الموضوع: في ضيافة شتاء اليابان البارد

[ALIGN=justify]الحمدلله على سلامتكم :3pwrl: أخي العزيز :36_1_39: ونحن في إنتظار ماسينقله لنا مراسلنا في اليابان Mr. Jo :101: والمتواجد في قلب الحدث = تقرير Live :0kw2q: والله يعينكم على شتاء اليابان القارس بإجازتكم ، وحاولوا إستغلال الوقت الثمين في القيام بنشاطات وإستكشافات :4fz28: لم يتطرق إليها أحد من قبل .[/ALIGN]

الله يحفظكم في حِلكم وترحالكم

الفصل الأول: 28-يناير-2010

توجهت لمطار دبي مساء الأربعاء برفقة شريكي في هذه الرحلة وهي شريكة حياتي وزوجتي الغاليه أم علي!

وصلنا إلى مطار أوساكا كانساي حوال الساعة 7:20 مساء توقيت اليابان بعد رحلة طويلة جداً من دبي إلى هونغ كونغ مروراً بالصين تايبيه! عن طريق طيران كاثي باسيفيك !

الحمدالله كانت الامور في المطار جداً سهله وميسره وخرجنا من المطار واستقلينا الحافله باتجاه أولى محطاتنا في رحلتنا إلى اليابان وهي مدينة أوساكا قلب كانساي النابض!




الهدف كان منطقة Tennoji وبالتحديد فندق شيراتون مياكو اوساكا Sheraton Miyako Hotel, Osaka الملاصق لمحطة "أويهاماتشي" Uehommachi القريبة جداً من المنطقة الحيوية Namba
الفندق جميل جداً وأنا أتعجب جداً صراحة من آراء الناس السلبية ومن التقييم السيء لهذا الفندق!




وهذا أول منظر من الغرفة



المهم وصلنا ومن زود التعب رقدنا أكثر من 14 ساعة حتى ظهر اليوم الثاني

وبما أنه ماكانت هناك أي مغامرات في هذا اليوم راح أذكر لكم كم موقف صار لنا يعطيك انطباع ان هذا البلد بالفعل رااائع بكل ما للكلمه من معنى!

1- أول ماوصلنا مطار كانساي قمت أدور عن كشك التذاكر لشراء تذاكر الباص من المحطة للفندق مباشرة .. ومن زود فلسفتي قلت لزوجتي اقعدي في مكان وانا بقوم ادور .. لفيت المطار مالقيت شي .. آخر شي شافني واحد وقلت له تتكلم انجليزي؟ .. قال يس.. قلت له انا ابا اخذ تذكرة للباص المتوجه للفندق في اوساكا .. قال اوكي سير .. بس انا من الشرطة اليابانية والامن ويراويني الشارة ويقولي ممكن جوازك لو سمحت .. ((قلت يمكن شاك فيني الريال لووول)) .. قلت اوكي تعال ماعندي مشكلة الجواز عند زوجتي في الشنطة .. لما عرف ان زوجتي معاي قعد يعتذر وقمت عطيته الجوازين .. وبعدين قعد يشوفهم وهو يعتذر .. ويعتذر عن اي احراج او ازعاج لنا مع انه ماسوى شي ابد!! ومارضى الا انه يوصلنا برع ووصلنا عند ماكينة التذاكر وخذ لنا تذاكر الباص ووصلنا للباص وتكلم مع راعي الباص انه ياخذنا للفندق ... وفي النهاية سلم علينا وتمنى لنا التوفيق في هذه الرحلة .. والله انه في غاية الاحترام 


2- لما بدا الباص يتحرك شفت مباشرة باتجاه المسؤولة والمساعدين في الخارج وكلهم منحنين رؤوسهم احتراما لنا حتى تحركنا وانطلقنا ونفس الموقف تماما لما دخلنا لوبي الفندق الكل هناك انحنوا .. والله كم كانت سعادتنا كبيرة في اول ليلة هناك في اليابان وبهذه الطريقة!


هكذا كانت أول ليلة لنا في اليابان .. والقادم احلى وأحلى ... وهنالك العديد من المفاجآت الجديدة بعون الله .. فترقبوها !!


أشياء أعجبتنا في اليابان ليومنا هذا ((اللستة ستطول بالتأكيد))):

- لباقة الشعب الياباني المحترم جداً
- هوس الشعب الياباني بركوب الدراجات
- احترام الوقت! والمواعيد الدقيقة جداً
- النظام .. النظام .. النظام .. !
- النظافة .. موجودة في كل مكان!
- طلاب المدارس والاطفال كذالك .. يروحون واييون ويطلعون من دون اهاليهم! ولباقتهم من صغرهم .. لدرجة إني لاحظت انهم لما يشوفون الاكبر يحترمونه بكل الاحوال حتى لو كان أجنبيا!

- هناك حقيقة أخرى اتفقنا عليها انا وزوجتي أعتقد أنني يجب أن أذكرها في سياق هذا التقرير ... أن اليابانيات أنيقات جداً جداً جداً.. كشيخات من الخاطر يعني .. ومع احترامي لكل الآراء فأنني أعتقد أنهم الاكثر أناقة!!!


هكذا هي البداية .. اتمنى قد وُفقت ان شاء الله .. مع الوعد بأن القادم احلى
تحياتي

المشاركة الأصلية كتبت بواسطة QJQ
http://www.arabtravelersforum.com/tr...6/#post3581106

[ALIGN=justify]الحمدلله على سلامتكم :3pwrl: أخي العزيز :36_1_39: ونحن في إنتظار ماسينقله لنا مراسلنا في اليابان Mr. Jo :101: والمتواجد في قلب الحدث = تقرير Live :0kw2q: والله يعينكم على شتاء اليابان القارس بإجازتكم ، وحاولوا إستغلال الوقت الثمين في القيام بنشاطات وإستكشافات :4fz28: لم يتطرق إليها أحد من قبل .[/ALIGN]

الله يحفظكم في حِلكم وترحالكم

الله يسلمك ان شاء الله من كل شر هيه والله الجو باارد بس جميل جداً في نفس الوقت
أفاا عليك حاضرين ان شاء الله .. والسبب أننا أحببنا هذا البلد ونسعى للاستمتاع بكل لحظة هنا!

