السلام عليكم ورحمة الله وبركاتة ...
اخواتي العزيزات ... اول شيء حياكم الله ومرحبا بكم في دولتنا الامارات ... وان شاء الله اقامة طيبة لكل شخص حاب يزور بلادنا وياهلا به ومسهلا ...
عندي ملاحظات لبعض البنات اللي يكتبون هني ...
1- الامارات دولة عربية مسلمة وفيها مسلمين ومواطنين والحمدالله احنا النساء نتمتع بخصوصيه كاملة ولا نشوف اي مضايقات من الرجال الا ما ندر
2- بخصوص الصالونات ... يا قلبي لا تروحون صالونات الفنادق لانها طبيعي بتكون مختلط ... اما الصالونات الخارجية فهي للنساء وللنساء فقط ... ومستحيل تكون مختلط الا اذا كانت بإدارة اجنبية .. وهذيلن الصالونات نادرة جداً واغلبيتهم اما في الفنادق او المولات .
3- بخصوص السيدات الراغبات في الخصوصية فانا اطمن كل امراة انه شيوخنا ماشاء الله ماقصروا وحطوا قوانين تردع اي شاب من اي جنسية كانت انه يتحرش ... واذا صار فاعلمي انه مب اماراتي .. وان كان اماراتي فهو جاني على نفسه ..
لان القانون يقف هنا لصالح السيدة ويوقف اي رجل عند حده مع انتشار رجال الامن في المولات والاسواق
4- دولة الامارات تعتبر دولة امانة جداً في كل اماراتها واخص بوظبي ودبي .. الحمدالله احنا نعيش في امن واماااااااااااان لدرجة نرقد وبيبان بيوتنا نادر مانسكرها ...
5- يا بنات وياحريم .. الحريم اللي تشوفونهم في المولات متبرجات او عاريات او حتى اللي يندرجن تحت مسمى كاسيات عريات ... اقولها لكم بالفم المليان .. هيلا مب اماراتيات وانما دخيلات علينا ولا يمثلونا في اي شيء كل انسان يحمل افكارة الخاصة ...
انا بنت عرب واتكلم بصفتي وحده عاشت في الامارات الحمدالله نداوم بانقبتنا ... ولنا خصوصيتنا في العمل كان اختلاط او خاص بالنساء ...
الامارات الحمدالله عطتنا كل شيء كنا نتمناه .. عطتنا الوظايف وصرنا نشغل كل مجال .. ومانلقى الا كل احترام من اخوانا الشباب في العمل او خارج العمل ..
اللي بتقول غير جذه هذي لانها انسانه ماحترمت نفسها لذلك محد احترمها ...
وارجع اقول بلادنا فيها حرية ولكن بحدود احنا يا بنات الامارات حطينها لانفسنا ... منا الزوجة والام ..والاخت والموظفة والابنة ... وكلنا هني في بلادنا يد وحده ... نحمدالله على كل شيء ....
واخيراً حبيت اوصل لكم فكرة دائماً تتردد في عقولكم وهي هل الامارات دولة منفتحة او منغلقة .. اقول احنا دولة وسطية في كل شيء ..
وياهلا وسهلا بكم واي استفسار خاص بالاسواق او الصالونات او اي شيء يخص النساء ... انا حاضرة لكل استفسارتكم ... مايردكم الا الكيبورد ...
واسمحولي لاحد يسالني عن السكن او الفنادق لاني ماعرف غير بيتنامواضيع عشوائيه ممكن تكون تعجبك اخترناها لك:
- الوايلد وادي
- الى عرب لينك مع التحيه
- امطارغزيره واجواء جميله تصاحب احتفالات الامارات بالعيد الوطني
- افتتاح متاجر جديدة في برجمان
- فندق الانتر فستيقل ستي
- استفسار مهم ضروري الرد
- ما هي أفضل منطقة سياحية للسكن في ابوظبي ؟
- كم سؤال عالسريع
- فندق الميدان صراحة ما يستاهل نجوم
- عرب لنك لماذ كل هذا التاخير
- افتتاح السوق الإماراتي بمركز ميجا مول الشارقة
- عاجل قبل اسقاط النظام
- صحيفة تايمز تختار دبي ضمن أفضل وجهات لشتاء
- الفزعه يالربع مابقى شي على السفر واحتاج مساعدتكم
- هل يوجد محطه مترو في مطار دبي
- يا اهل الامارات ياريت تفيدوني
- بخصوص الترانزيت الرياض الي دبي
- إقتراح إحداثيات الأماكن
- سالى احبابي في ابوظبي
- الشيخ محمدبن راشد المكتوم يرحب بزوار الامارات عبر تويتر
المفضلات