السلام عليكم جميعا
اليوم حابه اعرض عليكم مشكله متعبتني نفسيا ومجننتني يمكن احصل عند حد فيكم حل
ياناس انا مدمنه سفر تعبت نفسيا تفكيري صار كله في السفر ماعاد افكر في اي شي غير اني ابي اسافر احاول اشغل نفسي في امر ثاني مقدر احس السفر هو متعتي الوحيده في هاذي الدنيا واحلى لذه في الحياه
في الدوام انا وصديقتي نفس حالتي تخيلوا من نصبح الصبح واحنا سوالف عن اوروبا وعن السفر وودنا نروح وحدنا متعذبات واحنا نتكلم احس زهقنا البنات اللي معانا خخخخخ
اقول حق زوجي اذا تبي تهديني شي يفرح قلبي اهديني تذكره
زوجي يقولي عاد لازم نفكر في المستقبل ونجمع بس من اقوله واجيب طاري السفر قالي قدااااااام حتى هو خربته وصار نفسي
وش الحل لادمان السفر ومن نفس حالتي ؟ احس محد مثلي تخيلوا اذا جاء الشتاء في اوروبا اعد الايام علشان تمر بسرعه ويجي الربيع واقدر اروح حاله غريبه ومتعبه.. لي سنين اعاني منها.. قلبي تعلق فيج يااوربا
مع ان الود ودي اروح في الشتاء وبعدين في الربيع وبعدين في الخريف بس مابي الصيف لانه حر .. سفره وحده في السنه ماتشبعني ابد ابد .. بصرااحه انا احس في اوروبا نقدر تستانس نطلع نمشي نشم هوا اماكن كثيره نقدر نروح لها عكس بلادنا اللي كل مشاويرنا بالسياره وغير الجو مايساعد
تخيلو توني جايه من اسبوع بس وقبل 4 شهور بعد كنت في اوروبا وقبلها بفتره بسيطه بعد كنت هناك ماشبع كلش كلش كلش والحين ابي اسافر
انا عرضت عليكم مشكلتي وبما ان هذا الموقع حق سفر وانا بكل صراحه احسه بيتي الثاني اتوقع فيه اكيد نفس حالتي لو شي بسيط خلونا نشتكي ونفض فض لبعض لعل وعسى اذا فضفضنا نرتاح شوي
انتظر تعليقكم على جنوووني وخلوني اشوف اذا في حد عنده نفس الجنون وحب السفر والمغامرات
اختكم بنت اوروبامواضيع عشوائيه ممكن تكون تعجبك اخترناها لك:
- ما يخيف الرجل ؟
- اجعل اخلاقكـ تلامس السحآآب تفضلو ماراح تندمو
- حماكم الله
- تتناول الفاكهة بشكل فعال ومفيد
- أن تعيش لغيرك
- فن التعامل مع الابناء
- كَوبْ قَهوَه أغرَقَنِيْ
- اعرف شخصيات الآخرين باربعة ابيات من شعر ابي العتاهية
- ضروري جدا ..ابني رضيع تاشيرته شنغن من فرنسا هل يستطيع دخول النمسا ؟؟
- كيف ينزل المطر نظرية محشش ؟؟
- صــــور و لـحــظــــــــات رائـعــــــــة
- طريقة ربط حسابك في المنتدى بحساب ياهو
- قصة مؤثرة لشاب وقع في الزنا وابتلاه الله
- نصائح مفيدة لتحسين صحة الجهاز الهضمي
- حادث شاحنة البيض
- فيلم أزمة السكن برؤية سينمائية المحور الاقتصادي لأزمة السكن
- تواقيع العرسان
- شتات العمر
- وَلَدْ سدِيْرْ ، أَلْــ ــفْ مبروووك
- أصآبعك ماهي سوآ
المفضلات