بالنسبة للاستكشافات .. طبعا بالنسبة لطوكيو واوساكا ... اعتقد انكم أبد ماقصرتوا .. بس ان شاء الله انتظر المفاجآت الأخرى اللي أتمنى تكون مفاجاة جميلة وإضافة لهذا المنتدى

تقبل تحياتي

الله يعطيك العافيه اخوي mr jo وتمنياتي لك برحلة موفقه ومليئه بالمفاجأت الساره انت وحرمك المصون

متابعين

يااااه اليابان باردة جداً في الشتاء ، الله يعين .
أحسنت .

Mr. Jo ...

مرحبا و الله الغالي .. وقف وقف سجلني معاك الله خليك ومتابعنك .. لأبعد الحدود .

و الله اسلوبك جميل ومزوده بصور رااائعه . اسأل الله ان يحفظك في حلك و ترحاااالك يااارب و اهلك كذالك .

اخويه زيد من الصور .. ادري ان تعب عليك و لاكن نحن نستانس لأبعد الحدود ..

بارك الله في اناملك ورحلة سعيده .

المشاركة الأصلية كتبت بواسطة Stranger Man
http://www.arabtravelersforum.com/tr...6/#post3581436

الله يعطيك العافيه اخوي mr jo وتمنياتي لك برحلة موفقه ومليئه بالمفاجأت الساره انت وحرمك المصون

متابعين



الله يعافيك إن شاء الله أخوي Stranger Man وتسلم أخوي وماتقصر على الامنيات ..
وان شاء الله راح تشوف اللي يسعدك

المشاركة الأصلية كتبت بواسطة BUSHARAF
http://www.arabtravelersforum.com/tr...3/#post3582353

يااااه اليابان باردة جداً في الشتاء ، الله يعين .
أحسنت .



هيه والله اخوي بوشرف . هي باردة جداً .. بس برادها حلو على القلب

المشاركة الأصلية كتبت بواسطة بوحمده uae
http://www.arabtravelersforum.com/tr...1/#post3582461

Mr. Jo ...

مرحبا و الله الغالي .. وقف وقف سجلني معاك الله خليك ومتابعنك .. لأبعد الحدود .

و الله اسلوبك جميل ومزوده بصور رااائعه . اسأل الله ان يحفظك في حلك و ترحاااالك يااارب و اهلك كذالك .

اخويه زيد من الصور .. ادري ان تعب عليك و لاكن نحن نستانس لأبعد الحدود ..

بارك الله في اناملك ورحلة سعيده .

هلا وغلا ... مراااحب أخوي بوحمده

تسلم أخوي وماتقصر على هالاطراء ... والله يحفظك وجميع الامه الاسلامية ان شاء الله

ان شاء الله بحاول اني احط صور على قد ما اقدر .. مع ان معظم الصور عائيلة بس ان شاء الله راح تشوووف اللي يعجبك

تابع وراح تعرف ليش اليابان "غـــيـــر"

تحياتي لك اخوي

الله يحفظك انت وزوجتك انشاءالله شكلنا موعودين بتقريرمميز جداااااا سجلني متابع وبقوة اخوي

[CENTER]

المشاركة الأصلية كتبت بواسطة المسافر عربي
http://www.arabtravelersforum.com/tr...1/#post3582661

الله يحفظك انت وزوجتك انشاءالله شكلنا موعودين بتقريرمميز جداااااا سجلني متابع وبقوة اخوي



الله يحفظك أخوي المسافر وتسلم وماتقصر اخوي
إن شاء الله يكون مميز بمتابعتكم ومشاركتكم الدائمة ... تابع ان شاء الله وسألقي الضوء على الياان أكثر مما عرفناها ان شاء الله [/CENTER]

الفصل الثالث: 30-يناير-2010


اليوم ماشاء الله علينا قمنا من وقت .. اليوم كان جدولنا طويل .. ولكن أخفقنا في تحقيقه كامل .... وفوق هذا كله سوينا فيلم هندي ويا الميترو .. اليوم احنا مضيعين من الخاطر لدرجة انه لين هاليوم بعدنا ماكنا فاهمين قصة الميترو وآلية عمله ..

المهم اليوم قررنا مانطلع من محطتنا على الرغم انه نقدر ناخذ قطار من محطتنا إلى المحطة التالية وناخذ الطريق الداخلي باتجاه محطة قصر اوساكا ..قررنا نطلع من الفندق مشي على الاقدام في هالجو البارد



ووصلنا لمحطتنا التاليه وخذنا القطار على محطة قصر اوساكا .. نزلنا المحطة وتمشينا في هالجو البارد والحلو في نفس الوقت .. بدينا في حدائق قصر أوساكا وصولا إلى القصر .. والنتيجة مزيج جميل من صور الطبيعة ممزوجة بحضارة يابانية قديمة:
- في طريقنا لاحظنا هالخطوط الصفراء الموجوده في كللل مكان هي الخطوط التي أقرتها الحومة اليابانية لمساعدة المكفوفين .. وتطرق لموضوعها الاستاذ أحمد الشقيري في برنامج خواطر 5 .. هي بالفعل موجوده في كلل مكان تقريبا!! شي جميل ..



- وبعدين أبا اعلق تعليق صغير على هالصورة .. واحنا نتمشى كانوا العمال يشتغلون والطريق مغلق في طريقنا ولم يكن من الممكن لنا المرور الا من داخل الشارع .. ولو تلاحظون انهم وضعوا الاقملاع في الشارع ووقف ثلاث اشخاص مهمتهم فقط تسهيل تجاوزنا لهالمنطقة من دون أذى !!! بدون تعليق ..



