الموضوع: سؤال بخصوص يوم السفر

مرحبا
انا رحلتي يوم 7 سبتمبر من الرياض يقولون فيه توقف بالشرقيه ساعه الا ربع وبعدها تكمل دايركت الى جاكرتا كم ساعه يعني بتاخذ الرحلة . واللي استغربه كني قريت لواحد كاتب انه الرحلات عن طريق الشرقيه ملغاه اجل كيف بنوقف فيها وبنقلع منها وحجزي اوكية. وبالنسبة لاستخراج الفيزا هل هم يتميلحون انه ما معهم معهم صرف والحركات ذي علشان تطفش وتمشي والا اجيب المبلغ نفسه لا زود ولا نقصان ورسوم الفيزة 25 دولار ولا في تغير هههههه بقى ثلاثه ايام على اول روحه لاسيا جااااااااااااااايك يا اندونسيا

مواضيع عشوائيه ممكن تكون تعجبك اخترناها لك:

• مسافر الي اندونيسيا
• مساعدة جعل والديكم في جنات النعيم والمسلمين آآجمعين
• من هونج كونج لجاكرتا
• افيدوني ياشباب في بالي
• أفضل فنادق خمس نجوم في مدينة سورابايا في اندونيسيا
• نصحية فندق عند الوصول لجاكرتا؟
• صندوق الامانات والسكن في بونشاك
• استفساااااااااااااااار لأهل المشوره
• المساج في بالي
• شباب ابي مساعدتكم بليززززز مشل بجحز الطيران
• استفسارات متعددة للعضو الان فزعه
• الف بـ اندونيسيا
• اريد المساعد بخصوص لومبوك
• برنامج سياحي يالنشاما
• ممكن مساعدتكم للحجوزات ضروري
• اماكن في بالي
• ÷ خبراء أندونيسيا لحظات من وقتكم الثمين÷
• ياجماعه طالع يوم عشره ايام ممكن تحطو لي برنامج الله يعافيكم
• خبراء مكاتب الاستقدام باندونسيا ساعدوني وبسرعه
• استفسار عن حجز تذاكر الرياض جاكرتا من الانترنت

فيه رحلات على مطار الدمام ياخوك وانا شفته لما كنت احجز

انت خلك حقنه وود معك فلوس على قد الفيزا سواء دولار او روبيه وان كنت بتعطيهم عطهم شي مايسوى 5 ريال

عز الله إنك ذيب النخل .. تسأل وتجاوب ياشنب .. وضعك طيب جدا مع الشكر

^^

بالحيل وضعه طيب


شف وأنا أخوك خل فلوس الفيزا بالدولار جاهزة على شان ماتيميلحون عليك مثل ماتقول

وعاد هم عادي عندهم يعني عيني عينك يبون فلوس على شان يفكونك من الزحمة


انا اقولك لاتعطيهم ولا شي لأ حقهم والله يتبو علينا بس

من ناحية الفيزا ابدا سلامة عمرك تعطيه 100$ يرجع الباقي لك .. انت لاتأخذ ولا تعطي معهم بالكلام خلص اجراءاتك وامشي ...

بصراحة بعض المرات يلعبون على الواحد تعطيه 100$ مايرجعلك 75$

يرجعلك بالروبية وتكون طبعاً ناقصة شوي....فاالأفضل أنك تصرف ال100$

من هنا أو إنك تبدل كم ريال للروبية حق التفييز...أشوف إنها طريقة صحيحة

هذي تصلح للي يروح وحداني أما إذا كانوا شلة أمرهم بسيط.

تعقيباً على كلامك من ناحية الرحلة نعم هناك توقف بالدمام إذا رحلتك على

الجارودا مدة ساعة تنزل ركاب وتاخذ ركاب وعلى طول لجاكرتا طبعاً الركاب

الي ينزولون جايين من جاكرتا مروراً بالرياض....وشكراً

والله اذا 5 دولار بتفكني من طابور ساعه بدفعها وانا مغمض

ماجاوبتوني كم الرحله من ساعة ؟؟ لانه بنروح عشره باليل وبنوصل بتوقيت اندونسيا 1 الظهر يؤؤؤؤ متى يئذن المغرب عز الله بموت من الجوع فارق توقيت ههههههههههه. المولات عندهم متى تقفل

المشاركة الأصلية كتبت بواسطة دبدوب النخل
http://www.arabtravelersforum.com/tr...2/#post4203292

ماجاوبتوني كم الرحله من ساعة ؟؟ لانه بنروح عشره باليل وبنوصل بتوقيت اندونسيا 1 الظهر يؤؤؤؤ متى يئذن المغرب عز الله بموت من الجوع فارق توقيت ههههههههههه. المولات عندهم متى تقفل



8.5 من هنا دايركت على جاكرتا + ساعه = 9.5 انت قول 10 ساعات

بالنسبة للمولات تصدق ناسي بس هي تقفل مبكر يعني الساعه 8 بالليل وان شاء الله الاخوان يصححون لنا اذا مخطئين..

طيب بيكون الوصل يوم 29 رمضان متى بيئذن المغرب تكفى لا تقول 8 باليل

المشاركة الأصلية كتبت بواسطة دبدوب النخل
http://www.arabtravelersforum.com/tr...9/#post4203329

طيب بيكون الوصل يوم 29 رمضان متى بيئذن المغرب تكفى لا تقول 8 باليل



بالنسبة لتوقيت صلاة المغرب يوم وصولك راح يكون الساعه 5:52

واليك الرابط لمواعيد الامساك في شهر رمضان في اندونيسيا



http://www.arabtravelersforum.com/re...%3D%26athan%3D

شكرا اختي سندي وماقصرتوا بصراحه

المشاركة الأصلية كتبت بواسطة دبدوب النخل
http://www.arabtravelersforum.com/tr...6/#post4203816

شكرا اختي سندي وماقصرتوا بصراحه



اخوكم /ابوفراس

محمدسندي

المشاركة الأصلية كتبت بواسطة سندي محضار
http://www.arabtravelersforum.com/tr...1/#post4204911

اخوكم /ابوفراس

محمدسندي




اسف اخوي مانتبهت وحقك على

والله يالغالي انا طلعت من المدينة على الدمام على جاكرتا

الوقوف في الدمام تقريبا 50 دقيقة تنزيل وتحميل ركاب ((جاكرتا واحد نفر ههههه)

والوقت من الدمام الى جاكرتا دايركت 7.45 دقيقة ( سبع ساعات وخمس واربعون دقيقة )