الموضوع: يومين بالكويت ان شاء الله

السلام عليكم ورحمه الله وبركاته

انا ناوي اطلع من الدمام للكويت انا وزوجتي يوم الربوع الجاي الموافق 08/06 راح احرك من الدمام الساعه 4 بالسيارة وقاصد العاصمه الكويت على كلام الشباب المده راح تكون حول الـ 4 ساعات يعني على الساعه 8 وشوي بأذن الله راح اوصل العاصمه يعني بتعشى وبشوف لي فندق اريح لأني بطلع من العمل على طول وامسك الخط وماراح يكون فيني طاقه للتمشيه وبحول الله راح ابات ليله الخميس وليله الجمعه ويوم الجمعه على الساعه 4 العصر راح احرك للسعوديه

هذي اول زياره لي للكويت وانا مو راعي سفرات عشان كذا حاب استشير اصحاب الخبرات الميزانيه اللي حاطها في بالي 1500 ريال ان شاء الله تكفي يعني حول 110 دينار كويتي

استفساراتي كالتالي

1 يحتاج اصرف عمله ولا ماله داعي " اصرف داخل الكويت ولا من السعوديه افضل"
2. السكن ابي فندق يكون سعره معقول ومايقضي على كل ميزانيتي
3. برنامج سياحي من الصباح حتى المساء ليوم الخميس والجمعه "يشمل مجمعات و مناطق تمشيه مفتوحه - مثلاً كورنيش".

بالنسبه للمطاعم الأكل آخر همي لكن اذا في شيء يستاهل الزيارة ياليت تفيدوني

طبعاً مايحتاج اسأل عن الجو الحال من بعضه حر ورطوبه

مواضيع عشوائيه ممكن تكون تعجبك اخترناها لك:

• مناظر مدينة الاحمدي ليلا بعدستي
• وزارة الصحة والجمارك؟
• ممكن مساعده؟؟
• ماهي الأماكن الترفيهيه في الكويت
• مراسلتكم من حولي بارك
• انقذوني بشقق في الكويت وش سالفه ارقام التليفون ؟؟ ما تشبك ؟
• ممكن توضحوا لي وين يصير شارع فرنسا او باريس
• اريد شقق عائلية في الكويت
• يااهل الكويت الكرام
• ويــــــيــــن اروح في الكويت
• شكرا جزيلا أخوي بيت الكويتي
• استفسار بسيط
• طيران الجزيرة» تطلق خدمة « » لتمكين المسافرين من استخدام هواتفهم النقالة
• عيد الكويت
• سؤال لاهل الكويت
• وكيل شركة موبيل للزيوت للسيارات
• إستفسار بخصوص تفصيل الثياب الكويتية
• ممكن الإفادة من أحبائي الأعضاء
• من فضلكم دلوني على اقرب سكن لهذا المكان
• انا بالكويت

المشاركة الأصلية كتبت بواسطة alzakri
http://www.arabtravelersforum.com/tr...4/#post5455590

السلام عليكم ورحمه الله وبركاته

انا ناوي اطلع من الدمام للكويت انا وزوجتي يوم الربوع الجاي الموافق 08/06 راح احرك من الدمام الساعه 4 بالسيارة وقاصد العاصمه الكويت على كلام الشباب المده راح تكون حول الـ 4 ساعات يعني على الساعه 8 وشوي بأذن الله راح اوصل العاصمه يعني بتعشى وبشوف لي فندق اريح لأني بطلع من العمل على طول وامسك الخط وماراح يكون فيني طاقه للتمشيه وبحول الله راح ابات ليله الخميس وليله الجمعه ويوم الجمعه على الساعه 4 العصر راح احرك للسعوديه

هذي اول زياره لي للكويت وانا مو راعي سفرات عشان كذا حاب استشير اصحاب الخبرات الميزانيه اللي حاطها في بالي 1500 ريال ان شاء الله تكفي يعني حول 110 دينار كويتي

حياكم الله في ديرتكم وهذي الساعه المباركه ..


استفساراتي كالتالي

1 يحتاج اصرف عمله ولا ماله داعي " اصرف داخل الكويت ولا من السعوديه افضل"

لازم تصرف وانت وكيفك تبي بالسعوديه ولا الكويت ..

2. السكن ابي فندق يكون سعره معقول ومايقضي على كل ميزانيتي

بما ان ميزانيتك اشويه الاحسن وارخص ايبيس شرق يطلع عليك 45 دينار و شقق ميراج 60 وايبيس السالميه 61 الارخص شرق تلقاهم في سايت booking.. جذي راح يفضل من ميزانيتك 65 دينار .. اتكفيك اكل عادي مو مطاعم وتسوق خفيييييف

3. برنامج سياحي من الصباح حتى المساء ليوم الخميس والجمعه "يشمل مجمعات و مناطق تمشيه مفتوحه - مثلاً كورنيش".

مثلا الخميس الصبح تروحون المركز العلمي وبعدها تروحون مارينا مول وتقعدون في القهاوي اللي على البحر او تروحون سوق السالميه اللي عند دوار الجوازات .. اتخلصون اتغدون في ميس الغانم ومن بعد الغدا تروحون الابراج وبعد الابراج اتمشون في سوق شرق .. خلصتوا من سوق شرق المغرب تروحون المباركيه واتسوقون فيها واتعشون في مطاعمها الشعبيه ..

الجمعه الصبح تروح مجمع الافنيوز او تمشى في شارع سالم المبارك بالسالميه في مولاته لان حر مو معقوله بتمشى بره وتقدر لي العصر تروح مجمع 360 في جنوب السره وانتوا اللي طالعين وماخذين خط الملك فهد ..