- المهم وصلنا المحطة واول شي شفنا هالشباب المولعين بالبيسبول في الملعب الموجود هناك .. لو كانوا يلعبون كرة كنت بلعب وياهم يمممكن ياخذوني محترف خخخخخ



- وهذا جزء من الحديقة جانب القصر





- وشوفوا الناس اللي تعشق الرياضة .. الكل يجري ... وانا اول واحد تعبت خخخ بس من المشي وهم ماشاء الله كل واحد يركض 



- هذه البحيرة المحيطة بالقلعة



- طبعا انا من المشي تعبت .. كيف وانا اشوف هالدرج اللي راح اطلعه كامل  !!! الله يعين بس واوصل فوق 



- اووه وصلت نص الدرج وحصلتها فرصه اني ارتاح واصور هالجهة خخخ



- والصورة التاليه بعد ماصعدت فووق .. اعلى الدرج .. بس بعده الطريق للقصر يطول










- واخيييرا وصلنا القصر!! مايسوى علينا !! 





- صورنا من داخل أسوار القصر ..





- صورنا واحنا فوق





- واحنا نازلين شفنا هالحديقة الجميلة باللون الاحمر .. وشفنا الناس والمصوريين المحترفين موجودين بكثرة .. حاولت اجاريهم بس بعدين آثرت الانسحاب خوفا على مشاعرهم خخخ







- المهم خلصنا من القصر .. وانطلقنا باتجاه محطة "اوساكا" "اوميدا" ... وتمشينا فيها شوي



ووصلنا "أوميدا سكاي بيلدنغ" والتقطنا هالصور من المنطقة الشهيرة:







من فوق المبنى شفت هالصورة المنتشرة بكثرة في اليابان وبطريقة كبيرة وهي الباركنات اللي فوق السطح .. ومنها طابق واثنين 





- ونرجع للصور من فوق المبنى لمدينة اوساكا












- عندي تعليق دائما وفي كل المحطات توجد هالاشارات اللي تحديد اتجاه المشاة كذالك وليس فقط السيارات .. وهناك التزام كبير من اليابانيين في هالموضوع ..



المهم خلصنا وبعدييين شووو صار يا شباب ؟؟؟ الهدف الثالث والاخير كان "الاكويريوم" !! عندنا فضول نشوفه .. بسسسسسسس اتعرفون شو صار ... صار لنا فيلم هندي وضيعنا وكل شوي نركب قطار وننزل .. وشفنا اعمارنا في يونفيرسال ستوديوز !! وبعد ماقعدنا درسنا الخرائط عرفنا كيف نسير لكن في النهاية وبعد ماحل فينا التعب قررنا العودة للفندق والراحة ..

واحنا في الفندق نفكر وين وجهتنا غدا صباحا ... كنا محتارين بين الاكويريم و منطقة نامبا التي احببناها ! قلنا خلنا نرقد ونعين من الله خير ونقرر في الصباح إن شاء الله.. فترقبوا القرار النهائي!!! 

تحياتي!

[ALIGN=CENTER]
[ALIGN=justify]الله يعطيك العافية أخوي العزيز Mr. Jo ومشكور على هالأجزاء الحلوة :24: والصور اللي نقلتنا إلى قلب الحدث [ ذكرتنا بالذي مضى ] وإن شاء الله تستانسون في اليابان ، وحاول توثق كل شي مهم عشان ماتنسى :101:

على فكرة : كيف تحصل وقت تكتب تقرير وإنته في طوكيو :114:[/ALIGN]
[/ALIGN]

الله :icon_chee يحفظكم

wooow
soo coool
first thank god that you safe and enjoying the trip
second its great report special that you still podcasting from japan
finally its not the same fish man because i believe that guy still truing at kawaguchiko lake

take care
and sorry for the english i don't have an arabic keybord now

المشاركة الأصلية كتبت بواسطة QJQ
http://www.arabtravelersforum.com/tr...9/#post3583569

[ALIGN=CENTER]
[ALIGN=justify]الله يعطيك العافية أخوي العزيز Mr. Jo ومشكور على هالأجزاء الحلوة :24: والصور اللي نقلتنا إلى قلب الحدث [ ذكرتنا بالذي مضى ] وإن شاء الله تستانسون في اليابان ، وحاول توثق كل شي مهم عشان ماتنسى :101:

على فكرة : كيف تحصل وقت تكتب تقرير وإنته في طوكيو :114:[/ALIGN]
[/ALIGN]

الله :icon_chee يحفظكم

الله يعافيك أخوي QJQ وشكرا على المتابعة الدائمة وان شاء الله التقرير ينال اعجابك والاعضاء
أحاول بقدر الامكان توثيق المراحل خطوة بخطوة واتكلم عن كل شي شفته لما خذت الكاميرا معاي للحدث ...

أمممم احنا نحاول الاستمتاع بكل لحظة لنا في اليابان الحمدالله .. مرات نطلع الصبح من وقت نستكشف .. ونرجع وقت العصر مثل هالوقت الحين وبعدين نطلع بالليل مرة ثانية نتجول .. وآخر الليل نرجع و ونقعد نكتب مذكراتنا .. وانا احاول انقل بعض الاحداث من هنا إلى الجميع

والجزئين القادمين إن شاء الله تكون إضافة للمنتدى ..

