السلام عليكم جميعا
اليوم حابه اعرض عليكم مشكله متعبتني نفسيا ومجننتني يمكن احصل عند حد فيكم حل
ياناس انا مدمنه سفر تعبت نفسيا تفكيري صار كله في السفر ماعاد افكر في اي شي غير اني ابي اسافر احاول اشغل نفسي في امر ثاني مقدر احس السفر هو متعتي الوحيده في هاذي الدنيا واحلى لذه في الحياه
في الدوام انا وصديقتي نفس حالتي تخيلوا من نصبح الصبح واحنا سوالف عن اوروبا وعن السفر وودنا نروح وحدنا متعذبات واحنا نتكلم احس زهقنا البنات اللي معانا خخخخخ
اقول حق زوجي اذا تبي تهديني شي يفرح قلبي اهديني تذكره
زوجي يقولي عاد لازم نفكر في المستقبل ونجمع بس من اقوله واجيب طاري السفر قالي قدااااااام حتى هو خربته وصار نفسي
وش الحل لادمان السفر ومن نفس حالتي ؟ احس محد مثلي تخيلوا اذا جاء الشتاء في اوروبا اعد الايام علشان تمر بسرعه ويجي الربيع واقدر اروح حاله غريبه ومتعبه.. لي سنين اعاني منها.. قلبي تعلق فيج يااوربا
مع ان الود ودي اروح في الشتاء وبعدين في الربيع وبعدين في الخريف بس مابي الصيف لانه حر .. سفره وحده في السنه ماتشبعني ابد ابد .. بصرااحه انا احس في اوروبا نقدر تستانس نطلع نمشي نشم هوا اماكن كثيره نقدر نروح لها عكس بلادنا اللي كل مشاويرنا بالسياره وغير الجو مايساعد
تخيلو توني جايه من اسبوع بس وقبل 4 شهور بعد كنت في اوروبا وقبلها بفتره بسيطه بعد كنت هناك ماشبع كلش كلش كلش والحين ابي اسافر
انا عرضت عليكم مشكلتي وبما ان هذا الموقع حق سفر وانا بكل صراحه احسه بيتي الثاني اتوقع فيه اكيد نفس حالتي لو شي بسيط خلونا نشتكي ونفض فض لبعض لعل وعسى اذا فضفضنا نرتاح شوي
انتظر تعليقكم على جنوووني وخلوني اشوف اذا في حد عنده نفس الجنون وحب السفر والمغامرات
اختكم بنت اوروبامواضيع عشوائيه ممكن تكون تعجبك اخترناها لك:
- الدراسة في الخارج
- أطـول ممشى فـوق الـشـجر
- قراءة فى يومبات الحاج وحجا مبروراً فلاشي
- ْْْْ ثـقـــــــــــافـة الـــــردود ْْْ
- خالد ابو مشاري بوحميد الف مبروووك لنا ولكم
- حتى فهمها ؟؟
- استشارة عاجلة
- كم نشتاق لكــ رثاء في والدي رحمه الله ❤
- الفوائد الطبية لنبات المراميه
- أبـــواب و قــــوارب من الحـــيـــــاة
- عذراً زوجتي الحبيبة ۔ فقد مللتك
- الحيوان في بعض الاحيان اوفئ من الانسان سووري على قوووة العنوان قصه و قصيده
- رحبو فينى
- المائدة الرمضانية
- وادي الاباريق
- سـحلـيه تـنـقـذ اخـتـها من المـوت
- والله أني أقرأها والدمع ينزل من عيني
- صور لانثي الدب وهي تادب ابنتها
- القوانين العشر
- للناسِ أعماقٌ أشدُ خطورةً من البحار
المفضلات