بالنسبه للمطاعم الأكل آخر همي لكن اذا في شيء يستاهل الزيارة ياليت تفيدوني

كل زوار الكويت يحرصون على فريج صويلح اكل كويتي وميس الغانم لبناني .. ويزورون المباركيه ..

طبعاً مايحتاج اسأل عن الجو الحال من بعضه حر ورطوبه



بالضبط الحال من بعضه بس من غير رطووبه والله اعلم ..

انا اقول لو تزيد ميزانيتك حبتين احسن اشوي ..

وحياكم الله في الكويت

شكراً على سرعه الرد

الله يعطيك الف عافيه

أحلى شي بالكويت المطاعم

وجه نظر

لكن انا بطني آخر همي وعلى فكره السائح ينظر للبلد نظره تختلف عن اهل البلد وممكن اشياء كثيره تلفت نظر السائح اهل البلد مايلاحظونها لأنهم تعودو يشوفون هذا الشيء قدامهم ومايحسون انه مميز

حياكم الله في ديرتكم

اول شي حياكم الله بين اهلكم
بالنسبه للفندق في فندق اسمه ميراج على البحر يم فندق ميرديان سعره رخيص اعتقد الليله بالغرفه العاديه 30 دينار بس الغرفه عيبها صغيره بس مكان الفندق حلو
اما بالنسبه للبرنامج السياحي عندك الافنيوز او المارينا مول و كرسنت اللي اهو يكون المطاعم اللي علي البحر و في مجمع 360 وانصحك تودي زوجتك كافيه اسمه كاكاو وااااي لذيييذ احنا الحريم نحب نحلي ) هذيلا افضل المجمعات عندنا وانت قسم الوقت ببراحتك
ساعتكم مباركه

حيااك الله اخوووي


بس الميزانيه لو تكون 300 دينار افضل من 110 لا احتجت شي يكون عندك ميزانيه

و يومين و وقتك حلو بس زحمه علشان ويك اند


و حياك الله مره ثانيه

اخوكم ولد خمس نجوم

شكراً على الردود والاقتراحات

ومثل ماذكرت هذي اول زيارة واذا انتوا شايفين انه يحتاج زياده المبلغ راح ازيد مع اني كنت ناوي اخذ مبلغ احتياط لكن كذا راح ازيد السيوله

المشاركة الأصلية كتبت بواسطة alzakri
http://www.arabtravelersforum.com/tr...4/#post5455590

هذي اول زياره لي للكويت وانا مو راعي سفرات عشان كذا حاب استشير اصحاب الخبرات الميزانيه اللي حاطها في بالي 1500 ريال ان شاء الله تكفي يعني حول 110 دينار كويتي

استفساراتي كالتالي

1 يحتاج اصرف عمله ولا ماله داعي " اصرف داخل الكويت ولا من السعوديه افضل"
2. السكن ابي فندق يكون سعره معقول ومايقضي على كل ميزانيتي
3. برنامج سياحي من الصباح حتى المساء ليوم الخميس والجمعه "يشمل مجمعات و مناطق تمشيه مفتوحه - مثلاً كورنيش".

بالنسبه للمطاعم الأكل آخر همي لكن اذا في شيء يستاهل الزيارة ياليت تفيدوني

طبعاً مايحتاج اسأل عن الجو الحال من بعضه حر ورطوبه



حياكم الله
1. المبلغ اتوقع انه يحتاج زياده للضعف اقل شي اذا كنت ناوي تتونس بجد
2. السكن افضل شي تحجز من موقع بوكينغ booking.com راح تلقى جميع الأسعار والفنادق اشكال وانواع
3. برنامج سياحي :
انصحك بزياره المركز العلمي " الاكواريوم" زارته ملكة استراليا و نجادي مال ايران وكلهم انبهروا فيه ،، وتقدر عنده تتمشى ع البحر هناك المنظر روووعه ويفتح النفس
وطبعا طبعا انصح بزياره الافنيوز اللي تقريبا صار معلم من معالم الكويت هناك في محل بينك بيري عنده روب بطعم روعه مع فواكه وفي محل اسمه جوكليت بار هم روووعه جو يصلح للمتزوجين
وحلو انك تتريق " تفطر" في ابراج الكويت ،،، الفطور هناك منعش بوفيه مفتوح قبه متحركه سعر الإفطار مناسب جداً تقريبا 3 دك مكان هادئ وماتحصل فيه اي ازدحام
مجمع 360 هم كثييير حلووو يستحق الزياره

ودي أقولك زور المدينه الترفيهيه لان فيها العاب تناسب كبار وبدون بهدله يعني تركب وتنزل وانت مرتب ومستانس ،،، بس الجو بالمره مايساعد
وللعلم ان هاليومين درجه الحراره في الكويت وصلت لدرجات غير مسبوقه

بالنسبة لمطعم ميس الغانم أنا ما انصحك فيه غالي عالفاضي اكله جداً عادي
فريج صويلح اذا كنت من محبي الاكل الكويتي حبه الرز الضعيفه فليش لا
المطاعم انصحك باللي تكون داخل المجمعات عشان تكسب وقت وهم اصلا رووعه وتحسسك انك فالكويت

وبالنهاية الكويت كما هي معروفه به
مطاعم سوووق. سينما. *

شكراً على الرد و ان شاء الله المبلغ راح ازيده

وانا حددت المواقع وسويت خارطه وراح انزلها واستيشركم في البرنامج