تحياتي لك أخوي

المشاركة الأصلية كتبت بواسطة 2aj
http://www.arabtravelersforum.com/tr...4/#post3583794

wooow
soo coool
first thank god that you safe and enjoying the trip
second its great report special that you still podcasting from japan
finally its not the same fish man because i believe that guy still truing at kawaguchiko lake

take care
and sorry for the english i don't have an arabic keybord now



وانا برد عليك بالانجليزي :1qd86:

Hello Brother 2aj,
thanks brother for the nice wishes! and appreciate your supportive words
hopefully you like the coming parts

just follow up and you will see

take care bro

شباب ... أريد موقع لرفع الصور لأني أعتقد وصلت للحد الاعلى المسموح لي في المنتدى؟

في انتظار ردودكم لتكملة الموضوع بأسرع وقت ممكن إن شاء الله

تحياتي

بالفعـــــــل رائعــــــــه منطقــة كوبيـــه بشرحك وأسلوبك الراقي أخي الفاضل

سلمت يداك على هــذهـ الصور من بلـــــــد النظـــــــــام والالتزام والاحترام للغير

تقبل تحياتي وتقديري أخي العزيز ،،

هل لي يا أبا علي بمقعد وثير في ضيافتكم؟

يُحبذ أن يكون في الصف الأول على الرغم من أنني أتيت متأخراً

تسجيل حضور و إعجاب بما كتبت

المشاركة الأصلية كتبت بواسطة أبن السعودية
http://www.arabtravelersforum.com/tr...7/#post3586447

بالفعـــــــل رائعــــــــه منطقــة كوبيـــه بشرحك وأسلوبك الراقي أخي الفاضل

سلمت يداك على هــذهـ الصور من بلـــــــد النظـــــــــام والالتزام والاحترام للغير

تقبل تحياتي وتقديري أخي العزيز ،،



تسلم أخوي العزيز "أبن السعودية" على الاشادة

والله يسلمك ان شاء الله ومرحبا فيك أخوي كل حين وكل وقت وأتمنى ان شاء الله ان ينال التقرير اعجابك

تحياتي لك

المشاركة الأصلية كتبت بواسطة Star Xx
http://www.arabtravelersforum.com/tr...5/#post3586515

هل لي يا أبا علي بمقعد وثير في ضيافتكم؟

يُحبذ أن يكون في الصف الأول على الرغم من أنني أتيت متأخراً

تسجيل حضور و إعجاب بما كتبت




هلا وغلا والله أخوي العزيز "Star Xx"

ومرحبا فيك أخوي كل حين وكل وقت

تحياتي لك

الفصل السابع: 3-فبراير-2010 (شينجوكو – هاروجوكو – اوميتساندو)

اليوم احنا حابين ان شاء الله نستكشف اماكن تسوق أكثر .. هاي نصيحة لكل شخص متزوج يروح على طوكيو يحط ميزانية محترمة لأن للتسوق هناك طعم ااخر والله يعينك 

وصلنا اول محطاتنا اليوم شينجوكو ... واللي تعتبر احدى اهم المناطقة الحيوية في طوكيو ...


اول ماطلعنا من محطة شينجوكو .. قلنا بسم الله .. وبدينا نتجول ونشوف حوالينا محلات اشكال والوان ..


وقلت لااازم اصور هالمطعم ... خلاص عيبتني الصورة فصرت أدور عنه في كل مكان 


وهذا جانب من شوارع شينجكو ومن المحلات الموجودة في هذه المنطقة ...




وهذا المحل موجود في مكل مكان تقريبا في اليابان ...


وهاي الساعة الشهيرة في محطة شينجوكو ...


وواصل تجولنا ..


ووصلنا تايمز سكوير ....


وكملنا مشوارنا .. المنطقة بشكل عام جيدة .. بس يمكن الاسعار شوي غالية مقارنة ببعض المناطقة الاخرى ... لأن المحلات المتوفرة فيها محلات كبرى ...





--------------------------------------------------------------------------------------------------------------------------------------------------

بعدين رجعنا الفندق .. نرتاح شوي ... وبعدين اتجهنا إلى "هاراجوكو" .. التسوق في هالمنطقة جداً جميل  والاسعار منااااسبة جداً  واغراضهم حلوة ..

وخاصة هالشارع الرئيسي للسوق ...





وبعد ما انتهينا واستكشفنا البضائع والاسعار واللي اعجبتنا جداً .. ولنا لها عودة قريبة ان شاء الله للتسوق فقط  .. خرجنا من السوق باتجاه شارع على النقيض .. على طول هالشارع ماركات عالمية شهيرة جداً مثل بربري وغيره ... هالشارع هو "اوميتاساندو" ... وهذه بعض الصور للشارع






وانتهينا وقلنا خلنا نرجع باتجاه هاروجوكو .. لكن ما شاء الله زاد البرد والامطار وقلنا خلنا نرجع للفندق .. فاستقلينا القطار عائدين للفندق ... واحنا في محطة "ميغورو" في انتظار باص الفندق .. تسااااقط الثلج بشكل جميل 
وسلامتكم بهاليوم!

روووووووووووووووعه تقرير من جد اكثر من رائع
تسلم الايادي على هالمجهود وربي يجعل كل رحلاتك موفقه

لايزال مراسلنا العزيز Mr. Jo يتحفنا بتقريره الـ Live ونحن نصحبه في رحلته بمختلف تفاصيلها من خلال السرد المفصل والصور الرائعة . الله يعطيك العافية .

تسجيل متابعة
ودي اروح اليابان

مشالله عليك اخوي الله يسعدك .. تمنيتك مريت على كيوتو فهي مدينه جميله تستاهل الزيارة

حبيت اسلم اخي العزيز qjq وتمنياتي له بالصحه والعافيه

المشاركة الأصلية كتبت بواسطة توتوتوتوتوتو
http://www.arabtravelersforum.com/tr...2/#post3587402

روووووووووووووووعه تقرير من جد اكثر من رائع
تسلم الايادي على هالمجهود وربي يجعل كل رحلاتك موفقه




الله يسلمك ويوفقك ان شاء الله
وتسلم على هالاطراء الجميل .. وان شاء الله التقرير ينال اعجابكم حتى النهاية

المشاركة الأصلية كتبت بواسطة Star Xx
http://www.arabtravelersforum.com/tr...2/#post3588082

بالتأكيد نحن نحلق معك يا أبو علي في هذه الرحلة الآنيّة كما لو كنّا معك

و أيضاً يبدو من خلال الصور التي تبعثها لنا أن تنظيم الطرقات يتم بشكل سلس لفك أزمات الإختناق المرورية

تمنيت فقط لو تحدثت لنا بإستفاضة عن تجربتك في القطار الياباني المزود بالـaed و أنت تعلم جيداً ان القطار إختراع معطّل في خليجنا الحبيب!

