونخطط لبكرة شلون البرنامج

اهم شي الواحد ماينسى ينظف اسنانه قبل النوم خصوصا اذا اكل حلويات :11oth:

يالله تصبحون على خير:thumb_ico

ماشاء الله عليك يا غيمة وفا ...عسى دوم مغيمة علينا بهذه التقاريرالي تشرح الخاطر...
أختيار راقي لماريوت الشانز.. شو تبغين بعد الشانز كــــــــــــله جنبكم...ماشاء الله.

بس ياغيمتنا ويـــــــــــــــــن غيــــــــــــــــــــــــــومهم؟؟؟؟؟
ان شاءالله ما لقيتو زحمة عند برج أيفل؟؟والله زحمتهم قــــــــــــــــرف!!
واصلي...بارك الله فيك...

المشاركة الأصلية كتبت بواسطة الدار

ماشاء الله عليك يا غيمة وفا ...عسى دوم مغيمة علينا بهذه التقاريرالي تشرح الخاطر...
أختيار راقي لماريوت الشانز.. شو تبغين بعد الشانز كــــــــــــله جنبكم...ماشاء الله.

بس ياغيمتنا ويـــــــــــــــــن غيــــــــــــــــــــــــــومهم؟؟؟؟؟
ان شاءالله ما لقيتو زحمة عند برج أيفل؟؟والله زحمتهم قــــــــــــــــرف!!
واصلي...بارك الله فيك...

مرحبا الدار

اشكرك والله عالمتابعة الحلوووة

وفعلا كان اختيار موفق لان كل شي قريب منا ورائع

اما برج ايفل والله كانت الزحمة شديدة وتغير البرنامج كله بس كل شي حلووو

حتى لو تغير:115:

سنوافيكم باذن الله

يعطيك العافيةعلى الانضباع الرائع عن باريس وأختيار موفق للوقت بيعدا" عن دوشة الصيف وربعنا بالشانز

يعطيج العافيه اختي
واحنا بانتظار باقي الصور

مشاء الله ماريوت افضل مكان لسكان هناك قريب او للقهاوي والتمشي في الشانز
ونظيف وخدمه مميزه
وابصور احلى واحلى :113: :113:
الف شكر لك

أمطري علينا المزيد من المطر، أقصد من الصور.
ياأحلى غيمة.
ترانا مستمتعين بالرحلة ، كأننا معكم .
ذكرتي بأن ماريوت بيروت الأكل فيه ألذ من ماريوت الشانز.
يا أختي ( ليش هو فيه أكل ألذ من اللي في بيروت).
فسامحيني ، هناك فرق شاسع جدا بين المطبخ اللبناني والمطبخ الفرنسي.
في كل الأحوال، ننتظر باقي الحلقات .

مرحبا Haneen79

الله يعافييييييك يارب

والباقي في الطريق باذن الله:101:

مرحبا صعب المنال

صدقت والله كل شي قريب منه واهم شي النظافة والترتيب والخدمة

شكرا لحضورك وتعليقك:101:

اهلييييين السيدة الاولى

اوكيييييييك سامطر الكثير من الصور:101:

~~~

بس تدرين انا مااقصد بالاكل البيروتي الغدا والعشا والمشاوي والمقبلات

لألألأ

اقصد مالذ وطاب من الكرواسان اللي بالاصل فرنسي:101:

والكيك والاشياء اللي تقدم في الفطور وعصير البرتقال الفرش اممممممم يا ااااالهي

كل هذا فقدته في ماريوت باريس:109:

أما المشاوي انا ما احبها وايد الصراحة:108:


يسلموووو سيدتي عالحضور والتعليق الحلووو:115:

كانت الزحمة شديدة عند البرج

وقلنا بدل ما نضيع وقتنا ونوقف في هالطابور والبرد

نركب في الباص السياحي

قطعنا تذاكر وركبنا فوق وعطونا سماعات ومشينا

بعدما ركبنا صورت الطابور اللي عند البرج




والله كان برد والشمس طالعة ولا تسوي شي:11ld:

الحمدلله كنا لابسين عدل

اهلييييين سفريات

الله يسلمج حبوبة

ترا سفر الشتا حلو حلولاتفوتينه والله يوفقج لآحلى سفرة

ان شالله بنكمل التقرير بس كان ودي بصراحة انزل لقطات فيديو بس للاسف ماعرف شلوووون

وصلنا محطة قوس النصر يوقف الباص هنيه لان في ناس يركبون وناس ينزلون



وهناك عاد ياكثر اللي يطرون بس وانا قاعدة في الباص فاضية اشوف حركاتهم
كنت اصورهم والله اكتشفت عندهم حركات
بغيت انزل من الباص واكفخهم:112:

مرينا على هالفندق

بصراحة روعة



التقطت له صورة

وصورت البنتلي اللي واقف قدامه:101:

مرحبا ودادي

شكرا لك لمرورك

ترا الرحلة كانت اكثر من رائعة

احلى تحية:101:

مرحبا مشرفنا القدير

لك الشكر الجزيل على المتابعة الحلوة والله يسلمك يارب

والصراحة الباص المكشوف باالرغم كنا نشوفه بس اول مرة نجربه في هالرحلة كان حلو والجولة فيه متعة

شكرا آخر الفرسان

ونشوفكم السنة الجاية باذن الله على خير

مرحبا ابو خالد

العفو اخوي

وان شالله تلقى الوقت وتكتب لنا اتوقع ان بيكون شي رائع

شكرا لحضورك وتعليقك:101:

بعد ما شفنا الزحمة ذاك اليوم عند برج ايفيل والجو قلنا نخليه ليوم ثاني

فطرنا وطلعنا فوق نتجهز


كانت السما تمطر فأخذنا المظلات وطلعنا والجو بارد ويجننننن:101:

مشينا من الفندق الى قوس النصر لأن الباص يوقف هناك وتذكرته اللي أخذناها امس سارية المفعول



قررنا نركب معه وبالمرة نتمشى فيه واحنا راجعين

وصلنا وطبعا ركبنا تحت ما قدرنا نقعد فوق مثل امس لان مثل ما قلت مطر




هذولا مادري ليش صورتهم بس عليهم لون عجييييب

مشى الباص

وصلنا البرج ومثل ما توقعنا الزحمة معقولة وعادية ويمكن شبه خفيفة


كيفت عاللقطة عشان انعكاس البرج عالارض وهي مبتلة طالع شي





هنيه كنا نعطي الحمام خبز يحليلهم افرحوا و تجمعوا عندنا

حتى النورس جاي يركض من بعيد :101:





صعدنا


































المبنى الطويل اللي عن اليسار " هلتون باريس "

بعدما شبعنا من الجلسة فوووق وتأملنا مناظر باريس الرائعة
وشفنا المتحف المبسط اللي فوق من خلف الزجاج بس مادري وين لقطاته
قررنا ننزل



واحنا نازلين








بعد مانزلنا
لابد من المرور على بحيرة البط القريبة من ايفل






لقطة أخيرة للبرج






في طريقنا للباص





الحمدلله كانت ينتظر وركبنا
واكيد تحت لان فوق مطر والمقاعد مبلولة

لقطات من البرج توني شفتها وبحطها معليش عاللخبطة


المحل اللي في الدور الاول يبيع الهدايا التذكارية لباريس وايفل
~~~
احد المصاعد الموجودة هناك





~~~

العباقرة اللي صمموا البرج موجودين في المتحف البسيط اللي قلت عنه في اعلى البرج

سبحان الله مسوينهم بطريقة تقل اللي واقف قدامك صج مب تمثال





وفي لقطات لهم ما حطيتها لان التصوير من ورا الزجاج شوي بايخ:101:

صحينا والحمدلله كنا مرتاحين

خططنا لطلعة الليلة كان اهم شي عندنا زيارة بعض المحلات لشراء الملابس والعطور والهدايا


بعدما صلينا طلعنا

مثل ما قلت باريس تجننننننن في نوفمبر حسيت فيها بانشراح في الصدر والله قلت خسارة الوقت اللي رحناه لندن

كل شي فيها حلو

اتخيل حتى لوما كنا نروح مكان يكفي بس القعدة هنا

في هالليلة مادري ايش اللي حاصل كانت زحمة السيارات شديدة

ترا ركبنا في الباص والتذكرة مازالت سارية المفعول:101:

لان مدة التذكرة يومين اخذناها امس بـ 18 يورو للشخص





وبما ان التصوير الليلي يبي له تركيز اكثر ما قدرت اصور وايد من الباص:11oto:

وصلنا المحطة اللي قبل برج ايفل ونزلنا





وصارت تمشية وتسوق مرينا على كذا محل ماعجبنا

وآخر شي ما شرينا الا من المحلات القريبة من السكن:109:

بس زين ان مشينا مسافة طويييييييلة يعني رياضة حلووة



هالمحل لاصق بالفندق

مرينا على محلات حلوة في شارعنا

خلصنا من اللعبة الحلوة ورحنا لغيرها







لقطة مع الوحش:101:

طريقة مباني المدينة حلوة









واخذنا تفاحة سنو وايت:101:

الصراحة .. تقرير جميل جدا و ( ظريف ) للغاية ...

ماقصرتي يا بطلة!

متألقة كالعادة غيمة وفا
حسستينا و كانا مسافرين معاج ..
تسلمين عالمجهود الحلو يالغالية

يالله الموضوع شكله كان رائع ولكن للأسف مالحقت على الصور