ولا أنسى الإشارة إلى إعجابي بدقة تصويرك و وضوحه و سعة بالك في رفع الصور..

أطيب المُنى



الله يخليك أخوي العزيز Star Xx على المتابعة الدائمة
هيه والله صدقت .. اعمال الطرق هناك تسير بخطى ثابتة لقتل حالات الاختناق المروري في العاصمة!

وان شاء الله من عيوني .. طلباتك اوامر اخوي .. راح اتكلم عن تجربتي مع القطارات وكل شي في اليابان بالتفصيل ان شاء الله لما ارجع ال Home ان شاء الله

وتسلم على المتابعة الدائمة والتشجيع الرائع

تحياتي لك!

المشاركة الأصلية كتبت بواسطة ZoZo16
http://www.arabtravelersforum.com/tr...0/#post3590280

تسجيل متابعة
ودي اروح اليابان



أهلا بك أخي الكريم
وان شاء الله تروح اليابان وتستمتع بهذا البلد الرااائع

المشاركة الأصلية كتبت بواسطة Stranger Man
http://www.arabtravelersforum.com/tr...2/#post3590722

مشالله عليك اخوي الله يسعدك .. تمنيتك مريت على كيوتو فهي مدينه جميله تستاهل الزيارة

حبيت اسلم اخي العزيز qjq وتمنياتي له بالصحه والعافيه



مرحبا فيك أخوي العزيز Stranger Man

بصراحة أخوي انا فكرت اروح على كيوتو ... لكن المشكلة عندي هي ضيق الوقت ... وانا اقولك بصراحة .. أنا أضفت اوساكا وكوبيه قبل السفر باسبوع فقط

قريت عن جمال كيوتو وفكوكا .. وان شاء الله الرحلة القادمة ستشمل هالمدينتين وممكن نارا وناجويا بعد اذا لنا في العمر بقية ان شاء الله

تحياتي لك

الفصل التاسع: 5-فبراير-2010 (أكيهابارا)

اليوم احنا ندور على الكترونيات وأنمي لنسترجع ايام الطفوله ...

ومن تقارير الاخوان .. أكيهابارا

بسم الله وتوكلنا على الله ...
وصلنا المحطة المطلوبة واول مانزلنا واحنا نتبع هالاشارة ...



واول ما طلعنا من المحطة شفنا هالمحلات .. وبسم الله ودخلنا محل محل



واولهم هالمحل ..



وبعد هالمحلات اللي في الممرات الضيقة ..



ودخلنا الشارع الرئيسي ...








وبعد هالمحل الرااائع




لمحبي "الويي" .. الوااان وايد



واحنا في الطريق نتمشى .. شفت هذا الثاني



وكملنا تجوالنا ...



ووصلنا آخر الشارع .. قلنا خلنا نرجع




وشفنا هالمحل الكبير "يودوباشي" متخصص للكاميرات



وفي النهاية قررنا العودة للفندق لأخذ قسطا من الراحة






واعتذر اليوم ايضا عن قلة الصور ... وبعدين لما رجعنا الفندق ... نفس البارحة .. طلعت انا وام علي من دون الكاميرا للاستمتاع والتسوق ....

الفصل العاشر: 6-فبراير-2010 ((تسوق)) & الفصل الحادي عشر: 7-فبراير-2010 ((تسوق))

هاليومين هما لأم علي 100% ((ديمقراطية))

اليوم حاب اعتذر عن عدم التقاطي أي صور تاريخ 6-فبراير ... و7-فبراير ... لأنهم كانت ايام خاصة جداً للاستمتاع بطوكيو وبالتسوق في (شيبويا - هاروجوكو - أكيهابارا) كونهم ااخر يومين لنا في طوكيو .. مع اني رايح ان شاء الله اليوم على "هاروجوكو" شوي ابا اشوف اشكالهم يوم الاحد لاني حسب ماخبرونا الاخوان في تقاريرهم انه يوم خاص .. وبحاول التقاط بعض الصور .... وبالنسبة لهاليومين راح اضيف كم معلومة عن بعض الاماكن اللي زرناها وكانت جميلة جدا ومفيدة للتسوق بطعم طوكيو الخاص في وقت لاحق ان شاء الله ....


ومثل ماقلت .. اليوم تاريخ 7-فبراير .. اخر ليلة لنا في طوكيو ان شاء الله قبل المغادرة غداً ظهرا إلى محطتنا الاخيرة ... ماراح اخبركم شو هي ... كونوا في الانتظار من هناك ان شاء الله راح اتواصل معاكم

وانا جدا متحمس للمحطة الاخيرة .. اللي كانت الهدف الرئيسي من الرحلة كاااملة ... كونوا في الانتظار ...

تحياتي للجميع وللمتابعين بالذات!


إلى لقاء متجدد!!

الله يهديك لون كنت أدرى كنت سألت زوجتك الله يبارك فيها تسألى عن حبوب ماركة شيسيدو وتجيب لى الرابط الحقيقى لهم
لأن أبى اشتريهم
ما تعرف أحد الحين فى اليابان ممكن يساعد

المشاركة الأصلية كتبت بواسطة عازة نفسى واثقة
http://www.arabtravelersforum.com/tr...9/#post3591039

الله يهديك لون كنت أدرى كنت سألت زوجتك الله يبارك فيها تسألى عن حبوب ماركة شيسيدو وتجيب لى الرابط الحقيقى لهم
لأن أبى اشتريهم
ما تعرف أحد الحين فى اليابان ممكن يساعد



هلا اختي "عازة نفسى واثقة"

انا مافهمت شو تقصدين بالرابط الحقيقي لهم؟ الويب سايت مالهم ؟ هذا هو : http://www.shiseido.com/index.htm

وتقدرين تختارين اليابان .. بس الموقع كله ياباني؟

تحياتي

Ginza
رووووعه بالفعل ذكرتني بهالمكان الي كله موسيقا وناس كاشخه

بشاركك بهالمقطع حمستني ارفعه لكم



Akhabara
ارشيا ماسييييين ارشاي ماسييييييين
ههههههه استمتع

ونصيحتي لك ولام علي لاتترك التصوير لانك بتتندم اذا جيت تذكر هالايام

وبالنسبه لابل ستور 5 ادوار فارهم فر وعسا جربت الاصنصير حقهم الالي؟

رحله سعيده اخوي

جزاك الله خير مااا قصرت
بس بعرف فى عندهم ماركات نفس الحالة بس غير شيسدو
وأنا ودى من اليابان مباشرة بس مو عارفة أراسلهم فى حبوب يبيعونها باليابان

ألف شكر على المساعدة

المشاركة الأصلية كتبت بواسطة 2aj
http://www.arabtravelersforum.com/tr...9/#post3591369

Ginza
رووووعه بالفعل ذكرتني بهالمكان الي كله موسيقا وناس كاشخه

بشاركك بهالمقطع حمستني ارفعه لكم



Akhabara
ارشيا ماسييييين ارشاي ماسييييييين
ههههههه استمتع

ونصيحتي لك ولام علي لاتترك التصوير لانك بتتندم اذا جيت تذكر هالايام

وبالنسبه لابل ستور 5 ادوار فارهم فر وعسا جربت الاصنصير حقهم الالي؟

رحله سعيده اخوي

هلا هلا أخوي 2aj
تسلم على المتابعة الدائمة والاضافات ....فعلا انا أحببت كل الاماكن اللي زرتها من شيبويا .. هاروجوكو ... شينجوكو .. جينزا ,,, أكيهابارا

طبعا جربته .. وانا تحت وفوق ادور الزر عشان اضغطه خخخ بس كان جدا جميل المكتب

تحياتي لك

المشاركة الأصلية كتبت بواسطة عازة نفسى واثقة
http://www.arabtravelersforum.com/tr...7/#post3593677

جزاك الله خير مااا قصرت
بس بعرف فى عندهم ماركات نفس الحالة بس غير شيسدو
وأنا ودى من اليابان مباشرة بس مو عارفة أراسلهم فى حبوب يبيعونها باليابان

ألف شكر على المساعدة



العفوو أختي واحنا جاهزين للخدمة ان شاء الله

تحياتي!

تصدق أخوي Mr. Jo إني توقعت إنكم بتروحون / http://ar.wikipedia.org/wiki/%D8%B3%...88%D8%B1%D9%88 ـ لأني ملاحظ إن البرد لايشكل مشكلة بالنسبة لكم [ ماشاء الله لاقوة إلا بالله ] وهي من المدن اليابانية الباردة جداً في هذا الوقت . الله يحفظكم .

ياسلام عليك اخوي .. توقعت انك تروح المدن الجنوبيه بس التوقع طلع مب في محله

متابعين اخي الكريم رحلتك عن هالمدنيه الجميله

أرجوك يا أبا علي لماذا تقلّب المواجع

سابورو فيها سابورو دومي الإستاد المغطى الأول في آسيا الذي استضاف مباريات المونديال الاسيوي وهو نفسه الذي شهد الفاجعة الألمانية في الشباك السعودية

ما احب هالمدينة

المشاركة الأصلية كتبت بواسطة QJQ
http://www.arabtravelersforum.com/tr...7/#post3594477

تصدق أخوي Mr. Jo إني توقعت إنكم بتروحون / http://ar.wikipedia.org/wiki/%D8%B3%...88%D8%B1%D9%88 ـ لأني ملاحظ إن البرد لايشكل مشكلة بالنسبة لكم [ ماشاء الله لاقوة إلا بالله ] وهي من المدن اليابانية الباردة جداً في هذا الوقت . الله يحفظكم .













صادق أخوي QJQ ......

احنا حبينا نغير شوي هالمرة .. وقلنا للبرد نحن ذاهبون ... وبما ان اليابان كانت هدف لنا لزيارتها .. فقلنا "سابورو" هي الانسب لنا في هذا لوقت ... مع انه بصراحة كنا نأمل زيارة اليابان في الصيف القادم للاستمتاع بجمال الطبيعة في هوكايدو التي قرانا عنها الكثير وصرنا حافظينها من كثر المعلومات .. لكن صارت موانع للسفر هذا الصيف واحنا انعرف حاليا في عوائق بس ان شاء الله اذا الله راد .. عائدون هناك في صيف العام القادم "ان شاء الله" للتمتع أكثر وأكثر .. وهذا وعد ان شاء الله اذا لنا في العمر بقية

تحياتي لك أخوي .. وتسلم على المتابعة الدائمة

المشاركة الأصلية كتبت بواسطة Stranger Man
http://www.arabtravelersforum.com/tr...5/#post3595735

ياسلام عليك اخوي .. توقعت انك تروح المدن الجنوبيه بس التوقع طلع مب في محله

متابعين اخي الكريم رحلتك عن هالمدنيه الجميله



هلا ومرحبا أخوي العزيز Stranger Man

هااردلك توقعك خاطيء ... وتسلم أخوي على المتاااابعة الداااااائمة والتشجيع

المدت الجنوبية الجميلة راح تكون هدف قادم ان شاء الله ...

وان شاء الله راح تشاهد اللي يعجبك ان شاء الله

المشاركة الأصلية كتبت بواسطة Star Xx
http://www.arabtravelersforum.com/tr...8/#post3597118

أرجوك يا أبا علي لماذا تقلّب المواجع

سابورو فيها سابورو دومي الإستاد المغطى الأول في آسيا الذي استضاف مباريات المونديال الاسيوي وهو نفسه الذي شهد الفاجعة الألمانية في الشباك السعودية

ما احب هالمدينة




هلا ومرحباااا أخوي العزيز Star Xx

كلامك صحيح جداً عن هالملعب الرائع

بعدين لا مواجع ولا غيره اخوي ... هالمباراة راحت انتهت وفي طي النسيان .. وكأس العام بشكل عام كان للنسيان ايامها بس بعدين مب مثلنا هزمتنا البرازيل 8 في ملعبنا خخخخخ الله يعين بس ياخوك ...
هالمدينة حلوة جداً .. ماعرف لو زرتها قبل او لا .. بس حبيتها من اول يومين

ان شاء الله تعجبك بعد مهرجان الشتاء ان شاء الله

الفصل الرابع عشر: 10-فبراير-2010 (سوسوكينو Susukino )

أصبحنا وأصبح الملك لله ... اليوم قررنا استكمال رحلتنا التي بدأناها بالأمس بحديقة أودوري .. اليوم قررنا نسير مكان آخر يحتضن فعاليات مهرجان الشتاء ولو بشكل أقل .. منطقة "سوسوكينو" التي تعتبر أكبر منطقة حيوية واثارة شمال العاصمة "طوكيو" ...

الجو اليوم ولين الحين بااارد جداً ... لدرجة انا قدرنا نتمشى قليلاً فقط في "سوسوكينو" وعدنا أدراجنا للفندق في انتظار تحسن حالة الجو في الساعات القليلة القادمة لمحاول الخروج مرة أخرى ان شاء الله


المهم دعوني أشارك معكم بعض الصور للمنطقة الحيوية ....

أول شي دعوني أشارك معاكم هذه الخريطة لمترو افاق سابورو الرئيسي



احنا محطتنا اول وحده يسار تحت "شن سابورو" اللي هي خارج المدينة حقيقة ... لكت القطار مايقصر .. 20 دقيقة واحنا في قلب الحدث ...

أول صورة واحنا في محطة "سوسوكينو" .. هي خريطة المنطقة:



وهذه أول صورة لما خرجنا خارج المحطة:




وهذه بعض صور الشارع الرئيسي ...



أعتقد هذا ثاني ماكدونالدز انا شفته شخصيا بس اسمه بالياباني



ومن هنا بداية الأشكال الجميلة في الثلج







صورة أخرى للمنطقة وللشارع الرئيسي الذي يحتضن الحدث



وشووفوو الجمال في هذه الصورة



وشفت "القبقب" مسجون في هالثلج



ونعود لأجواء الشارع .. البنايات ... المحلات ... اشكال الثلج





الرجل الآلي اللي على اليمين مب غريب علي .. بس نسيت اسمه





مناظر أخرى للمنطقة:







شفت القبقب بععععد



وهذا وااحد ثاني وثالث




بسكم .. نرجع للمهرجان









للي يعرفون كوفي الثلج في تايمز سكوير على شارع الشيخ زايد .. هذا واحد في الهواء الطلق خخخخ
بس هذا مطعم لووول



شوفي الكراسي والطاولات داخل




وهذه كانت آخر صورة لي في المنطقة.. ونظراً للبرودة الشديدة آثرنا العودة ديارنا .. إلى أن تهدأ الامور ان شاء الله




وسلااامتكم يا اصحاااب

الله يسلمك ويعطيك الف عافيه
روووووووووووووووووعه الاماكن و الصور بس وانا اخوك يدي ثلجت من صوره

برررررررررد

الف الحمدلله عالسلامه

الحمدلله على السلامة :36_1_39: أخوي العزيز Mr. Jo ماشي .


على فكرة : حسب معلوماتي أنت أول عضو في المنتدى يكتب تقريره Live ومن قلب الحدث [ مب مثلي سنتين عشان أكمل التقرير :109: ] .

الله يحفظك في حِلك وترحالك

الحمدلله على السلامه اخوي وقرت عينك بشوفة البلاد والاهل

تقرير رائع وجميل صراحه استمتعت فيه وهيض مشاعري وذكرياتي عن اليابان
صراحه انا ناوي ارجع مره ثانيه لليابان وخاطري اجمع معلومات كثيره عن مدن غير اللي زرتها فا لوتساعدني بإعطائي مواقع تتحدث بشكل مفصل عن المدن اليابانيه بالانجليزي لان بصراحه تعبت اغلب مواقعهم بالياباني
ومانسى اخوي qjq اللي مب مقصر واذا قرأ ردي هل ينصحني افتح موضوع مستقل ولا اكتفي بردي هذا ؟

والحمدلله على السلامه مره اخرى

حياك الله أخوي العزيز Stranger Man وبالنسبة لي فإن أفضل المواقع هي التالية


http://www.jnto.go.jp/eng/

http://www.japan-guide.com/


والشور شورك إذا تبغي تفتح موضوع جديد [ خذ راحتك ]


بالتوفيق إن شاء الله

الله يجزاك خير اخوي qjq على الموقعين .. جاري تصفح الموقعين واخذ فكره وإن شاء الله لي عوده وفتح موضوع جديد بالاستفسارات

المشاركة الأصلية كتبت بواسطة 2aj
http://www.arabtravelersforum.com/tr...9/#post3602569

الف الحمدلله عالسلامه



الله يسلمك أخوي الغالي 2aj
وشكراً على المتابعة الدائمة .. والف ترليون مبروووووووووك على الاشراااف

تحياتي لك

المشاركة الأصلية كتبت بواسطة Stranger Man
http://www.arabtravelersforum.com/tr...7/#post3602687

الحمدلله على السلامه اخوي وقرت عينك بشوفة البلاد والاهل

تقرير رائع وجميل صراحه استمتعت فيه وهيض مشاعري وذكرياتي عن اليابان
صراحه انا ناوي ارجع مره ثانيه لليابان وخاطري اجمع معلومات كثيره عن مدن غير اللي زرتها فا لوتساعدني بإعطائي مواقع تتحدث بشكل مفصل عن المدن اليابانيه بالانجليزي لان بصراحه تعبت اغلب مواقعهم بالياباني
ومانسى اخوي qjq اللي مب مقصر واذا قرأ ردي هل ينصحني افتح موضوع مستقل ولا اكتفي بردي هذا ؟

والحمدلله على السلامه مره اخرى








الله يجزاك خير اخوي qjq على الموقعين .. جاري تصفح الموقعين واخذ فكره وإن شاء الله لي عوده وفتح موضوع جديد بالاستفسارات



الله يسلمك ويسلم غاليك أخوي العزيز Stranger Man

الله يخليك وتسلم على المتابعة الدائمة والإشادة

وأنا أقولك .. ارجع مرة ثانية ... اليابان تستاهل .. واعتقد أخوي QJQ ماقصر في الاجابة .. اعتقد هالموقعين من اهم المواقع اللي اعتمدت عليهم بعد انا في البحث عن اليابان والمدن والتخطيط للرحلة ...

عندك هالموقع بعد ينفع لأوساكا بالتحديد: http://www.osaka-info.jp/en/


وعندك بعض هالمواقع لمدينة كيوتو:

http://kyotoeguide.com/

http://www.pref.kyoto.jp/visitkyoto/en/

http://www.kyotokyoto.jp/


وهالمواقع لمدينة "طوكيو":

http://www.tourism.metro.tokyo.jp/english/

http://tokyoeguide.com/

ان شاء الله تستمتع أخوي بزيارتك وننتظر منك تقرير على اعلى مستوى ان شاء الله

المشاركة الأصلية كتبت بواسطة QJQ
http://www.arabtravelersforum.com/tr...4/#post3602644

الحمدلله على السلامة :36_1_39: أخوي العزيز Mr. Jo ماشي .


على فكرة : حسب معلوماتي أنت أول عضو في المنتدى يكتب تقريره Live ومن قلب الحدث [ مب مثلي سنتين عشان أكمل التقرير :109: ] .

الله يحفظك في حِلك وترحالك

الله يسلمك أخوي الغالي والعزيز QJQ

هيه والله صدقت . رجعنا للزحمة واللي قلت عنهم خخخ الله يعين ويطول صبري ان شاء الله ....

اتصدق .. المشكلة "بوطبيع ما اييوز عن طبعه" .. اتعلمت كم شغله هناك في اليابان ,,, وصلت البلاد .. رجعت مثل اول ... الله يعين بس

بس مثل ماقلت .. "اماراتنا" الحبيبة غير والله .. خاصة لما تكون بين اهلك وناسك


وكلامك الاخير يزيدني شرف اخوي واتمنى أكون عند حسن الظن ان شاء الله ..... انت صحيح خذت سنتين .. بس سطرت موضوع اسطوري والحق يُقال ... ليس مجاملةً مني .. ولكنها الحقيقة والله يشهد ... موضوعة عبارة عن مكتبة معلوماتية عن هالبلد الرائع ....

تسلم على المتابعة الدائمة .. والله يوفقك أخوي دوم ان شاء الله

الحمد الله على السلامه اخوي

وتقرير راااااائع وكان مختصر لكن معذور لانك في قلب الحدث

لكن ننتظر البقيه وماخبرتنا عن اكلهم وين كلتوا في اي المطاعم ؟ والسكن

وعندي سؤال كيف دليتوا الاماكن اللي رحتوها يعني كنتوا مخططين من قبل ؟ والا سألتوا هناك؟ لان اسم محطتكم مامرت علي في التقارير السابقه ..! والا فيه عدة محطات ممكن الواحد يستخدمها ؟

وهل تكفي اليابان السفر لها مدة اسبوع - تحديدا طوكيو - ؟

والسموحه ^^

المشاركة الأصلية كتبت بواسطة Mr. Jo
http://www.arabtravelersforum.com/tr...3/#post3609813

وكلامك الاخير يزيدني شرف اخوي واتمنى أكون عند حسن الظن ان شاء الله ..... انت صحيح خذت سنتين .. بس سطرت موضوع اسطوري والحق يُقال ... ليس مجاملةً مني .. ولكنها الحقيقة والله يشهد ... موضوعة عبارة عن مكتبة معلوماتية عن هالبلد الرائع ....

تسلم على المتابعة الدائمة .. والله يوفقك أخوي دوم ان شاء الله[/COLOR][/SIZE]

+1

المشاركة الأصلية كتبت بواسطة 2aj
http://www.arabtravelersforum.com/tr...9/#post3610349

+1




هلا وغلا والله أخوي 2aj مرحبا الساااااع!!

السلام عليكم
تقرير رائع ولاكن عندي سؤال
نوينا السفر مع العائله
بالنسبه للحجاب في اليابان هل يوجد مضايقات من هذه الناحيه ام ان الامور متيسره؟
وهل يتحدث الشعب الياباني الانجليزيه ام مثل الكوريين نسبه قليله وكيف التعامل معهم؟
جزاك الله خيراااا

يعطيك العافيه اخوي

بصراحه من الصور شجعتني اسافر اليابان بس انا وحده متعقده من الثلوج هههههه

الحمدالله على سلامتكم اتمنى قضيتو وقت ممتع وتوفقتو بالرحله